Маккавейёслэн 2-тӥ книгазы 12
12
12-тӥ ЛЮКЕТ
1Та огкылэз гожтыса йылпумъям бере ик Лисий эксэй доры мыныны потӥз, нош иудейёс музъем ужъёссы борды басьтӥськизы. 2Нош татысь ож ужен кивалтӥсьёс Тимофей но Аполлоний, Генейлэн пиез, Иеронимен Димофон кадь ик, соос сяна эшшо Никанор, Кипрлэн кивалтӥсез, кышкатэк, каньылэн улыны маза ӧз сётэ. 3Нош Иоппияын улӥсьёс Инмарлэсь чик кышкатэк таӵе урод уж лэсьтӥзы: асэныз ӵош улӥсь иудейёсты кышноосынызы, нылпиосынызы валче асьсэлэн дасям пыжъёсазы пырыны ӧтизы, соослы нокыӵе но вожпотонзы ӧвӧл, пе, соослэн. 4Иудейёс соглаш луизы, уго соослэн куспазы тупаса улэмзы потэ вал, нокыӵе но лушкем малпанзы ӧй вал; зарезь вылтӥ ярдурысь палэнэгес мыныса гинэ вуизы, соку городын улӥсьёслэн кутэм решенизыя, Иоппия карын улӥсьёс соосты, ог кык сю муртэ, вуэн ӝокатӥзы. 5Ас выжы калыкезлы макем лек уж лэсьтэмын шуыса, Иуда тодӥз но асэныз ӵош луэмъёслы та сярысь ялӥз, 6Шонерлыко Судьялы Инмарлы вазиськиз но агай-вынъёссэ юрӟым амалэн виылӥсьёс вылэ ожен мынӥз, корабльёслэсь сылон интызэс уйин сутӥз, пыжъёссэс но сутӥз, нош бызьыса лыктӥсьёсты виылӥз. 7Нош та инты котыртэмын-пытсамын вал бере, выльысен татчы лыктыса, Иоппияын вань улӥсьёсты виылыны малпаса, со татысь кошкиз. 8Иамния карын улӥсьёс но таӵе амалэн ик пӧлазы улӥсь иудей калыкез быдтыны туртто шуыса тодӥз но, 9уйин со Иамния карын улӥсьёс вылэ урдскиз, корабльёсты пристаненызы валче сутӥз, гомась тыллэн лопыръяськемез Иерусалимын, кык сю ньыльдон стадия кемын#12:9 кык сю ньыльдон стадия ог витьтон иськемлы тупа, адӟиськиз.
10Отысен укмыс стадия ортчем бере, Тимофейлы пумит ожен мыныкузы, соос вылэ арабъёс урдскизы, ог вить сюрс мурт вал соос, вить сю буш вал вылын мынӥсьёссы но вал. 11Кужмо жугиськон пуромиз, нош Инмарлэн юрттэменыз, Иудалэн ожгарчиосыз арабъёсты вормизы, соку кӧчыса ветлӥсь арабъёс Иудалэсь тупаса улон куризы, кыл сётӥзы соослы пудо вайылыны, мукет пайдаё ужъёс лэсьтыны. 12Иуда валаз, соос зэмзэ ик трос пол пайда ужъёс лэсьтыны быгатозы шуыса, соин ик со соглаш луиз соосын тупаса улон сярысь огкыл гожтыны; тупаса улон сярысь огкыл кутэм бере арабъёс балаганъёсазы кошкизы. 13Со эшшо одӥг город вылэ урдскиз на, солэн юн-юн выжез вал, из борддорен котыртэм кар, отын пӧртэм пумо калыкъёс улӥзы, нимыз – Каспин. 14Из борддоръёссылэн юнлыксы вылэ, запасын возиськись сиён-юонъёссы вылэ оскиськыса, городын улӥсьёс чик кышкатэк возиськизы, Иудаен ӵош вуэмъёсты лек кылъёсын куаретӥзы, Инмарез сантэмазы, ярантэм кылъёс вераллязы. 15Нош Иудаен ӵош ветлӥсьёс, дуннелэн Быдӟым Кузёезлы юрттэт курыса вазиськизы, Солы, Кин Иисус Навин вакытэ из борддоръёсты куашкатъясь машинаостэк, ожмаськон тӥрлыкъёстэк Иерихонэз сузмытӥз; пӧйшуръёс музэн борддор вылэ урдскизы. 16Инмарлэн юрттэменыз, соос городэз киултӥзы, лыдъянтэм трос муртэ виизы, – кар вӧзысь кык стадия#12:16 кык стадия ог куинь сю метрлы тупа пасьта ты вирен пачылмемын, кожасалыд.
17Отысен сизьым сю витьтон стадия кошкыса, соос Хараке тувиин шуон иудейёс доры вуизы; 18нош Тимофеез отысь ӧз шедьтэ, со номыр но лэсьтытэк со музъемысь кошкем, одӥг интые туж кужмо возьмаськись отрядзэ кельтэм. 19Соин ик Маккавеен ӵош ветлӥсь азьвалтӥсьёс Досифеен Сосипатр мынӥзы но Тимофейлэсь изкар пушкы кельтэм ожгарчиоссэ, дас сюрслэсь но тросгес муртэ, виылӥзы. 20Соку Маккавей ожгарчиоссэ отрядъёслы люкылӥз, соослы кивалтӥсе Досифеен Сосипатрез пуктӥз но Тимофей сьӧры уйиськиз, солэн армияз сю кызь сюрс пыдын ожмаськисьёсыз, сюрс вить сю мурт буш вал вылын ожмаськисьёсыз вал. 21Тимофей Иудалэсь матэ вуэмзэ тодӥз, соку со кышнооссэс, нылпиоссэс, мукет обоззэс Карнион шуон интые келяз; уго со изкарез киултоно ке, шуг интые со пуксемын вал. 22Иудалэн нырысетӥез отрядэз адскем бере ик тушмонъёс кышкатскизы, Ваньзэ Адӟись Инмар возьматскиз но, ваньзэсты шимес кышкан ӟыгыртӥз: соос бызьыса кошкыны кутскизы, огез тапала бызе, мукетыз – мукет пала, озьы соосты троссэ асьсэ ожгарчиос ик виылӥзы, асьсэ мечлэн йылсо палыныз бышкалскылӥзы. 23Иуда тыршыса сьӧразы уйиськиз, законлы пумит улӥсьёсты виылӥз, ог куамын сюрс адямизэс вииз. 24Ачиз Тимофей Досифеен, Сосипатрен ӵош ветлӥсьёслэн киулазы сюриз, туж кескичъяськыса, тэльмырыса куриз, сое улэпкын мед лэзьысалзы шуыса, солэн киулаз трос [иудейёслэн] анай-атайёссы, куд-огезлэн агай-вынъёсыз, пе, вал, соос но улэп уз кыле, со ачиз но кулӥз ке. 25Трос кылъёс вераса, со оскытӥз, соосты быдэскын бертыны лэзёз шуыса, соку таос агай-вынъёсты улэп кельтон понна сое кошкыны лэзизы.
26Собере Иуда Карнионлы, Атаргатионлы#12:26 Атаргатион – сири калыклэн Атаргатис нимо нылкышно ”инмарезлэн” куалаез пумит ожмаськыны мынӥз, кызь вить сюрс муртэ быдтӥз. 27Соосты вормем, быдтэм бере Иуда юнматэм Ефрон карен ожмаськыны потӥз, отын Лисий улӥз, пӧртэм выжыысь калыкъёс но трос кузя вал: кужмоесь егит пиос кар борддор азьын сылӥзы но сётскытэк нюръяськизы; отын ик трос ожмаськон тӥрлыкъёс, пукыӵ ньӧлъёс возён интыос вал. 28Нош Иуда ожгарчиосыныз ӵош Ваньмызлэсь Кужмолы юрттэт курыса вазиськизы, Кин Аслаз бадӟым кужыменыз тушмонлэсь кужымзэ пыргытэ, соку соос городэз киултӥзы, отчы учырам ог кызь вить сюрс муртэ погыртӥзы. 29Отысь потыса, Иерусалимлы куать сю стадия кеме интыяськем скифъёслэн городзы вылэ ожен мынӥзы. 30Нош отын улӥсь иудейёс веразы, кызьы Скифкарын улӥсьёс соосын ӟеч мылкыдын уло, шуг-секытъёс дыръя но иудейёслы зӥбыт-востэм сямзэс возьмато. 31Соку Иуда, соин ӵош ветлӥсьёс Скифкарын улӥсьёслы тау каризы, куризы, азьпал дыръёсы но соослэн выжы калыкенызы тазьы ӟеч мылкыдын мед улозы, собере соос Иерусалиме кошкизы, уго Арняослэн праздниксы матэ вуэ вал ини.
32Витьтонэтӥ Нунал шуон праздник ортчем бере соос Идумеялэн ож ужъёсыныз кивалтӥсь Горгийлы пумит ожмаськыны мынӥзы. 33Куинь сюрс пыдын ожмаськисьёсын, ньыль сю вал вылын ожмаськисьёсын Иуда оже потӥз. 34Ожмаськон пуромем бере кӧня ке но иудейёс погыртэмын вал. 35Нош Досифей, вал вылын ожмаськись, кужмо воргорон, Вакинорлэн кивалтэм улсаз ветлӥсьёс пӧлысь одӥгез, Горгиез кутӥз, выл дӥсьтӥз кырмиз но дыртыса гыж нуиз – та каргамез улэпкын пленэ нуыны мед луоз шуыса; нош Фракияысь потэм одӥгез буш вал вылын ожмаськись со доры ворттыса вуиз но пельпумзэ ӵогиз, соку Горгий Мариса каре пегӟиз. 36Ездринэн ӵош ветлӥсьёс кема ожмаськыса жадизы-калсыразы, соку Иуда Кузё-Инмарлэсь юрттэт куриз, Со Ачиз ожмаськонын азьвалтӥсь мед луоз шуыса. 37Вордэм атаезлэн кылыныз бадӟым куараен кырӟаны кутскыса, со бадӟым куараен кеськиз но малпамтэ шорысь Горгиен ӵош ожмаськисьёс вылэ урдскиз, соосты бызьыса кошкытӥз.
38Та бере Иуда бордаз ожгарчиосты люказ но Одоллам город пала вырӟиз; сизьыметӥ нунал матэ вуэ ни вал, соин ик соос ас сямзыя чылкытатӥськизы но суббота нуналэз отын пумитазы. 39Мукетаз нуналэ Иудаен ӵош ветлӥсьёс, куронэз-косонэз быдэстыса, ӵыжы-выжыосынызы огазе атайёссэс ватон шайвылэ ватыны мед луоз шуыса, оже быремъёслэсь шӧйёссэс вайыны мынӥзы. 40Кулэм муртъёс пӧлысь котькудӥзлэн дӥсян улысьтыз Иамния карын улӥсьёслэн сульдэръёссылы-идолъёссылы сӥзем арбериосты шедьтӥзы, – законъя иудейёслы нуллыны лэзьымтэ макеосты; ваньмызлы валамон луиз, кыӵе муген соос погыртэмын вал. 41Соку соос ваньзы ватӥськем ужъёсты шарае поттӥсь, шонер лэсьтӥсь Судьяез Кузё-Инмарез, данъязы, 42вӧсяськыса куризы, соослэн лэсьтэм сьӧлыксы чылкак мед ӵушиськысал шуыса; нош кышканэз тодӥсьтэм Иуда калыкез сьӧлыкъёслэсь утиськыны куриз, уго соос ас синмынызы адӟизы сьӧлык лэсьтэм муртъёсын мар луэмез. 43Вань пиосмуртъёслэсь ог кык сюрс драхма азвесь люкаса, кулэмысь улӟыса султон сярысь малпаськыса, кулэмъёслэн сьӧлыксы понна Иерусалиме курбон сётыны ыстӥз, – туж ӟеч, данъяны ярамон уж лэсьтӥз; 44уго со ӧй ке оскиськысал, оже быремъёс кулэмысь улӟыса султозы шуыса, соку юнме луысал, кулэ но ӧй луысал кулэмъёс понна вӧсяськыны. 45Но со малпаськиз, Инмарлы оскыса кулэмъёслы туж бадӟым мед-кузьым дасямын шуыса, – кыӵе дун-чылкыт, Инмарлы ярамон малпаськон! – соин ик кулэмъёс понна, сьӧлыксылэсь мед мозмытскозы шуыса, сьӧлык понна сётӥськись курбонэз вайиз.
Currently Selected:
Маккавейёслэн 2-тӥ книгазы 12: УДМБИБ
Highlight
Share
Copy
Want to have your highlights saved across all your devices? Sign up or sign in
(c) Библияез берыктонъя Институт, Хельсинки, 2013; 2016
Маккавейёслэн 2-тӥ книгазы 12
12
12-тӥ ЛЮКЕТ
1Та огкылэз гожтыса йылпумъям бере ик Лисий эксэй доры мыныны потӥз, нош иудейёс музъем ужъёссы борды басьтӥськизы. 2Нош татысь ож ужен кивалтӥсьёс Тимофей но Аполлоний, Генейлэн пиез, Иеронимен Димофон кадь ик, соос сяна эшшо Никанор, Кипрлэн кивалтӥсез, кышкатэк, каньылэн улыны маза ӧз сётэ. 3Нош Иоппияын улӥсьёс Инмарлэсь чик кышкатэк таӵе урод уж лэсьтӥзы: асэныз ӵош улӥсь иудейёсты кышноосынызы, нылпиосынызы валче асьсэлэн дасям пыжъёсазы пырыны ӧтизы, соослы нокыӵе но вожпотонзы ӧвӧл, пе, соослэн. 4Иудейёс соглаш луизы, уго соослэн куспазы тупаса улэмзы потэ вал, нокыӵе но лушкем малпанзы ӧй вал; зарезь вылтӥ ярдурысь палэнэгес мыныса гинэ вуизы, соку городын улӥсьёслэн кутэм решенизыя, Иоппия карын улӥсьёс соосты, ог кык сю муртэ, вуэн ӝокатӥзы. 5Ас выжы калыкезлы макем лек уж лэсьтэмын шуыса, Иуда тодӥз но асэныз ӵош луэмъёслы та сярысь ялӥз, 6Шонерлыко Судьялы Инмарлы вазиськиз но агай-вынъёссэ юрӟым амалэн виылӥсьёс вылэ ожен мынӥз, корабльёслэсь сылон интызэс уйин сутӥз, пыжъёссэс но сутӥз, нош бызьыса лыктӥсьёсты виылӥз. 7Нош та инты котыртэмын-пытсамын вал бере, выльысен татчы лыктыса, Иоппияын вань улӥсьёсты виылыны малпаса, со татысь кошкиз. 8Иамния карын улӥсьёс но таӵе амалэн ик пӧлазы улӥсь иудей калыкез быдтыны туртто шуыса тодӥз но, 9уйин со Иамния карын улӥсьёс вылэ урдскиз, корабльёсты пристаненызы валче сутӥз, гомась тыллэн лопыръяськемез Иерусалимын, кык сю ньыльдон стадия кемын#12:9 кык сю ньыльдон стадия ог витьтон иськемлы тупа, адӟиськиз.
10Отысен укмыс стадия ортчем бере, Тимофейлы пумит ожен мыныкузы, соос вылэ арабъёс урдскизы, ог вить сюрс мурт вал соос, вить сю буш вал вылын мынӥсьёссы но вал. 11Кужмо жугиськон пуромиз, нош Инмарлэн юрттэменыз, Иудалэн ожгарчиосыз арабъёсты вормизы, соку кӧчыса ветлӥсь арабъёс Иудалэсь тупаса улон куризы, кыл сётӥзы соослы пудо вайылыны, мукет пайдаё ужъёс лэсьтыны. 12Иуда валаз, соос зэмзэ ик трос пол пайда ужъёс лэсьтыны быгатозы шуыса, соин ик со соглаш луиз соосын тупаса улон сярысь огкыл гожтыны; тупаса улон сярысь огкыл кутэм бере арабъёс балаганъёсазы кошкизы. 13Со эшшо одӥг город вылэ урдскиз на, солэн юн-юн выжез вал, из борддорен котыртэм кар, отын пӧртэм пумо калыкъёс улӥзы, нимыз – Каспин. 14Из борддоръёссылэн юнлыксы вылэ, запасын возиськись сиён-юонъёссы вылэ оскиськыса, городын улӥсьёс чик кышкатэк возиськизы, Иудаен ӵош вуэмъёсты лек кылъёсын куаретӥзы, Инмарез сантэмазы, ярантэм кылъёс вераллязы. 15Нош Иудаен ӵош ветлӥсьёс, дуннелэн Быдӟым Кузёезлы юрттэт курыса вазиськизы, Солы, Кин Иисус Навин вакытэ из борддоръёсты куашкатъясь машинаостэк, ожмаськон тӥрлыкъёстэк Иерихонэз сузмытӥз; пӧйшуръёс музэн борддор вылэ урдскизы. 16Инмарлэн юрттэменыз, соос городэз киултӥзы, лыдъянтэм трос муртэ виизы, – кар вӧзысь кык стадия#12:16 кык стадия ог куинь сю метрлы тупа пасьта ты вирен пачылмемын, кожасалыд.
17Отысен сизьым сю витьтон стадия кошкыса, соос Хараке тувиин шуон иудейёс доры вуизы; 18нош Тимофеез отысь ӧз шедьтэ, со номыр но лэсьтытэк со музъемысь кошкем, одӥг интые туж кужмо возьмаськись отрядзэ кельтэм. 19Соин ик Маккавеен ӵош ветлӥсь азьвалтӥсьёс Досифеен Сосипатр мынӥзы но Тимофейлэсь изкар пушкы кельтэм ожгарчиоссэ, дас сюрслэсь но тросгес муртэ, виылӥзы. 20Соку Маккавей ожгарчиоссэ отрядъёслы люкылӥз, соослы кивалтӥсе Досифеен Сосипатрез пуктӥз но Тимофей сьӧры уйиськиз, солэн армияз сю кызь сюрс пыдын ожмаськисьёсыз, сюрс вить сю мурт буш вал вылын ожмаськисьёсыз вал. 21Тимофей Иудалэсь матэ вуэмзэ тодӥз, соку со кышнооссэс, нылпиоссэс, мукет обоззэс Карнион шуон интые келяз; уго со изкарез киултоно ке, шуг интые со пуксемын вал. 22Иудалэн нырысетӥез отрядэз адскем бере ик тушмонъёс кышкатскизы, Ваньзэ Адӟись Инмар возьматскиз но, ваньзэсты шимес кышкан ӟыгыртӥз: соос бызьыса кошкыны кутскизы, огез тапала бызе, мукетыз – мукет пала, озьы соосты троссэ асьсэ ожгарчиос ик виылӥзы, асьсэ мечлэн йылсо палыныз бышкалскылӥзы. 23Иуда тыршыса сьӧразы уйиськиз, законлы пумит улӥсьёсты виылӥз, ог куамын сюрс адямизэс вииз. 24Ачиз Тимофей Досифеен, Сосипатрен ӵош ветлӥсьёслэн киулазы сюриз, туж кескичъяськыса, тэльмырыса куриз, сое улэпкын мед лэзьысалзы шуыса, солэн киулаз трос [иудейёслэн] анай-атайёссы, куд-огезлэн агай-вынъёсыз, пе, вал, соос но улэп уз кыле, со ачиз но кулӥз ке. 25Трос кылъёс вераса, со оскытӥз, соосты быдэскын бертыны лэзёз шуыса, соку таос агай-вынъёсты улэп кельтон понна сое кошкыны лэзизы.
26Собере Иуда Карнионлы, Атаргатионлы#12:26 Атаргатион – сири калыклэн Атаргатис нимо нылкышно ”инмарезлэн” куалаез пумит ожмаськыны мынӥз, кызь вить сюрс муртэ быдтӥз. 27Соосты вормем, быдтэм бере Иуда юнматэм Ефрон карен ожмаськыны потӥз, отын Лисий улӥз, пӧртэм выжыысь калыкъёс но трос кузя вал: кужмоесь егит пиос кар борддор азьын сылӥзы но сётскытэк нюръяськизы; отын ик трос ожмаськон тӥрлыкъёс, пукыӵ ньӧлъёс возён интыос вал. 28Нош Иуда ожгарчиосыныз ӵош Ваньмызлэсь Кужмолы юрттэт курыса вазиськизы, Кин Аслаз бадӟым кужыменыз тушмонлэсь кужымзэ пыргытэ, соку соос городэз киултӥзы, отчы учырам ог кызь вить сюрс муртэ погыртӥзы. 29Отысь потыса, Иерусалимлы куать сю стадия кеме интыяськем скифъёслэн городзы вылэ ожен мынӥзы. 30Нош отын улӥсь иудейёс веразы, кызьы Скифкарын улӥсьёс соосын ӟеч мылкыдын уло, шуг-секытъёс дыръя но иудейёслы зӥбыт-востэм сямзэс возьмато. 31Соку Иуда, соин ӵош ветлӥсьёс Скифкарын улӥсьёслы тау каризы, куризы, азьпал дыръёсы но соослэн выжы калыкенызы тазьы ӟеч мылкыдын мед улозы, собере соос Иерусалиме кошкизы, уго Арняослэн праздниксы матэ вуэ вал ини.
32Витьтонэтӥ Нунал шуон праздник ортчем бере соос Идумеялэн ож ужъёсыныз кивалтӥсь Горгийлы пумит ожмаськыны мынӥзы. 33Куинь сюрс пыдын ожмаськисьёсын, ньыль сю вал вылын ожмаськисьёсын Иуда оже потӥз. 34Ожмаськон пуромем бере кӧня ке но иудейёс погыртэмын вал. 35Нош Досифей, вал вылын ожмаськись, кужмо воргорон, Вакинорлэн кивалтэм улсаз ветлӥсьёс пӧлысь одӥгез, Горгиез кутӥз, выл дӥсьтӥз кырмиз но дыртыса гыж нуиз – та каргамез улэпкын пленэ нуыны мед луоз шуыса; нош Фракияысь потэм одӥгез буш вал вылын ожмаськись со доры ворттыса вуиз но пельпумзэ ӵогиз, соку Горгий Мариса каре пегӟиз. 36Ездринэн ӵош ветлӥсьёс кема ожмаськыса жадизы-калсыразы, соку Иуда Кузё-Инмарлэсь юрттэт куриз, Со Ачиз ожмаськонын азьвалтӥсь мед луоз шуыса. 37Вордэм атаезлэн кылыныз бадӟым куараен кырӟаны кутскыса, со бадӟым куараен кеськиз но малпамтэ шорысь Горгиен ӵош ожмаськисьёс вылэ урдскиз, соосты бызьыса кошкытӥз.
38Та бере Иуда бордаз ожгарчиосты люказ но Одоллам город пала вырӟиз; сизьыметӥ нунал матэ вуэ ни вал, соин ик соос ас сямзыя чылкытатӥськизы но суббота нуналэз отын пумитазы. 39Мукетаз нуналэ Иудаен ӵош ветлӥсьёс, куронэз-косонэз быдэстыса, ӵыжы-выжыосынызы огазе атайёссэс ватон шайвылэ ватыны мед луоз шуыса, оже быремъёслэсь шӧйёссэс вайыны мынӥзы. 40Кулэм муртъёс пӧлысь котькудӥзлэн дӥсян улысьтыз Иамния карын улӥсьёслэн сульдэръёссылы-идолъёссылы сӥзем арбериосты шедьтӥзы, – законъя иудейёслы нуллыны лэзьымтэ макеосты; ваньмызлы валамон луиз, кыӵе муген соос погыртэмын вал. 41Соку соос ваньзы ватӥськем ужъёсты шарае поттӥсь, шонер лэсьтӥсь Судьяез Кузё-Инмарез, данъязы, 42вӧсяськыса куризы, соослэн лэсьтэм сьӧлыксы чылкак мед ӵушиськысал шуыса; нош кышканэз тодӥсьтэм Иуда калыкез сьӧлыкъёслэсь утиськыны куриз, уго соос ас синмынызы адӟизы сьӧлык лэсьтэм муртъёсын мар луэмез. 43Вань пиосмуртъёслэсь ог кык сюрс драхма азвесь люкаса, кулэмысь улӟыса султон сярысь малпаськыса, кулэмъёслэн сьӧлыксы понна Иерусалиме курбон сётыны ыстӥз, – туж ӟеч, данъяны ярамон уж лэсьтӥз; 44уго со ӧй ке оскиськысал, оже быремъёс кулэмысь улӟыса султозы шуыса, соку юнме луысал, кулэ но ӧй луысал кулэмъёс понна вӧсяськыны. 45Но со малпаськиз, Инмарлы оскыса кулэмъёслы туж бадӟым мед-кузьым дасямын шуыса, – кыӵе дун-чылкыт, Инмарлы ярамон малпаськон! – соин ик кулэмъёс понна, сьӧлыксылэсь мед мозмытскозы шуыса, сьӧлык понна сётӥськись курбонэз вайиз.
Currently Selected:
:
Highlight
Share
Copy
Want to have your highlights saved across all your devices? Sign up or sign in
(c) Библияез берыктонъя Институт, Хельсинки, 2013; 2016