Ездралэн 3-тӥ книгаез 4
4
4-тӥ ЛЮКЕТ
1Соку мон доры ыстэм Кылчин мыным ответ сётъяз, солэн нимыз Уриил, 2со шуиз: «Та дунне сярысь сюлмыдлэн малпанъёсыз укыр пыдло пыризы, – Вылысь Инмарлэсь сюрессэ валаны малпаськод». 3Солэн пумитаз мон шуи: «Озьы, кузёе мынам». Нош со мыным шуиз: «Тыныд куинь сюрес возьматыны мон ыстэмын, ог-огзылы укшась куинь макеосты тыныд ӵектыны мон ыстэмын. 4Соос пӧлысь одӥгзэ тон мыным валэктӥд ке, соку мон тыныд возьмато адӟем потоно сюрестэ, тыныд тодыто, кытысь потӥз кескич сюлэм». 5Соку мон шуи: «Вера, кузёе мынам». Нош со мыным шуиз: «Мын, тыллэсь секталазэ мерта яке тӧллэсь пельтэмзэ мерта мыным, яке ортчем-кошкем нуналэз берыкты мыным». 6«Кыӵе адями, – мон солы шуи, – быдэстыны быгатоз сое, мае тон мынэсьтым куриськод?» 7Нош со мыным шуиз: «Мон тынэсьтыд юасал ке, зарезьлэн сюлэмаз кӧня улон интыез, яке пыдэстэм дуннелэн самой пыдэсаз кӧня ошмесъёсыз, яке инлэн юн-чурыт инты вылӥяз кӧня ӧръёсыз, яке кытчыозь кыстӥське рай, – 8оло нош тон мыным вералод: ”Пыдэстэм дуннее васькаме ӧвӧл, адэ но озьы ик, инме но ноку но ӝутскеме ӧвӧл”. 9Нош али мон тынэсьтыд тыл сярысь юай, тӧл сярысь, улэм нуналэд сярысь, со сярысь гинэ юай – мартэк тон улыны уд быгатӥськы, – та юанъёслы тон ответ ӧд сёты». 10Со мыным шуиз: «Тон сое но, егит дырысеныд маид тынад вань, тодыны уд быгатӥськы; 11кызьы Вылысь Инмарлэсь сюрессэ тодыны тынад визьмыд быгатысал, табере ини таяз туж сисьмем-сӧриськем дуннеын улыса, мынам син азям адӟиськись сисьмем-сӧриськемзэ валаны быгатысал?» 12Та пумысен мон шуи: «Ми чик но ӧй ке луысалмы, умойгес луысал, йӧнтэм ужъёс пӧлын улытозь, мар понна курадӟеммес тодытэк курадӟыса улытозь». 13Нош со, ответ сётыса, мыным шуиз: «Тани мон бусыысь нюлэскы мынӥ но писпуослэсь асьсэ куспын кенешыса улэмзэс учыртӥ. 14Соос тазьы вераськизы: ”Лыктэлэ, ойдолэ мыныса зарезьлы тонэн ожмаськомы шуыса яломе, со асьме азьысь мед кошкоз, со интыын ми асьмелы мукет нюлэсъёс будэтомы”. 15Таӵе амалэн ик зарезь тулкымъёс куспазы вераськизы: ”Лыктэлэ, – соос шуизы, – ӝутӥськоме но бусыосысь нюлэсъёсты киултоме, отчы асьмелы мукет инты шедьтон понна”. 16Нош нюлэслэн малпанэз юнме гинэ луиз, – тыл вуиз но сое сутыса куштӥз. 17Таӵе амалэн ик йылпумъяськиз зарезь тулкымъёслэн малпаськонзы, – луо ӝутскиз но соослы люкетӥз. 18Тон судья луысалыд ке, кудзэс шонере поттысалыд яке кудзэс янгыше уськытысалыд?» 19«Зэм ик, – мон шуи, – юнме, ӧвӧлтэм малпанъёсын соос улӥзы, уго музъем нюлэслы сётэмын, зарезьлы но инты сётэмын, тулкымъёссэ со вылтӥ нуллон понна». 20Нош со ответ сётыса шуиз: «Шонер тон малпад-лэсьтӥд; нош таӵе амалэн ик малы бен астэ но судить ӧд кары? 21Уго кызьы музъем нюлэслы сётэмын, нош зарезь – солэн тулкымъёсызлы, озьы ик музъем вылын улӥсьёс валаны быгатозы сое гинэ, мар вань музъем вылын; нош инъёсын улӥсьёс валаны быгатозы сое, мар вань инъёслэн ӝуждалаязы». 22Ответ сётыса, мон шуи: «Кузё-Инмаре, вӧсяськыса Тонэ курисько: пуштроссэ валан мыным сётэмын мед луысал. 23Вылӥез сярысь Тынэсьтыд юаме уг поты вал, потэ вал нуналлы быдэ ми дорын луылӥсез сярысь юаме: малы Израиль язычникъёс киулэ сантэманы сётэмын? Малы Тынад яратэм калыкед сьӧлыклэсь кышкасьтэм калыкъёслэн киулазы сётэмын, атайёсмылэн законзы номырлы ярантэм кеме вуттэмын, гожтыса поттэм курон-косонъёс нокытын но ӧвӧл? 24Саранча музэн, таисьтыз дуннеысь выжиськомы, улонмы кышкан пыр, куалекъян-курдан пыр ортче, гажан-жалян понна ярантэмесь луимы. 25Нош Со Аслаз милемлы сётэм нимыныз мар кароз? Тӥни, мар сярысь юаськи-куриськи». 26Нош Кылчин мыным шуиз: «Макем тросгес эскерод-чаклалод, сокем тросгес но тросгес паймылод, малы ке шуоно таиз даур туж дыртэ быроназ вуыны, 27вуоно вапумъёсы шонер улӥсьёслы мар сётыны сӥземын, сое таиз даур пушказ тэрытыны уг быгаты, малы ке шуоно таиз улон даур шонертэм улонэн, кынартэм-кужымтэм луонъёсын пачылмемын. 28Нош тон мынэсьтым мар сярысь юалляськид, мон тыныд шуо: уродлык киземын, нош сое быдтон дыр вуэмын ӧвӧл на. 29Соин ик, кизем маке ишкалтэмын луытозь, уродлык кизем инты но быдтэмын луытозь, ӟечлык кизем инты уз лыкты. 30Уго уродлыклэн кидысэзлэн юэз кутсконысеныз ик Адамлэн сюлмаз киземын, та дырозь со кӧня но кӧня йӧнтэм макеосты вордскытӥз, ялан но ялан вордскытоз – кутсаськон дыр вуытозь! 31Ас поннад малпаськы, уродлыклэн кидысэзлэн юэз йӧнтэм улонлэсь кӧня емышъёссэ будэтӥз! 32Куке солэсь лыдъянтэм трос шепъёссэ аралозы, макем но макем бадӟым кутсаськон инты солы кулэ луоз!» 33«Кызьы бен, ку со луоз? – мон Кылчинлэсь юай. – Малы нош улоно аръёсмы сокем вакчиесь но шудтэмесь?» 34«Вылысь Инмарлэсь вылӥегес ӝутскыны эн дырты, – со мыным шуиз, – уго юнме гинэ Солэсь вылӥегес ӝутскыны тыршиськод: укыр пыдло пыриськод. 35Та сярысь ик шонер улӥсьёслэн лулъёссы асьсэлэн улон интыосысенызы ӧз-а юалляське: ”Тазьы нош кема-а оскиськыса уломы? Пунэм басьтонмылэн дырыз ку вуоз?” 36Та пумысен Иеремиил Архангел соослы шуиз: ”Тӥ пушкысь кидыслэн лыдыз тырмыт луэм бере, уго Дунне Кутӥсь Инмар та даурез вес вылын мертаз но 37дыръёсты-вакытъёсты мертэтэн мертаз, дыръёсты лыдпусэн лыдъяз – уз но вырӟыты, уз но дыртыты, кулэ мертэт быдэсмытозь”». 38Нош мон талы ответ сётыса шуи: «Э, Кузё-Атае Кузё-Инмаре! Нош ми ваньмы сьӧлыкен пачылмемын. 39Оло нош милемын сэрен, музъем вылын улӥсьёслэн сьӧлыкъёсынызы йырин шонер улӥсьёслэн ю тырон кеносъёссы уг пачылмо». 40Та пумысен со мыным шуиз: «Мын, секытэн луэм кышномуртлэсь юа: укмыс толэзь ортчем бере, дырыз вуиз ке, солэн пушкыз вордсконо нуныез кутыса возьыны быгатоз на-а?» 41Мон шуи: «Уз быгаты». Соку со мыным шуиз: «Лулъёслэн дунне пыдэскын улон интыоссы кышномурт пушлы укшало. 42Кызьы нуны ваёно мурт нунызэ вайыны дыртэ, нуны вайыку вӧсь луонъёслэсь мозмытскон понна, озьы ик таос но, мар соослы оскемын, сое сётыны дырто. 43Кутсконысеныз ик тыныд возьматэмын луоз со, мае тынад адӟемед потэ». 44«Тынад син азяд мон дэлет басьтӥ ке, – солы ответ сётыса, мон шуи, – со быдэстыны луымон ке, мон солы ярамон ке, 45возьматы мыным: лыктоно дыр кемагес-а ортчемезлэсь, яке быдэсмемез бадӟымгес-а луоноезлэсь? 46Мар ортчиз ни, мон сое тодӥсько, нош мар лыктоз, уг тодӥськы». 47Со мыным шуиз: «Султы бур палам, маин ке ӵошатыса, мон тыныд валэкто солэсь пуштроссэ». 48Мон султӥ но – адӟисько: тани ӝуась гур мынам азьтӥм кошке, гомась тыл кошкем бере, мон адӟи: ӵын кылиз. 49Та бере мынам азьтӥм пилем ортчиз, со вуэн пачылмемын вал, отысь кужмо зор ву вияны кутскиз; зор виянлэн кужымез бырем бере, шапыкъёс гинэ кылизы на. 50Соку со мыным шуиз: «Ас поннад малпаськы: кызьы зор бадӟымгес шапыкъёслэсь, нош тыл бадӟымгес ӵынлэсь, озьы ик ортчем дырлэн мертэтэз вылӥгес луиз, нош кылизы шапыкъёс но ӵын гинэ». 51Соку мон солы сюлворыса шуи: «Тон малпаськод, со нуналъёс вуытозь, мон уло шуыса-а? Мар луоз со нуналъёсы?» 52Та юанлы ответ сётыса, со шуиз: «Тодметъёс пумысен, кудъёсыз сярысь тон юаськод, кӧня ке но мон тыныд вераны быгато, нош тынад улон-вылонэд сярысь тонэн вераськыны мон ыстэмын ӧвӧл, уг но тодӥськы.
Currently Selected:
Ездралэн 3-тӥ книгаез 4: УДМБИБ
Highlight
Share
Copy
Want to have your highlights saved across all your devices? Sign up or sign in
(c) Библияез берыктонъя Институт, Хельсинки, 2013; 2016
Ездралэн 3-тӥ книгаез 4
4
4-тӥ ЛЮКЕТ
1Соку мон доры ыстэм Кылчин мыным ответ сётъяз, солэн нимыз Уриил, 2со шуиз: «Та дунне сярысь сюлмыдлэн малпанъёсыз укыр пыдло пыризы, – Вылысь Инмарлэсь сюрессэ валаны малпаськод». 3Солэн пумитаз мон шуи: «Озьы, кузёе мынам». Нош со мыным шуиз: «Тыныд куинь сюрес возьматыны мон ыстэмын, ог-огзылы укшась куинь макеосты тыныд ӵектыны мон ыстэмын. 4Соос пӧлысь одӥгзэ тон мыным валэктӥд ке, соку мон тыныд возьмато адӟем потоно сюрестэ, тыныд тодыто, кытысь потӥз кескич сюлэм». 5Соку мон шуи: «Вера, кузёе мынам». Нош со мыным шуиз: «Мын, тыллэсь секталазэ мерта яке тӧллэсь пельтэмзэ мерта мыным, яке ортчем-кошкем нуналэз берыкты мыным». 6«Кыӵе адями, – мон солы шуи, – быдэстыны быгатоз сое, мае тон мынэсьтым куриськод?» 7Нош со мыным шуиз: «Мон тынэсьтыд юасал ке, зарезьлэн сюлэмаз кӧня улон интыез, яке пыдэстэм дуннелэн самой пыдэсаз кӧня ошмесъёсыз, яке инлэн юн-чурыт инты вылӥяз кӧня ӧръёсыз, яке кытчыозь кыстӥське рай, – 8оло нош тон мыным вералод: ”Пыдэстэм дуннее васькаме ӧвӧл, адэ но озьы ик, инме но ноку но ӝутскеме ӧвӧл”. 9Нош али мон тынэсьтыд тыл сярысь юай, тӧл сярысь, улэм нуналэд сярысь, со сярысь гинэ юай – мартэк тон улыны уд быгатӥськы, – та юанъёслы тон ответ ӧд сёты». 10Со мыным шуиз: «Тон сое но, егит дырысеныд маид тынад вань, тодыны уд быгатӥськы; 11кызьы Вылысь Инмарлэсь сюрессэ тодыны тынад визьмыд быгатысал, табере ини таяз туж сисьмем-сӧриськем дуннеын улыса, мынам син азям адӟиськись сисьмем-сӧриськемзэ валаны быгатысал?» 12Та пумысен мон шуи: «Ми чик но ӧй ке луысалмы, умойгес луысал, йӧнтэм ужъёс пӧлын улытозь, мар понна курадӟеммес тодытэк курадӟыса улытозь». 13Нош со, ответ сётыса, мыным шуиз: «Тани мон бусыысь нюлэскы мынӥ но писпуослэсь асьсэ куспын кенешыса улэмзэс учыртӥ. 14Соос тазьы вераськизы: ”Лыктэлэ, ойдолэ мыныса зарезьлы тонэн ожмаськомы шуыса яломе, со асьме азьысь мед кошкоз, со интыын ми асьмелы мукет нюлэсъёс будэтомы”. 15Таӵе амалэн ик зарезь тулкымъёс куспазы вераськизы: ”Лыктэлэ, – соос шуизы, – ӝутӥськоме но бусыосысь нюлэсъёсты киултоме, отчы асьмелы мукет инты шедьтон понна”. 16Нош нюлэслэн малпанэз юнме гинэ луиз, – тыл вуиз но сое сутыса куштӥз. 17Таӵе амалэн ик йылпумъяськиз зарезь тулкымъёслэн малпаськонзы, – луо ӝутскиз но соослы люкетӥз. 18Тон судья луысалыд ке, кудзэс шонере поттысалыд яке кудзэс янгыше уськытысалыд?» 19«Зэм ик, – мон шуи, – юнме, ӧвӧлтэм малпанъёсын соос улӥзы, уго музъем нюлэслы сётэмын, зарезьлы но инты сётэмын, тулкымъёссэ со вылтӥ нуллон понна». 20Нош со ответ сётыса шуиз: «Шонер тон малпад-лэсьтӥд; нош таӵе амалэн ик малы бен астэ но судить ӧд кары? 21Уго кызьы музъем нюлэслы сётэмын, нош зарезь – солэн тулкымъёсызлы, озьы ик музъем вылын улӥсьёс валаны быгатозы сое гинэ, мар вань музъем вылын; нош инъёсын улӥсьёс валаны быгатозы сое, мар вань инъёслэн ӝуждалаязы». 22Ответ сётыса, мон шуи: «Кузё-Инмаре, вӧсяськыса Тонэ курисько: пуштроссэ валан мыным сётэмын мед луысал. 23Вылӥез сярысь Тынэсьтыд юаме уг поты вал, потэ вал нуналлы быдэ ми дорын луылӥсез сярысь юаме: малы Израиль язычникъёс киулэ сантэманы сётэмын? Малы Тынад яратэм калыкед сьӧлыклэсь кышкасьтэм калыкъёслэн киулазы сётэмын, атайёсмылэн законзы номырлы ярантэм кеме вуттэмын, гожтыса поттэм курон-косонъёс нокытын но ӧвӧл? 24Саранча музэн, таисьтыз дуннеысь выжиськомы, улонмы кышкан пыр, куалекъян-курдан пыр ортче, гажан-жалян понна ярантэмесь луимы. 25Нош Со Аслаз милемлы сётэм нимыныз мар кароз? Тӥни, мар сярысь юаськи-куриськи». 26Нош Кылчин мыным шуиз: «Макем тросгес эскерод-чаклалод, сокем тросгес но тросгес паймылод, малы ке шуоно таиз даур туж дыртэ быроназ вуыны, 27вуоно вапумъёсы шонер улӥсьёслы мар сётыны сӥземын, сое таиз даур пушказ тэрытыны уг быгаты, малы ке шуоно таиз улон даур шонертэм улонэн, кынартэм-кужымтэм луонъёсын пачылмемын. 28Нош тон мынэсьтым мар сярысь юалляськид, мон тыныд шуо: уродлык киземын, нош сое быдтон дыр вуэмын ӧвӧл на. 29Соин ик, кизем маке ишкалтэмын луытозь, уродлык кизем инты но быдтэмын луытозь, ӟечлык кизем инты уз лыкты. 30Уго уродлыклэн кидысэзлэн юэз кутсконысеныз ик Адамлэн сюлмаз киземын, та дырозь со кӧня но кӧня йӧнтэм макеосты вордскытӥз, ялан но ялан вордскытоз – кутсаськон дыр вуытозь! 31Ас поннад малпаськы, уродлыклэн кидысэзлэн юэз йӧнтэм улонлэсь кӧня емышъёссэ будэтӥз! 32Куке солэсь лыдъянтэм трос шепъёссэ аралозы, макем но макем бадӟым кутсаськон инты солы кулэ луоз!» 33«Кызьы бен, ку со луоз? – мон Кылчинлэсь юай. – Малы нош улоно аръёсмы сокем вакчиесь но шудтэмесь?» 34«Вылысь Инмарлэсь вылӥегес ӝутскыны эн дырты, – со мыным шуиз, – уго юнме гинэ Солэсь вылӥегес ӝутскыны тыршиськод: укыр пыдло пыриськод. 35Та сярысь ик шонер улӥсьёслэн лулъёссы асьсэлэн улон интыосысенызы ӧз-а юалляське: ”Тазьы нош кема-а оскиськыса уломы? Пунэм басьтонмылэн дырыз ку вуоз?” 36Та пумысен Иеремиил Архангел соослы шуиз: ”Тӥ пушкысь кидыслэн лыдыз тырмыт луэм бере, уго Дунне Кутӥсь Инмар та даурез вес вылын мертаз но 37дыръёсты-вакытъёсты мертэтэн мертаз, дыръёсты лыдпусэн лыдъяз – уз но вырӟыты, уз но дыртыты, кулэ мертэт быдэсмытозь”». 38Нош мон талы ответ сётыса шуи: «Э, Кузё-Атае Кузё-Инмаре! Нош ми ваньмы сьӧлыкен пачылмемын. 39Оло нош милемын сэрен, музъем вылын улӥсьёслэн сьӧлыкъёсынызы йырин шонер улӥсьёслэн ю тырон кеносъёссы уг пачылмо». 40Та пумысен со мыным шуиз: «Мын, секытэн луэм кышномуртлэсь юа: укмыс толэзь ортчем бере, дырыз вуиз ке, солэн пушкыз вордсконо нуныез кутыса возьыны быгатоз на-а?» 41Мон шуи: «Уз быгаты». Соку со мыным шуиз: «Лулъёслэн дунне пыдэскын улон интыоссы кышномурт пушлы укшало. 42Кызьы нуны ваёно мурт нунызэ вайыны дыртэ, нуны вайыку вӧсь луонъёслэсь мозмытскон понна, озьы ик таос но, мар соослы оскемын, сое сётыны дырто. 43Кутсконысеныз ик тыныд возьматэмын луоз со, мае тынад адӟемед потэ». 44«Тынад син азяд мон дэлет басьтӥ ке, – солы ответ сётыса, мон шуи, – со быдэстыны луымон ке, мон солы ярамон ке, 45возьматы мыным: лыктоно дыр кемагес-а ортчемезлэсь, яке быдэсмемез бадӟымгес-а луоноезлэсь? 46Мар ортчиз ни, мон сое тодӥсько, нош мар лыктоз, уг тодӥськы». 47Со мыным шуиз: «Султы бур палам, маин ке ӵошатыса, мон тыныд валэкто солэсь пуштроссэ». 48Мон султӥ но – адӟисько: тани ӝуась гур мынам азьтӥм кошке, гомась тыл кошкем бере, мон адӟи: ӵын кылиз. 49Та бере мынам азьтӥм пилем ортчиз, со вуэн пачылмемын вал, отысь кужмо зор ву вияны кутскиз; зор виянлэн кужымез бырем бере, шапыкъёс гинэ кылизы на. 50Соку со мыным шуиз: «Ас поннад малпаськы: кызьы зор бадӟымгес шапыкъёслэсь, нош тыл бадӟымгес ӵынлэсь, озьы ик ортчем дырлэн мертэтэз вылӥгес луиз, нош кылизы шапыкъёс но ӵын гинэ». 51Соку мон солы сюлворыса шуи: «Тон малпаськод, со нуналъёс вуытозь, мон уло шуыса-а? Мар луоз со нуналъёсы?» 52Та юанлы ответ сётыса, со шуиз: «Тодметъёс пумысен, кудъёсыз сярысь тон юаськод, кӧня ке но мон тыныд вераны быгато, нош тынад улон-вылонэд сярысь тонэн вераськыны мон ыстэмын ӧвӧл, уг но тодӥськы.
Currently Selected:
:
Highlight
Share
Copy
Want to have your highlights saved across all your devices? Sign up or sign in
(c) Библияез берыктонъя Институт, Хельсинки, 2013; 2016