Левит 4
4
4-тӥ ЛЮКЕТ
1Кузё-Инмар Моисейлы шуиз: 2«Израиль пиослы тазьы шу: ”Кин ке но Кузё-Инмарлэн кудӥзлы ке но курон-косонэзлы пумит янгышаса сьӧлыказ ке, лэсьтыны ярантэм ужез лэсьтӥз ке, 3вӧйын зырӟыса пуктэм священник сьӧлыказ ке, калыкез но озьы сьӧлыке пыртӥз ке, соку со аслаз лэсьтэм сьӧлыкез понна сюро таза пудо пӧлысь шектэм ошпиез курбонлы мед ваёз, со сьӧлык понна Кузё-Инмарлы ваем курбон; 4ошпизэ вӧсяськон скиниялэн ӧс дораз Кузё-Инмар азе мед ваёз, ошпиезлэн йыр вылаз кизэ мед поноз, собере Кузё-Инмар азьын сое мед вандоз; 5вӧйын зырӟыса пуктэм [дун-чылкыт пуктонэн пуктэм] священник ошпилэсь вирзэ мед кутоз но вӧсяськон скиния пушкы мед пыртоз, 6священник чиньызэ вире мед веттоз но Кузё-Инмар азьын вӧсяськон интылэн катанчиез вылэ сизьым пол вир мед пазьгоз; 7[Ошпилэсь] вирзэ священник Кузё-Инмар азе, вӧсяськон скиния пушкысь ческыт зыно ӵындытон курбон сётон ӝӧклэн сюръёсыз вылэ, мед поноз, нош кылемзэ ошпи вирез вӧсяськон скинияе пырон дорын сылӥсь тылын сутӥськись курбон сётон ӝӧклэн выжыяз мед кисьтоз; 8сьӧлыклэсь мозмытскон понна курбонлы ваем ошпилэн пушкысьтыз вань кӧйзэ мед поттоз, вань пуш кӧйзэ, пушказ люкаськем кӧйзэ, 9кыксэ ик пекляоссэ, соос вылысь, саур (макес) вылысь кӧйзэ, мус бордысь кӧй пуйыез но; тае со пекляосын валче мед ваёз, 10тупаса улонлы сӥзем курбон ошпи пушкысь кадь та пушкысь но кӧй люкетъёс ваемын мед луозы; священник соосты тылын сутӥськись курбон сётон ӝӧк вылын сутоз. 11Нош ошпилэсь кузэ, вань сӥльзэ, йырзэ, пыдъёссэ, пуштӥрлыкъёссэ, сӥтьсюлъёссэ, 12ошпилэсь вань кылем люкетсэ станлэн сьӧраз, пень кисьтон азе, чылкыт интые мед поттоз но ӝуась писъёс вылын сое мед сутоз; пень кисьтан интыын со сутэмын мед луоз.
13Нош вань израиль калык янгышен сьӧлыказ ке, но со уж калыклэн син азьысьтыз ватӥськемын ке, Кузё-Инмарлэн курон-косонъёсызлы пумит маке лэсьтӥз ке, кулэтэм-ярантэм уж лэсьтӥз ке, янгыш луоз, 14лэсьтэм сьӧлыксы тодмо луиз ке, соку соос сюро таза пудо пӧлысь вань калыклэн нимыныз сьӧлык понна курбонлы ошпиез мед сётозы, сое вӧсяськон скиния азе мед ваёзы; 15калыклэн тӧроосыз Кузё-Инмар азьын ошпилэн йыр вылаз кизэс мед понозы но Кузё-Инмар азьын сое мед вандозы. 16Вӧйын зырӟыса пуктэм священник ошпилэсь вирзэ вӧсяськон скиния пушкы мед пыртоз, 17священник [ошпилэн] вир пӧлаз чиньызэ мед веттоз но Кузё-Инмар азьын [вӧсяськон интыысь] катанчи вылэ сизьым пол вир мед пазьгоз, 18[ческыт зыно ӵындытон] курбон сётон ӝӧклэн сюръёсыз вылэ вирез мед поноз – Кузё-Инмар азьын, вӧсяськон скиния пушкын, нош кылемзэ вирзэ вӧсяськон скинияе пырон дорысь тылын сутӥськись курбон сётон ӝӧклэн выжыяз мед кисьтоз; 19ошпилэн пушкысьтыз вань кӧйзэ мед поттоз но курбон сётон ӝӧк вылын мед сутоз; 20та ошпиен озьы ик мед кароз, кызьы каро сьӧлык понна курбонлы сётэм ошпиен; озьы лэсьтыны кулэ соин, тазьы соосты сьӧлыклэсь сузялоз священник, соку соослэн сьӧлыксы куштэмын луоз; 21станлэн сьӧраз ошпиез мед поттоз но азьвылзэ ошпиез кызьы сутӥз, тазэ но озьы ик мед сутоз. Таиз вань калыклэн (мерлыклэн) сьӧлыкез понна сётэм курбон.
22Нош кивалтӥсь йыр Инмарезлэн Кузё-Инмарлэн курон-косонъёсызлы пумит янгышен сьӧлыказ ке, кулэтэм-ярантэм уж лэсьтӥз ке, со янгыше сюремын луоз. 23Лэсьтэм сьӧлыксэ со тодыны быгатӥз ке, соку со шектэм кечтакаез курбонлы мед ваёз. 24Кечтакалэн вылаз кизэ мед поноз но Кузё-Инмар азьын тылын сутӥськись курбонлы ваем пудоез вандон интыын сое мед вандоз: та сьӧлык понна сётэм курбон; 25священник сьӧлык понна сётэм курбон пудолэсь вирзэ, чиньыен басьтыса, тылын сутӥськись курбон сётон ӝӧклэн сюръёсыз вылэ поноз, нош кылемзэ вирзэ тылын сутӥськись курбон сётон ӝӧклэн выжыяз мед кисьтоз; 26вань кӧйзэ курбон сётон ӝӧк вылын мед сутоз, кызьы тупаса улонлы сӥзем курбон пудолэсь кӧйзэ суто, тазьы священник кивалтӥсь йырез сьӧлыкезлэсь сузялоз но, солэн сьӧлыкез куштӥськоз.
27Та музъем вылын калык пӧлысь кин ке но янгышен сьӧлыказ ке, Кузё-Инмарлэсь курон-косонъёссэ сӧрыса кыӵе ке но кулэтэм-ярантэм уж лэсьтӥз ке, янгыше сюроз, 28нош со аслэсьтыз лэсьтэм сьӧлыксэ тодӥз ке, соку со лэсьтэм сьӧлыкез понна курбон сётыны шектэм кечез мед ваёз, 29сьӧлык понна курбонлы ваем кечлэн йыр вылаз кизэ мед поноз но сьӧлык понна курбонлы ваем [кечез] тылын сутоно курбон пудо [вандон] интыын мед вандоз; 30священник солэсь вирзэ, чиньызэ веттыса, мед басьтоз но тылын сутӥськись курбон сётон ӝӧклэн сюръёсыз вылэ мед поноз, нош кылемзэ вирзэ курбон сётон ӝӧклэн выжыяз мед кисьтоз; 31тупаса улонлы сӥзем курбон пудолэсь кызьы кӧйзэ окто, озьы ик талэсь но вань кӧйзэ мед октоз но, священник сое курбон сётон ӝӧк вылын мед сутоз, со Кузё-Инмар азьын ческыт зын поттоз; тазьы священник та адямиез сьӧлыклэсь сузялоз, солэн сьӧлыкез куштӥськоз. 32Нош сьӧлык понна курбонлы ыж уллёысь кудзэ ке сётыны малпаз ке, шектэм мессэ мед ваёз, 33сьӧлык понна ваем курбон ыжлэн йыр вылаз кизэ мед поноз но сьӧлык понна курбонлы ваем пудоез тылын сутоно курбон пудоос вандон интыын мед вандоз; 34сьӧлык понна курбонлы ваем ыжлэсь вирзэ священник, чиньызэ веттыса, мед басьтоз но тылын сутӥськись курбон сётон ӝӧклэн сюръёсыз вылэ мед поноз, нош кылемзэ вирзэ курбон сётон ӝӧклэн выжыяз мед кисьтоз; 35тупаса улонлы сӥзем курбон пудолэсь кызьы кӧйзэ окто, озьы ик талэсь но вань кӧйзэ мед октозы но, священник сое курбон сётон ӝӧк вылын, Кузё-Инмарлы курбон карыса, мед сутоз; тазьы священник та адямиез лэсьтэм сьӧлыкезлэсь сузялоз, солэн сьӧлыкез куштӥськоз”».
Currently Selected:
Левит 4: УДМБИБ
Highlight
Share
Copy
Want to have your highlights saved across all your devices? Sign up or sign in
(c) Библияез берыктонъя Институт, Хельсинки, 2013; 2016
Левит 4
4
4-тӥ ЛЮКЕТ
1Кузё-Инмар Моисейлы шуиз: 2«Израиль пиослы тазьы шу: ”Кин ке но Кузё-Инмарлэн кудӥзлы ке но курон-косонэзлы пумит янгышаса сьӧлыказ ке, лэсьтыны ярантэм ужез лэсьтӥз ке, 3вӧйын зырӟыса пуктэм священник сьӧлыказ ке, калыкез но озьы сьӧлыке пыртӥз ке, соку со аслаз лэсьтэм сьӧлыкез понна сюро таза пудо пӧлысь шектэм ошпиез курбонлы мед ваёз, со сьӧлык понна Кузё-Инмарлы ваем курбон; 4ошпизэ вӧсяськон скиниялэн ӧс дораз Кузё-Инмар азе мед ваёз, ошпиезлэн йыр вылаз кизэ мед поноз, собере Кузё-Инмар азьын сое мед вандоз; 5вӧйын зырӟыса пуктэм [дун-чылкыт пуктонэн пуктэм] священник ошпилэсь вирзэ мед кутоз но вӧсяськон скиния пушкы мед пыртоз, 6священник чиньызэ вире мед веттоз но Кузё-Инмар азьын вӧсяськон интылэн катанчиез вылэ сизьым пол вир мед пазьгоз; 7[Ошпилэсь] вирзэ священник Кузё-Инмар азе, вӧсяськон скиния пушкысь ческыт зыно ӵындытон курбон сётон ӝӧклэн сюръёсыз вылэ, мед поноз, нош кылемзэ ошпи вирез вӧсяськон скинияе пырон дорын сылӥсь тылын сутӥськись курбон сётон ӝӧклэн выжыяз мед кисьтоз; 8сьӧлыклэсь мозмытскон понна курбонлы ваем ошпилэн пушкысьтыз вань кӧйзэ мед поттоз, вань пуш кӧйзэ, пушказ люкаськем кӧйзэ, 9кыксэ ик пекляоссэ, соос вылысь, саур (макес) вылысь кӧйзэ, мус бордысь кӧй пуйыез но; тае со пекляосын валче мед ваёз, 10тупаса улонлы сӥзем курбон ошпи пушкысь кадь та пушкысь но кӧй люкетъёс ваемын мед луозы; священник соосты тылын сутӥськись курбон сётон ӝӧк вылын сутоз. 11Нош ошпилэсь кузэ, вань сӥльзэ, йырзэ, пыдъёссэ, пуштӥрлыкъёссэ, сӥтьсюлъёссэ, 12ошпилэсь вань кылем люкетсэ станлэн сьӧраз, пень кисьтон азе, чылкыт интые мед поттоз но ӝуась писъёс вылын сое мед сутоз; пень кисьтан интыын со сутэмын мед луоз.
13Нош вань израиль калык янгышен сьӧлыказ ке, но со уж калыклэн син азьысьтыз ватӥськемын ке, Кузё-Инмарлэн курон-косонъёсызлы пумит маке лэсьтӥз ке, кулэтэм-ярантэм уж лэсьтӥз ке, янгыш луоз, 14лэсьтэм сьӧлыксы тодмо луиз ке, соку соос сюро таза пудо пӧлысь вань калыклэн нимыныз сьӧлык понна курбонлы ошпиез мед сётозы, сое вӧсяськон скиния азе мед ваёзы; 15калыклэн тӧроосыз Кузё-Инмар азьын ошпилэн йыр вылаз кизэс мед понозы но Кузё-Инмар азьын сое мед вандозы. 16Вӧйын зырӟыса пуктэм священник ошпилэсь вирзэ вӧсяськон скиния пушкы мед пыртоз, 17священник [ошпилэн] вир пӧлаз чиньызэ мед веттоз но Кузё-Инмар азьын [вӧсяськон интыысь] катанчи вылэ сизьым пол вир мед пазьгоз, 18[ческыт зыно ӵындытон] курбон сётон ӝӧклэн сюръёсыз вылэ вирез мед поноз – Кузё-Инмар азьын, вӧсяськон скиния пушкын, нош кылемзэ вирзэ вӧсяськон скинияе пырон дорысь тылын сутӥськись курбон сётон ӝӧклэн выжыяз мед кисьтоз; 19ошпилэн пушкысьтыз вань кӧйзэ мед поттоз но курбон сётон ӝӧк вылын мед сутоз; 20та ошпиен озьы ик мед кароз, кызьы каро сьӧлык понна курбонлы сётэм ошпиен; озьы лэсьтыны кулэ соин, тазьы соосты сьӧлыклэсь сузялоз священник, соку соослэн сьӧлыксы куштэмын луоз; 21станлэн сьӧраз ошпиез мед поттоз но азьвылзэ ошпиез кызьы сутӥз, тазэ но озьы ик мед сутоз. Таиз вань калыклэн (мерлыклэн) сьӧлыкез понна сётэм курбон.
22Нош кивалтӥсь йыр Инмарезлэн Кузё-Инмарлэн курон-косонъёсызлы пумит янгышен сьӧлыказ ке, кулэтэм-ярантэм уж лэсьтӥз ке, со янгыше сюремын луоз. 23Лэсьтэм сьӧлыксэ со тодыны быгатӥз ке, соку со шектэм кечтакаез курбонлы мед ваёз. 24Кечтакалэн вылаз кизэ мед поноз но Кузё-Инмар азьын тылын сутӥськись курбонлы ваем пудоез вандон интыын сое мед вандоз: та сьӧлык понна сётэм курбон; 25священник сьӧлык понна сётэм курбон пудолэсь вирзэ, чиньыен басьтыса, тылын сутӥськись курбон сётон ӝӧклэн сюръёсыз вылэ поноз, нош кылемзэ вирзэ тылын сутӥськись курбон сётон ӝӧклэн выжыяз мед кисьтоз; 26вань кӧйзэ курбон сётон ӝӧк вылын мед сутоз, кызьы тупаса улонлы сӥзем курбон пудолэсь кӧйзэ суто, тазьы священник кивалтӥсь йырез сьӧлыкезлэсь сузялоз но, солэн сьӧлыкез куштӥськоз.
27Та музъем вылын калык пӧлысь кин ке но янгышен сьӧлыказ ке, Кузё-Инмарлэсь курон-косонъёссэ сӧрыса кыӵе ке но кулэтэм-ярантэм уж лэсьтӥз ке, янгыше сюроз, 28нош со аслэсьтыз лэсьтэм сьӧлыксэ тодӥз ке, соку со лэсьтэм сьӧлыкез понна курбон сётыны шектэм кечез мед ваёз, 29сьӧлык понна курбонлы ваем кечлэн йыр вылаз кизэ мед поноз но сьӧлык понна курбонлы ваем [кечез] тылын сутоно курбон пудо [вандон] интыын мед вандоз; 30священник солэсь вирзэ, чиньызэ веттыса, мед басьтоз но тылын сутӥськись курбон сётон ӝӧклэн сюръёсыз вылэ мед поноз, нош кылемзэ вирзэ курбон сётон ӝӧклэн выжыяз мед кисьтоз; 31тупаса улонлы сӥзем курбон пудолэсь кызьы кӧйзэ окто, озьы ик талэсь но вань кӧйзэ мед октоз но, священник сое курбон сётон ӝӧк вылын мед сутоз, со Кузё-Инмар азьын ческыт зын поттоз; тазьы священник та адямиез сьӧлыклэсь сузялоз, солэн сьӧлыкез куштӥськоз. 32Нош сьӧлык понна курбонлы ыж уллёысь кудзэ ке сётыны малпаз ке, шектэм мессэ мед ваёз, 33сьӧлык понна ваем курбон ыжлэн йыр вылаз кизэ мед поноз но сьӧлык понна курбонлы ваем пудоез тылын сутоно курбон пудоос вандон интыын мед вандоз; 34сьӧлык понна курбонлы ваем ыжлэсь вирзэ священник, чиньызэ веттыса, мед басьтоз но тылын сутӥськись курбон сётон ӝӧклэн сюръёсыз вылэ мед поноз, нош кылемзэ вирзэ курбон сётон ӝӧклэн выжыяз мед кисьтоз; 35тупаса улонлы сӥзем курбон пудолэсь кызьы кӧйзэ окто, озьы ик талэсь но вань кӧйзэ мед октозы но, священник сое курбон сётон ӝӧк вылын, Кузё-Инмарлы курбон карыса, мед сутоз; тазьы священник та адямиез лэсьтэм сьӧлыкезлэсь сузялоз, солэн сьӧлыкез куштӥськоз”».
Currently Selected:
:
Highlight
Share
Copy
Want to have your highlights saved across all your devices? Sign up or sign in
(c) Библияез берыктонъя Институт, Хельсинки, 2013; 2016