Лыдпусъёс 16
16
16-тӥ ЛЮКЕТ
1Левийлэн Кааф пиезлэн Ицгар пиезлэн Корей пиез но Рувимлэн пиосыз пӧлысь Елиавлэн Дафанэн Авирон пиосыз но Фалефлэн Авнан пиез 2Моисей вылэ урдӥськизы, соосын ӵош израиль пиос пӧлысь кык сю витьтон воргоронъёс вал, калыклэн кивалтӥсьёсыз, кенешъёсы ӧтиськись муртъёс, сӥё-дано адямиос. 3Моисеен Ааронлы пумит люкаськизы но тазьы шуизы: «Тырмоз тӥледлы! Вань калык, ваньмыз дун-чылкытэсь, соос пӧлын Кузё-Инмар! Малы нош тӥ Кузё-Инмарлэн калыкезлэсь асьтэдыз вылӥе пуктӥськоды?» 4Тае кылэм бераз Моисей ымныр вылаз уськытскиз но 5Корейлы, ваньмызлы соин огкылысь кариськемъёслы шуиз: «Ӵуказе Кузё-Инмар возьматоз, кин Солэн, кин дун-чылкыт, кинэ Со Ас бордаз кароз; кинэ Со быръёз, сое ик Аслаз матаз кароз; 6тани, тӥ мар каре: Корей но ваньды соин огкылысь кариськемъёс асьтэлы кадило басьтэ но 7ӵуказе отчы тыл понэ, Кузё-Инмар азьын ӵындытон понна ческыт зын поттӥсь арбериос понэ; кинэ Кузё-Инмар быръёз, со ик дун-чылкыт луоз. Тырмоз тӥледлы, Левий пиос!» 8Моисей Корейлы шуиз: «Левий пиос, кылзэлэ! 9Уг тырмы шат, ӧжыт шат та тӥледлы: Израильлэн Инмарез тӥледыз израиль калык пӧлысь висъяз но Аслыз матэ кариз, Кузё-Инмарлэн скинияяз кулэ ужъёсты мед быдэсъялоды шуыса, [Кузё-Инмарлэн] калыкез азьын мед сылоды но соослы ужаса-тыршыса мед улозы шуыса? 10Со тонэ матаз кариз, тонэн ӵош тынэсьтыд вань агай-вынъёстэ, Левийлэсь пиоссэ, матаз кариз, тӥ эшшо ке священник луонэз басьтыны тыршыса ветлӥськоды. 11Озьыен, тон но, тынад вань калыкед но Кузё-Инмарлы пумит мыныны люкаськиды. Кин со Аарон, малы тӥ со вылэ ӟургетыса улӥськоды?» 12Соку Моисей Елиавлэсь Дафанэн Авирон пиоссэ ӧтьыны ыстӥз. Нош соос шуизы: «Ум мынэ! 13Ӧжыт потэ на-а тыныд йӧлын чечыен бызись музъемысь луоё кыр дуннее милемыз виыны поттэмед? Тынад ик эшшо милемын кузёяськемед потэ на! 14Йӧлын чечыен бызись музъеме тон милемыз вайид-а, милям киуламы бусыос, виноград бакчаос сётӥд-а? Та адямиослэсь синъёссэс адӟисьтэмесь каремед потэ-а? Ум мынэ!» 15Моисей туж ӝожомиз но Кузё-Инмарлы шуиз: «Соослэн ваем салам-кузьымъёссы шоры яратыса эн учкы; мон соослэсь огзылэсь но ишаксэс ӧй басьты, огзылы но урод уж ӧй лэсьты». 16Соку Моисей Корейлы шуиз: «Ӵуказе тон но, тынад вань калыкед но Кузё-Инмар азе султоды, тон но, соос но, Аарон но; 17ваньды кадилодэс басьтэ но отчы ческыт ӵын поттон макеостэс понэ, ваньды асьтэлэсь кадилодэс Кузё-Инмар азе вае, – кык сю витьтон кадило; тон но, Аарон но, ваньды асьтэлэсь кадилодэс вае». 18Котькудӥз но, аслэсьтыз кадилозэ кутыса, отчы тыл понӥз, со вылэ ческыт зын поттӥсь макеоссэс кисьтӥзы но вӧсяськон скинияе пырон ӧс доры султӥзы; озьы ик Моисеен Аарон но. 19Вӧсяськон скинияе пырон доры Корей вань калыкез люказ соослы пумит берыктыны. Кузё-Инмарлэн пиштӥсь данлыкез вань калыклы адӟиськымон луиз.
20Соку Кузё-Инмар Моисеен Ааронлы тазьы вераз, тазьы шуиз: 21«Та калык пӧлысь тӥ люкиське, син куспын Мон соосты быдто». 22Нош соос ымныр вылазы выдӥзы но шуизы: «Инмаре, котькуд лулмугорлы улон сётӥсь Инмаре! Одӥг адями сьӧлыказ но, Тон вань калык вылэ йыркуръяськиськод-а?» 23Соку Кузё-Инмар Моисейлы тазьы вераз, тазьы шуиз: 24«Калыклы тазьы шу: Корейлэн, Дафанлэн, Авиронлэн улон интызы котырысь ваньды палэнэ кошке». 25Моисей султӥз но Дафанэн Авирон доры мынӥз, со бӧрсьы мынӥзы Израильлэн тӧроосыз. 26Собере калыклы шуиз: «Та сьӧлыклэсь кышкасьтэмъёслэн улоно балаганъёссы котырысь палэнске, соослэн номырзы борды но эн йӧтӥське, соослэн сьӧлыкъёссы пӧлы тӥ [но] медад быре». 27Корейлэн, Дафанлэн, Авиронлэн улоно интызы котырысь ваньзы соос палэнскизы; нош Дафан но Авирон кышноосынызы, нылпиосынызы, пичи пиналъёсынызы ӵош балаганэ пырон ӧсъёссы азьын сылӥзы. 28Соку Моисей шуиз: «Али татысен тӥ тододы, Кузё-Инмар монэ вань та ужъёсты быдэстыны лэзиз, ас тодэмъям мон соосты уг лэсьтӥськы шуыса: 29соос вань адямиос кадь кулӥзы ке, вуоно вӧсь каронзы вань адямиос доры вуылӥсь вӧсь каронъёс кадь гинэ луиз ке, соку Кузё-Инмар ӧз ысты монэ; 30нош Кузё-Инмар маке но аспӧртэмлыкозэ лэсьтӥз ке, музъем, ымзэ усьтыса, соосты, [соослэсь семьяоссэс, балаганъёссэс,] марзы соослэн вань, ваньзэ ньылӥз ке, соос улэп куен дунне пыдэскы васькизы ке, соку тодэ: та адямиос Кузё-Инмарез кулэтэм каризы». 31Со та кылъёсты вераса вуиз гинэ, соку ик соослэн сылон интыысьтызы музъем пилиськиз; 32музъем ымзэ усьтӥз но соосты, соослэсь улон интыоссэс, Корейлэсь вань адямиоссэ, ваньбурзэ ньылӥз; 33марзы соослэн вал, ваньзы улэп куен дуннелэн пыдэсказ васькизы, музъем соосты шобыртӥз, калык пӧлысь соос быризы. 34Соослэсь чир кесяськемзэс кылыса, котыразы сылӥсь израиль пиос бызьыса кошкизы, соос шуизы: «Милемыз но коть музъем медаз ньылы вал!» 35Кузё-Инмар дорысь тыл потӥз но ӵындытон вайисьёсты – кык сю витьтон воргоронэз – тыл ньылӥз.
36Кузё-Инмар Моисейлы тазьы вераз, тазьы шуиз: 37«Ааронлэн Елеазар пиезлы, священниклы, вера, ӝуамъёслэсь [ыргон] кадилооссэс пень пӧлысь мед бичалоз но тылзэ отысь палэнэ мед куштоз, уго дун-чылкыт луизы 38та кулонзы пыр сьӧлыкоослэн кадилооссы, соосты, куар кадь векчи карыса, мед дурозы но соосын курбон сётон ӝӧк вылэз мед шобыртозы, уго соосты соос Кузё-Инмарлэн азяз вайизы но, соос дунмазы-чылкытазы; израиль пиос понна соос тодэ вайытӥсь тодмет луозы». 39Елеазар священник ӝуаса бырем муртъёслэсь ваем ыргон кадилооссэс басьтӥз, соосты курбон сётон ӝӧк вылэз шобыртыны куар кадь векчи карыса дуризы, – 40израиль пиослы тодазы возьытон понна: Ааронлэн кидысэз-выжыез бордысь потӥсьтэм палэнысь мурт Кузё-Инмар азе ческыт зын поттӥсь арбериен ӵындытыны медаз лыкты, Кореен кадь, солэн эшъёсыныз кадь учыр медаз луы, кызьы солы Моисей пыр Кузё-Инмар вераз вал.
41Мукетаз нуналэ вань израиль калык Моисеен Аарон вылэ ӝожтӥськыса шуиз: «Тӥ Кузё-Инмарлэсь калыксэ виылӥды». 42Калык Моисеен Ааронлы пумит люкаськем бере соос вӧсяськон скиния пала берытскизы но, тани, пилем сое шобыртӥз, соку Кузё-Инмарлэн пиштӥсь данлыкез возьматскиз. 43Моисеен Аарон вӧсяськон скиния доры лыктӥзы.
44Соку Кузё-Инмар Моисейлы [Ааронлы но] тазьы шуиз: 45«Та калыклэсь палэнске, соосты Мон син куспын быдто». Нош соос ымныр вылазы выдӥзы. 46Соку Моисей Ааронлы шуиз: «Кадилоез кут, курбон сётон ӝӧк вылысь тылэз отчы пон, со вылэ ческыт зын поттӥсь арбериос кисьты но сое ӝоггес калык пӧлы ну, соослы дурбасьты, уго Кузё-Инмар дорысь вожпотон вуиз – погыртон-виылон кутскиз». 47Моисейлэн косэмезъя Аарон кадило кутӥз, калык пӧлы бызьыса мынӥз но, тани, калык пограны-кулыны кутскемын вал ини. Аарон соку, ческыт зын поттон арбериоссэ тырыса, калыклы дурбасьтӥз; 48кулэмъёслэн но улэпъёслэн висказы со султӥз, погран-кулон со виын дугдӥз. 49Корейлэн уженыз сэрен, кулэмъёсты лыдъятэк, погыртэмын-виемын вал дас ньыль сюрс сизьым сю адями. 50Аарон Моисей доры берытскиз, погыртон-виылон дугдэм бере вӧсяськон скинияе пырон доры со лыктӥз.
Currently Selected:
Лыдпусъёс 16: УДМБИБ
Highlight
Share
Copy
Want to have your highlights saved across all your devices? Sign up or sign in
(c) Библияез берыктонъя Институт, Хельсинки, 2013; 2016
Лыдпусъёс 16
16
16-тӥ ЛЮКЕТ
1Левийлэн Кааф пиезлэн Ицгар пиезлэн Корей пиез но Рувимлэн пиосыз пӧлысь Елиавлэн Дафанэн Авирон пиосыз но Фалефлэн Авнан пиез 2Моисей вылэ урдӥськизы, соосын ӵош израиль пиос пӧлысь кык сю витьтон воргоронъёс вал, калыклэн кивалтӥсьёсыз, кенешъёсы ӧтиськись муртъёс, сӥё-дано адямиос. 3Моисеен Ааронлы пумит люкаськизы но тазьы шуизы: «Тырмоз тӥледлы! Вань калык, ваньмыз дун-чылкытэсь, соос пӧлын Кузё-Инмар! Малы нош тӥ Кузё-Инмарлэн калыкезлэсь асьтэдыз вылӥе пуктӥськоды?» 4Тае кылэм бераз Моисей ымныр вылаз уськытскиз но 5Корейлы, ваньмызлы соин огкылысь кариськемъёслы шуиз: «Ӵуказе Кузё-Инмар возьматоз, кин Солэн, кин дун-чылкыт, кинэ Со Ас бордаз кароз; кинэ Со быръёз, сое ик Аслаз матаз кароз; 6тани, тӥ мар каре: Корей но ваньды соин огкылысь кариськемъёс асьтэлы кадило басьтэ но 7ӵуказе отчы тыл понэ, Кузё-Инмар азьын ӵындытон понна ческыт зын поттӥсь арбериос понэ; кинэ Кузё-Инмар быръёз, со ик дун-чылкыт луоз. Тырмоз тӥледлы, Левий пиос!» 8Моисей Корейлы шуиз: «Левий пиос, кылзэлэ! 9Уг тырмы шат, ӧжыт шат та тӥледлы: Израильлэн Инмарез тӥледыз израиль калык пӧлысь висъяз но Аслыз матэ кариз, Кузё-Инмарлэн скинияяз кулэ ужъёсты мед быдэсъялоды шуыса, [Кузё-Инмарлэн] калыкез азьын мед сылоды но соослы ужаса-тыршыса мед улозы шуыса? 10Со тонэ матаз кариз, тонэн ӵош тынэсьтыд вань агай-вынъёстэ, Левийлэсь пиоссэ, матаз кариз, тӥ эшшо ке священник луонэз басьтыны тыршыса ветлӥськоды. 11Озьыен, тон но, тынад вань калыкед но Кузё-Инмарлы пумит мыныны люкаськиды. Кин со Аарон, малы тӥ со вылэ ӟургетыса улӥськоды?» 12Соку Моисей Елиавлэсь Дафанэн Авирон пиоссэ ӧтьыны ыстӥз. Нош соос шуизы: «Ум мынэ! 13Ӧжыт потэ на-а тыныд йӧлын чечыен бызись музъемысь луоё кыр дуннее милемыз виыны поттэмед? Тынад ик эшшо милемын кузёяськемед потэ на! 14Йӧлын чечыен бызись музъеме тон милемыз вайид-а, милям киуламы бусыос, виноград бакчаос сётӥд-а? Та адямиослэсь синъёссэс адӟисьтэмесь каремед потэ-а? Ум мынэ!» 15Моисей туж ӝожомиз но Кузё-Инмарлы шуиз: «Соослэн ваем салам-кузьымъёссы шоры яратыса эн учкы; мон соослэсь огзылэсь но ишаксэс ӧй басьты, огзылы но урод уж ӧй лэсьты». 16Соку Моисей Корейлы шуиз: «Ӵуказе тон но, тынад вань калыкед но Кузё-Инмар азе султоды, тон но, соос но, Аарон но; 17ваньды кадилодэс басьтэ но отчы ческыт ӵын поттон макеостэс понэ, ваньды асьтэлэсь кадилодэс Кузё-Инмар азе вае, – кык сю витьтон кадило; тон но, Аарон но, ваньды асьтэлэсь кадилодэс вае». 18Котькудӥз но, аслэсьтыз кадилозэ кутыса, отчы тыл понӥз, со вылэ ческыт зын поттӥсь макеоссэс кисьтӥзы но вӧсяськон скинияе пырон ӧс доры султӥзы; озьы ик Моисеен Аарон но. 19Вӧсяськон скинияе пырон доры Корей вань калыкез люказ соослы пумит берыктыны. Кузё-Инмарлэн пиштӥсь данлыкез вань калыклы адӟиськымон луиз.
20Соку Кузё-Инмар Моисеен Ааронлы тазьы вераз, тазьы шуиз: 21«Та калык пӧлысь тӥ люкиське, син куспын Мон соосты быдто». 22Нош соос ымныр вылазы выдӥзы но шуизы: «Инмаре, котькуд лулмугорлы улон сётӥсь Инмаре! Одӥг адями сьӧлыказ но, Тон вань калык вылэ йыркуръяськиськод-а?» 23Соку Кузё-Инмар Моисейлы тазьы вераз, тазьы шуиз: 24«Калыклы тазьы шу: Корейлэн, Дафанлэн, Авиронлэн улон интызы котырысь ваньды палэнэ кошке». 25Моисей султӥз но Дафанэн Авирон доры мынӥз, со бӧрсьы мынӥзы Израильлэн тӧроосыз. 26Собере калыклы шуиз: «Та сьӧлыклэсь кышкасьтэмъёслэн улоно балаганъёссы котырысь палэнске, соослэн номырзы борды но эн йӧтӥське, соослэн сьӧлыкъёссы пӧлы тӥ [но] медад быре». 27Корейлэн, Дафанлэн, Авиронлэн улоно интызы котырысь ваньзы соос палэнскизы; нош Дафан но Авирон кышноосынызы, нылпиосынызы, пичи пиналъёсынызы ӵош балаганэ пырон ӧсъёссы азьын сылӥзы. 28Соку Моисей шуиз: «Али татысен тӥ тододы, Кузё-Инмар монэ вань та ужъёсты быдэстыны лэзиз, ас тодэмъям мон соосты уг лэсьтӥськы шуыса: 29соос вань адямиос кадь кулӥзы ке, вуоно вӧсь каронзы вань адямиос доры вуылӥсь вӧсь каронъёс кадь гинэ луиз ке, соку Кузё-Инмар ӧз ысты монэ; 30нош Кузё-Инмар маке но аспӧртэмлыкозэ лэсьтӥз ке, музъем, ымзэ усьтыса, соосты, [соослэсь семьяоссэс, балаганъёссэс,] марзы соослэн вань, ваньзэ ньылӥз ке, соос улэп куен дунне пыдэскы васькизы ке, соку тодэ: та адямиос Кузё-Инмарез кулэтэм каризы». 31Со та кылъёсты вераса вуиз гинэ, соку ик соослэн сылон интыысьтызы музъем пилиськиз; 32музъем ымзэ усьтӥз но соосты, соослэсь улон интыоссэс, Корейлэсь вань адямиоссэ, ваньбурзэ ньылӥз; 33марзы соослэн вал, ваньзы улэп куен дуннелэн пыдэсказ васькизы, музъем соосты шобыртӥз, калык пӧлысь соос быризы. 34Соослэсь чир кесяськемзэс кылыса, котыразы сылӥсь израиль пиос бызьыса кошкизы, соос шуизы: «Милемыз но коть музъем медаз ньылы вал!» 35Кузё-Инмар дорысь тыл потӥз но ӵындытон вайисьёсты – кык сю витьтон воргоронэз – тыл ньылӥз.
36Кузё-Инмар Моисейлы тазьы вераз, тазьы шуиз: 37«Ааронлэн Елеазар пиезлы, священниклы, вера, ӝуамъёслэсь [ыргон] кадилооссэс пень пӧлысь мед бичалоз но тылзэ отысь палэнэ мед куштоз, уго дун-чылкыт луизы 38та кулонзы пыр сьӧлыкоослэн кадилооссы, соосты, куар кадь векчи карыса, мед дурозы но соосын курбон сётон ӝӧк вылэз мед шобыртозы, уго соосты соос Кузё-Инмарлэн азяз вайизы но, соос дунмазы-чылкытазы; израиль пиос понна соос тодэ вайытӥсь тодмет луозы». 39Елеазар священник ӝуаса бырем муртъёслэсь ваем ыргон кадилооссэс басьтӥз, соосты курбон сётон ӝӧк вылэз шобыртыны куар кадь векчи карыса дуризы, – 40израиль пиослы тодазы возьытон понна: Ааронлэн кидысэз-выжыез бордысь потӥсьтэм палэнысь мурт Кузё-Инмар азе ческыт зын поттӥсь арбериен ӵындытыны медаз лыкты, Кореен кадь, солэн эшъёсыныз кадь учыр медаз луы, кызьы солы Моисей пыр Кузё-Инмар вераз вал.
41Мукетаз нуналэ вань израиль калык Моисеен Аарон вылэ ӝожтӥськыса шуиз: «Тӥ Кузё-Инмарлэсь калыксэ виылӥды». 42Калык Моисеен Ааронлы пумит люкаськем бере соос вӧсяськон скиния пала берытскизы но, тани, пилем сое шобыртӥз, соку Кузё-Инмарлэн пиштӥсь данлыкез возьматскиз. 43Моисеен Аарон вӧсяськон скиния доры лыктӥзы.
44Соку Кузё-Инмар Моисейлы [Ааронлы но] тазьы шуиз: 45«Та калыклэсь палэнске, соосты Мон син куспын быдто». Нош соос ымныр вылазы выдӥзы. 46Соку Моисей Ааронлы шуиз: «Кадилоез кут, курбон сётон ӝӧк вылысь тылэз отчы пон, со вылэ ческыт зын поттӥсь арбериос кисьты но сое ӝоггес калык пӧлы ну, соослы дурбасьты, уго Кузё-Инмар дорысь вожпотон вуиз – погыртон-виылон кутскиз». 47Моисейлэн косэмезъя Аарон кадило кутӥз, калык пӧлы бызьыса мынӥз но, тани, калык пограны-кулыны кутскемын вал ини. Аарон соку, ческыт зын поттон арбериоссэ тырыса, калыклы дурбасьтӥз; 48кулэмъёслэн но улэпъёслэн висказы со султӥз, погран-кулон со виын дугдӥз. 49Корейлэн уженыз сэрен, кулэмъёсты лыдъятэк, погыртэмын-виемын вал дас ньыль сюрс сизьым сю адями. 50Аарон Моисей доры берытскиз, погыртон-виылон дугдэм бере вӧсяськон скинияе пырон доры со лыктӥз.
Currently Selected:
:
Highlight
Share
Copy
Want to have your highlights saved across all your devices? Sign up or sign in
(c) Библияез берыктонъя Институт, Хельсинки, 2013; 2016