Захария 10
10
10-тӥ ЛЮКЕТ
1«Кулэ дыръя Кузё-Инмарлэсь зор курелэ; Кузё-Инмар чилектоз-гудыртоз но тӥледлы жаль-жаль зорзэ кисьтоз, ваньдылэн бусыосады шепо ю будэтоз. 2Уго сульдэръёс-терафимъёс тырттэм кылъёс верало, пелляськисьёс пӧяськонэз адӟо, ӧрекчи вӧтъёс мадё; ӧвӧлтэм макеосын буйгатыны выро. Соин ик соос ыжъёс кадь ветло, начар уло, малы ке шуоно возьмасьсы-валтӥсьсы ӧвӧл. 3Возьмасьёс-валтӥсьёс вылэ вожпотонэ ӝуатскиз, кечтакаосты Мон вӧсь каро; уго Саваоф Кузё-Инмар Аслаз уллёез доры, Иуда выжы доры, лыктоз но соосты Аслэсьтыз данлыко валзэ ожмаськонэ ӝутэм кадь ӝутоз. 4Со бордысь юртэз возись инъет из потоз, со бордысь кортӵог потоз, со бордысь ожмаськонлы пукыӵ потоз, со бордысь калыклэн вань кивалтӥсьёсыз потозы. 5Батыръёс кадесь луозы, ульчаысь дэриез кадь соос ожын тушмонэз лёгалозы, ожмаськозы, уго соосын ӵош Кузё-Инмар, вал вылысь ожгарчиосты но возьытэ вуттозы. 6Юнмато Иудалэсь выжызэ, Иосифлэсь выжызэ утё, доразы берен ваё, уго Мон соосты жаляй, луоз озьы: Мон соосты ноку но кулэтэм ӧй но карылы кадь, уго Мон соослэн Инмарзы Кузё-Инмар, соосты Мон кыло. 7Батыр кадь луоз Ефрем; вина юыку кадь соослэн сюлэмзы шулдыръяськоз; тае соослэн пиоссы адӟозы но шумпотозы; Кузё-Инмар борды кариськыса, сюлмынызы туж шумпотыса улозы. 8Мон соослы пус возьмато но огазе люкало, уго Мон соосты мозмытӥ; азьвыл кадь ик соос трос луозы; 9мурт калыкъёс пӧлы соосты улыны интыяло, кыдёкысь шаеръёсын соос Монэ буре вайыса улозы, нылпиосынызы огазьын улозы, собере берытскозы. 10Соосты Египет музъемысь берен ваё, Ассирияысь люкало но Галаад музъеме, Ливанэ улыны ваё, соослы инты уз тырмы. 11Зарезь вылтӥ шугадӟон ортчоз, зарезь тулкымъёсты куашкатоз, шурлэн мурдалаосыз куасьмыса бырозы, Ассурлэн вылтӥяськонэз зӥбломоз, Египетысь эксэй боды таламын луоз. 12Кузё-Инмар борды карыса, соосты юнмато но, соку соос Солэн нимыныз ветлозы», – шуэ Кузё-Инмар.
Currently Selected:
Захария 10: УДМБИБ
Highlight
Share
Copy
Want to have your highlights saved across all your devices? Sign up or sign in
(c) Библияез берыктонъя Институт, Хельсинки, 2013; 2016
Захария 10
10
10-тӥ ЛЮКЕТ
1«Кулэ дыръя Кузё-Инмарлэсь зор курелэ; Кузё-Инмар чилектоз-гудыртоз но тӥледлы жаль-жаль зорзэ кисьтоз, ваньдылэн бусыосады шепо ю будэтоз. 2Уго сульдэръёс-терафимъёс тырттэм кылъёс верало, пелляськисьёс пӧяськонэз адӟо, ӧрекчи вӧтъёс мадё; ӧвӧлтэм макеосын буйгатыны выро. Соин ик соос ыжъёс кадь ветло, начар уло, малы ке шуоно возьмасьсы-валтӥсьсы ӧвӧл. 3Возьмасьёс-валтӥсьёс вылэ вожпотонэ ӝуатскиз, кечтакаосты Мон вӧсь каро; уго Саваоф Кузё-Инмар Аслаз уллёез доры, Иуда выжы доры, лыктоз но соосты Аслэсьтыз данлыко валзэ ожмаськонэ ӝутэм кадь ӝутоз. 4Со бордысь юртэз возись инъет из потоз, со бордысь кортӵог потоз, со бордысь ожмаськонлы пукыӵ потоз, со бордысь калыклэн вань кивалтӥсьёсыз потозы. 5Батыръёс кадесь луозы, ульчаысь дэриез кадь соос ожын тушмонэз лёгалозы, ожмаськозы, уго соосын ӵош Кузё-Инмар, вал вылысь ожгарчиосты но возьытэ вуттозы. 6Юнмато Иудалэсь выжызэ, Иосифлэсь выжызэ утё, доразы берен ваё, уго Мон соосты жаляй, луоз озьы: Мон соосты ноку но кулэтэм ӧй но карылы кадь, уго Мон соослэн Инмарзы Кузё-Инмар, соосты Мон кыло. 7Батыр кадь луоз Ефрем; вина юыку кадь соослэн сюлэмзы шулдыръяськоз; тае соослэн пиоссы адӟозы но шумпотозы; Кузё-Инмар борды кариськыса, сюлмынызы туж шумпотыса улозы. 8Мон соослы пус возьмато но огазе люкало, уго Мон соосты мозмытӥ; азьвыл кадь ик соос трос луозы; 9мурт калыкъёс пӧлы соосты улыны интыяло, кыдёкысь шаеръёсын соос Монэ буре вайыса улозы, нылпиосынызы огазьын улозы, собере берытскозы. 10Соосты Египет музъемысь берен ваё, Ассирияысь люкало но Галаад музъеме, Ливанэ улыны ваё, соослы инты уз тырмы. 11Зарезь вылтӥ шугадӟон ортчоз, зарезь тулкымъёсты куашкатоз, шурлэн мурдалаосыз куасьмыса бырозы, Ассурлэн вылтӥяськонэз зӥбломоз, Египетысь эксэй боды таламын луоз. 12Кузё-Инмар борды карыса, соосты юнмато но, соку соос Солэн нимыныз ветлозы», – шуэ Кузё-Инмар.
Currently Selected:
:
Highlight
Share
Copy
Want to have your highlights saved across all your devices? Sign up or sign in
(c) Библияез берыктонъя Институт, Хельсинки, 2013; 2016