Маккавейёслэн 1-тӥ книгазы 13
13
13-тӥ ЛЮКЕТ
1Симон кылӥз, Трифон бадӟым армия люкам шуыса, Иудей музъеме мыныса, сое тарканы, пе, дасяське. 2Калык кышкатскемын, куалектэмын шуыса адӟиз но, Иерусалиме тубыса, калыкез люказ. 3Соослэсь мылкыдзэс ӝутыны тыршыса шуиз: «Асьтэос тодӥськоды, кӧня мон, мынам агай-вынъёсы, атай выжы-кумыосы Моисей законэз утён понна, та святыня понна кӧня лэсьтӥмы, ожмаськонъёс сярысь, кӧня ултӥянъёсты чидано луимы шуыса но тӥ тодӥськоды. 4Соин ик мынам вань агай-вынъёсы Израиль понна улонзэс сётӥзы, мон одӥгнам кыли. 5Табере мон но улонме жаляса медам ни улы, вань та ултӥян-сантэман дыръёсы, уго мон – агай-вынъёсылэсь умойгес адями ӧвӧл. 6Аслам калыке понна, вӧсяськон инты понна но, кышноосмы, нылпиосмы понна но пунэмзэ берыкто, уго асьмеды синазькыль карыса, вань калыкъёс асьмеды быдтыны огазеяськизы». 7Калыклэн мылкыдыз ӝуатскиз таӵе кылъёсты кылэм беразы ик; 8соос, бадӟым куаразэс поттыса, тазьы шуизы: «Тон – Иуда но Ионафан выныд интыын – милемлы азьвалтӥсь. 9Асьмелэсь ожмаськонмес ну, мар гинэ тон милемлы уд вера, ваньзэ ми лэсьтомы». 10Соку со ваньзэс ожмаськыны дась луэм воргоронъёсты люказ, дыртӥз Иерусалимлэсь борддоръёссэ ӝутыса вуттыны, котыр ласянь сое юнматӥз 11Собере Авессаломлэсь Ионафан пизэ, соин ӵош трос гинэ ожгарчиосты Иоппияе ыстӥз, – кинъёс отын вал, ваньзэс Ионафан отысь улляса лэзиз, ачиз отчы кылиз.
12Со виын ик Трифон трос-трос ожгарчиосын Птолемаидаысь потӥз Иудей музъеме пырон понна; соин ӵош, возьмаськисьёслэн киулазы Ионафан но вал. 13Нош Симон аслэсьтыз лагерьзэ ӵошаллы ваче пумитэ интыяськем Адида вӧзы пуктӥз. 14Симон аслаз Ионафан выныз интые пуксиз но соин ожмаськыны малпа шуыса, Трифон тодӥз, соку со Симон доры аслэсьтыз адямиоссэ тазьы шуыны ыстӥз: 15«Тынад Ионафан выныд эксэй казнае кулэ ужъёсыз понна пунэм тыронзэ азвесен тырыны кулэ вал, но со ӧз тыры, соин ик ми сое кутыса возиськомы. 16Нош али сю талант азвесь келя но лэземмы бере Ионафан милесьтым медаз куштӥськы шуыса, солэсь кык пиоссэ милям киуламы возьыны келя, – соку ми сое лэзёмы». 17Симон валаз соослэсь соин кескич амалын вераськемзэс, но азвесь но, нылпиосты но келяз, калыклэсь сое синазькыль каронэзлэсь кышкаса, 18калык шуыны быгатысал уго: «Симон Трифонлы азвесь но, нылпиосты но ыстымтэен сэрен Ионафан кулӥз». 19Озьы со нылпиосты но, сю талант но ыстӥз; нош Трифон ӧрекчаз, Ионафанэз ӧз лэзьы. 20Та бере Трифон кун пушкы пырыны но сое тарканы мынӥз, Адарае котыр сюрес кузя мынӥз. Нош кытчы гинэ со ӧз мыны, котькытчы Симон ожгарчиосыныз ӵош солэн пумитаз потылӥз. 21Нош Иерусалимысь изкар пушкын улӥсьёс Трифон доры вераськыны ас адямиоссэс ыстӥзы, солэн мылкыдыз мед ӝутскысал соос доры луоё кыр дунне пыр лыктыны, соослы сиён-юон но мед ыстысал. 22Со уе ик мынон вылысь Трифон вань ожмаськон валъёссэ дасяз, но туж зол лымы усиз, лымылы луыса со Иерусалиме ӧз мыны, ӝутскиз но Галаадэ мынӥз. 23Васкамалэн матаз вуэм бере Ионафанэз вииз, сое отчы ик ватӥзы. 24Трифон берытскиз но аслаз музъемаз кошкиз. 25Соку Симон Ионафан вынызлэсь лыоссэ басьтыны ыстӥз, атайёссылэн городазы, Модинэ, соосты ватӥз. 26Туж ӝожомыса, бӧрдыса быдэс Израиль соин люкиськиз, со понна трос нуналъёс ӵоже чигиськыса улӥзы. 27Атаезлэн, агай-вынъёсызлэн гу вылазы Симон юрт пуктӥз, вылэ ӝутӥз, кыдёкысен чебер мед адӟиськоз шуыса, вӧлэм изъёслэсь азьпалзэ но, мышпалзэ но лэсьтӥз, 28со вылэ, ог-огзылы ваче пумитэ, атаезлы но, анаезлы но, ньылезлы ик агай-вынъёсызлы сизьым пирамидаос пуктӥз. 29Соос вылэ устоесь чеберъянъёс лэсьтӥз, котыраз ӝужытэсь юбоос шуккиз, нош юбоос йылэ – ожмаськон тӥрлык – вань вапумъёс ӵожелы буре ваён понна, ожмаськон тӥрлыкъёс вӧзы вӧлыса лэсьтэм корабльёс пуктылӥз – зарезь вылтӥ вань уясьёс соосты адӟыны мед быгатозы. 30Шайгу вылэ пуктэм синпелетэз Модинын туннэ нуналозь но сылэ на.
31Нош Трифон кескич малпанэн пинал Антиох эксэен ӵош сюрес вылэ потӥз но сое вииз. 32Со интые ачиз эксэе пуксиз, Азиялэсь эксэй изьызэ аслаз йыр вылаз понӥз, музъем вылын трос куашкатонъёс лэсьтӥз. 33Нош Симон Иудеяе изкаръёс лэсьтылӥз, ӝужытэсь каланчаос, ӝужытэсь борддоръёс, капкаос, тунгонъёс лэсьтылыса, изкаръёсты юнматъяз, изкаръёс пушкы запаслы сиён-юонъёс дасялляз. 34Собере Симон воргоронъёсты бырйыса Димитрий эксэй доры кунлы каньыллык курыны ыстӥз, уго Трифонлэн вань ужъёсыз – таркан-талан вал. 35Та кылъёслы ответ сётыса, Димитрий эксэй солы таӵе пуштросо гожтэт ыстӥз: 36«Димитрий эксэй Симон архиерейлы, эксэйёслэн эшсылы, тӧроослы, Иудеяысь калыклы – шумпотоно. 37Зарни эксэй изьы, пальма вай, кудъёссэ тӥ ыстӥды, ми басьтӥмы, тӥледын пырак тупаса улон гожтыны ми дасесь, выт бичанъя кивалтӥсьёслы соос тӥлесьтыд выттэс мед куштозы шуыса, ми гожтэт ыстыны дасесь. 38Тӥ пумысен кыӵе пуктон-косонъёс кутӥмы, соос медаз ни вошъяське, асьтэлэн пуктылэм изкаръёсты но тӥляд киулады ик мед луозы. 39Туннэ нуналозь малпаськытэк лэсьтэм янгышъёстэс но куштӥськомы, венец изьы понна тӥледлы тырыны кулэ луись выт тыронэз но куштӥськомы, Иерусалимын кыӵе гинэ мукет выт тыронъёс бичасько вал, табере тӥледыз уз ни тырытэ. 40Тӥ пӧлысь шедизы ке ми бордын ужасьёс пӧлы гожтыны тупасесь муртъёс, мед гожтӥськозы, асьме куспын тупаса улон мед луоз».
41Сю сизьымдонэтӥ арын Израиль вылысь язычникъёслэн ныпъетсы басьтэмын. 42Израиль калык гожтэтъёс гожъякуз, кусыпъёс тупатылыкуз, тазьы гожъяны кутскылӥз: «Иудей калыклэн кивалтӥсез, азьвалтӥсез, быдӟым архиерейлэн, Симонлэн, нырысетӥ араз». 43Та виын Симон Газа вылэ урдскиз, ожгарчиосыз сое котыртӥзы, борддор куашкатъян машинаос лэсьтӥз, соосты городлэн вӧзаз вуттӥз, одӥгзэ каланчаез сузмытӥз, киултӥз, 44нош машинаын сылӥсьёс тэтчыса городэ пыризы, городын туж бадӟым бугыръяськон ӝутскиз. 45Городын улӥсьёс кышноосынызы, нылпиосынызы борддор йылэ тубизы, дӥськутсэс кесяса, бадӟым куараен кесяськизы, мед жалялоз вал шуыса, Симонэз сюлворыса куризы, 46шуизы: «Лек ужъёсмыя судить эн кар, аслэсьтыд гажан-жаляндэ возьматы». 47Симон соосты жаляз, соосын ӧз ни ожмаськы, городысьтызы улляса гинэ лэзиз, коркаоссэс отын сылӥсь идолъёслэсь сузяз-чылкытатӥз, собере со, Инмарез данъяса, тау карыса, городэ пыриз. 48Вань кырсьсэ отысь куяз, законэз чакласа-утьыса улӥсь воргоронъёсты отчы улыны интыяз, сое юнматӥз, ачиз но отчы ик улыны корка пуктӥз. 49Нош Иерусалимысь изкарын улӥсьёслы город сьӧры потаны но, пыраны но, басьяськыны но, вузкарыны но ӧз лэзьы, соин ик соос туж секыт сютэм улонэз чидано луизы, нош тросэз соос пӧлысь сютэм улыса кулӥзы. 50Соку соос, тупаса улон курыса, Симонлы вазиськизы, соослы со тупаса улон сётӥз, но отысь соосты со улляз, изкарез саптаськемезлэсь сузяз. 51Со пушкы со пыриз сю сизьымдон одӥгетӥ арын кыкетӥ толэзьлэн кызь куинетӥ нуналаз Инмарез данъяса, пальма вайёсын, крезьёс, кимвалъёс, цитраос шудыса, псалом гуръёсын, кырӟаса, уго Израильлэн туж бадӟым тушмонэз сузмытэмын вал. 52Пуктон-косон сётӥз: арлы быдэ та нуналэз шулдырен ортчытъяны; изкар вӧзысь храмлэсь гурезьзэ юнматӥз, изкаре ачиз но, асэныз ӵош ветлӥсьёс но улыны интыяськизы. 53Симон адӟиз, Иоанн пиез йыг-йыг воргорон луиз ни шуыса, быдэс армиезлы сое кивалтӥсе пуктӥз; Иоанн Газарае улыны интыяськиз.
Currently Selected:
Маккавейёслэн 1-тӥ книгазы 13: УДМБИБ
Highlight
Share
Copy
Want to have your highlights saved across all your devices? Sign up or sign in
(c) Библияез берыктонъя Институт, Хельсинки, 2013; 2016
Маккавейёслэн 1-тӥ книгазы 13
13
13-тӥ ЛЮКЕТ
1Симон кылӥз, Трифон бадӟым армия люкам шуыса, Иудей музъеме мыныса, сое тарканы, пе, дасяське. 2Калык кышкатскемын, куалектэмын шуыса адӟиз но, Иерусалиме тубыса, калыкез люказ. 3Соослэсь мылкыдзэс ӝутыны тыршыса шуиз: «Асьтэос тодӥськоды, кӧня мон, мынам агай-вынъёсы, атай выжы-кумыосы Моисей законэз утён понна, та святыня понна кӧня лэсьтӥмы, ожмаськонъёс сярысь, кӧня ултӥянъёсты чидано луимы шуыса но тӥ тодӥськоды. 4Соин ик мынам вань агай-вынъёсы Израиль понна улонзэс сётӥзы, мон одӥгнам кыли. 5Табере мон но улонме жаляса медам ни улы, вань та ултӥян-сантэман дыръёсы, уго мон – агай-вынъёсылэсь умойгес адями ӧвӧл. 6Аслам калыке понна, вӧсяськон инты понна но, кышноосмы, нылпиосмы понна но пунэмзэ берыкто, уго асьмеды синазькыль карыса, вань калыкъёс асьмеды быдтыны огазеяськизы». 7Калыклэн мылкыдыз ӝуатскиз таӵе кылъёсты кылэм беразы ик; 8соос, бадӟым куаразэс поттыса, тазьы шуизы: «Тон – Иуда но Ионафан выныд интыын – милемлы азьвалтӥсь. 9Асьмелэсь ожмаськонмес ну, мар гинэ тон милемлы уд вера, ваньзэ ми лэсьтомы». 10Соку со ваньзэс ожмаськыны дась луэм воргоронъёсты люказ, дыртӥз Иерусалимлэсь борддоръёссэ ӝутыса вуттыны, котыр ласянь сое юнматӥз 11Собере Авессаломлэсь Ионафан пизэ, соин ӵош трос гинэ ожгарчиосты Иоппияе ыстӥз, – кинъёс отын вал, ваньзэс Ионафан отысь улляса лэзиз, ачиз отчы кылиз.
12Со виын ик Трифон трос-трос ожгарчиосын Птолемаидаысь потӥз Иудей музъеме пырон понна; соин ӵош, возьмаськисьёслэн киулазы Ионафан но вал. 13Нош Симон аслэсьтыз лагерьзэ ӵошаллы ваче пумитэ интыяськем Адида вӧзы пуктӥз. 14Симон аслаз Ионафан выныз интые пуксиз но соин ожмаськыны малпа шуыса, Трифон тодӥз, соку со Симон доры аслэсьтыз адямиоссэ тазьы шуыны ыстӥз: 15«Тынад Ионафан выныд эксэй казнае кулэ ужъёсыз понна пунэм тыронзэ азвесен тырыны кулэ вал, но со ӧз тыры, соин ик ми сое кутыса возиськомы. 16Нош али сю талант азвесь келя но лэземмы бере Ионафан милесьтым медаз куштӥськы шуыса, солэсь кык пиоссэ милям киуламы возьыны келя, – соку ми сое лэзёмы». 17Симон валаз соослэсь соин кескич амалын вераськемзэс, но азвесь но, нылпиосты но келяз, калыклэсь сое синазькыль каронэзлэсь кышкаса, 18калык шуыны быгатысал уго: «Симон Трифонлы азвесь но, нылпиосты но ыстымтэен сэрен Ионафан кулӥз». 19Озьы со нылпиосты но, сю талант но ыстӥз; нош Трифон ӧрекчаз, Ионафанэз ӧз лэзьы. 20Та бере Трифон кун пушкы пырыны но сое тарканы мынӥз, Адарае котыр сюрес кузя мынӥз. Нош кытчы гинэ со ӧз мыны, котькытчы Симон ожгарчиосыныз ӵош солэн пумитаз потылӥз. 21Нош Иерусалимысь изкар пушкын улӥсьёс Трифон доры вераськыны ас адямиоссэс ыстӥзы, солэн мылкыдыз мед ӝутскысал соос доры луоё кыр дунне пыр лыктыны, соослы сиён-юон но мед ыстысал. 22Со уе ик мынон вылысь Трифон вань ожмаськон валъёссэ дасяз, но туж зол лымы усиз, лымылы луыса со Иерусалиме ӧз мыны, ӝутскиз но Галаадэ мынӥз. 23Васкамалэн матаз вуэм бере Ионафанэз вииз, сое отчы ик ватӥзы. 24Трифон берытскиз но аслаз музъемаз кошкиз. 25Соку Симон Ионафан вынызлэсь лыоссэ басьтыны ыстӥз, атайёссылэн городазы, Модинэ, соосты ватӥз. 26Туж ӝожомыса, бӧрдыса быдэс Израиль соин люкиськиз, со понна трос нуналъёс ӵоже чигиськыса улӥзы. 27Атаезлэн, агай-вынъёсызлэн гу вылазы Симон юрт пуктӥз, вылэ ӝутӥз, кыдёкысен чебер мед адӟиськоз шуыса, вӧлэм изъёслэсь азьпалзэ но, мышпалзэ но лэсьтӥз, 28со вылэ, ог-огзылы ваче пумитэ, атаезлы но, анаезлы но, ньылезлы ик агай-вынъёсызлы сизьым пирамидаос пуктӥз. 29Соос вылэ устоесь чеберъянъёс лэсьтӥз, котыраз ӝужытэсь юбоос шуккиз, нош юбоос йылэ – ожмаськон тӥрлык – вань вапумъёс ӵожелы буре ваён понна, ожмаськон тӥрлыкъёс вӧзы вӧлыса лэсьтэм корабльёс пуктылӥз – зарезь вылтӥ вань уясьёс соосты адӟыны мед быгатозы. 30Шайгу вылэ пуктэм синпелетэз Модинын туннэ нуналозь но сылэ на.
31Нош Трифон кескич малпанэн пинал Антиох эксэен ӵош сюрес вылэ потӥз но сое вииз. 32Со интые ачиз эксэе пуксиз, Азиялэсь эксэй изьызэ аслаз йыр вылаз понӥз, музъем вылын трос куашкатонъёс лэсьтӥз. 33Нош Симон Иудеяе изкаръёс лэсьтылӥз, ӝужытэсь каланчаос, ӝужытэсь борддоръёс, капкаос, тунгонъёс лэсьтылыса, изкаръёсты юнматъяз, изкаръёс пушкы запаслы сиён-юонъёс дасялляз. 34Собере Симон воргоронъёсты бырйыса Димитрий эксэй доры кунлы каньыллык курыны ыстӥз, уго Трифонлэн вань ужъёсыз – таркан-талан вал. 35Та кылъёслы ответ сётыса, Димитрий эксэй солы таӵе пуштросо гожтэт ыстӥз: 36«Димитрий эксэй Симон архиерейлы, эксэйёслэн эшсылы, тӧроослы, Иудеяысь калыклы – шумпотоно. 37Зарни эксэй изьы, пальма вай, кудъёссэ тӥ ыстӥды, ми басьтӥмы, тӥледын пырак тупаса улон гожтыны ми дасесь, выт бичанъя кивалтӥсьёслы соос тӥлесьтыд выттэс мед куштозы шуыса, ми гожтэт ыстыны дасесь. 38Тӥ пумысен кыӵе пуктон-косонъёс кутӥмы, соос медаз ни вошъяське, асьтэлэн пуктылэм изкаръёсты но тӥляд киулады ик мед луозы. 39Туннэ нуналозь малпаськытэк лэсьтэм янгышъёстэс но куштӥськомы, венец изьы понна тӥледлы тырыны кулэ луись выт тыронэз но куштӥськомы, Иерусалимын кыӵе гинэ мукет выт тыронъёс бичасько вал, табере тӥледыз уз ни тырытэ. 40Тӥ пӧлысь шедизы ке ми бордын ужасьёс пӧлы гожтыны тупасесь муртъёс, мед гожтӥськозы, асьме куспын тупаса улон мед луоз».
41Сю сизьымдонэтӥ арын Израиль вылысь язычникъёслэн ныпъетсы басьтэмын. 42Израиль калык гожтэтъёс гожъякуз, кусыпъёс тупатылыкуз, тазьы гожъяны кутскылӥз: «Иудей калыклэн кивалтӥсез, азьвалтӥсез, быдӟым архиерейлэн, Симонлэн, нырысетӥ араз». 43Та виын Симон Газа вылэ урдскиз, ожгарчиосыз сое котыртӥзы, борддор куашкатъян машинаос лэсьтӥз, соосты городлэн вӧзаз вуттӥз, одӥгзэ каланчаез сузмытӥз, киултӥз, 44нош машинаын сылӥсьёс тэтчыса городэ пыризы, городын туж бадӟым бугыръяськон ӝутскиз. 45Городын улӥсьёс кышноосынызы, нылпиосынызы борддор йылэ тубизы, дӥськутсэс кесяса, бадӟым куараен кесяськизы, мед жалялоз вал шуыса, Симонэз сюлворыса куризы, 46шуизы: «Лек ужъёсмыя судить эн кар, аслэсьтыд гажан-жаляндэ возьматы». 47Симон соосты жаляз, соосын ӧз ни ожмаськы, городысьтызы улляса гинэ лэзиз, коркаоссэс отын сылӥсь идолъёслэсь сузяз-чылкытатӥз, собере со, Инмарез данъяса, тау карыса, городэ пыриз. 48Вань кырсьсэ отысь куяз, законэз чакласа-утьыса улӥсь воргоронъёсты отчы улыны интыяз, сое юнматӥз, ачиз но отчы ик улыны корка пуктӥз. 49Нош Иерусалимысь изкарын улӥсьёслы город сьӧры потаны но, пыраны но, басьяськыны но, вузкарыны но ӧз лэзьы, соин ик соос туж секыт сютэм улонэз чидано луизы, нош тросэз соос пӧлысь сютэм улыса кулӥзы. 50Соку соос, тупаса улон курыса, Симонлы вазиськизы, соослы со тупаса улон сётӥз, но отысь соосты со улляз, изкарез саптаськемезлэсь сузяз. 51Со пушкы со пыриз сю сизьымдон одӥгетӥ арын кыкетӥ толэзьлэн кызь куинетӥ нуналаз Инмарез данъяса, пальма вайёсын, крезьёс, кимвалъёс, цитраос шудыса, псалом гуръёсын, кырӟаса, уго Израильлэн туж бадӟым тушмонэз сузмытэмын вал. 52Пуктон-косон сётӥз: арлы быдэ та нуналэз шулдырен ортчытъяны; изкар вӧзысь храмлэсь гурезьзэ юнматӥз, изкаре ачиз но, асэныз ӵош ветлӥсьёс но улыны интыяськизы. 53Симон адӟиз, Иоанн пиез йыг-йыг воргорон луиз ни шуыса, быдэс армиезлы сое кивалтӥсе пуктӥз; Иоанн Газарае улыны интыяськиз.
Currently Selected:
:
Highlight
Share
Copy
Want to have your highlights saved across all your devices? Sign up or sign in
(c) Библияез берыктонъя Институт, Хельсинки, 2013; 2016