Коринфиязухъе тӀоцебесеб кагъат 4
4
4 бетӀер
МасихӀил чапарзаби
1МасихӀие хъулухъалъе чӀарал чагӀилъун рикӀкӀине ккола нужеца ниж. Нижее амру гьабун бугелъулха Аллагьасул балъголъи гӀадамазе загьирлъизабеян. 2Хъулухъалъе чӀарав чи цохӀо жиндирго бетӀергьанасе ритӀухъав вукӀине ккола. 3Дирго хӀакъалъулъ абуни, дие махӀги ургъел гьечӀо нужеца яги гӀадамазул кинаб букӀаниги судалъ дие хӀукму къотӀиялъул. Дицагоги къотӀуларо диего хӀукму. 4Дида гӀайиб гьечӀеблъи лъала дида. Амма гьелдалъун гуро дун ритӀухълъулев. ТӀадегӀанасин дие хӀукму къотӀизе бугеб. 5ТӀадегӀанав вачӀинегӀан лъицаниги лъиениги хӀукму къотӀуге. Гьес канлъуде босила бецӀлъукь бугебщинаб, рекӀелъ ругел къасдалгицин тӀатинарила. Гьеле гьебмехалда Аллагьасдасан щивав чиясе щвела жиндирго кири.
6Нужее лъикӀлъиялъе дица гьеб кинабго бихьизабуна, вацал, нужеда, Аполлосилги диргоги мисалги бачун, «хъвараб гурони лъугьунарилан» абурал рагӀабазул магӀна нужедаги бичӀчӀизе ва, лъикӀалги тӀокӀалги ругилан, цоцазда цере чӀухӀдарунгутӀизе.
7ХӀакъикъаталдаги сундалъун нуж цогидаздаса тӀокӀал ругел? Аллагьасдасан щвараб гуреб жо щиб нужелъ бугеб? Нужее гьеб нигӀматлъун кьунги бугеб мехалъ, цебего нужехъ гьеб букӀараб гӀадин, гӀамал кӀодолъун щай нуж лъугьунел?
8Гьайгьай, гьанже нуж гӀорцӀун руго! Гьанже нуж бечелъун руго! Ниж гьечӀониги, гьанже парччахӀзабилъун лъугьун руго нуж. Дие бокьилаан унго-унголъунги нуж парччахӀзабилъун лъугьунелани, нужеда цадахъ нижецаги парччахӀлъи гьабизе. 9Амма дида ракӀалде ккола Аллагьас ниж – чапарзаби, халкъалда цере чӀвазе къотӀарал чагӀи гӀадин, бищун ахиралда чӀезарун ругилан. ТӀолабго махлукъаталъе – малаикзабазеги гӀадамазеги ниж лъугьана байрамалда халкъалъе кепалъе рагъулезда релълъарал чагӀилъун. 10МасихӀие гӀоло ниж гӀабдалзабилъун рикӀкӀунел руго, МасихӀиде цолъарал нуж гӀакъилзаби руго. Ниж загӀипал руго, нуж къуватал руго. Нужер хӀурмат гьабула, ниж хӀакъир гьарула. 11Жакъа къоялде щвезегӀанги ракъунги къечонги руго ниж. Нижер ретӀелги хохораб буго, ниж рухулел-кьабулелги руго, мина-руссенги нижер гьечӀо. 12ЗахӀмат бихьун гурони хинкӀ-чедги щолеб гьечӀо нижее. Ниж хӀакъир гьарула – нижеца баркат лъегиян абула, нижее гӀазаб кьола – нижеца хӀехьола. 13Нижедасан мацӀ гьабула – нижеца лъикӀаб бицуна. Ниж гьаб дуниялалъе хӀур-кӀучлъун хутӀун руго, гьаб гӀаламалъеги чӀахӀ-къуллъун хутӀун руго.
14Нуж инжит гьаризе гуро, вацал, дица гьаб кинабго хъвалеб бугеб. Дирго хириял лъималазе гӀадин, гӀакълу кьолеб буго дица нужее. 15МасихӀил дарсал малъулев азарго мугӀалим нужер вугониги, эмен нужер цо гурони гьечӀелъул. Дун нужее эменлъун лъугьана, Рохалил хабаралдалъун дица нуж МасихӀиде цолъизаруна.
16Гьединлъидалин дида релълъун хьвадейилан гьарулеб бугеб дица нужеда. 17МасихӀил нухдасан дун хьвадулев вугеб куц нужеда ракӀалде щвезабизе гьале нужехъе витӀулев вуго ТӀадегӀанасе ритӀухъав ва дие хирияв васлъун лъугьарав Тимофей. Гьеб нухдасан хьвадейилан дица малъула киса-кибго киналго иман лъуразул агьлуялда.
18Нужеда гьоркьор руго нич гьечӀел гӀадамалги. Гьезда ракӀалде кколеб батила дун тӀокӀав гьениве вачӀинарилан. 19Амма, ТӀадегӀанасе бокьани, кватӀичӀого нужехъе вачӀина дун. Гьел нич гьечӀезул хабар-гаргар букӀин гуреб, къуват-гучги бугищали лъала дида гьебмехалда. 20Аллагьасул ПарччахӀлъи хабар-гаргаралъулъ гуро бугеб, къуват-гучалъулъин. 21Щиб нужее бокьилеб? Дун цӀалги босун вачӀинейищ, яги нужеде бугеб рокьиялъул цӀураб хӀеренаб рагӀигун вачӀинейищ?
Currently Selected:
Коринфиязухъе тӀоцебесеб кагъат 4: АварАК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023
Коринфиязухъе тӀоцебесеб кагъат 4
4
4 бетӀер
МасихӀил чапарзаби
1МасихӀие хъулухъалъе чӀарал чагӀилъун рикӀкӀине ккола нужеца ниж. Нижее амру гьабун бугелъулха Аллагьасул балъголъи гӀадамазе загьирлъизабеян. 2Хъулухъалъе чӀарав чи цохӀо жиндирго бетӀергьанасе ритӀухъав вукӀине ккола. 3Дирго хӀакъалъулъ абуни, дие махӀги ургъел гьечӀо нужеца яги гӀадамазул кинаб букӀаниги судалъ дие хӀукму къотӀиялъул. Дицагоги къотӀуларо диего хӀукму. 4Дида гӀайиб гьечӀеблъи лъала дида. Амма гьелдалъун гуро дун ритӀухълъулев. ТӀадегӀанасин дие хӀукму къотӀизе бугеб. 5ТӀадегӀанав вачӀинегӀан лъицаниги лъиениги хӀукму къотӀуге. Гьес канлъуде босила бецӀлъукь бугебщинаб, рекӀелъ ругел къасдалгицин тӀатинарила. Гьеле гьебмехалда Аллагьасдасан щивав чиясе щвела жиндирго кири.
6Нужее лъикӀлъиялъе дица гьеб кинабго бихьизабуна, вацал, нужеда, Аполлосилги диргоги мисалги бачун, «хъвараб гурони лъугьунарилан» абурал рагӀабазул магӀна нужедаги бичӀчӀизе ва, лъикӀалги тӀокӀалги ругилан, цоцазда цере чӀухӀдарунгутӀизе.
7ХӀакъикъаталдаги сундалъун нуж цогидаздаса тӀокӀал ругел? Аллагьасдасан щвараб гуреб жо щиб нужелъ бугеб? Нужее гьеб нигӀматлъун кьунги бугеб мехалъ, цебего нужехъ гьеб букӀараб гӀадин, гӀамал кӀодолъун щай нуж лъугьунел?
8Гьайгьай, гьанже нуж гӀорцӀун руго! Гьанже нуж бечелъун руго! Ниж гьечӀониги, гьанже парччахӀзабилъун лъугьун руго нуж. Дие бокьилаан унго-унголъунги нуж парччахӀзабилъун лъугьунелани, нужеда цадахъ нижецаги парччахӀлъи гьабизе. 9Амма дида ракӀалде ккола Аллагьас ниж – чапарзаби, халкъалда цере чӀвазе къотӀарал чагӀи гӀадин, бищун ахиралда чӀезарун ругилан. ТӀолабго махлукъаталъе – малаикзабазеги гӀадамазеги ниж лъугьана байрамалда халкъалъе кепалъе рагъулезда релълъарал чагӀилъун. 10МасихӀие гӀоло ниж гӀабдалзабилъун рикӀкӀунел руго, МасихӀиде цолъарал нуж гӀакъилзаби руго. Ниж загӀипал руго, нуж къуватал руго. Нужер хӀурмат гьабула, ниж хӀакъир гьарула. 11Жакъа къоялде щвезегӀанги ракъунги къечонги руго ниж. Нижер ретӀелги хохораб буго, ниж рухулел-кьабулелги руго, мина-руссенги нижер гьечӀо. 12ЗахӀмат бихьун гурони хинкӀ-чедги щолеб гьечӀо нижее. Ниж хӀакъир гьарула – нижеца баркат лъегиян абула, нижее гӀазаб кьола – нижеца хӀехьола. 13Нижедасан мацӀ гьабула – нижеца лъикӀаб бицуна. Ниж гьаб дуниялалъе хӀур-кӀучлъун хутӀун руго, гьаб гӀаламалъеги чӀахӀ-къуллъун хутӀун руго.
14Нуж инжит гьаризе гуро, вацал, дица гьаб кинабго хъвалеб бугеб. Дирго хириял лъималазе гӀадин, гӀакълу кьолеб буго дица нужее. 15МасихӀил дарсал малъулев азарго мугӀалим нужер вугониги, эмен нужер цо гурони гьечӀелъул. Дун нужее эменлъун лъугьана, Рохалил хабаралдалъун дица нуж МасихӀиде цолъизаруна.
16Гьединлъидалин дида релълъун хьвадейилан гьарулеб бугеб дица нужеда. 17МасихӀил нухдасан дун хьвадулев вугеб куц нужеда ракӀалде щвезабизе гьале нужехъе витӀулев вуго ТӀадегӀанасе ритӀухъав ва дие хирияв васлъун лъугьарав Тимофей. Гьеб нухдасан хьвадейилан дица малъула киса-кибго киналго иман лъуразул агьлуялда.
18Нужеда гьоркьор руго нич гьечӀел гӀадамалги. Гьезда ракӀалде кколеб батила дун тӀокӀав гьениве вачӀинарилан. 19Амма, ТӀадегӀанасе бокьани, кватӀичӀого нужехъе вачӀина дун. Гьел нич гьечӀезул хабар-гаргар букӀин гуреб, къуват-гучги бугищали лъала дида гьебмехалда. 20Аллагьасул ПарччахӀлъи хабар-гаргаралъулъ гуро бугеб, къуват-гучалъулъин. 21Щиб нужее бокьилеб? Дун цӀалги босун вачӀинейищ, яги нужеде бугеб рокьиялъул цӀураб хӀеренаб рагӀигун вачӀинейищ?
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023