Наум 3
3
3-тӥ ЛЮКЕТ
1Куректон-кайгу вирен орсмем городлы! Со быдэсак тырмемын ӧрекчаськонэн, адями виылонэн пачылмемын; таласькон-лушкаськон отысь уг бырылы. 2Кылӥське сюлоен шлачкетъям куара, бергась питранъёслэн дыбыртэмзы, валъёслэн гырдаллямзы, ворттӥсь ожмаськись уробоослэн шальтыртэмзы. 3Буш вал вылын вортто, мечъёс чиляло, шибодыос пишто; туж трос виемъёс, быдэс гурезь ӝужда шӧйёс люкаськемын; котькытын шӧйёс лошъясько, шӧйёс борды адямиос канжаськыло. 4Ваньмыз та – чебер тусбуё кышномуртлэн трос азыса-калгыса улэмез понна, со усто вал тунаськыны-веднаськыны; азыса улонэныз калыкъёсты со вуза, тунаськыса-веднаськыса выжыосты-улыосты туга-тарка. 5Тани, Мон тыныд пумит султо! – шуэ Саваоф Кузё-Инмар, – дӥськуттэ ымныр вылад ӝуто, калыкъёслы гольыктэ возьмато, эксэйлыкъёслы возьдаськон интыдэ адӟыто. 6Юрӟым макеосын вылад зӥръяло, синазькыль макелы тонэ пӧрмыто, ваньмызлы адӟиськон интые тонэ султыто. 7Озьы луоз: кин тонэ адӟиз, ваньзы тон дорысь бызьыса кошкозы но шуозы: «Ниневия куашкатэмын! Кин сое жалялоз? Тонэ буйгатӥсьёсты кытысь шедьто?» 8Тон умойгес шат Но-Аммонлэсь, кудӥз вуосын котыртэмын, шуръёс вискын сылэ, зарезь вал солэн борддорез, ӝутэм интыез? 9Эфиопия но Египет лыдъянтэм трос мукет калыкен ӵош солы йыг-йыг сылыны юрттӥзы; коптъёс но Ливияын улӥсьёс тыныд юрттӥськыны ветлылӥзы. 10Со но мукет интые улыны выжтэмын, пленэ сюриз; солэн пичи нуныосыз гинэ но вань ульча вожъёсын шуккылыса виылэмын, нош сӥё-дано адямиосыз пумысен пус чӧлтӥзы, солэн вань кузёйыръёсыз жильыен дурылэмын. 11Озьы ик тон но кудӟод но пегӟод; озьы ик тон но тушмонлэсь утиськон инты утчалод. 12Тынад вань юнматэм каръёсыд кисьмам емышо смоквапулы укшало: сое сэзъяно ке, соку ик солэн емышъёсыз сиемез потӥсьлэн ымаз усё. 13Тани, тынад ожмаськись калыкед но тон дорысь кышномуртъёс кадь: тушмонъёсыд азьын музъем вылысьтыд капкаос ваяк усьтӥськизы, тыл ньылоз тынэсьтыд тунгонъёстэ. 14Городдэ котыртыса возьыкулы ву омыръяса дася; изкаръёстэ юнматы, мын дэри пӧлы, горд сюез нелькыса дася, кирпичтэ тылын кыдатыны гурдэ тупаты. 15Отысен тонэ тыл ньылоз, меч тонэ коралоз, гоно нумыр кадь тонэ сиёз – тон гоно нумыр кадь йылысалыд ке но, саранча кадь трос ке но луысалыд. 16Инмысь кизилиослэсь но тросгес луизы ни тынад вузчиосыд; но та саранча пазьгиськоз но лобӟыса кошкоз. 17Кивалтӥсьёсыд тынад саранча кадесь, ожен кивалтӥсьёсыд пырнымы палэп кадесь, кудъёсыз кезьыт луыку, борддор пасьёсы каръясько, нош шунды ке потэ, пазьгисько, – уд ни тодма интызэс, кытын вал соос. 18Ассириялэн эксэез! Кӧло тынад возьмаськисьёсыд, кыллё тынад кузёйыръёсыд; калыкед гурезьёсы пазьгиськиз, соосты люкась уг сюры. 19Ярадэ бурмытыны уг ни луы, яраед вӧсь карыса улэ. Тон сярысь ивор кылӥсьёс ваньзы кизэс чабозы, уго кин доры меда уг вуы вал тынад дугдылӥсьтэм йыркурен улонэд?!
Currently Selected:
Наум 3: УДМБИБ
Highlight
Share
Copy
Want to have your highlights saved across all your devices? Sign up or sign in
(c) Библияез берыктонъя Институт, Хельсинки, 2013; 2016
Наум 3
3
3-тӥ ЛЮКЕТ
1Куректон-кайгу вирен орсмем городлы! Со быдэсак тырмемын ӧрекчаськонэн, адями виылонэн пачылмемын; таласькон-лушкаськон отысь уг бырылы. 2Кылӥське сюлоен шлачкетъям куара, бергась питранъёслэн дыбыртэмзы, валъёслэн гырдаллямзы, ворттӥсь ожмаськись уробоослэн шальтыртэмзы. 3Буш вал вылын вортто, мечъёс чиляло, шибодыос пишто; туж трос виемъёс, быдэс гурезь ӝужда шӧйёс люкаськемын; котькытын шӧйёс лошъясько, шӧйёс борды адямиос канжаськыло. 4Ваньмыз та – чебер тусбуё кышномуртлэн трос азыса-калгыса улэмез понна, со усто вал тунаськыны-веднаськыны; азыса улонэныз калыкъёсты со вуза, тунаськыса-веднаськыса выжыосты-улыосты туга-тарка. 5Тани, Мон тыныд пумит султо! – шуэ Саваоф Кузё-Инмар, – дӥськуттэ ымныр вылад ӝуто, калыкъёслы гольыктэ возьмато, эксэйлыкъёслы возьдаськон интыдэ адӟыто. 6Юрӟым макеосын вылад зӥръяло, синазькыль макелы тонэ пӧрмыто, ваньмызлы адӟиськон интые тонэ султыто. 7Озьы луоз: кин тонэ адӟиз, ваньзы тон дорысь бызьыса кошкозы но шуозы: «Ниневия куашкатэмын! Кин сое жалялоз? Тонэ буйгатӥсьёсты кытысь шедьто?» 8Тон умойгес шат Но-Аммонлэсь, кудӥз вуосын котыртэмын, шуръёс вискын сылэ, зарезь вал солэн борддорез, ӝутэм интыез? 9Эфиопия но Египет лыдъянтэм трос мукет калыкен ӵош солы йыг-йыг сылыны юрттӥзы; коптъёс но Ливияын улӥсьёс тыныд юрттӥськыны ветлылӥзы. 10Со но мукет интые улыны выжтэмын, пленэ сюриз; солэн пичи нуныосыз гинэ но вань ульча вожъёсын шуккылыса виылэмын, нош сӥё-дано адямиосыз пумысен пус чӧлтӥзы, солэн вань кузёйыръёсыз жильыен дурылэмын. 11Озьы ик тон но кудӟод но пегӟод; озьы ик тон но тушмонлэсь утиськон инты утчалод. 12Тынад вань юнматэм каръёсыд кисьмам емышо смоквапулы укшало: сое сэзъяно ке, соку ик солэн емышъёсыз сиемез потӥсьлэн ымаз усё. 13Тани, тынад ожмаськись калыкед но тон дорысь кышномуртъёс кадь: тушмонъёсыд азьын музъем вылысьтыд капкаос ваяк усьтӥськизы, тыл ньылоз тынэсьтыд тунгонъёстэ. 14Городдэ котыртыса возьыкулы ву омыръяса дася; изкаръёстэ юнматы, мын дэри пӧлы, горд сюез нелькыса дася, кирпичтэ тылын кыдатыны гурдэ тупаты. 15Отысен тонэ тыл ньылоз, меч тонэ коралоз, гоно нумыр кадь тонэ сиёз – тон гоно нумыр кадь йылысалыд ке но, саранча кадь трос ке но луысалыд. 16Инмысь кизилиослэсь но тросгес луизы ни тынад вузчиосыд; но та саранча пазьгиськоз но лобӟыса кошкоз. 17Кивалтӥсьёсыд тынад саранча кадесь, ожен кивалтӥсьёсыд пырнымы палэп кадесь, кудъёсыз кезьыт луыку, борддор пасьёсы каръясько, нош шунды ке потэ, пазьгисько, – уд ни тодма интызэс, кытын вал соос. 18Ассириялэн эксэез! Кӧло тынад возьмаськисьёсыд, кыллё тынад кузёйыръёсыд; калыкед гурезьёсы пазьгиськиз, соосты люкась уг сюры. 19Ярадэ бурмытыны уг ни луы, яраед вӧсь карыса улэ. Тон сярысь ивор кылӥсьёс ваньзы кизэс чабозы, уго кин доры меда уг вуы вал тынад дугдылӥсьтэм йыркурен улонэд?!
Currently Selected:
:
Highlight
Share
Copy
Want to have your highlights saved across all your devices? Sign up or sign in
(c) Библияез берыктонъя Институт, Хельсинки, 2013; 2016