Коринфиязухъе тӀоцебесеб кагъат 14
14
14 бетӀер
БатӀи-батӀиял мацӀазда кӀалъазе ва Аллагьасул амруял халкъалда лъазаризе бажари
1Рокьи нужелъ цӀикӀкӀине хӀаракат бахъе. Илагьияб РухӀалъ кьолеб махщел-гьунарги тӀалаб гьабе, сундасаго цӀикӀкӀун тӀалаб гьабе Аллагьасул амруял халкъалда лъазаризе бажари. 2БатӀи-батӀиял мацӀазда гаргадулев чи гӀадамаздехун гуро кӀалъалев, Аллагьасдехунин. Илагьияб РухӀалъул къудраталдалъун гьес балъголъи рагьулеб мехалъги, лъиданиги вичӀчӀуларо гьев. 3Аллагьасул амруязул хӀакъалъулъ бицунев чияс гӀадамазе насихӀат гьабула, къвакӀун чӀезеги ракӀ бохизеги кумек гьабула. 4БатӀи-батӀиял мацӀазда кӀалъаялъул пайда кӀалъалесе букӀуна, Аллагьасул амруял халкъалда лъазариялъул пайда иман лъуразул агьлуялъе букӀуна. 5Дие бокьилаан батӀи-батӀиял мацӀазда нуж киналго кӀалъазе, амма дагьабги лъикӀ букӀина Аллагьасул амруял халкъалда лъазаруни. Аллагьасул амруял халкъалда лъазарулев чи батӀи-батӀиял мацӀазда кӀалъазе лъалев чиясдаса тӀадегӀанав вуго. Иман лъуразул агьлуялъе пайда букӀуна гьел мацӀазда бицунеб жо бичӀчӀизабизе бажарулев чи гьезда гьоркьов вугони.
6Масала, нужехъе вачӀун дун батӀи-батӀиял мацӀазда кӀалъани, дидасан кинаб пайда, вацал, нужее букӀинеб? Аллагьасдасан амру нужеда лъазабулеб гьечӀони, цогӀаги гӀакълу-насихӀатги дидасан щолеб гьечӀони, – щибго пайда букӀинаро.
7Мисалалъе росилин рухӀ гьечӀел жал – щвантӀихги чагурги. Гьаркьал ратӀа рахъизе лъаларедухъ щвантӀих пулеб бугони яги чагур хъвалеб бугони, гьезда бачунеб бакъан кин лъалеб? 8Накъираялъул гьаракь магӀна бичӀчӀулареб бугони, рагъде хӀадурлъизехъин рукӀин кин лъалеб? 9Гьединго, лъиданиги лъалареб рагӀи бичӀчӀулареб мацӀалда дуца абулеб бугони, лъида мун вичӀчӀилев? Гьаваялда багъараб гьаракьлъун хутӀила дур калам. 10Дуниялалда цӀакъго гӀемерал мацӀал руго, амма магӀна гьечӀеб рагӀи цониги батуларо. 11Дида мацӀ бичӀчӀулеб гьечӀони, гьеб мацӀалъул чи дие чияр чи вуго, дунги гьесие чияр чи вуго.
12Илагьияб РухӀалдасан махщел-гьунар щвезе нужее бокьун батани, иман лъуразул агьлуялъе пайдаяб махщел-гьунар цӀикӀкӀинабе. 13БатӀи-батӀиял мацӀазда кӀалъалев чияс гьаризе ккола гьеб бичӀчӀизабизе гьунарги кьейилан. 14БичӀчӀулареб мацӀалда дица дугӀа гьабуни, – гьеб лъугьуна дилъ бугеб Илагьияб РухӀалъ гьабулеб, амма дир гӀакълу-пикру гӀахьаллъичӀеб дугӀалъун. 15Щибха дица гьабизе кколеб? РухӀалъ малъухъеги гьарила дица Аллагьасда, дирго гӀакълу-пикруялдалъунги гьарила. РухӀалъ малъухъеги ахӀила дица Аллагь веццарал туркаби, дирго гӀакълу-пикруялдалъун бичӀчӀараб куцалъги ахӀила. 16Дуца Аллагьасе рецц РухӀалъ малъухъе гьабулеб бугони, гьеб бичӀчӀизе гьунар гьечӀев чияс дуда хадуб «Амин» абиларо. Дуца щиб бицунеб бугебали лъаларелъулха гьесда. 17Дуца лъикӀаб гӀамал гьабуна, амма цогидазе гьелъул пайда бахинчӀо. 18Аллагьасе рецц, нужер киназдасаго лъикӀ лъала дида батӀи-батӀиял мацӀазда кӀалъазе, 19амма иман лъуразул данделъиялда дица гьезда бичӀчӀулеб щуго рагӀи абун гьабураб насихӀат лъикӀ, бичӀчӀулареб мацӀалда аза-азар рагӀи абиялдаса.
20Лъимадул гӀадинаб гӀакълу-пикругун хьвадуге, вацал. Кинида ругел лъималазгӀанги квешлъиги гьабуге, кӀудиял гӀурал гӀадамаз гӀадин пикруги гьабе.
21Къануналда хъван буго:
«БатӀи-батӀиял мацӀаздалъун ва гьезие чияраб каламалдалъун кӀалъалел гӀадамал тӀамила дица гьеб халкъалда тӀад, амма гьебмехалдаги гьел дихъ гӀенеккиларо», – ян абулеб буго БетӀергьанас.
22Гьедин, Аллагьас батӀи-батӀиял мацӀал жиндирго гӀаламатлъун иман лъуразде гуро рещтӀинарурал, иман лъечӀездейин. Амма Аллагьасул амруял халкъалда лъазаризе гьунар – гьеб иман лъечӀезе гуро, иман лъуразе гӀаламат буго. 23Масала, иман лъуразул тӀолабго агьлуялъул данделъиялда щивав чи бичӀчӀулареб мацӀалда кӀалъалев вугеб мехалъ, гьенире рачӀани гьеб гьунар жиделъ гьечӀел яги жидеца иман лъечӀел гӀадамал, нуж гӀадаллъун ругилан абиларищ гьез? 24Амма Аллагьасул амруял ричӀчӀизаризе киназдаго лъалеб бугони, жинца иман лъечӀев яги доб гьунар жиндилъ гьечӀев чи нужер данделъиялдеги вачӀани, нужер щивав чиясда кӀвела гьесул мунагьал тӀатинаризе. Гьебмехалда гьесда ракӀалде ккела, киназго гьедин абулеб бугелъул, Аллагьас жиндие суд гьабулеб бугилан. 25Гьесул рекӀелъ букӀараб балъгоябщинаб къватӀиб чӀвайдал, гьев накалда ккела, Аллагьасе сужда гьабила, Аллагь нужеда цадахъ вукӀин ритӀухъ гьабила.
Данделъиялда кинабго букӀине ккола берцинго ва рекъа-решон
26Гьеб киналъулго кинаб хӀасилха, вацал, нилъеца гьабилеб? Нуж данделъараб мехалъ, цоясул туркиги, цогидасул насихӀатги, гьединго Аллагьас загьир гьабурабги, батӀи-батӀиял мацӀазда гьабулеб каламги, гьеб бичӀчӀизабиги – щивасул гьеб кинабго букӀине ккола иман лъуразул агьлуялъе пайдаялъе. 27БатӀи-батӀиял мацӀазда кӀалъазе бокьарал чагӀи ругони, кӀигояв, бищун цӀикӀкӀун лъабгояв, иргадал кӀалъай, цогидас гьеб бичӀчӀизабизеги. 28БичӀчӀизабизе бажарулев чи гьечӀони, батӀияб мацӀалъул чи кӀалъачӀого вукӀине ккела яги живго жиндаго ва Аллагьгун гаргадизе ккела. 29Данделъаразда Аллагьасул амруял лъазаризе кӀигояв яги лъабгояв лъугьа, цогидазин абуни, гьез бицараб борцине ккела. 30Данделъиялда ругезул цоясе Аллагьас цо щибниги загьир гьабулеб бугони, кӀалъалев вугев вуцӀцӀун чӀезе ккела. 31Аллагьасул амруял данделъаразда лъазарун, тӀолабго агьлуялъе пайда букӀунедухъ, иргадал кӀалъазе бегьулелъулха нуж киналго. 32Аллагьасул амруял халкъалда лъазарулев чи гӀодове виччарав вукӀине ккола. 33Аллагьасе бокьуларелъулха ахӀи-хӀурги гъалмагъирги. Гьесие бокьула рекъа-решей.
Аллагьасул халкъалъул киналго жамагӀатазда руцӀцӀун чӀолел гӀадин, 34руччаби нужер данделъиялдаги руцӀцӀун чӀезе ккола. КӀалъазе изну гьечӀо гьезие. Къануналъги абулеб буго гьел мутӀигӀлъун чӀезе ккелилан. 35Щибниги жо лъазе бокьани, рокъоб жидерго росабазда гьикъеян абе. Данделъиялда руччаби кӀалъазе рекъараб гьечӀо.
36Нужеда ракӀалдейищ кколеб Аллагьасул рагӀи нужедасан бачӀараб бугилан? Яги гӀицӀго нужехъе бачӀараб жойиланищ кколеб нужеда гьеб?
37Аллагьасул амру халкъалда лъазабулев чилъун яги Илагьияб РухӀалдасан махщел-гьунар щварав чилъун живго рикӀкӀунев вугони, гьес ритӀухъ гьабизе ккела гьаб дица нужехъе хъвалеб бугеб жо ТӀадегӀанасдасан бачӀараб амру букӀин. 38Гьеб гӀадахъ босуларев чи нужецаги гӀадахъ восуге.
39Гьединлъидал, вацал, Аллагьасул амруял халкъалда лъазаризе махщел-гьунар тӀалаб гьабе, батӀи-батӀиял мацӀазда кӀалъазеги гьукъуге. 40Амма кинабго букӀине ккола берцинго ва рекъа-решон.
Currently Selected:
Коринфиязухъе тӀоцебесеб кагъат 14: АварАК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023
Коринфиязухъе тӀоцебесеб кагъат 14
14
14 бетӀер
БатӀи-батӀиял мацӀазда кӀалъазе ва Аллагьасул амруял халкъалда лъазаризе бажари
1Рокьи нужелъ цӀикӀкӀине хӀаракат бахъе. Илагьияб РухӀалъ кьолеб махщел-гьунарги тӀалаб гьабе, сундасаго цӀикӀкӀун тӀалаб гьабе Аллагьасул амруял халкъалда лъазаризе бажари. 2БатӀи-батӀиял мацӀазда гаргадулев чи гӀадамаздехун гуро кӀалъалев, Аллагьасдехунин. Илагьияб РухӀалъул къудраталдалъун гьес балъголъи рагьулеб мехалъги, лъиданиги вичӀчӀуларо гьев. 3Аллагьасул амруязул хӀакъалъулъ бицунев чияс гӀадамазе насихӀат гьабула, къвакӀун чӀезеги ракӀ бохизеги кумек гьабула. 4БатӀи-батӀиял мацӀазда кӀалъаялъул пайда кӀалъалесе букӀуна, Аллагьасул амруял халкъалда лъазариялъул пайда иман лъуразул агьлуялъе букӀуна. 5Дие бокьилаан батӀи-батӀиял мацӀазда нуж киналго кӀалъазе, амма дагьабги лъикӀ букӀина Аллагьасул амруял халкъалда лъазаруни. Аллагьасул амруял халкъалда лъазарулев чи батӀи-батӀиял мацӀазда кӀалъазе лъалев чиясдаса тӀадегӀанав вуго. Иман лъуразул агьлуялъе пайда букӀуна гьел мацӀазда бицунеб жо бичӀчӀизабизе бажарулев чи гьезда гьоркьов вугони.
6Масала, нужехъе вачӀун дун батӀи-батӀиял мацӀазда кӀалъани, дидасан кинаб пайда, вацал, нужее букӀинеб? Аллагьасдасан амру нужеда лъазабулеб гьечӀони, цогӀаги гӀакълу-насихӀатги дидасан щолеб гьечӀони, – щибго пайда букӀинаро.
7Мисалалъе росилин рухӀ гьечӀел жал – щвантӀихги чагурги. Гьаркьал ратӀа рахъизе лъаларедухъ щвантӀих пулеб бугони яги чагур хъвалеб бугони, гьезда бачунеб бакъан кин лъалеб? 8Накъираялъул гьаракь магӀна бичӀчӀулареб бугони, рагъде хӀадурлъизехъин рукӀин кин лъалеб? 9Гьединго, лъиданиги лъалареб рагӀи бичӀчӀулареб мацӀалда дуца абулеб бугони, лъида мун вичӀчӀилев? Гьаваялда багъараб гьаракьлъун хутӀила дур калам. 10Дуниялалда цӀакъго гӀемерал мацӀал руго, амма магӀна гьечӀеб рагӀи цониги батуларо. 11Дида мацӀ бичӀчӀулеб гьечӀони, гьеб мацӀалъул чи дие чияр чи вуго, дунги гьесие чияр чи вуго.
12Илагьияб РухӀалдасан махщел-гьунар щвезе нужее бокьун батани, иман лъуразул агьлуялъе пайдаяб махщел-гьунар цӀикӀкӀинабе. 13БатӀи-батӀиял мацӀазда кӀалъалев чияс гьаризе ккола гьеб бичӀчӀизабизе гьунарги кьейилан. 14БичӀчӀулареб мацӀалда дица дугӀа гьабуни, – гьеб лъугьуна дилъ бугеб Илагьияб РухӀалъ гьабулеб, амма дир гӀакълу-пикру гӀахьаллъичӀеб дугӀалъун. 15Щибха дица гьабизе кколеб? РухӀалъ малъухъеги гьарила дица Аллагьасда, дирго гӀакълу-пикруялдалъунги гьарила. РухӀалъ малъухъеги ахӀила дица Аллагь веццарал туркаби, дирго гӀакълу-пикруялдалъун бичӀчӀараб куцалъги ахӀила. 16Дуца Аллагьасе рецц РухӀалъ малъухъе гьабулеб бугони, гьеб бичӀчӀизе гьунар гьечӀев чияс дуда хадуб «Амин» абиларо. Дуца щиб бицунеб бугебали лъаларелъулха гьесда. 17Дуца лъикӀаб гӀамал гьабуна, амма цогидазе гьелъул пайда бахинчӀо. 18Аллагьасе рецц, нужер киназдасаго лъикӀ лъала дида батӀи-батӀиял мацӀазда кӀалъазе, 19амма иман лъуразул данделъиялда дица гьезда бичӀчӀулеб щуго рагӀи абун гьабураб насихӀат лъикӀ, бичӀчӀулареб мацӀалда аза-азар рагӀи абиялдаса.
20Лъимадул гӀадинаб гӀакълу-пикругун хьвадуге, вацал. Кинида ругел лъималазгӀанги квешлъиги гьабуге, кӀудиял гӀурал гӀадамаз гӀадин пикруги гьабе.
21Къануналда хъван буго:
«БатӀи-батӀиял мацӀаздалъун ва гьезие чияраб каламалдалъун кӀалъалел гӀадамал тӀамила дица гьеб халкъалда тӀад, амма гьебмехалдаги гьел дихъ гӀенеккиларо», – ян абулеб буго БетӀергьанас.
22Гьедин, Аллагьас батӀи-батӀиял мацӀал жиндирго гӀаламатлъун иман лъуразде гуро рещтӀинарурал, иман лъечӀездейин. Амма Аллагьасул амруял халкъалда лъазаризе гьунар – гьеб иман лъечӀезе гуро, иман лъуразе гӀаламат буго. 23Масала, иман лъуразул тӀолабго агьлуялъул данделъиялда щивав чи бичӀчӀулареб мацӀалда кӀалъалев вугеб мехалъ, гьенире рачӀани гьеб гьунар жиделъ гьечӀел яги жидеца иман лъечӀел гӀадамал, нуж гӀадаллъун ругилан абиларищ гьез? 24Амма Аллагьасул амруял ричӀчӀизаризе киназдаго лъалеб бугони, жинца иман лъечӀев яги доб гьунар жиндилъ гьечӀев чи нужер данделъиялдеги вачӀани, нужер щивав чиясда кӀвела гьесул мунагьал тӀатинаризе. Гьебмехалда гьесда ракӀалде ккела, киназго гьедин абулеб бугелъул, Аллагьас жиндие суд гьабулеб бугилан. 25Гьесул рекӀелъ букӀараб балъгоябщинаб къватӀиб чӀвайдал, гьев накалда ккела, Аллагьасе сужда гьабила, Аллагь нужеда цадахъ вукӀин ритӀухъ гьабила.
Данделъиялда кинабго букӀине ккола берцинго ва рекъа-решон
26Гьеб киналъулго кинаб хӀасилха, вацал, нилъеца гьабилеб? Нуж данделъараб мехалъ, цоясул туркиги, цогидасул насихӀатги, гьединго Аллагьас загьир гьабурабги, батӀи-батӀиял мацӀазда гьабулеб каламги, гьеб бичӀчӀизабиги – щивасул гьеб кинабго букӀине ккола иман лъуразул агьлуялъе пайдаялъе. 27БатӀи-батӀиял мацӀазда кӀалъазе бокьарал чагӀи ругони, кӀигояв, бищун цӀикӀкӀун лъабгояв, иргадал кӀалъай, цогидас гьеб бичӀчӀизабизеги. 28БичӀчӀизабизе бажарулев чи гьечӀони, батӀияб мацӀалъул чи кӀалъачӀого вукӀине ккела яги живго жиндаго ва Аллагьгун гаргадизе ккела. 29Данделъаразда Аллагьасул амруял лъазаризе кӀигояв яги лъабгояв лъугьа, цогидазин абуни, гьез бицараб борцине ккела. 30Данделъиялда ругезул цоясе Аллагьас цо щибниги загьир гьабулеб бугони, кӀалъалев вугев вуцӀцӀун чӀезе ккела. 31Аллагьасул амруял данделъаразда лъазарун, тӀолабго агьлуялъе пайда букӀунедухъ, иргадал кӀалъазе бегьулелъулха нуж киналго. 32Аллагьасул амруял халкъалда лъазарулев чи гӀодове виччарав вукӀине ккола. 33Аллагьасе бокьуларелъулха ахӀи-хӀурги гъалмагъирги. Гьесие бокьула рекъа-решей.
Аллагьасул халкъалъул киналго жамагӀатазда руцӀцӀун чӀолел гӀадин, 34руччаби нужер данделъиялдаги руцӀцӀун чӀезе ккола. КӀалъазе изну гьечӀо гьезие. Къануналъги абулеб буго гьел мутӀигӀлъун чӀезе ккелилан. 35Щибниги жо лъазе бокьани, рокъоб жидерго росабазда гьикъеян абе. Данделъиялда руччаби кӀалъазе рекъараб гьечӀо.
36Нужеда ракӀалдейищ кколеб Аллагьасул рагӀи нужедасан бачӀараб бугилан? Яги гӀицӀго нужехъе бачӀараб жойиланищ кколеб нужеда гьеб?
37Аллагьасул амру халкъалда лъазабулев чилъун яги Илагьияб РухӀалдасан махщел-гьунар щварав чилъун живго рикӀкӀунев вугони, гьес ритӀухъ гьабизе ккела гьаб дица нужехъе хъвалеб бугеб жо ТӀадегӀанасдасан бачӀараб амру букӀин. 38Гьеб гӀадахъ босуларев чи нужецаги гӀадахъ восуге.
39Гьединлъидал, вацал, Аллагьасул амруял халкъалда лъазаризе махщел-гьунар тӀалаб гьабе, батӀи-батӀиял мацӀазда кӀалъазеги гьукъуге. 40Амма кинабго букӀине ккола берцинго ва рекъа-решон.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023