Маккавейёслэн 3-тӥ книгазы 2
2
2-тӥ ЛЮКЕТ
1Симон архиерей, вӧсяськон корка азе пыдесъяськыса, Инмарлы тэрытскись сюлмын киоссэ ӝутыса, тазьы вӧсяськиз: 2«Кузё-Инмаре, Кузё-Инмаре, инъёслэн Эксэйзы, вань кылдытэм макеослэн Кузёзы, святойёс пӧлысь Святой, Дунне Кутӥсь, ваньмызлы Кузё Луись! Учкы ми шоры, Инмарлы оскисьтэмлэн, сьӧлыклэсь кышкасьтэмлэн, возьыттэм луэменыз, кужыменыз вылтӥяськисьлэн ултӥям муртъёсыз шоры учкы. 3Уго Тон ваньзэ кылдытӥд, ваньмыныз кивалтӥськод, шонерлыко Кузё-Атай: возьытэз тодытэк, вылтӥяськыса котькыӵе но ужез лэсьтӥсез Тон судить кариськод. 4Куке но Тон законлы пумит улӥсьёсты виылӥд, соослэн пӧлазы вал туж ӝужытэсь, кужмоесь адямиос, соос оскисько вал асьсэлэн кужымзылы, возьыттэм луонзылы, нош Тон соос вылэ мертаны луонтэм бадӟым ву лэзид. 5Вылтӥяськыса, ватӥськытэк лек ужъёс лэсьтыса улӥсь Содом карын улӥсьёсты, – вуоно выжыос мед адӟозы но таос кадь медаз ни улэ шуыса, Тон тылын, ӵуждариен сутӥд 6Тынэсьтыд святой израиль калыктэ ляльчи карем возьытэз тодӥсьтэм фараон доры трос пӧртэм вӧсь каронъёсын лыктылӥд, Аслэсьтыд кузё луэмдэ, Аслэсьтыд туж бадӟым кужымдэ возьматӥд. 7Калыкед сьӧры уйиськыса мыныкуз, Тон сое ожмаськон уробоосыныз, туж трос калыкеныз валче зарезь пыдсы выйытӥд, нош кинъёс Тон вылэ – вань кылдытэм макеослэн Кузё-Атайзы вылэ – оскиськыса улӥзы, Тон соосты ӟечкын поттӥд; Тынад киыдлэсь ужъёссэ соос адӟизы но Тонэ, Дунне Кутӥсез, ушъязы-данъязы. 8Тон, пумтэм-йылтэм, мертаны луонтэм музъемез Кылдытӥсь Эксэй, та городэз бырйид, Тон номырлы но ёрмыса уд ке но улӥськы, Аслад данлыкед понна та интыез дун-чылкыт карид, сое Тон дано карид отчы быдӟымлыко лыктонэныд, сое Аслад быдӟым, данъяны-ушъяны ярамон нимыдлэсь данзэ ӝутыны пуктӥд. 9Израиль юртэз-выжыез яратэменыд Тон кыл сётӥд, ми доры курадӟон вуиз ке, ёртыса-ӝикатыса возён шобыртӥз ке, соку ми та интые лыктыса вӧсяськимы ке, милесьтым вӧсяськеммес Тон кылод. 10Тон оскиськымон, шонерлыко, атайёсмы трос пол курадӟонъёс улэ сюрылыку, ӝожен-курен улыкузы, Тон соослы юрттӥськылӥд, туж бадӟым кышкытлыкъёслэсь соосты мозмытылӥд. 11Тани ми но, Дун-Сьӧлыктэм Эксэй, асьмелэн трос, туж бадӟымесь сьӧлыкъёсмы понна курадӟиськомы, тушмонъёсмылэн киулазы ми сётэмын, куректон-кайгуос пӧлын улыса катьтэммимы ни. 12Таӵе усён вакытамы, та возьытэз тодӥсьтэм, сьӧлыклэсь кышкасьтэм мурт дасяське музъем вылын Тынад данлыко нимыдлы сӥзем та святой интыез сантэманы. 13Тынад улон интыед Инмысь Инъёсын ке но, адямиослы со сузёнтэм, нош Тон, ӟеч мылкыд карыса, Аслэсьтыд данлыктэ Аслад израиль калыкедлы возьматыны малпад, та интыез дун-чылкыт карид. 14Со муртъёс кырсь улэм понна милемлы пунэмзэ эн берыкты, со храмез саптамзы понна милемыз вӧсь эн кары, со понна сьӧлыклэсь кышкасьтэмъёс мылкыдынызы медаз вылтӥяське, кылынызы ушъяськыса шумпотоно, тазьы шуоно медаз луэ: ”Святой Коркаез ми лёгамы-саптамы озьы, кызьы лёгало-саптало юрӟым ужъёс лэсьтӥськись коркаосты”. 15Сьӧлыкъёсмес кушты, шонертэм улэммес ӵуш, со часэ гажан-жаляндэ возьматы. Шырыт сямдэ ӝоггес ми дорын возьматы. Усем мылкыдын улӥсьёс, сюлмынызы чигиськыса улӥсьёс кылынызы-ымынызы ушъян кылъёс мед вералозы; тупаса улон милемлы сёт». 16Соку ваньзэ адӟись Инмар, ваньмызлэсь азьвыл святойёс пӧлысь Святой, зӥбыт-востэм кариськонлэсь вӧсяськонзэ кылӥз но эриктэм, возьыттэм кужымен ушъяськисез погыртӥз, отчы-татчы сэзъяз-куасалляз, кызьы тӧл куасалля камыш будосэз, – озьы Филопатор выж вылын вырӟылытэк кыллиз, вань мугор ёзъёсыз кынартэмесь вал, шонер суд улэ сюрыса, куаразэ но поттыны ӧз быгаты. 17Соку солэн эшъёсыз, мугор возьмасьёсыз со доры малпамтэ шорысь вуэм секыт курадӟытонэз адӟизы; со медаз кулы вал шуыса кышкаменызы, дыртыса сое отысь поттӥзы, соос асьсэос но вераны луонтэм кышкамын-куалектэмын вал. 18Вӧсь карон улын улэм бераз, кӧня ке но дыр ортчыса, со шӧдыны-валаны кутскиз, но ӧпкельыны чик но ӧз кутскы, туж лекесь-кышкытэсь кылъёс вераса палэнскиз.
19Египетэ берытскем бераз, аслэсьтыз урод-лек ужъёссэ йылэтыса, со вылӥ верам, юон пӧлысь эшъёсыныз, вань шонерлыкез вунэтэм эшъёсыныз пумтэм трос юрӟым азон-калгон сьӧлыкъёс пӧлы выйыса улэм гинэ ӧвӧл, но таӵе возьыттэм ужъёс но лэсьтӥз: отын со иудейёс вылэ карган кылъёс вераны кутскиз, солэн эшъёсыз пӧлысь тросэз, эксэйлэн ужъёсыз шоры учкыса, соос но солэн мылкыд карон сьӧраз мынӥзы. 20Пумаз ини со малпаз иудей калыкез ваньмыз азьын сантэман киулэ сётыны – аслаз эксэй юртэзлэн каланча йылаз юбо пуктӥз но со борды тазьы гожтӥз: «Кин курбон уг сётылы,#2:20 Татын вераськон мынэ Птоломейлэн кун-эксэйлыкезлэн сульдэръёсызлы-идолъёсызлы курбон сётон сярысь со мурт аслаз вӧсяськон интыяз медаз пыра; нош иудейёсты огшоры адямиосын ӵош калыкез гожъянэ пыртоно, ляльчиос радэ гожтоно, нош кин ке пумитъяськиз ке, соосты кужмысь кутылыса виылоно; 21нош калыкез гожъянэ пыртэмъёсты мугор вылазы Дионислэсь пуссэ ӟырдатэм кортэн гожтоно – плющ будослэсь куарзэ пуктоно, табере соосты, эриксэс-правозэс кулэстыса, соослы пуктэм-кутэм улон радэн улонэ пырыны лэзёно». 22Нош вань калык синазькыль медаз кары шуыса, гожтэмез борды ватсаз на: «Соос пӧлысь кин ке но язычникъёслэн сямъёссыя-йылолъёссыя улыны мылкыд кариз ке, со муртъёслы Александриын улӥсьёсын огкадь правоос сётоно». 23Соин сэрен куд-огъёсыз кун калык луонлэсь правозэ басьтон понна, асьсэлэсь осконзэс кулэтэм карыса, эксэйлэсь косонзэ дыртыса кабыл басьтӥзы, – азьпалаз эксэен кусып возизы ке, быдӟым данлык басьтозы кожазы, лэся. 24Нош калык пӧлысь тросэзгес духенызы юнматскизы, кышкасьтэм кариськизы но Инмарез яратонзылэсь ӧз куштӥське; асьсэлэн улон-вылонзы понна коньдон сётъязы но кышкатэк гожтӥськон улэ сюронлэсь мозмытскыны турттӥзы, уго соос юрттэт басьтонлы юн оскиськыса улӥзы, нош усемъёслэсь-вузаськемъёслэсь палэнскылӥзы, соосты ас калыксылэн тушмонъёсыз луо шуыса лыдъязы, соосын нокыӵе но кусып возьытэк, эшъяськытэк улыны тыршизы.
Currently Selected:
Маккавейёслэн 3-тӥ книгазы 2: УДМБИБ
Highlight
Share
Copy
Want to have your highlights saved across all your devices? Sign up or sign in
(c) Библияез берыктонъя Институт, Хельсинки, 2013; 2016
Маккавейёслэн 3-тӥ книгазы 2
2
2-тӥ ЛЮКЕТ
1Симон архиерей, вӧсяськон корка азе пыдесъяськыса, Инмарлы тэрытскись сюлмын киоссэ ӝутыса, тазьы вӧсяськиз: 2«Кузё-Инмаре, Кузё-Инмаре, инъёслэн Эксэйзы, вань кылдытэм макеослэн Кузёзы, святойёс пӧлысь Святой, Дунне Кутӥсь, ваньмызлы Кузё Луись! Учкы ми шоры, Инмарлы оскисьтэмлэн, сьӧлыклэсь кышкасьтэмлэн, возьыттэм луэменыз, кужыменыз вылтӥяськисьлэн ултӥям муртъёсыз шоры учкы. 3Уго Тон ваньзэ кылдытӥд, ваньмыныз кивалтӥськод, шонерлыко Кузё-Атай: возьытэз тодытэк, вылтӥяськыса котькыӵе но ужез лэсьтӥсез Тон судить кариськод. 4Куке но Тон законлы пумит улӥсьёсты виылӥд, соослэн пӧлазы вал туж ӝужытэсь, кужмоесь адямиос, соос оскисько вал асьсэлэн кужымзылы, возьыттэм луонзылы, нош Тон соос вылэ мертаны луонтэм бадӟым ву лэзид. 5Вылтӥяськыса, ватӥськытэк лек ужъёс лэсьтыса улӥсь Содом карын улӥсьёсты, – вуоно выжыос мед адӟозы но таос кадь медаз ни улэ шуыса, Тон тылын, ӵуждариен сутӥд 6Тынэсьтыд святой израиль калыктэ ляльчи карем возьытэз тодӥсьтэм фараон доры трос пӧртэм вӧсь каронъёсын лыктылӥд, Аслэсьтыд кузё луэмдэ, Аслэсьтыд туж бадӟым кужымдэ возьматӥд. 7Калыкед сьӧры уйиськыса мыныкуз, Тон сое ожмаськон уробоосыныз, туж трос калыкеныз валче зарезь пыдсы выйытӥд, нош кинъёс Тон вылэ – вань кылдытэм макеослэн Кузё-Атайзы вылэ – оскиськыса улӥзы, Тон соосты ӟечкын поттӥд; Тынад киыдлэсь ужъёссэ соос адӟизы но Тонэ, Дунне Кутӥсез, ушъязы-данъязы. 8Тон, пумтэм-йылтэм, мертаны луонтэм музъемез Кылдытӥсь Эксэй, та городэз бырйид, Тон номырлы но ёрмыса уд ке но улӥськы, Аслад данлыкед понна та интыез дун-чылкыт карид, сое Тон дано карид отчы быдӟымлыко лыктонэныд, сое Аслад быдӟым, данъяны-ушъяны ярамон нимыдлэсь данзэ ӝутыны пуктӥд. 9Израиль юртэз-выжыез яратэменыд Тон кыл сётӥд, ми доры курадӟон вуиз ке, ёртыса-ӝикатыса возён шобыртӥз ке, соку ми та интые лыктыса вӧсяськимы ке, милесьтым вӧсяськеммес Тон кылод. 10Тон оскиськымон, шонерлыко, атайёсмы трос пол курадӟонъёс улэ сюрылыку, ӝожен-курен улыкузы, Тон соослы юрттӥськылӥд, туж бадӟым кышкытлыкъёслэсь соосты мозмытылӥд. 11Тани ми но, Дун-Сьӧлыктэм Эксэй, асьмелэн трос, туж бадӟымесь сьӧлыкъёсмы понна курадӟиськомы, тушмонъёсмылэн киулазы ми сётэмын, куректон-кайгуос пӧлын улыса катьтэммимы ни. 12Таӵе усён вакытамы, та возьытэз тодӥсьтэм, сьӧлыклэсь кышкасьтэм мурт дасяське музъем вылын Тынад данлыко нимыдлы сӥзем та святой интыез сантэманы. 13Тынад улон интыед Инмысь Инъёсын ке но, адямиослы со сузёнтэм, нош Тон, ӟеч мылкыд карыса, Аслэсьтыд данлыктэ Аслад израиль калыкедлы возьматыны малпад, та интыез дун-чылкыт карид. 14Со муртъёс кырсь улэм понна милемлы пунэмзэ эн берыкты, со храмез саптамзы понна милемыз вӧсь эн кары, со понна сьӧлыклэсь кышкасьтэмъёс мылкыдынызы медаз вылтӥяське, кылынызы ушъяськыса шумпотоно, тазьы шуоно медаз луэ: ”Святой Коркаез ми лёгамы-саптамы озьы, кызьы лёгало-саптало юрӟым ужъёс лэсьтӥськись коркаосты”. 15Сьӧлыкъёсмес кушты, шонертэм улэммес ӵуш, со часэ гажан-жаляндэ возьматы. Шырыт сямдэ ӝоггес ми дорын возьматы. Усем мылкыдын улӥсьёс, сюлмынызы чигиськыса улӥсьёс кылынызы-ымынызы ушъян кылъёс мед вералозы; тупаса улон милемлы сёт». 16Соку ваньзэ адӟись Инмар, ваньмызлэсь азьвыл святойёс пӧлысь Святой, зӥбыт-востэм кариськонлэсь вӧсяськонзэ кылӥз но эриктэм, возьыттэм кужымен ушъяськисез погыртӥз, отчы-татчы сэзъяз-куасалляз, кызьы тӧл куасалля камыш будосэз, – озьы Филопатор выж вылын вырӟылытэк кыллиз, вань мугор ёзъёсыз кынартэмесь вал, шонер суд улэ сюрыса, куаразэ но поттыны ӧз быгаты. 17Соку солэн эшъёсыз, мугор возьмасьёсыз со доры малпамтэ шорысь вуэм секыт курадӟытонэз адӟизы; со медаз кулы вал шуыса кышкаменызы, дыртыса сое отысь поттӥзы, соос асьсэос но вераны луонтэм кышкамын-куалектэмын вал. 18Вӧсь карон улын улэм бераз, кӧня ке но дыр ортчыса, со шӧдыны-валаны кутскиз, но ӧпкельыны чик но ӧз кутскы, туж лекесь-кышкытэсь кылъёс вераса палэнскиз.
19Египетэ берытскем бераз, аслэсьтыз урод-лек ужъёссэ йылэтыса, со вылӥ верам, юон пӧлысь эшъёсыныз, вань шонерлыкез вунэтэм эшъёсыныз пумтэм трос юрӟым азон-калгон сьӧлыкъёс пӧлы выйыса улэм гинэ ӧвӧл, но таӵе возьыттэм ужъёс но лэсьтӥз: отын со иудейёс вылэ карган кылъёс вераны кутскиз, солэн эшъёсыз пӧлысь тросэз, эксэйлэн ужъёсыз шоры учкыса, соос но солэн мылкыд карон сьӧраз мынӥзы. 20Пумаз ини со малпаз иудей калыкез ваньмыз азьын сантэман киулэ сётыны – аслаз эксэй юртэзлэн каланча йылаз юбо пуктӥз но со борды тазьы гожтӥз: «Кин курбон уг сётылы,#2:20 Татын вераськон мынэ Птоломейлэн кун-эксэйлыкезлэн сульдэръёсызлы-идолъёсызлы курбон сётон сярысь со мурт аслаз вӧсяськон интыяз медаз пыра; нош иудейёсты огшоры адямиосын ӵош калыкез гожъянэ пыртоно, ляльчиос радэ гожтоно, нош кин ке пумитъяськиз ке, соосты кужмысь кутылыса виылоно; 21нош калыкез гожъянэ пыртэмъёсты мугор вылазы Дионислэсь пуссэ ӟырдатэм кортэн гожтоно – плющ будослэсь куарзэ пуктоно, табере соосты, эриксэс-правозэс кулэстыса, соослы пуктэм-кутэм улон радэн улонэ пырыны лэзёно». 22Нош вань калык синазькыль медаз кары шуыса, гожтэмез борды ватсаз на: «Соос пӧлысь кин ке но язычникъёслэн сямъёссыя-йылолъёссыя улыны мылкыд кариз ке, со муртъёслы Александриын улӥсьёсын огкадь правоос сётоно». 23Соин сэрен куд-огъёсыз кун калык луонлэсь правозэ басьтон понна, асьсэлэсь осконзэс кулэтэм карыса, эксэйлэсь косонзэ дыртыса кабыл басьтӥзы, – азьпалаз эксэен кусып возизы ке, быдӟым данлык басьтозы кожазы, лэся. 24Нош калык пӧлысь тросэзгес духенызы юнматскизы, кышкасьтэм кариськизы но Инмарез яратонзылэсь ӧз куштӥське; асьсэлэн улон-вылонзы понна коньдон сётъязы но кышкатэк гожтӥськон улэ сюронлэсь мозмытскыны турттӥзы, уго соос юрттэт басьтонлы юн оскиськыса улӥзы, нош усемъёслэсь-вузаськемъёслэсь палэнскылӥзы, соосты ас калыксылэн тушмонъёсыз луо шуыса лыдъязы, соосын нокыӵе но кусып возьытэк, эшъяськытэк улыны тыршизы.
Currently Selected:
:
Highlight
Share
Copy
Want to have your highlights saved across all your devices? Sign up or sign in
(c) Библияез берыктонъя Институт, Хельсинки, 2013; 2016