Маккавейёслэн 2-тӥ книгазы 6
6
6-тӥ ЛЮКЕТ
1Кӧня ке дыр ортчыса, эксэй Афины карын улӥсь одӥг пересь визьнодчиез иудей калык пӧлы соос атайёссылэн законъёссылэсь мед куштӥськозы, Инмарлэн законъёсызъя медаз улэ шуыса дышетыны ыстӥз, 2нош озьы ик Иерусалимысь храмез саптаны, сое Олимпысь Юпитерлэн храмез шуыса ниманы ыстӥз, нош Гаризинысь храмлы но Юпитерлэсь нимзэ сётыны косӥз, уго та ёросын улӥсьёс – сьӧрлось лыктэм калык вал. 3Секыт, чидантэм секыт вал калык доры вуэм шугадӟонъёс. 4Храме юмшась, калгись язычникъёс пачылаз пыризы, калгись нылкышноосын кусып возизы, самой святой бӧльмыос пушкын кышномуртъёсын азон-калгон сьӧлыкъёс лэсьтылыса улӥзы, законэн лэзьымтэ арбериосты храмлэн пушказ пыртылӥзы. 5Курбон сётон ӝӧк вылэ пачылаз ярантэм, законэн лэзьымтэ курбонъёсты тыризы. 6Субботаез утьыны, атайёслэсь праздникъёссэс ортчытъяны уг ни луы вал, иудей шуыса нимаськыны но уг ни луы вал. 7Толэзьлы быдэ, эксэйлэн вордскем нуналаз, соосты сульдэръёслы-идолъёслы курбон сётылонэ туж ёртыса нуллылӥзы, нош Дионислы сӥзем праздник нуналэ, Дионисэз сылӥ карон понна, йыр вылазы плющ турын-сяськалэсь пунэм тугокоос поныса, ульчаос кузя йыг-йыг вамышъяса мыныны иудейёсты ёртыса косылӥзы. 8Птоломейлэн ӝуткамезъя таӵе ик косон сётэмын вал бускель эллин городъёслы но, соос но иудейёслы пумит таӵе ик ужъёс мед лэсьтозы, соосты сульдэръёслы-идолъёслы курбонъёс сётылыны мед ёртозы, 9нош кин эллин сямъёсты кабыл ӧз басьты, соосты мед виылозы. Со вакытэ зэмос куректон-кайгуэз адӟыны луэ вал. 10Кык кышномуртъёс, пиоссылы вандӥськон сям ортчытӥзы шуыса, янгыше уськытэмын вал; та понна та кышномуртъёслэн ноныоссы борды нуныоссэс ошизы, город кузя адямиос азьтӥ нуизы но борддор йылысен соосты куштӥзы. 11Мукетъёсыз матысь пещераосы пегӟизы, отын сизьыметӥ нуналэз лушкемен пусйизы, нош кин ке но Филипплы урттӥськем бере соосты сутӥзы, уго соос, та святой нуналэз сӥлы карыса, тушмонлы пумит ожмаськыны ӧз кутске.
12Кин ке та книгаез лыдӟоно луиз ке, та шугадӟонъёс пумысен медаз куалекты, со мед валатскоз, та курадӟонъёс быронлы ӧвӧл, соос асьмелэсь выжымес визьман понна сётӥсько. 13Сьӧлыклэсь кышкасьтэмъёслы трос дыр уг сётӥськы, ӝоген соос асьсэос вӧсь карон улэ шедё, – со ик луэ быдӟым ӟеч ужлэн тодметэз. 14Кузё-Инмар мукет калыкъёслы кадь асьмелы уг лэсьты уго: соосты вӧсь карон понна Со, сьӧлыкъёссылэсь пачыл луэмзэс возьмаса, кема чидаса улэ; 15но асьмеды Со сьӧлыкъёсмы пачыл луэмлэсь азьвыл ини вӧсь каре. 16Озьы Со ноку но асьме бордысь гажан-жалянзэ уг палэнты, шугадӟонъёс лэзьыса, асьмеды вӧсь каре ке но, Ас калыкезлэсь уг куштӥськы. 17Та асьмелы тодэ ваён понна верамын мед луоз: та кӧня ке кылъёс бере веран-мадён пала берытскомы.
18Валтӥсь книга тодӥсьёс пӧлын кыӵе ке но Елеазар нимо адями вал, пересьмон арлыдэ вуыса но солэн чебер тусбуез бездэмын ӧй вал. Солэсь ымзэ кужмысь усьтыса, сое парсь сӥль сиыны ёртӥзы. 19Сӥтэм-сантэм улонэз кулэ карытэк со сӥё-дано кулонэн кулыны мылкыд кариз но ас мылкыдыныз курадӟытон киулэ сётӥськиз, ымаз кужмысь понэм сӥль люкетсэс сялӟыса куштӥз, 20кызьы лэсьтыны кулэ вал законъя улонэз яратӥсьёс ярантэм сиёнлэсь утиськон понна. 21Соку законлы ярантэм курбон сётонэз ортчытыны пуктэмъёс, кемалась дырысен та пиосмуртэз тодӥсьёс, сое палэнэ ӧтьыса, асьсэ куспын либатыны выризы, аслыз сиыны ярась сӥлез, аслэсьтыз дасямзэ, со мед вайысал но мед возьматэмъяськысал, эксэйлэсь косэм курбон сӥльзэ сие шуыса, 22тазьы лэсьтӥз ке, кулонлэсь мозмытскоз но, азьвыл дырысен соин эшъяськыса улэмысь солы адямиез яратэмзэс возьматозы. 23Нош со бадӟым арлыдэ, сӥё-дано пересьмон вакытэ вуыса, гажаны ярамон пурысьтан вакытэ вуыса, пичи дырысеныз Инмарлэсь кышканэн будэтэмын вал бере, ӟеч малпанэн юнматскиз, нош уката ик – Инмарен сётэм святой законъёсты утён бордын юн сылыса, со ӟеч малпанэн юнматскиз, соин ик ответ сётыса шуиз: «Ӝегатскытэк виёно; 24асьмелэн арескамы кескичъяськыны ӟеч ӧвӧл, озьы лэсьтӥ ке, трос пинал муртъёс укмыстон аресъем Елеазар язычникъёс пӧлы выжем шуыса малпалозы но, 25мынам кескичъяськемелы луыса, ӧвӧлтэмлэсь вань гинэ, вакчи дырлы гинэ сётӥськем улонлы луыса мон пыр йыромозы, со пыр мон возьытэ уськытэмын луысал, аслэсьтым пересьмон даурме саптасал. 26Али дыре мон адямиослэн курадӟытонзылэсь мозмытски ке но, Дунне Кутӥсь Инмарлэн бур киызлэсь таяз улонын но, кулэм берам улонын но утиськыны уг быгаты. 27Соин ик табере кышкатэк таизлэсь улонлэсь люкиськыса, мон ачим та сӥё-дано пересьмон вакытэ вуонлы ярамон вал шуыса возьмато, 28нош пинал калыклы – капчи мылкыдын, кышкатэк, сӥлы карыны ярамон, святой законъёс понна кулонэз ӟеч адӟем каронлы кельто». Та кылъёсты вераз но соку ик курадӟытӥсьёслэн киулазы мынӥз. 29Соку сое нуисьёс но, та азьын солы ӟеч мылкыдзэс возьматӥсьёс, та верам кылъёслы луыса ӟеч мылкыдзэс адӟемпотостэм каронэн воштӥзы, уго соос лыдъязы, та кылъёсты визьзэ ыштэм мурт вера шуыса. 30Жугисьёслэн киулазы кулыны дасяськыса, со мур лулӟиськыса шуиз: «Ваньзэ тодӥсь Кузё-Инмарлы тодмо: мон кулонлэсь утиськыны быгатыса вылысь, мугорылы чидантэм секыт курадӟонэз кабыл басьтӥсько. Кузё-Инмарлы тодмо: Со азьын кышканэн улӥсько бере, лулыным шумпотыса курадӟонэз чидасько». 31Тазьы Елеазар кулӥз, пиналъёслы гинэ ӧвӧл, калык пӧлысь тросэзлы со, тазьы кулыса, кышкасьтэм, ӟеч сямо луэмзэ адӟем карыны, буре вайыны кельтӥз.
Currently Selected:
Маккавейёслэн 2-тӥ книгазы 6: УДМБИБ
Highlight
Share
Copy
Want to have your highlights saved across all your devices? Sign up or sign in
(c) Библияез берыктонъя Институт, Хельсинки, 2013; 2016
Маккавейёслэн 2-тӥ книгазы 6
6
6-тӥ ЛЮКЕТ
1Кӧня ке дыр ортчыса, эксэй Афины карын улӥсь одӥг пересь визьнодчиез иудей калык пӧлы соос атайёссылэн законъёссылэсь мед куштӥськозы, Инмарлэн законъёсызъя медаз улэ шуыса дышетыны ыстӥз, 2нош озьы ик Иерусалимысь храмез саптаны, сое Олимпысь Юпитерлэн храмез шуыса ниманы ыстӥз, нош Гаризинысь храмлы но Юпитерлэсь нимзэ сётыны косӥз, уго та ёросын улӥсьёс – сьӧрлось лыктэм калык вал. 3Секыт, чидантэм секыт вал калык доры вуэм шугадӟонъёс. 4Храме юмшась, калгись язычникъёс пачылаз пыризы, калгись нылкышноосын кусып возизы, самой святой бӧльмыос пушкын кышномуртъёсын азон-калгон сьӧлыкъёс лэсьтылыса улӥзы, законэн лэзьымтэ арбериосты храмлэн пушказ пыртылӥзы. 5Курбон сётон ӝӧк вылэ пачылаз ярантэм, законэн лэзьымтэ курбонъёсты тыризы. 6Субботаез утьыны, атайёслэсь праздникъёссэс ортчытъяны уг ни луы вал, иудей шуыса нимаськыны но уг ни луы вал. 7Толэзьлы быдэ, эксэйлэн вордскем нуналаз, соосты сульдэръёслы-идолъёслы курбон сётылонэ туж ёртыса нуллылӥзы, нош Дионислы сӥзем праздник нуналэ, Дионисэз сылӥ карон понна, йыр вылазы плющ турын-сяськалэсь пунэм тугокоос поныса, ульчаос кузя йыг-йыг вамышъяса мыныны иудейёсты ёртыса косылӥзы. 8Птоломейлэн ӝуткамезъя таӵе ик косон сётэмын вал бускель эллин городъёслы но, соос но иудейёслы пумит таӵе ик ужъёс мед лэсьтозы, соосты сульдэръёслы-идолъёслы курбонъёс сётылыны мед ёртозы, 9нош кин эллин сямъёсты кабыл ӧз басьты, соосты мед виылозы. Со вакытэ зэмос куректон-кайгуэз адӟыны луэ вал. 10Кык кышномуртъёс, пиоссылы вандӥськон сям ортчытӥзы шуыса, янгыше уськытэмын вал; та понна та кышномуртъёслэн ноныоссы борды нуныоссэс ошизы, город кузя адямиос азьтӥ нуизы но борддор йылысен соосты куштӥзы. 11Мукетъёсыз матысь пещераосы пегӟизы, отын сизьыметӥ нуналэз лушкемен пусйизы, нош кин ке но Филипплы урттӥськем бере соосты сутӥзы, уго соос, та святой нуналэз сӥлы карыса, тушмонлы пумит ожмаськыны ӧз кутске.
12Кин ке та книгаез лыдӟоно луиз ке, та шугадӟонъёс пумысен медаз куалекты, со мед валатскоз, та курадӟонъёс быронлы ӧвӧл, соос асьмелэсь выжымес визьман понна сётӥсько. 13Сьӧлыклэсь кышкасьтэмъёслы трос дыр уг сётӥськы, ӝоген соос асьсэос вӧсь карон улэ шедё, – со ик луэ быдӟым ӟеч ужлэн тодметэз. 14Кузё-Инмар мукет калыкъёслы кадь асьмелы уг лэсьты уго: соосты вӧсь карон понна Со, сьӧлыкъёссылэсь пачыл луэмзэс возьмаса, кема чидаса улэ; 15но асьмеды Со сьӧлыкъёсмы пачыл луэмлэсь азьвыл ини вӧсь каре. 16Озьы Со ноку но асьме бордысь гажан-жалянзэ уг палэнты, шугадӟонъёс лэзьыса, асьмеды вӧсь каре ке но, Ас калыкезлэсь уг куштӥськы. 17Та асьмелы тодэ ваён понна верамын мед луоз: та кӧня ке кылъёс бере веран-мадён пала берытскомы.
18Валтӥсь книга тодӥсьёс пӧлын кыӵе ке но Елеазар нимо адями вал, пересьмон арлыдэ вуыса но солэн чебер тусбуез бездэмын ӧй вал. Солэсь ымзэ кужмысь усьтыса, сое парсь сӥль сиыны ёртӥзы. 19Сӥтэм-сантэм улонэз кулэ карытэк со сӥё-дано кулонэн кулыны мылкыд кариз но ас мылкыдыныз курадӟытон киулэ сётӥськиз, ымаз кужмысь понэм сӥль люкетсэс сялӟыса куштӥз, 20кызьы лэсьтыны кулэ вал законъя улонэз яратӥсьёс ярантэм сиёнлэсь утиськон понна. 21Соку законлы ярантэм курбон сётонэз ортчытыны пуктэмъёс, кемалась дырысен та пиосмуртэз тодӥсьёс, сое палэнэ ӧтьыса, асьсэ куспын либатыны выризы, аслыз сиыны ярась сӥлез, аслэсьтыз дасямзэ, со мед вайысал но мед возьматэмъяськысал, эксэйлэсь косэм курбон сӥльзэ сие шуыса, 22тазьы лэсьтӥз ке, кулонлэсь мозмытскоз но, азьвыл дырысен соин эшъяськыса улэмысь солы адямиез яратэмзэс возьматозы. 23Нош со бадӟым арлыдэ, сӥё-дано пересьмон вакытэ вуыса, гажаны ярамон пурысьтан вакытэ вуыса, пичи дырысеныз Инмарлэсь кышканэн будэтэмын вал бере, ӟеч малпанэн юнматскиз, нош уката ик – Инмарен сётэм святой законъёсты утён бордын юн сылыса, со ӟеч малпанэн юнматскиз, соин ик ответ сётыса шуиз: «Ӝегатскытэк виёно; 24асьмелэн арескамы кескичъяськыны ӟеч ӧвӧл, озьы лэсьтӥ ке, трос пинал муртъёс укмыстон аресъем Елеазар язычникъёс пӧлы выжем шуыса малпалозы но, 25мынам кескичъяськемелы луыса, ӧвӧлтэмлэсь вань гинэ, вакчи дырлы гинэ сётӥськем улонлы луыса мон пыр йыромозы, со пыр мон возьытэ уськытэмын луысал, аслэсьтым пересьмон даурме саптасал. 26Али дыре мон адямиослэн курадӟытонзылэсь мозмытски ке но, Дунне Кутӥсь Инмарлэн бур киызлэсь таяз улонын но, кулэм берам улонын но утиськыны уг быгаты. 27Соин ик табере кышкатэк таизлэсь улонлэсь люкиськыса, мон ачим та сӥё-дано пересьмон вакытэ вуонлы ярамон вал шуыса возьмато, 28нош пинал калыклы – капчи мылкыдын, кышкатэк, сӥлы карыны ярамон, святой законъёс понна кулонэз ӟеч адӟем каронлы кельто». Та кылъёсты вераз но соку ик курадӟытӥсьёслэн киулазы мынӥз. 29Соку сое нуисьёс но, та азьын солы ӟеч мылкыдзэс возьматӥсьёс, та верам кылъёслы луыса ӟеч мылкыдзэс адӟемпотостэм каронэн воштӥзы, уго соос лыдъязы, та кылъёсты визьзэ ыштэм мурт вера шуыса. 30Жугисьёслэн киулазы кулыны дасяськыса, со мур лулӟиськыса шуиз: «Ваньзэ тодӥсь Кузё-Инмарлы тодмо: мон кулонлэсь утиськыны быгатыса вылысь, мугорылы чидантэм секыт курадӟонэз кабыл басьтӥсько. Кузё-Инмарлы тодмо: Со азьын кышканэн улӥсько бере, лулыным шумпотыса курадӟонэз чидасько». 31Тазьы Елеазар кулӥз, пиналъёслы гинэ ӧвӧл, калык пӧлысь тросэзлы со, тазьы кулыса, кышкасьтэм, ӟеч сямо луэмзэ адӟем карыны, буре вайыны кельтӥз.
Currently Selected:
:
Highlight
Share
Copy
Want to have your highlights saved across all your devices? Sign up or sign in
(c) Библияез берыктонъя Институт, Хельсинки, 2013; 2016