Маккавейёслэн 2-тӥ книгазы 10
10
10-тӥ ЛЮКЕТ
1Маккавей но соин ӵош Кузё-Инмарлэн кивалтэм улсаз ветлӥсьёс нош ик храмез но, городэз но киулазы басьтӥзы, 2нош мурт выжы калыкъёслэсь падвоже пуктэм курбон сётон ӝӧкъёссэс, куалаоссэс куашкатӥзы. 3Храмез сузям-чылкытатэмзы бере мукет курбон сётон ӝӧк лэсьтӥзы; из борды из шуккылыса тыл поттӥзы, отысь тылэз басьтыса, курбон сётӥзы – кык ар вис вал ини, таре фимиам ӵындытӥзы, лампадаосты ӝуатӥзы, курбон няньёсты интыязы тыризы. 4Ваньзэ тае лэсьтэм бере, ымнырынызы музъем вылэ выдыса, Кузё-Инмар азьын вӧсяськизы, таӵе но таӵе курадӟонъёсты азьланяз адӟоно медаз ни луэ, шуизы; нош куке но сьӧлыкано луизы ке, соосты жаляса, Со вӧсь мед кароз, Инмарез сантэмась, лек сямо язычникъёс кие медаз ни сёты вал шуыса куриськизы. 5Самой со нуналэ, куке мурт выжыысь адямиос храмез саптазы, со нуналэ ик храмез сузязы-чылкытатӥзы но – со вал Хаслев толэзьлэн кызь витетӥ нуналаз. 6Тылыс Пуктон праздникез пусъем кадь ик тямыс нунал ӵоже шулдыръяськыса улӥзы, тодазы вайизы, кызьы та азьын, пӧйшуръёс мактал гурезьёсын, пещераосын улыса, Тылыс Пуктон праздникез ортчытӥзы. 7Соин ик соос, биняськись плющ сяська-турынэн бодыосты чеберъяса, сяськаяськись писпу вайёсты, пальмаосты киосазы кутыса, Аслэсьтыз храмзэ чылкытатонэз-сузянэз азинлыко быдэстыны ӟеч эриксэ Сётӥсьлы ушъян-данъян гуръёс кырӟазы. 8Огазе люкаськыса, кыл кутӥзы, кыл сётыса юнматӥзы: арлы быдэ та нуналъёсы вань иудей калык праздник ортчытыны кулэ. 9Таӵе вал Епифан кушем ним нуллӥсь Антиохлэн кулон-быронэз.
10Табере вераломы, мар луиз Евпатор Антиох дыръя, со сьӧлыклэсь кышкасьтэмлэн пиез дыръя, ожъёсын сэрен кылдылэм курадӟонъёс сярысь гинэ вераломы. 11Эксэйлыкез киулаз басьтэм бере кивалтон ужез кыӵе ке но Лисийлы сётӥз, Келе-Сирияысь но Финикияысь ож ужен кивалтӥсь йырлы. 12Уго Птоломей, Макрон кушем нимез нуллӥсь, шонертэм ужъёсты чидано луэмзы понна иудейёсын шонерлыко улыны кулэ шуыса лыдъяз, соосын ужъёссэ со тупаса улон пыр радъяны тыршылӥз. 13Соин ик со вылэ Евпатор азьын яратоно муртъёсыз ӧвӧлтэм-ӧрекчи кылъёс веразы; котькытысен но со кылылӥз ассэ вузась шуыса нимамзэс, малы ке шуоно со, Филометорлэсь солы оскем Кипрез кельтыса, Епифан Антиох пала выжиз вал; солэн властез сӥё-дано каремын ӧй вал бере, куректон-кайгулы чидатэк, яд юиз но озьы йылпумъяз улон-вылонзэ.
14Нош Горгий, со интыосын ож ужъёсын кивалтӥсь йыр луэмез бере, медъям ожгарчиосты бордаз возиз но иудейёслы пумит ялан ожмаськыса улӥз. 15Соосын ӵош ик кельшымонэсь юнматэм каръёсты киулазы возись идумейёс но иудейёслы маза сётытэк улӥзы, асьсэ доры Иерусалимысь уллям муртъёсты кутылӥзы, ожмаськонъёс ӝутылӥзы. 16Нош Маккавеен ӵош луэмъёс, вӧсяськон ортчытыкузы, Инмарлэсь куризы, ожмаськыку соослы юрттӥсь мед луоз шуыса, озьы соос идумейёслэн юнматэм каръёссы вылэ урдскизы. 17Соос вылэ кужмо шуккет лэсьтыса, та интыосты киулазы басьтӥзы, борддоръёс йылын вань ожмаськисьёслы пунэмзэ берыктӥзы, ваньзэс виылӥзы, кинъёс пумитазы сюризы, ог кызь сюрссэ виизы. 18Ог укмыс сюрсэз ватӥськыны вуизы кык туж юнэсь каланчаосы, котыртыса возьыку, котьма ласянь но утиськыны луонлыксы вал. 19Симонэз, Иосифез, эшшо Закхеез котыртэме сюремъёсын ожмаськыны кӧня кулэ, сомында ожгарчиосын ӵош кельтыса, ачиз Маккавей мынӥз отчы, кытын со тужгес но кулэ вал. 20Нош Симонэн ӵош кылемъёс – коньдонэз яратӥсесь вал каланчаос пушкысь адямиос соосты уксёен либатыны малпазы; сизьымдон сюрс драхмазэс басьтӥзы но куд-огъёсызлы пегӟыны луонлык сётӥзы. 21Та учыр сярысь Маккавейлы ивортэмзы бере со калыкезлэсь азьвалтӥсьёссэ люказ но коньдон басьтэм, азвесь понна агай-вынъёссэс вузам муртъёсты пыкылыса вераз: соослэсь тушмонъёссэс пегӟыны лэзизы. 22Та адямиосты, агай-вынъёссэс вузасьёсты, виылӥз но соку ик кык каланчаосты киулазы басьтӥз. 23Ки улысьтыз ожмаськон тӥрлыкен ялан азинлык басьтыса, та кык каланчаосысь со кызь сюрслэсь но трос муртэ вииз.
24Иудейёслэн азьло (огпол) вормем Тимофейзы, мурт кунъёсысь потэм туж трос ожгарчиосты, Азиысь но трос гинэ буш вал вылын ожмаськисьёсты люкаса, Иудеяе вуиз, сое киултыны малпаз. 25Со матэ вуыку, Маккавеен ӵош луэмъёс Инмар азьын вӧсяськыны кутскизы – йыр вылазы сюй пызьназы, кусъёссэс чурыт бышкись дӥськутэн думылӥзы. 26Курбон сётон ӝӧк азе ымныр вылазы выдыса, тэльмырыса, соосты мед жалялоз вал шуыса, Инмарлэсь куризы, законын гожтэмъя соослэн тушмонъёссылы тушмон мед луоз, соослы пумитъяськисьёслы пумитъяськись мед луоз вал шуыса куриськизы. 27Вӧсяськемзы бере ожмаськон тӥрлыкъёссэс кутӥзы но кыдёке город сьӧры кошкизы; нош тушмонъёссылы матэ вуэмзы бере соос дугдӥзы. 28Шунды ӝужаны кутскем бере соосыз но, таосыз но ожмаськыны кутскизы – одӥгъёсыз, кышкасьтэм луыса вылысь вормонлы, азинскон басьтонлы оскиськонзэс Кузё-Инмар вылэ понӥзы, нош мукетъёсыз – йыркурзэс ожмаськон мыныку асьсэлы азьвалтӥсь каризы. 29Туж кужмо ожмаськон пуромем бере инмысен тушмонъёслы зарни сермето валъёс вылын туж синмаськымонэсь вить воргоронъёс возьматскизы, соос пӧлысь кыкез иудейёсын кивалтӥзы: 30соос Маккавеез асьсэлэн шоразы султытӥзы, асьсэлэн ожмаськон тӥрлыкенызы сое шобыртыса возизы, сое вӧсь карыны ӧз сётэ, нош тушмонъёс вылэ ньӧлъёс, чилекъян-ӵашйылонъёс лэзьязы, соослэн синъёссы мальдыны кутскыса, куспазы сураськизы но кышкаменызы огзэс огзы виылыны кутскизы. 31Пыдын ожмаськисьёс пӧлысь кызь сюрс вить сюэз, вал вылын ожмаськисьёс пӧлысь куать сюэз виемын вал. 32Ачиз Тимофей Херейлэн кивалтэм улсаз возиськись Газара шуон изкар пушкы пегӟиз, со йыг-йыг лэсьтэмын вал. 33Маккавеен ӵош ожмаськисьёс шумпотыса та изкарез ньыль нунал ӵоже котыртыса возизы. 34Нош изкар пушкын улӥсьёс малпазы, та вормыны луонтэм инты луэ шуыса, соин ик туж лекесь, Инмарез сантэмась кылъёс вераллязы. 35Витетӥ нуналаз, куазь сактыку, Маккавеен ӵош ветлӥсь кызь егит пиослэн, та лек кылъёсты кылыса, вожпотонзы ӝуатскиз но, кышканзэс вунэтыса, борддор доры дыртыса мынӥзы, пӧйшурлэн лекез потыку кадь, кин ки улазы сюриз, ваньзэс погыръязы. 36Соос сямен ик мукетъёс но, огыр-бугыр улон дыръя, изкарез возьмась ожгарчиос вылэ урдскизы, каланчаоссэс тылын сутыны кутскизы, тылъёс ӝуатыса, лек кылын сантэмаса вераськисьёсты улэпкын сутылӥзы; мукетъёсыз капкаосты тӥяллязы но изкар пушкы мукет ожгарчиосты пыртылӥзы, озьы городэз киулазы басьтӥзы; 37нош гопе ватӥськем Тимофеез, озьы ик солэсь Херей братсэ но Аполлофанэз виизы. 38Тае быдэстэм бере соос кырӟаса, данъян кылъёс вераса, Израиль понна таӵе трос лэсьтэм, вормон сётэм Кузё-Инмарлы тау каризы.
Currently Selected:
Маккавейёслэн 2-тӥ книгазы 10: УДМБИБ
Highlight
Share
Copy
Want to have your highlights saved across all your devices? Sign up or sign in
(c) Библияез берыктонъя Институт, Хельсинки, 2013; 2016
Маккавейёслэн 2-тӥ книгазы 10
10
10-тӥ ЛЮКЕТ
1Маккавей но соин ӵош Кузё-Инмарлэн кивалтэм улсаз ветлӥсьёс нош ик храмез но, городэз но киулазы басьтӥзы, 2нош мурт выжы калыкъёслэсь падвоже пуктэм курбон сётон ӝӧкъёссэс, куалаоссэс куашкатӥзы. 3Храмез сузям-чылкытатэмзы бере мукет курбон сётон ӝӧк лэсьтӥзы; из борды из шуккылыса тыл поттӥзы, отысь тылэз басьтыса, курбон сётӥзы – кык ар вис вал ини, таре фимиам ӵындытӥзы, лампадаосты ӝуатӥзы, курбон няньёсты интыязы тыризы. 4Ваньзэ тае лэсьтэм бере, ымнырынызы музъем вылэ выдыса, Кузё-Инмар азьын вӧсяськизы, таӵе но таӵе курадӟонъёсты азьланяз адӟоно медаз ни луэ, шуизы; нош куке но сьӧлыкано луизы ке, соосты жаляса, Со вӧсь мед кароз, Инмарез сантэмась, лек сямо язычникъёс кие медаз ни сёты вал шуыса куриськизы. 5Самой со нуналэ, куке мурт выжыысь адямиос храмез саптазы, со нуналэ ик храмез сузязы-чылкытатӥзы но – со вал Хаслев толэзьлэн кызь витетӥ нуналаз. 6Тылыс Пуктон праздникез пусъем кадь ик тямыс нунал ӵоже шулдыръяськыса улӥзы, тодазы вайизы, кызьы та азьын, пӧйшуръёс мактал гурезьёсын, пещераосын улыса, Тылыс Пуктон праздникез ортчытӥзы. 7Соин ик соос, биняськись плющ сяська-турынэн бодыосты чеберъяса, сяськаяськись писпу вайёсты, пальмаосты киосазы кутыса, Аслэсьтыз храмзэ чылкытатонэз-сузянэз азинлыко быдэстыны ӟеч эриксэ Сётӥсьлы ушъян-данъян гуръёс кырӟазы. 8Огазе люкаськыса, кыл кутӥзы, кыл сётыса юнматӥзы: арлы быдэ та нуналъёсы вань иудей калык праздник ортчытыны кулэ. 9Таӵе вал Епифан кушем ним нуллӥсь Антиохлэн кулон-быронэз.
10Табере вераломы, мар луиз Евпатор Антиох дыръя, со сьӧлыклэсь кышкасьтэмлэн пиез дыръя, ожъёсын сэрен кылдылэм курадӟонъёс сярысь гинэ вераломы. 11Эксэйлыкез киулаз басьтэм бере кивалтон ужез кыӵе ке но Лисийлы сётӥз, Келе-Сирияысь но Финикияысь ож ужен кивалтӥсь йырлы. 12Уго Птоломей, Макрон кушем нимез нуллӥсь, шонертэм ужъёсты чидано луэмзы понна иудейёсын шонерлыко улыны кулэ шуыса лыдъяз, соосын ужъёссэ со тупаса улон пыр радъяны тыршылӥз. 13Соин ик со вылэ Евпатор азьын яратоно муртъёсыз ӧвӧлтэм-ӧрекчи кылъёс веразы; котькытысен но со кылылӥз ассэ вузась шуыса нимамзэс, малы ке шуоно со, Филометорлэсь солы оскем Кипрез кельтыса, Епифан Антиох пала выжиз вал; солэн властез сӥё-дано каремын ӧй вал бере, куректон-кайгулы чидатэк, яд юиз но озьы йылпумъяз улон-вылонзэ.
14Нош Горгий, со интыосын ож ужъёсын кивалтӥсь йыр луэмез бере, медъям ожгарчиосты бордаз возиз но иудейёслы пумит ялан ожмаськыса улӥз. 15Соосын ӵош ик кельшымонэсь юнматэм каръёсты киулазы возись идумейёс но иудейёслы маза сётытэк улӥзы, асьсэ доры Иерусалимысь уллям муртъёсты кутылӥзы, ожмаськонъёс ӝутылӥзы. 16Нош Маккавеен ӵош луэмъёс, вӧсяськон ортчытыкузы, Инмарлэсь куризы, ожмаськыку соослы юрттӥсь мед луоз шуыса, озьы соос идумейёслэн юнматэм каръёссы вылэ урдскизы. 17Соос вылэ кужмо шуккет лэсьтыса, та интыосты киулазы басьтӥзы, борддоръёс йылын вань ожмаськисьёслы пунэмзэ берыктӥзы, ваньзэс виылӥзы, кинъёс пумитазы сюризы, ог кызь сюрссэ виизы. 18Ог укмыс сюрсэз ватӥськыны вуизы кык туж юнэсь каланчаосы, котыртыса возьыку, котьма ласянь но утиськыны луонлыксы вал. 19Симонэз, Иосифез, эшшо Закхеез котыртэме сюремъёсын ожмаськыны кӧня кулэ, сомында ожгарчиосын ӵош кельтыса, ачиз Маккавей мынӥз отчы, кытын со тужгес но кулэ вал. 20Нош Симонэн ӵош кылемъёс – коньдонэз яратӥсесь вал каланчаос пушкысь адямиос соосты уксёен либатыны малпазы; сизьымдон сюрс драхмазэс басьтӥзы но куд-огъёсызлы пегӟыны луонлык сётӥзы. 21Та учыр сярысь Маккавейлы ивортэмзы бере со калыкезлэсь азьвалтӥсьёссэ люказ но коньдон басьтэм, азвесь понна агай-вынъёссэс вузам муртъёсты пыкылыса вераз: соослэсь тушмонъёссэс пегӟыны лэзизы. 22Та адямиосты, агай-вынъёссэс вузасьёсты, виылӥз но соку ик кык каланчаосты киулазы басьтӥз. 23Ки улысьтыз ожмаськон тӥрлыкен ялан азинлык басьтыса, та кык каланчаосысь со кызь сюрслэсь но трос муртэ вииз.
24Иудейёслэн азьло (огпол) вормем Тимофейзы, мурт кунъёсысь потэм туж трос ожгарчиосты, Азиысь но трос гинэ буш вал вылын ожмаськисьёсты люкаса, Иудеяе вуиз, сое киултыны малпаз. 25Со матэ вуыку, Маккавеен ӵош луэмъёс Инмар азьын вӧсяськыны кутскизы – йыр вылазы сюй пызьназы, кусъёссэс чурыт бышкись дӥськутэн думылӥзы. 26Курбон сётон ӝӧк азе ымныр вылазы выдыса, тэльмырыса, соосты мед жалялоз вал шуыса, Инмарлэсь куризы, законын гожтэмъя соослэн тушмонъёссылы тушмон мед луоз, соослы пумитъяськисьёслы пумитъяськись мед луоз вал шуыса куриськизы. 27Вӧсяськемзы бере ожмаськон тӥрлыкъёссэс кутӥзы но кыдёке город сьӧры кошкизы; нош тушмонъёссылы матэ вуэмзы бере соос дугдӥзы. 28Шунды ӝужаны кутскем бере соосыз но, таосыз но ожмаськыны кутскизы – одӥгъёсыз, кышкасьтэм луыса вылысь вормонлы, азинскон басьтонлы оскиськонзэс Кузё-Инмар вылэ понӥзы, нош мукетъёсыз – йыркурзэс ожмаськон мыныку асьсэлы азьвалтӥсь каризы. 29Туж кужмо ожмаськон пуромем бере инмысен тушмонъёслы зарни сермето валъёс вылын туж синмаськымонэсь вить воргоронъёс возьматскизы, соос пӧлысь кыкез иудейёсын кивалтӥзы: 30соос Маккавеез асьсэлэн шоразы султытӥзы, асьсэлэн ожмаськон тӥрлыкенызы сое шобыртыса возизы, сое вӧсь карыны ӧз сётэ, нош тушмонъёс вылэ ньӧлъёс, чилекъян-ӵашйылонъёс лэзьязы, соослэн синъёссы мальдыны кутскыса, куспазы сураськизы но кышкаменызы огзэс огзы виылыны кутскизы. 31Пыдын ожмаськисьёс пӧлысь кызь сюрс вить сюэз, вал вылын ожмаськисьёс пӧлысь куать сюэз виемын вал. 32Ачиз Тимофей Херейлэн кивалтэм улсаз возиськись Газара шуон изкар пушкы пегӟиз, со йыг-йыг лэсьтэмын вал. 33Маккавеен ӵош ожмаськисьёс шумпотыса та изкарез ньыль нунал ӵоже котыртыса возизы. 34Нош изкар пушкын улӥсьёс малпазы, та вормыны луонтэм инты луэ шуыса, соин ик туж лекесь, Инмарез сантэмась кылъёс вераллязы. 35Витетӥ нуналаз, куазь сактыку, Маккавеен ӵош ветлӥсь кызь егит пиослэн, та лек кылъёсты кылыса, вожпотонзы ӝуатскиз но, кышканзэс вунэтыса, борддор доры дыртыса мынӥзы, пӧйшурлэн лекез потыку кадь, кин ки улазы сюриз, ваньзэс погыръязы. 36Соос сямен ик мукетъёс но, огыр-бугыр улон дыръя, изкарез возьмась ожгарчиос вылэ урдскизы, каланчаоссэс тылын сутыны кутскизы, тылъёс ӝуатыса, лек кылын сантэмаса вераськисьёсты улэпкын сутылӥзы; мукетъёсыз капкаосты тӥяллязы но изкар пушкы мукет ожгарчиосты пыртылӥзы, озьы городэз киулазы басьтӥзы; 37нош гопе ватӥськем Тимофеез, озьы ик солэсь Херей братсэ но Аполлофанэз виизы. 38Тае быдэстэм бере соос кырӟаса, данъян кылъёс вераса, Израиль понна таӵе трос лэсьтэм, вормон сётэм Кузё-Инмарлы тау каризы.
Currently Selected:
:
Highlight
Share
Copy
Want to have your highlights saved across all your devices? Sign up or sign in
(c) Библияез берыктонъя Институт, Хельсинки, 2013; 2016