Маккавейёслэн 2-тӥ книгазы 8
8
8-тӥ ЛЮКЕТ
1Со виын ик Маккавей Иуда, соин ӵош луэмъёс но, лушкемен гуртъёстӥ ветлыса, ӵыжы-выжыоссэс люказы, иудей осконэз утисьёсты пӧлазы пыртылӥзы, ог куать сюрс пала воргоронъёсты люказы. 2Соос тэльмырыса Кузё-Инмарлы вазиськизы, ваньмыныз ултӥям калык шоры Со мед учкысал, сьӧлыклэсь кышкасьтэм адямиосын саптам храмез мед жалясал шуыса; 3музъемен ӵошкатон калэ вуэм, туркам-таркам городэз мед жалясал, виемъёслэн вирзылэсь Солы тэльмырыса вазиськемзэ санэ мед басьтысал шуыса; 4чик янгыштэм нуныосты сьӧсь амалын виылэмез, Аслэсьтыз нимзэ сантэмамзэс тодаз мед вайысал но лек адямиос вылэ вожзэ мед поттысал. 5Трос адямиосты котыраз люкам бере Маккавей язычникъёслы вормонтэм луиз, малы ке шуоно Кузё-Инмар, Ас калыкез вылысь вожпотонзэ палэнтыса, сое гажаны-жаляны кутскиз. 6Малпамтэ шорысь городъёс, гуртъёс вылэ урдскыса, Маккавей соосты сутылӥз, тупамон интыосты киултылӥз, трос тушмонъёсты вормылӥз, улляса лэзьылӥз; 7таӵе ужъёсты быдэсъян вылысь ӵемгес уйёсты бырйылӥз; солэн кышкасьтэм луэмез сярысь ивор котькытчы вӧлмиз.
8Та воргорон каллен-каллен кужым люка ни, ужъёссэ быдэсъякуз но со ӵемгес но ӵемгес азинлык басьтэ шуыса, Филипп адӟиз, соку со Птоломейлы, Келе-Сириялэн но Финикиялэн ож ужен кивалтӥсезлы, гожтэт гожъяз, эксэйлэн ужъёсызлы мед юрттоз шуыса. 9Нош со чик ӝегатскытэк тужгес но матысь эшъёсыз пӧлысь Патрокллэсь Никанор пизэ бырйиз, вань иудей выжыез мед быдтоз шуыса, сое ыстӥз, со киулэ пӧртэм калыкъёс пӧлысь потэм ог кызь сюрс ожгарчиосты сётӥз; соин ӵош Птоломей ож ужъёсты нуыны быгатӥсь, ож ужен кивалтӥсь Горгиез ыстӥз на. 10Никанор таӵе пуктон гожтӥз: пленэ кутэм иудейёсты ляльчие вузаса, эксэйлэсь Рим кунлы кык сюрс талант выт тыронзэ быдэстоно. 11Соин со чик ӝегатскытэк зарезь дурысь городъёсы адямиоссэ ыстӥз отын улӥсьёс ляльчилы иудейёсты октыны мед лыктозы, одӥг талантэн укмыстон иудейёсты вуттыны кыл сётӥз; нош со ӧз возьма, ӧз малпа, Ваньмызлэсь Кужмо дорысь ас вылаз пунэм берыктон одно ик вуоз шуыса. 12Иудалы ивор вуттэмын вал, Никанор лыктэ шуыса. Со асэныз ӵош луэмъёслы ивортӥз войско лыктэм сярысь, 13соку кышкасьёс, Инмарлэн пунэм берыктонэзлы оскисьтэмъёс, интызэс кельтыса, пегӟыса кошкизы. 14Нош мукетъёсыз, марзы кылемын на вал, ваньзэ вузазы но, соосты, сьӧлыклэсь кышкасьтэм Никанорлэсь ож кутскемлэсь азьвыл ини вузамъёссэ, мед мозмытоз вал шуыса, Кузё-Инмарлэсь тэльмырыса куризы, 15соос понна ӧз ке мозмыты, соку атайёсынызы сӥзён-косонъёс пыр кусып кылдытэмез понна, соос вылэ Аслэсьтыз святой но данлыко нимзэ сётэмез понна мед мозмытоз вал шуыса куризы.
16Соку Маккавей асэныз ӵош ветлӥсь куать сюрс воргоронъёсты люказ но мылкыдзэс лӧпкытъяз, тушмонлэсь медаз курдалэ, шонертэм амалэн соос вылэ лыктӥсь язычникъёслэн трос лыдзылэсь медаз кышкалэ, – кышкатэк ожмаськыны кулэ, шуиз, 17святой интыез сантэмамез ас синмынызы адӟыса, туркам-таркам городэз, вашкала атайёслэсь пуктон-косонъёссэ сӧрем понна кышкатэк ожмаськыны кулэ, шуиз. 18Маккавей шуиз: «Соос уго ожмаськон тӥрлык вылэ, кышкасьтэм луон вылэ оскисько, нош асьмеос Ваньмызлэсь Кужмо Инмар вылэ оскиськиськомы, Со, одӥг пол кизэ ӝутыса, асьмеос вылэ лыктӥсьёсты но, быдэс дуннеез но погыртыны быгатэ». 19Со соослы вераз, кызьы вашкала атайёссы доры дурбасьтон вуылӥз, кызьы Сеннахирим дыръя сю тямыстон вить сюрс воргоронъёс виемын-быдтэмын вал,#8:19 4 Экс. 19:35-36 20Вавилонын галатъёслы пумит азьвыл ожмаськем сярысь, кызьы соос тямыс сюрс муртэн ньыль сюрс македон ожгарчиосын ӵош ожмаськонэ лыктӥзы, македон ожгарчиос шуге-леке вуыку, та тямыс сюрс муртъёс, соослы Инмысь юрттэт вуэм бере сю кызь сюрс муртэ быдтӥзы, трос ожваньбур люказы. 21Таӵе веранъёсын-мадёнъёсын соосты со кышкасьтэмесь кариз, законъёс но атыкай музъем понна кулыны но дасесь мед луозы шуыса индылӥз, собере армизэ ньыль отрядлы люкиз, 22котькуд отрядлы азьвалтӥсе аслэсьтыз агай-вынъёссэ пуктӥз: Симонэз, Иосифез, Ионафанэз; котькудзылэн киулазы сюрс вить сю муртэ пуктӥз. 23Собере Елеазарез вӧсь книгаез лыдӟыны косӥз, Инмарлэн юрттэмезлы оскиськыса, со ачиз азьпалаз мынӥсь отрядлы азьвалтӥсь луиз но Никанорен ожмаськыны кутскиз. 24Ваньмызлэсь Кужмо Инмар соослэн юрттӥсьсы вал бере, укмыс сюрслэсь но трос тушмонэз соос погыртӥзы, Никанорлэн армиысьтыз эшшо талэсь но троссэгес ожгарчиосты яраё, ӧлексы каризы, ваньзы пегӟыса кошконо луизы. 25Соосты ляльчие дунэн басьтыны лыктэмъёслэсь уксёзэс басьтӥзы; кыдёке бӧрсязы уйиськыса мынӥзы, шунды пуксьыны кутскем бере асьсэ доры берытскизы. 26Уго та суббота азьысь нунал вал; та муген ик соос бӧрсьы уйиськыса ӧз ни мынэ. 27Тушмон бервылысь ож тӥрлыкез бичамзы но ожгарчиослэсь дӥськутсэс кыльыса басьтэмзы бере субботаез сӥё-дано пусйизы, Кузё-Инмарлы сюлмысьтызы тау каризы, со нуналэ соосты утемез понна но Аслэсьтыз гажан-жалянзэ возьматыны кутскемез понна данъязы Сое. 28Суббота ортчем бере ожваньбур пӧлысь оглюкетсэ сӧсыртэмъёслы, палкышноослы, анай-атайтэм нылпиослы сётъязы, кылемзэ люкетэз асьсэ куспын, нылпиоссы куспын люкылӥзы. 29Та ужез йылпумъям бере калыкен ӵош огъя вӧсяськон ортчытӥзы, гажась-жалясь Кузё-Инмарлэсь тэльмырыса куризы, Ас ляльчиосыныз быдэсак тупаса улыны мед кутскысал шуыса. 30Тимофеен Вакхид, ӵош кариськыса, соос вылэ урдскем бере соос кызь сюрслэсь трос муртэ виизы но капчиен гурезь йылъёсысь изкаръёсты киултӥзы; трос ожваньбурез огкадь куспазы люкылӥзы, сӧсыртэмъёслы, анай-атайтэм нылпиослы, палкышноослы, эшшо тӧроослы но огкадь сётъязы. 31Тушмон бере ожмаськон тӥрлык люкаса, ваньзэ ӝик-ӝик умой интыосы тыризы, нош кылемзэ ожваньбурзэс Иерусалиме вайизы. 32Тимофейлэн армиеныз кивалтӥсез, сьӧлыклэсь кышкасьтэм, иудейёслы трос куректон-кайгу вайись муртэ, виизы. 33Собере, ас вордскем музъемазы вормонэз данэн пусйыку, Каллисфенэз но мукетъёссэ священной капкаез сутӥсьёсты асьсэдыз сутӥзы – соос одӥгаз корка ватӥськизы вал, – озьы асьсэлэн лек ужзы понна ярамон пунэм берыктон доразы вуиз. 34Нош йыруж лэсьтӥсьёс пӧлысь йыруж лэсьтӥсь Никанор, иудейёсты дунэн басьтыны сюрс вузчиосты вуттӥсь, 35Инмарлэн юрттэменыз, со адямиос, кинъёсты со номыр ӵотэ но уг поны вал, сое возьытэ вуттӥзы; вылысьтыз шукырес дӥськутсэ кылиз но, пегась ляльчи кадь, армиязы пазьгем понна туж ӝожомыса, пыдлось шор музъемъёс пыр мыныса, огназ Антиохияе вуиз. 36Со, Иерусалимын улӥсьёсты пленэ кутыса, ляльчие вузаса, Рим кунлы выт тыронэз быдэстыны басьтӥськиз вал, но со ик ялоно луиз: иудейёслэн дурбасьтӥсьсы Инмар луэ, соин ик соос быдэс кылё, малы ке шуоно соос Инмарлэн сётэм законъёсызлы тэрытско.
Currently Selected:
Маккавейёслэн 2-тӥ книгазы 8: УДМБИБ
Highlight
Share
Copy
Want to have your highlights saved across all your devices? Sign up or sign in
(c) Библияез берыктонъя Институт, Хельсинки, 2013; 2016
Маккавейёслэн 2-тӥ книгазы 8
8
8-тӥ ЛЮКЕТ
1Со виын ик Маккавей Иуда, соин ӵош луэмъёс но, лушкемен гуртъёстӥ ветлыса, ӵыжы-выжыоссэс люказы, иудей осконэз утисьёсты пӧлазы пыртылӥзы, ог куать сюрс пала воргоронъёсты люказы. 2Соос тэльмырыса Кузё-Инмарлы вазиськизы, ваньмыныз ултӥям калык шоры Со мед учкысал, сьӧлыклэсь кышкасьтэм адямиосын саптам храмез мед жалясал шуыса; 3музъемен ӵошкатон калэ вуэм, туркам-таркам городэз мед жалясал, виемъёслэн вирзылэсь Солы тэльмырыса вазиськемзэ санэ мед басьтысал шуыса; 4чик янгыштэм нуныосты сьӧсь амалын виылэмез, Аслэсьтыз нимзэ сантэмамзэс тодаз мед вайысал но лек адямиос вылэ вожзэ мед поттысал. 5Трос адямиосты котыраз люкам бере Маккавей язычникъёслы вормонтэм луиз, малы ке шуоно Кузё-Инмар, Ас калыкез вылысь вожпотонзэ палэнтыса, сое гажаны-жаляны кутскиз. 6Малпамтэ шорысь городъёс, гуртъёс вылэ урдскыса, Маккавей соосты сутылӥз, тупамон интыосты киултылӥз, трос тушмонъёсты вормылӥз, улляса лэзьылӥз; 7таӵе ужъёсты быдэсъян вылысь ӵемгес уйёсты бырйылӥз; солэн кышкасьтэм луэмез сярысь ивор котькытчы вӧлмиз.
8Та воргорон каллен-каллен кужым люка ни, ужъёссэ быдэсъякуз но со ӵемгес но ӵемгес азинлык басьтэ шуыса, Филипп адӟиз, соку со Птоломейлы, Келе-Сириялэн но Финикиялэн ож ужен кивалтӥсезлы, гожтэт гожъяз, эксэйлэн ужъёсызлы мед юрттоз шуыса. 9Нош со чик ӝегатскытэк тужгес но матысь эшъёсыз пӧлысь Патрокллэсь Никанор пизэ бырйиз, вань иудей выжыез мед быдтоз шуыса, сое ыстӥз, со киулэ пӧртэм калыкъёс пӧлысь потэм ог кызь сюрс ожгарчиосты сётӥз; соин ӵош Птоломей ож ужъёсты нуыны быгатӥсь, ож ужен кивалтӥсь Горгиез ыстӥз на. 10Никанор таӵе пуктон гожтӥз: пленэ кутэм иудейёсты ляльчие вузаса, эксэйлэсь Рим кунлы кык сюрс талант выт тыронзэ быдэстоно. 11Соин со чик ӝегатскытэк зарезь дурысь городъёсы адямиоссэ ыстӥз отын улӥсьёс ляльчилы иудейёсты октыны мед лыктозы, одӥг талантэн укмыстон иудейёсты вуттыны кыл сётӥз; нош со ӧз возьма, ӧз малпа, Ваньмызлэсь Кужмо дорысь ас вылаз пунэм берыктон одно ик вуоз шуыса. 12Иудалы ивор вуттэмын вал, Никанор лыктэ шуыса. Со асэныз ӵош луэмъёслы ивортӥз войско лыктэм сярысь, 13соку кышкасьёс, Инмарлэн пунэм берыктонэзлы оскисьтэмъёс, интызэс кельтыса, пегӟыса кошкизы. 14Нош мукетъёсыз, марзы кылемын на вал, ваньзэ вузазы но, соосты, сьӧлыклэсь кышкасьтэм Никанорлэсь ож кутскемлэсь азьвыл ини вузамъёссэ, мед мозмытоз вал шуыса, Кузё-Инмарлэсь тэльмырыса куризы, 15соос понна ӧз ке мозмыты, соку атайёсынызы сӥзён-косонъёс пыр кусып кылдытэмез понна, соос вылэ Аслэсьтыз святой но данлыко нимзэ сётэмез понна мед мозмытоз вал шуыса куризы.
16Соку Маккавей асэныз ӵош ветлӥсь куать сюрс воргоронъёсты люказ но мылкыдзэс лӧпкытъяз, тушмонлэсь медаз курдалэ, шонертэм амалэн соос вылэ лыктӥсь язычникъёслэн трос лыдзылэсь медаз кышкалэ, – кышкатэк ожмаськыны кулэ, шуиз, 17святой интыез сантэмамез ас синмынызы адӟыса, туркам-таркам городэз, вашкала атайёслэсь пуктон-косонъёссэ сӧрем понна кышкатэк ожмаськыны кулэ, шуиз. 18Маккавей шуиз: «Соос уго ожмаськон тӥрлык вылэ, кышкасьтэм луон вылэ оскисько, нош асьмеос Ваньмызлэсь Кужмо Инмар вылэ оскиськиськомы, Со, одӥг пол кизэ ӝутыса, асьмеос вылэ лыктӥсьёсты но, быдэс дуннеез но погыртыны быгатэ». 19Со соослы вераз, кызьы вашкала атайёссы доры дурбасьтон вуылӥз, кызьы Сеннахирим дыръя сю тямыстон вить сюрс воргоронъёс виемын-быдтэмын вал,#8:19 4 Экс. 19:35-36 20Вавилонын галатъёслы пумит азьвыл ожмаськем сярысь, кызьы соос тямыс сюрс муртэн ньыль сюрс македон ожгарчиосын ӵош ожмаськонэ лыктӥзы, македон ожгарчиос шуге-леке вуыку, та тямыс сюрс муртъёс, соослы Инмысь юрттэт вуэм бере сю кызь сюрс муртэ быдтӥзы, трос ожваньбур люказы. 21Таӵе веранъёсын-мадёнъёсын соосты со кышкасьтэмесь кариз, законъёс но атыкай музъем понна кулыны но дасесь мед луозы шуыса индылӥз, собере армизэ ньыль отрядлы люкиз, 22котькуд отрядлы азьвалтӥсе аслэсьтыз агай-вынъёссэ пуктӥз: Симонэз, Иосифез, Ионафанэз; котькудзылэн киулазы сюрс вить сю муртэ пуктӥз. 23Собере Елеазарез вӧсь книгаез лыдӟыны косӥз, Инмарлэн юрттэмезлы оскиськыса, со ачиз азьпалаз мынӥсь отрядлы азьвалтӥсь луиз но Никанорен ожмаськыны кутскиз. 24Ваньмызлэсь Кужмо Инмар соослэн юрттӥсьсы вал бере, укмыс сюрслэсь но трос тушмонэз соос погыртӥзы, Никанорлэн армиысьтыз эшшо талэсь но троссэгес ожгарчиосты яраё, ӧлексы каризы, ваньзы пегӟыса кошконо луизы. 25Соосты ляльчие дунэн басьтыны лыктэмъёслэсь уксёзэс басьтӥзы; кыдёке бӧрсязы уйиськыса мынӥзы, шунды пуксьыны кутскем бере асьсэ доры берытскизы. 26Уго та суббота азьысь нунал вал; та муген ик соос бӧрсьы уйиськыса ӧз ни мынэ. 27Тушмон бервылысь ож тӥрлыкез бичамзы но ожгарчиослэсь дӥськутсэс кыльыса басьтэмзы бере субботаез сӥё-дано пусйизы, Кузё-Инмарлы сюлмысьтызы тау каризы, со нуналэ соосты утемез понна но Аслэсьтыз гажан-жалянзэ возьматыны кутскемез понна данъязы Сое. 28Суббота ортчем бере ожваньбур пӧлысь оглюкетсэ сӧсыртэмъёслы, палкышноослы, анай-атайтэм нылпиослы сётъязы, кылемзэ люкетэз асьсэ куспын, нылпиоссы куспын люкылӥзы. 29Та ужез йылпумъям бере калыкен ӵош огъя вӧсяськон ортчытӥзы, гажась-жалясь Кузё-Инмарлэсь тэльмырыса куризы, Ас ляльчиосыныз быдэсак тупаса улыны мед кутскысал шуыса. 30Тимофеен Вакхид, ӵош кариськыса, соос вылэ урдскем бере соос кызь сюрслэсь трос муртэ виизы но капчиен гурезь йылъёсысь изкаръёсты киултӥзы; трос ожваньбурез огкадь куспазы люкылӥзы, сӧсыртэмъёслы, анай-атайтэм нылпиослы, палкышноослы, эшшо тӧроослы но огкадь сётъязы. 31Тушмон бере ожмаськон тӥрлык люкаса, ваньзэ ӝик-ӝик умой интыосы тыризы, нош кылемзэ ожваньбурзэс Иерусалиме вайизы. 32Тимофейлэн армиеныз кивалтӥсез, сьӧлыклэсь кышкасьтэм, иудейёслы трос куректон-кайгу вайись муртэ, виизы. 33Собере, ас вордскем музъемазы вормонэз данэн пусйыку, Каллисфенэз но мукетъёссэ священной капкаез сутӥсьёсты асьсэдыз сутӥзы – соос одӥгаз корка ватӥськизы вал, – озьы асьсэлэн лек ужзы понна ярамон пунэм берыктон доразы вуиз. 34Нош йыруж лэсьтӥсьёс пӧлысь йыруж лэсьтӥсь Никанор, иудейёсты дунэн басьтыны сюрс вузчиосты вуттӥсь, 35Инмарлэн юрттэменыз, со адямиос, кинъёсты со номыр ӵотэ но уг поны вал, сое возьытэ вуттӥзы; вылысьтыз шукырес дӥськутсэ кылиз но, пегась ляльчи кадь, армиязы пазьгем понна туж ӝожомыса, пыдлось шор музъемъёс пыр мыныса, огназ Антиохияе вуиз. 36Со, Иерусалимын улӥсьёсты пленэ кутыса, ляльчие вузаса, Рим кунлы выт тыронэз быдэстыны басьтӥськиз вал, но со ик ялоно луиз: иудейёслэн дурбасьтӥсьсы Инмар луэ, соин ик соос быдэс кылё, малы ке шуоно соос Инмарлэн сётэм законъёсызлы тэрытско.
Currently Selected:
:
Highlight
Share
Copy
Want to have your highlights saved across all your devices? Sign up or sign in
(c) Библияез берыктонъя Институт, Хельсинки, 2013; 2016