Маккавейёслэн 1-тӥ книгазы 2
2
2-тӥ ЛЮКЕТ
1Со нуналъёсы Симеонлэн Иоанн пиезлэн Маттафия пиез, Иерусалимысь Иоаривлэн пиосыз пӧлысь потэм священник, ӝутскиз; со Модинын улӥз. 2Солэн вить пиосыз вал: Иоанн, сое Гаддис шуо вал, 3Симон, сое Фасси шуо вал, 4Иуда, сое Маккавей шуыса нимало вал, 5Елеазар, сое Аваран шуо вал, Ионафан, сое Апфус шуо вал. 6Иудеяын но Иерусалимын Инмарез сантэман уж нуиське шуыса адӟем бераз 7со шуиз: «Кайгу мыным! Малы мон калыкме туркамез-таркамез адӟыны, святой городэз таркамзэс адӟыны, татын улыны вордӥськи, куке со тушмонъёс киулэ сётэмын, вӧсяськон инты – мурт калык кие сюремын? 8Солэн храмез сӥтэм-сантэм пиосмуртлы укшась луиз, 9дуно сосудъёсыз пленэ нуэмын, пичи нуныосыз ульчаосын виылэмын, егит пиосыз тушмонлэн меч улаз кулылӥзы. 10Кыӵе калык солэсь кун-эксэйлыксэ ӧз киултылы, солэсь ваньбурзэ ӧз киултылы? 11Вань чеберъяськон арбериосыз таламын; эрико мурт вал со, нош таре ляльчилы пӧрмиз. 12Тани, милям вӧсяськон интыосмы, милям чеберлыкмы, милям данлыкмы тырттэм кылизы, язычникъёс соосты саптазы. 13Мар понна милемлы улоно на?» 14Маттафия, солэн пиосыз но дӥсянзэс кесязы, чурыт бышкись урдэг дӥсь вылазы дӥсязы но туж бӧрдӥзы. 15Эксэй дорысь (Инмарлэсь) куштӥськыны косӥсьёс Модин каре лыктӥзы, сульдэръёслы-идолъёслы курбон сётъяны косылӥзы. 16Израильысь тросэз соос пала кариськизы, нош Маттафия но солэн пиосыз отчы люкаськизы. 17Эксэй дорысь лыктэмъёс Маттафиялы ответ сётыса шуизы: «Тон азьвалтӥсь, тон данлыко, та городын тон быдӟым мурт, пиосыд, агай-вынъёсыд тынад пыкъяськон муртъёсыд луо. 18Нош табере тон нырысь ик кутскы но эксэйлэсь косонзэ быдэсты, кызьы вань калыкъёс, иудей воргоронъёс, Иерусалиме кылемъёс тае быдэстӥзы, соку тон но, тынад семьяед но эксэйлы эш луоды, тон но, тынад пиосыд но азвесен, зарниен, трос салам-кузьымъёсын сӥлы каремын луозы». 19Ответ сётыса, Маттафия бадӟым куараен шуиз: «Эксэйлэн кун-эксэйлыкысьтыз вань калыкъёс солэсь верамзэ кабыл басьтӥзы ке, атайёссылэн вӧсяськонзылэсь палэнскизы ке, солэсь косонъёссэ санэ понӥзы ке, 20соку но мон пиосыным, агай-вынъёсыным ӵош атайёсмылэсь сӥзён-косонзэс быдэсъяса уломы. 21Законэз, пуктон-косонъёсты быдэсъянлэсь медам куштӥське, Инмаре, уть милемыз! 22Эксэйлэсь верам кылъёссэ кабыл ум басьтэ, асьмелэн вӧсяськон ужмылэсь бурпала яке паллян пала ум кожылэ». 23Та кылъёсты вераса дугдэм бераз, эксэйлэн косэмезъя, Модинын сылӥсь курбон сётон ӝӧк вылын вань калыклэн син азяз сульдэрлы-идоллы курбон сётыны иудей воргорон султӥз. 24Тае адӟыса, Маттафиялэн оскон пумысен сюлмаськонэз-тыршонэз ӝуатскиз, пушкыз-ерыз куалекъяны кутскиз, закон пумысен йыркурез ӝуатскиз, бызьыса лыктӥз но курбон сётон вӧзы сое вииз. 25Со виын ик эксэй бордын ужась-тыршись пиосмуртэз вииз, кудӥз курбон сётъяны косэ вал, курбон сётъян интыез но куашкатӥз. 26Законъя улыны солэн мылкыдыз лӧптӥз, кызьы Саломлэн Замврий пиеныз Финеес лэсьтӥз. 27Городысен Маттафия бадӟым куараен кеськиз: «Кин закон понна сюлмыныз висе, сӥзён-косонэз быдэсъяса улэ, мон сьӧры мед мыноз!» 28Ачиз но, пиосыз но гурезьёсы пегӟыса кошкизы, марзы вал городын, ваньзэ кельтыса кошкизы. 29Соку тросэз шонерлыкъя, законъя шонер улыны тыршисьёс, луоё кыр дуннее кошкыса, отын улӥзы, 30асьсэос но, пиоссы, кышнооссы, пудозы но, вылазы вуэм туж секыт шугадӟонъёсын сэрен соос городысь пегӟизы. 31Давидлэн городысьтыз, Иерусалимысь, эксэй бордысь воргоронъёслы, ожгарчиослы ивортэмын вал, эксэйлэсь косонзэ сӧрыса, куд-огез воргоронъёс кыр дуннее, ышыг интыосы кошкизы шуыса. 32Соос бӧрсьы трос мурт уйиськыса мынӥз, нош сутэмзы бере, огазе люкаськыса, радэн-радэн султыса ожмаськыны дасяськизы, со суббота нуналэ вал. 33Ватӥськыса улӥсь иудейёслы шуизы: «Луонлык вань на дыръя потэлэ, эксэйлэн косонэзъя лэсьтӥды ке, улэп кылёды». 34Нош таос шуизы: «Ум потэ, эксэйлэн кылызъя ум лэсьтэ, суббота нуналэз ум сапталэ». 35Соку тушмон ожгарчиос ӝегатэк ожмаськыны дасяськизы. 36Нош таос пумитазы номыр ӧз лэсьтэ, вылазы одӥг из но ӧз зӥртэ, лушкем ватӥськон интыосазы пыранъёсты но ӧз ворсалэ. 37Шуизы: «Янгыштэм-шектэм куенымы ми ваньмы куломы; тӥ милемды шонертэм виылӥськоды шуыса, ин но музъем милям адӟисьёсмы луо». 38Суббота нуналъёсы соос вылэ урдскылӥзы но, соос асьсэос, кышнооссы, нылпиоссы, пудоосынызы валче ог сюрс адями лул быриз. 39Та сярысь Маттафия но солэн эшъёсыз тодэм бере, соосты жаляса, туж бӧрдӥзы. 40Ог-огзылы шуылӥзы: «Ваньмы тазьы лэсьтӥмы ке, та агай-вынъёсмы музэн, улонмы понна, пуктон-косонъёсмы понна язычникъёсын ӧм ке ожмаське, соос асьмеды ӝоген музъем вылысь быдтозы». 41Со нуналэ соос тазьы малпаса шуизы: «Суббота нуналэ котькин асьме вылэ ожен мед лыктоз, солы пумит ожмаськыны кутскомы, лушкем ватӥськыса улон интыосын кулылэм агай-вынъёсмы кадь асьмеос но медам быре». 42Соку соос доры трос иудейёс, Израильысь кужмо муртъёс, ваньзы законлы оскиськымонэсь муртъёс люкаськизы. 43Шугадӟонлэсь пегӟемъёс ваньзы соос борды кариськизы, соослы кужым сётӥсьёс луизы. 44Озьы соослэн армизы кылдӥз, вожзы потыса сьӧлыклэсь кышкасьтэмъёсты, лекъяськонзы ӝутскыку законлы пумит улӥсьёсты виылӥзы. 45Маттафия, солэн эшъёсыз но, котыр ветлыса, сульдэръёслы-идолъёслы курбон сётъян интыоссэс куашкатъязы, 46Израильлэн вань-вань ёросъёсысьтыз вандӥськон сямез ортчытъямтэ пинал пиослы, кӧнязэ гинэ шедьтӥзы, ваньзылы кужмысь вандӥськон сямез ортчытъязы. 47Вылтӥяськонлэн пиосыз сьӧрын уйылӥськыса ветлӥзы, соослэн киулазы вань ужъёс азинлыко мынӥзы. 48Озьы соос Инмар законэз язычникъёслэн кизылэсь, эксэйёслэн кизылэсь утьылӥзы, сьӧлыко муртлы вормыны маза ӧз сётэ.
49Маттафиялэн кулон нуналъёсыз матэ вуизы. Аслаз пиосызлы со шуиз: «Та вакытэ вылтӥяськон кужмояз, али асьмеды эскерон-чаклан дыр, улонлэн йырын-чукин берытскон дырыз, лек вожпотонлэн пурӟон вакытэз. 50Озьыен, пиналъёс, закон пумысен сюлмаськонды-тыршонды мед кужмоялоз, асьтэлэсь улондэс атайёсмылэн сӥзён-косонзы понна сётэ. 51Атайёсмылэсь ужъёссэс тодады вае, кудъёссэ соос асьсэ вакытъёсы лэсьтылӥзы, соку тӥ туж бадӟым данлык басьтоды, бырисьтэм-вужмисьтэм ним басьтоды. 52Осконзэ эскерон-чаклан дыръя Авраам оскиськымон луэ шуыса тодмо ӧз луы-а? Та солы шонерлык шуыса гожтӥськиз. 53Ӝикаса-ёрмыса улыкуз, Иосиф курон-косонэз быдэсъяса улӥз но Египетлы кузё луиз. 54Атаймы, Финеес, оскон пумысен туж сюлмаськем-тыршемез понна пумтэм вапумъёс ӵожелы священник луонлэсь сӥзён-косонзэ басьтӥз. 55Курон-косонъёсты быдэстэмез понна Иисус Навин Израильлы судья луиз. 56Люкаськем кенешын шонер тодытэм понназ Халев люкетлы музъем басьтӥз. 57Аслаз гажась-жалясь луэм понназ Давид пумтэм вапумъёс ӵожелы кун-эксэйлыклэн престол вылаз пуксиз. 58Закон пумысен туж сюлмаськем-тыршемез понна Илия Инме ӝутэмын вал. 59Анания, Азария, Мисаил осконэнызы гомась тыллэсь утиськизы. 60Янгыштэм-шектэм луэмез понна Даниил сьӧсь пӧйшуръёслэн пиньёссы улысь утемын вал. 61Озьыен, выжыысь выжые тодады возе: ваньмыз, кинъёс Инмар вылэ оскиськыса уло, одӥгзы но кужымтэм-кынартэм уз кыле. 62Сьӧлыко пиосмуртлэн кылъёсызлэсь эн кышкалэ, уго солэн данлыкез кыедлы, нумырлы пӧрмоз. 63Туннэ сое вылӥе ӝуто, нош ӵуказе сое уз ни шедьтэ, уго со сюяз берытскиз, малпанъёсыз быризы. 64Нош тӥ, мынам пиналъёсы, юнматске, закон бордын кышкатэк юн возиське, уго со пыр тӥ данэ потоды. 65Тани – Симон, тӥляд братты, тодӥсько, со кенешлэн адямиез, вань улоно нуналъёсады солэсь кылзӥське, со тӥледлы атай интыын луоз. 66Нош Маккавей Иуда, пинал дырысеныз бадӟым кужымо мурт, тӥляд ожгарчиосыныды кивалтӥсь мед луоз, калыкъёсын ожмаськонъёс со нуылоз. 67Озьыен, ваньзэс законэз быдэсъяса улӥсьёсты асьтэ котыре люкалэ, калыктэс ултӥямез понна тушмонлы пунэмзэ берыктылэ; 68язычникъёслы пунэмзэ берыктэ, законлэсь косонъёссэ быдэсъянын сак луэ». 69Соосты бакель кариз но, кулэм бераз со атайёсыз пӧлы ватэмын вал. 70Сю ньыльдон куатетӥ арын со кулӥз: пиосыз сое Модинэ атайёсызлэн шайгу пещераязы ватӥзы, быдэс Израиль, сое жаляса, пӧсь синвуэн бӧрдӥз.
Currently Selected:
Маккавейёслэн 1-тӥ книгазы 2: УДМБИБ
Highlight
Share
Copy
Want to have your highlights saved across all your devices? Sign up or sign in
(c) Библияез берыктонъя Институт, Хельсинки, 2013; 2016
Маккавейёслэн 1-тӥ книгазы 2
2
2-тӥ ЛЮКЕТ
1Со нуналъёсы Симеонлэн Иоанн пиезлэн Маттафия пиез, Иерусалимысь Иоаривлэн пиосыз пӧлысь потэм священник, ӝутскиз; со Модинын улӥз. 2Солэн вить пиосыз вал: Иоанн, сое Гаддис шуо вал, 3Симон, сое Фасси шуо вал, 4Иуда, сое Маккавей шуыса нимало вал, 5Елеазар, сое Аваран шуо вал, Ионафан, сое Апфус шуо вал. 6Иудеяын но Иерусалимын Инмарез сантэман уж нуиське шуыса адӟем бераз 7со шуиз: «Кайгу мыным! Малы мон калыкме туркамез-таркамез адӟыны, святой городэз таркамзэс адӟыны, татын улыны вордӥськи, куке со тушмонъёс киулэ сётэмын, вӧсяськон инты – мурт калык кие сюремын? 8Солэн храмез сӥтэм-сантэм пиосмуртлы укшась луиз, 9дуно сосудъёсыз пленэ нуэмын, пичи нуныосыз ульчаосын виылэмын, егит пиосыз тушмонлэн меч улаз кулылӥзы. 10Кыӵе калык солэсь кун-эксэйлыксэ ӧз киултылы, солэсь ваньбурзэ ӧз киултылы? 11Вань чеберъяськон арбериосыз таламын; эрико мурт вал со, нош таре ляльчилы пӧрмиз. 12Тани, милям вӧсяськон интыосмы, милям чеберлыкмы, милям данлыкмы тырттэм кылизы, язычникъёс соосты саптазы. 13Мар понна милемлы улоно на?» 14Маттафия, солэн пиосыз но дӥсянзэс кесязы, чурыт бышкись урдэг дӥсь вылазы дӥсязы но туж бӧрдӥзы. 15Эксэй дорысь (Инмарлэсь) куштӥськыны косӥсьёс Модин каре лыктӥзы, сульдэръёслы-идолъёслы курбон сётъяны косылӥзы. 16Израильысь тросэз соос пала кариськизы, нош Маттафия но солэн пиосыз отчы люкаськизы. 17Эксэй дорысь лыктэмъёс Маттафиялы ответ сётыса шуизы: «Тон азьвалтӥсь, тон данлыко, та городын тон быдӟым мурт, пиосыд, агай-вынъёсыд тынад пыкъяськон муртъёсыд луо. 18Нош табере тон нырысь ик кутскы но эксэйлэсь косонзэ быдэсты, кызьы вань калыкъёс, иудей воргоронъёс, Иерусалиме кылемъёс тае быдэстӥзы, соку тон но, тынад семьяед но эксэйлы эш луоды, тон но, тынад пиосыд но азвесен, зарниен, трос салам-кузьымъёсын сӥлы каремын луозы». 19Ответ сётыса, Маттафия бадӟым куараен шуиз: «Эксэйлэн кун-эксэйлыкысьтыз вань калыкъёс солэсь верамзэ кабыл басьтӥзы ке, атайёссылэн вӧсяськонзылэсь палэнскизы ке, солэсь косонъёссэ санэ понӥзы ке, 20соку но мон пиосыным, агай-вынъёсыным ӵош атайёсмылэсь сӥзён-косонзэс быдэсъяса уломы. 21Законэз, пуктон-косонъёсты быдэсъянлэсь медам куштӥське, Инмаре, уть милемыз! 22Эксэйлэсь верам кылъёссэ кабыл ум басьтэ, асьмелэн вӧсяськон ужмылэсь бурпала яке паллян пала ум кожылэ». 23Та кылъёсты вераса дугдэм бераз, эксэйлэн косэмезъя, Модинын сылӥсь курбон сётон ӝӧк вылын вань калыклэн син азяз сульдэрлы-идоллы курбон сётыны иудей воргорон султӥз. 24Тае адӟыса, Маттафиялэн оскон пумысен сюлмаськонэз-тыршонэз ӝуатскиз, пушкыз-ерыз куалекъяны кутскиз, закон пумысен йыркурез ӝуатскиз, бызьыса лыктӥз но курбон сётон вӧзы сое вииз. 25Со виын ик эксэй бордын ужась-тыршись пиосмуртэз вииз, кудӥз курбон сётъяны косэ вал, курбон сётъян интыез но куашкатӥз. 26Законъя улыны солэн мылкыдыз лӧптӥз, кызьы Саломлэн Замврий пиеныз Финеес лэсьтӥз. 27Городысен Маттафия бадӟым куараен кеськиз: «Кин закон понна сюлмыныз висе, сӥзён-косонэз быдэсъяса улэ, мон сьӧры мед мыноз!» 28Ачиз но, пиосыз но гурезьёсы пегӟыса кошкизы, марзы вал городын, ваньзэ кельтыса кошкизы. 29Соку тросэз шонерлыкъя, законъя шонер улыны тыршисьёс, луоё кыр дуннее кошкыса, отын улӥзы, 30асьсэос но, пиоссы, кышнооссы, пудозы но, вылазы вуэм туж секыт шугадӟонъёсын сэрен соос городысь пегӟизы. 31Давидлэн городысьтыз, Иерусалимысь, эксэй бордысь воргоронъёслы, ожгарчиослы ивортэмын вал, эксэйлэсь косонзэ сӧрыса, куд-огез воргоронъёс кыр дуннее, ышыг интыосы кошкизы шуыса. 32Соос бӧрсьы трос мурт уйиськыса мынӥз, нош сутэмзы бере, огазе люкаськыса, радэн-радэн султыса ожмаськыны дасяськизы, со суббота нуналэ вал. 33Ватӥськыса улӥсь иудейёслы шуизы: «Луонлык вань на дыръя потэлэ, эксэйлэн косонэзъя лэсьтӥды ке, улэп кылёды». 34Нош таос шуизы: «Ум потэ, эксэйлэн кылызъя ум лэсьтэ, суббота нуналэз ум сапталэ». 35Соку тушмон ожгарчиос ӝегатэк ожмаськыны дасяськизы. 36Нош таос пумитазы номыр ӧз лэсьтэ, вылазы одӥг из но ӧз зӥртэ, лушкем ватӥськон интыосазы пыранъёсты но ӧз ворсалэ. 37Шуизы: «Янгыштэм-шектэм куенымы ми ваньмы куломы; тӥ милемды шонертэм виылӥськоды шуыса, ин но музъем милям адӟисьёсмы луо». 38Суббота нуналъёсы соос вылэ урдскылӥзы но, соос асьсэос, кышнооссы, нылпиоссы, пудоосынызы валче ог сюрс адями лул быриз. 39Та сярысь Маттафия но солэн эшъёсыз тодэм бере, соосты жаляса, туж бӧрдӥзы. 40Ог-огзылы шуылӥзы: «Ваньмы тазьы лэсьтӥмы ке, та агай-вынъёсмы музэн, улонмы понна, пуктон-косонъёсмы понна язычникъёсын ӧм ке ожмаське, соос асьмеды ӝоген музъем вылысь быдтозы». 41Со нуналэ соос тазьы малпаса шуизы: «Суббота нуналэ котькин асьме вылэ ожен мед лыктоз, солы пумит ожмаськыны кутскомы, лушкем ватӥськыса улон интыосын кулылэм агай-вынъёсмы кадь асьмеос но медам быре». 42Соку соос доры трос иудейёс, Израильысь кужмо муртъёс, ваньзы законлы оскиськымонэсь муртъёс люкаськизы. 43Шугадӟонлэсь пегӟемъёс ваньзы соос борды кариськизы, соослы кужым сётӥсьёс луизы. 44Озьы соослэн армизы кылдӥз, вожзы потыса сьӧлыклэсь кышкасьтэмъёсты, лекъяськонзы ӝутскыку законлы пумит улӥсьёсты виылӥзы. 45Маттафия, солэн эшъёсыз но, котыр ветлыса, сульдэръёслы-идолъёслы курбон сётъян интыоссэс куашкатъязы, 46Израильлэн вань-вань ёросъёсысьтыз вандӥськон сямез ортчытъямтэ пинал пиослы, кӧнязэ гинэ шедьтӥзы, ваньзылы кужмысь вандӥськон сямез ортчытъязы. 47Вылтӥяськонлэн пиосыз сьӧрын уйылӥськыса ветлӥзы, соослэн киулазы вань ужъёс азинлыко мынӥзы. 48Озьы соос Инмар законэз язычникъёслэн кизылэсь, эксэйёслэн кизылэсь утьылӥзы, сьӧлыко муртлы вормыны маза ӧз сётэ.
49Маттафиялэн кулон нуналъёсыз матэ вуизы. Аслаз пиосызлы со шуиз: «Та вакытэ вылтӥяськон кужмояз, али асьмеды эскерон-чаклан дыр, улонлэн йырын-чукин берытскон дырыз, лек вожпотонлэн пурӟон вакытэз. 50Озьыен, пиналъёс, закон пумысен сюлмаськонды-тыршонды мед кужмоялоз, асьтэлэсь улондэс атайёсмылэн сӥзён-косонзы понна сётэ. 51Атайёсмылэсь ужъёссэс тодады вае, кудъёссэ соос асьсэ вакытъёсы лэсьтылӥзы, соку тӥ туж бадӟым данлык басьтоды, бырисьтэм-вужмисьтэм ним басьтоды. 52Осконзэ эскерон-чаклан дыръя Авраам оскиськымон луэ шуыса тодмо ӧз луы-а? Та солы шонерлык шуыса гожтӥськиз. 53Ӝикаса-ёрмыса улыкуз, Иосиф курон-косонэз быдэсъяса улӥз но Египетлы кузё луиз. 54Атаймы, Финеес, оскон пумысен туж сюлмаськем-тыршемез понна пумтэм вапумъёс ӵожелы священник луонлэсь сӥзён-косонзэ басьтӥз. 55Курон-косонъёсты быдэстэмез понна Иисус Навин Израильлы судья луиз. 56Люкаськем кенешын шонер тодытэм понназ Халев люкетлы музъем басьтӥз. 57Аслаз гажась-жалясь луэм понназ Давид пумтэм вапумъёс ӵожелы кун-эксэйлыклэн престол вылаз пуксиз. 58Закон пумысен туж сюлмаськем-тыршемез понна Илия Инме ӝутэмын вал. 59Анания, Азария, Мисаил осконэнызы гомась тыллэсь утиськизы. 60Янгыштэм-шектэм луэмез понна Даниил сьӧсь пӧйшуръёслэн пиньёссы улысь утемын вал. 61Озьыен, выжыысь выжые тодады возе: ваньмыз, кинъёс Инмар вылэ оскиськыса уло, одӥгзы но кужымтэм-кынартэм уз кыле. 62Сьӧлыко пиосмуртлэн кылъёсызлэсь эн кышкалэ, уго солэн данлыкез кыедлы, нумырлы пӧрмоз. 63Туннэ сое вылӥе ӝуто, нош ӵуказе сое уз ни шедьтэ, уго со сюяз берытскиз, малпанъёсыз быризы. 64Нош тӥ, мынам пиналъёсы, юнматске, закон бордын кышкатэк юн возиське, уго со пыр тӥ данэ потоды. 65Тани – Симон, тӥляд братты, тодӥсько, со кенешлэн адямиез, вань улоно нуналъёсады солэсь кылзӥське, со тӥледлы атай интыын луоз. 66Нош Маккавей Иуда, пинал дырысеныз бадӟым кужымо мурт, тӥляд ожгарчиосыныды кивалтӥсь мед луоз, калыкъёсын ожмаськонъёс со нуылоз. 67Озьыен, ваньзэс законэз быдэсъяса улӥсьёсты асьтэ котыре люкалэ, калыктэс ултӥямез понна тушмонлы пунэмзэ берыктылэ; 68язычникъёслы пунэмзэ берыктэ, законлэсь косонъёссэ быдэсъянын сак луэ». 69Соосты бакель кариз но, кулэм бераз со атайёсыз пӧлы ватэмын вал. 70Сю ньыльдон куатетӥ арын со кулӥз: пиосыз сое Модинэ атайёсызлэн шайгу пещераязы ватӥзы, быдэс Израиль, сое жаляса, пӧсь синвуэн бӧрдӥз.
Currently Selected:
:
Highlight
Share
Copy
Want to have your highlights saved across all your devices? Sign up or sign in
(c) Библияез берыктонъя Институт, Хельсинки, 2013; 2016