Лыдпусъёс 10
10
10-тӥ ЛЮКЕТ
1Кузё-Инмар Моисейлы шуиз: 2«Аслыд азвесьлэсь кык гумы лэсьты, дурыса лэсьты, калыкез ӧтчаны, станъёсты интыысьтыз воштыны мед юрттозы; 3соосын пелляны кутскизы ке, тон доры, вӧсяськон скиниялэн пырон дораз, вань калык огазе лыктоз. 4Одӥгеныз гумыен пелляны кутскизы ке, тон доры Израильлэн кивалтӥсьёсыз, сюрс муртэн кивалтӥсьёсыз люкаськозы. 5Ӝутскыны ӧтись куара поттӥды ке, шундыӝужан пала интыяськем станъёс ӝутскозы. 6Кыкетӥ ползэ ӝутскыны ӧтись куара поттӥды ке, лымшор пала интыяськем станъёс ӝутскозы. [Куинетӥ ползэ ӝутскыны ӧтись куара поттӥды ке, зарезь пала интыяськем станъёс ӝутскозы. Ньылетӥ ползэ ӝутскыны ӧтись куара поттӥды ке, уйпала интыяськем станъёс ӝутскозы.] Ӝутскыны ӧтись куара мед поттозы соос сюрес вылэ вырӟыку, 7нош вань калыкез люкано луиз ке, гумыостэс пеллялэ, но ӝутскыны ӧтись куара эн поттэ. 8Аарон пиос, священникъёс, гумы пелляны кулэ: выжыысь выжыостылы, пумтэм вапумъёс ӵожелы та пуктон-косон мед луоз. 9Тӥ вылэ урдскем тушмонлы пумит ас музъем вылады ожен мыныку, гумыосын ӝутскыны ӧтись куара поттыса пеллялэ – соку Инмарды Кузё-Инмар тӥледыз тодаз ваёз, тушмонъёстылэсь утемын луоды. 10Шумпотон-шулдыръяськон, праздник нуналъёсады, выль толэзь потыку, тылын сутӥськись курбонъёс сётыкуды, тупаса улонлы сӥзем курбонъёс сётыкуды, гумыосыныды шудэ, пеллялэ – Инмарды азьын со тӥледыз тодэ ваён луоз. Мон тӥляд Инмарды Кузё-Инмар».
11Кыкетӥ араз кыкетӥ толэзьлэн кызетӥ нуналаз сӥзён-косонэн скиниялэн вылысьтыз пилем ӝутскиз; 12израиль пиос Сӥнай луоё кырысь вырӟизы, дугдылон интыысь дугдылон интые мыныса, сюрессэс азинтӥзы; пилем Фаран луоё кыр дуннее дугдӥз. 13Кузё-Инмарлэн Моисей пыр косэмезъя соос нырысьсэ сюрес вылэ потыны ӝутскизы. 14Нырысь ик Иуда пиослэн станзылэн знамяез ӝутэмын вал, командаен-командаен соос сюрес вылэ потыны ӝутскизы; командазылэн йырыз – Аминадавлэн Наассон пиез; 15Иссахар выжыысь пиослэн командазылэн йырыз – Цуарлэн Нафанаил пиез; 16Завулон выжыысь пиослэн командазылэн йырыз – Хелонлэн Елиав пиез. 17Скинияез сэрттӥзы, скинияез нуллӥсь Гирсон, Мерари пиос азьпала вырӟизы. 18Рувим выжы станлэн знамяез ӝутэмын вал, командаен-командаен соос сюрес вылэ потыны ӝутскизы; соослэн командазылэн йырыз – Шедеурлэн Елицур пиез; 19Симеон выжылэн командаезлэн йырыз – Цуришаддайлэн Шелумиил пиез; 20нош Гад выжылэн командаезлэн йырыз – Регуиллэн Елиасаф пиез. 21Собере вырӟизы вӧсяськон интыысь тӥрлыкъёсты-арбериосты нуллӥсь Кааф пиос; скиния пуктэмын вал соослэн вуэмзылэсь азьвыл. 22Соку Ефрем пиослэн станзылэн знамяез ӝутэмын вал, командаен-командаен соос сюрес вылэ потыны ӝутскизы; соослэн командазылэн йырыз – Аммиудлэн Елишама пиез; 23Манассия выжыысь пиослэн командазылэн йырыз – Педацурлэн Гамалиил пиез; 24Вениамин выжыысь пиослэн командазылэн йырыз – Гидеонийлэн Авидан пиез. 25Вань станъёс пӧлысь ваньмызлэсь берло ӝутэмын вал Дан пиослэн станзылэн знамяез, командаен-командаен соос сюрес вылэ потыны ӝутскизы; соослэн командазылэн йырыз – Аммишаддайлэн Ахиезер пиез; 26Асир выжыысь пиослэн командазылэн йырыз – Охранлэн Пагиил пиез; 27Неффалим выжыысь пиослэн командазылэн йырыз – Енанлэн Ахира пиез. 28Тани тазьы сюрес вылэ потон азязы израиль пиос асьсэ командаосын интыяськизы. Сюрес вылэ потӥзы.
29Соку Моисей аслаз выжы-кумыезлы, мадиан пилы, Рагуиллэн Ховав пиезлы, шуиз: «Ми али мынӥськомы Кузё-Инмарлэн ”сое тӥледлы сёто” шуэм интыяз; мын милемын ӵош, ми тыныд ӟеч каромы, уго Кузё-Инмар Израиль пумысен ӟеч кыл вераз». 30Нош со солы шуиз: «Уг мыны; мон аслам музъемам, аслам вордскем интыям мыно». 31Нош Моисей шуиз: «Милемыз эн кельты, малы ке шуоно тон тодӥськод, кытчы милемлы луоё кыр дуннеын станмес пуктылыны, тон милемлы син интыын луод; 32Милемын ӵош мынӥд ке, тазьы луоз: Кузё-Инмар милемлы ӟеч кароз, нош ми тыныд ӟеч каромы». 33Кузё-Инмарлэн гурезь дорысьтыз куинь нунал мынон кеме кошкизы, Кузё-Инмарлэн ковчегез соослэн азязы куинь нунал ӵоже мынӥз соослы дугдон инты учкон-шедьтон понна. 34Нуназе, соос станысь сюрес вылэ потылыку, Кузё-Инмарлэн пилемез соослэн йылазы улӥз. 35Сюрес вылэ потон азязы ковчегез ӝутыкузы, Моисей шуылӥз: «Султы, Кузё-Инмаре, соку тушмонъёсыд пазьгиськозы, тонэ синазькыль карисьёс Тынад азьысьтыд бызьыса кошкозы!» 36Нош ковчег дугдылыку, со шуылӥз: «Берытскы, Кузё-Инмаре, Израильысь сюрсъёсыд, пумтэм трос сюрсъёсыд доры берытскы!»
Currently Selected:
Лыдпусъёс 10: УДМБИБ
Highlight
Share
Copy
Want to have your highlights saved across all your devices? Sign up or sign in
(c) Библияез берыктонъя Институт, Хельсинки, 2013; 2016
Лыдпусъёс 10
10
10-тӥ ЛЮКЕТ
1Кузё-Инмар Моисейлы шуиз: 2«Аслыд азвесьлэсь кык гумы лэсьты, дурыса лэсьты, калыкез ӧтчаны, станъёсты интыысьтыз воштыны мед юрттозы; 3соосын пелляны кутскизы ке, тон доры, вӧсяськон скиниялэн пырон дораз, вань калык огазе лыктоз. 4Одӥгеныз гумыен пелляны кутскизы ке, тон доры Израильлэн кивалтӥсьёсыз, сюрс муртэн кивалтӥсьёсыз люкаськозы. 5Ӝутскыны ӧтись куара поттӥды ке, шундыӝужан пала интыяськем станъёс ӝутскозы. 6Кыкетӥ ползэ ӝутскыны ӧтись куара поттӥды ке, лымшор пала интыяськем станъёс ӝутскозы. [Куинетӥ ползэ ӝутскыны ӧтись куара поттӥды ке, зарезь пала интыяськем станъёс ӝутскозы. Ньылетӥ ползэ ӝутскыны ӧтись куара поттӥды ке, уйпала интыяськем станъёс ӝутскозы.] Ӝутскыны ӧтись куара мед поттозы соос сюрес вылэ вырӟыку, 7нош вань калыкез люкано луиз ке, гумыостэс пеллялэ, но ӝутскыны ӧтись куара эн поттэ. 8Аарон пиос, священникъёс, гумы пелляны кулэ: выжыысь выжыостылы, пумтэм вапумъёс ӵожелы та пуктон-косон мед луоз. 9Тӥ вылэ урдскем тушмонлы пумит ас музъем вылады ожен мыныку, гумыосын ӝутскыны ӧтись куара поттыса пеллялэ – соку Инмарды Кузё-Инмар тӥледыз тодаз ваёз, тушмонъёстылэсь утемын луоды. 10Шумпотон-шулдыръяськон, праздник нуналъёсады, выль толэзь потыку, тылын сутӥськись курбонъёс сётыкуды, тупаса улонлы сӥзем курбонъёс сётыкуды, гумыосыныды шудэ, пеллялэ – Инмарды азьын со тӥледыз тодэ ваён луоз. Мон тӥляд Инмарды Кузё-Инмар».
11Кыкетӥ араз кыкетӥ толэзьлэн кызетӥ нуналаз сӥзён-косонэн скиниялэн вылысьтыз пилем ӝутскиз; 12израиль пиос Сӥнай луоё кырысь вырӟизы, дугдылон интыысь дугдылон интые мыныса, сюрессэс азинтӥзы; пилем Фаран луоё кыр дуннее дугдӥз. 13Кузё-Инмарлэн Моисей пыр косэмезъя соос нырысьсэ сюрес вылэ потыны ӝутскизы. 14Нырысь ик Иуда пиослэн станзылэн знамяез ӝутэмын вал, командаен-командаен соос сюрес вылэ потыны ӝутскизы; командазылэн йырыз – Аминадавлэн Наассон пиез; 15Иссахар выжыысь пиослэн командазылэн йырыз – Цуарлэн Нафанаил пиез; 16Завулон выжыысь пиослэн командазылэн йырыз – Хелонлэн Елиав пиез. 17Скинияез сэрттӥзы, скинияез нуллӥсь Гирсон, Мерари пиос азьпала вырӟизы. 18Рувим выжы станлэн знамяез ӝутэмын вал, командаен-командаен соос сюрес вылэ потыны ӝутскизы; соослэн командазылэн йырыз – Шедеурлэн Елицур пиез; 19Симеон выжылэн командаезлэн йырыз – Цуришаддайлэн Шелумиил пиез; 20нош Гад выжылэн командаезлэн йырыз – Регуиллэн Елиасаф пиез. 21Собере вырӟизы вӧсяськон интыысь тӥрлыкъёсты-арбериосты нуллӥсь Кааф пиос; скиния пуктэмын вал соослэн вуэмзылэсь азьвыл. 22Соку Ефрем пиослэн станзылэн знамяез ӝутэмын вал, командаен-командаен соос сюрес вылэ потыны ӝутскизы; соослэн командазылэн йырыз – Аммиудлэн Елишама пиез; 23Манассия выжыысь пиослэн командазылэн йырыз – Педацурлэн Гамалиил пиез; 24Вениамин выжыысь пиослэн командазылэн йырыз – Гидеонийлэн Авидан пиез. 25Вань станъёс пӧлысь ваньмызлэсь берло ӝутэмын вал Дан пиослэн станзылэн знамяез, командаен-командаен соос сюрес вылэ потыны ӝутскизы; соослэн командазылэн йырыз – Аммишаддайлэн Ахиезер пиез; 26Асир выжыысь пиослэн командазылэн йырыз – Охранлэн Пагиил пиез; 27Неффалим выжыысь пиослэн командазылэн йырыз – Енанлэн Ахира пиез. 28Тани тазьы сюрес вылэ потон азязы израиль пиос асьсэ командаосын интыяськизы. Сюрес вылэ потӥзы.
29Соку Моисей аслаз выжы-кумыезлы, мадиан пилы, Рагуиллэн Ховав пиезлы, шуиз: «Ми али мынӥськомы Кузё-Инмарлэн ”сое тӥледлы сёто” шуэм интыяз; мын милемын ӵош, ми тыныд ӟеч каромы, уго Кузё-Инмар Израиль пумысен ӟеч кыл вераз». 30Нош со солы шуиз: «Уг мыны; мон аслам музъемам, аслам вордскем интыям мыно». 31Нош Моисей шуиз: «Милемыз эн кельты, малы ке шуоно тон тодӥськод, кытчы милемлы луоё кыр дуннеын станмес пуктылыны, тон милемлы син интыын луод; 32Милемын ӵош мынӥд ке, тазьы луоз: Кузё-Инмар милемлы ӟеч кароз, нош ми тыныд ӟеч каромы». 33Кузё-Инмарлэн гурезь дорысьтыз куинь нунал мынон кеме кошкизы, Кузё-Инмарлэн ковчегез соослэн азязы куинь нунал ӵоже мынӥз соослы дугдон инты учкон-шедьтон понна. 34Нуназе, соос станысь сюрес вылэ потылыку, Кузё-Инмарлэн пилемез соослэн йылазы улӥз. 35Сюрес вылэ потон азязы ковчегез ӝутыкузы, Моисей шуылӥз: «Султы, Кузё-Инмаре, соку тушмонъёсыд пазьгиськозы, тонэ синазькыль карисьёс Тынад азьысьтыд бызьыса кошкозы!» 36Нош ковчег дугдылыку, со шуылӥз: «Берытскы, Кузё-Инмаре, Израильысь сюрсъёсыд, пумтэм трос сюрсъёсыд доры берытскы!»
Currently Selected:
:
Highlight
Share
Copy
Want to have your highlights saved across all your devices? Sign up or sign in
(c) Библияез берыктонъя Институт, Хельсинки, 2013; 2016