Левит 25
25
25-тӥ ЛЮКЕТ
1Сӥнай гурезьысен Кузё-Инмар Моисейлы тазьы вераз, тазьы шуиз: 2«Израиль пиослы тазьы ялыса шу: Мынам тӥледлы сётоно музъемам вуиды ке, соку Кузё-Инмарлэн субботаяз музъем шутэтскыны кулэ; 3куать ар ӵоже бусы вылад кизь, куать ар ӵоже виноградлэсь вайёссэ вандылы; будэтэм емышсэс бича, 4нош сизьыметӥ араз музъемлэн шутэтскон субботаез мед луоз, Кузё-Инмарлэн субботаез: бусы вылад ю эн кизьы, виноградпудэдлэсь вайёссэ эн вандылы; 5ана вылад мар кизьытэк ачиз потӥз ке, сое эн ара, вандылымтэ вайёсыд вылэ потэм виноград пурыосты эн бича – таиз ар мед луоз музъемлэн шутэтскон дырыз; 6музъемлэн субботаез кыстӥськытозь ваньмыз та тӥледлы – тыныд но, тынад ляльчиедлы но, ляльчи кышномуртэдлы но, медоосыдлы но, тон доры улыны интыяськем муртъёсыдлы но – сиёнлы мыноз; 7пудо-животэдлы но, музъем вылысьтыд пӧйшуръёслы но та будэм емышъёс сиыны яралозы.
8Сизьым суббота аръёс аслыд лыдъя, сизьым арез сизьым пол йылэты – сизьым суббота аръёсад ньыльдон укмыс ар мед луоз; 9сизьыметӥ толэзьлэн дасэтӥ [нуналаз] гумыен пелля, Чылкытатӥськон-сузяськон празднике быдэс музъем вылады гумыен пеллялэ; 10витьтонэтӥ арез вӧсялэ, та музъемын улӥсь вань адямиослы эрик сётӥськомы шуыса ялэ: та тӥляд юбилейды мед луоз; котькудды но асьтэлэн люкет музъемады берытске, котькудды но асьтэлэн выжыды доры берытске. 11Витьтонэтӥ ар тӥляд юбилейды мед луоз: эн кизе, мар ас понназ ӝужаз-будӥз ке, сое эн аралэ, вандылымтэ виноград вайёсы потэм мульыосты эн бичалэ, 12уго та юбилей: тӥ понна со святой ар мед луоз; бусыды мар будэтӥз, сое сие. 13Юбилей аре ваньды асьтэлэн люкет музъемады берытске. 14Мардэ ке но матысь муртэдлы вузад яке мар ке но матысь муртэдлэсь басьтӥд ке, огдэс огды вӧсь эн каре; 15юбилей бере ортчем аръёслэсь лыдзэс санэ басьтыса, тон матысь муртэдлэсь октӥськыса-басьяськыса улыны кулэ; музъемлэсь будэтэм емышсэ октон аръёслэсь лыдзэс санэ басьтыса, со тыныд вузаны кулэ; 16трос аръёс кылё ке, дунзэ будэты; нош ӧжыт аръёс кылё ке, дунзэ кулэсты, уго кылем аръёс дыръя музъемлэсь поттоно емышсэ со тыныд вуза. 17Огдэс огды унь-мань эн каре, Инмаредлэсь кышка, уго Мон Кузё-Инмар, тӥляд Инмарды. 18Мынэсьтым пуктон-косонъёсме быдэсъялэ, законъёсме уте, быдэсъялэ соосты, соку музъем вылын каньылэн, кышкатэк улоды; 19соку музъем емышсэ сётоз но, кӧттэс тырымон сиёды, соку музъем вылады каньылэн, кышкатэк улоды. 20Шуиды ке: ”Сизьыметӥ аре мар сиыса ми уломы, куке ми ум но кизе, емышъёсмес, ю-няньмес ум но октэ-калтэ?” 21Куатетӥ аре тӥ вылэ Мон бакель каронме ысто, соку тӥ доры куинь арлы тырмымон емышъёс вуозы; 22тямысэтӥ араз музъемдэс кизёды, нош укмысэтӥ арозь вужзэ емыштэс сиёды – та арлэн емышез вуытозь вужзэ ик сиёды.
23Пырак ӵожелы музъемез вузаны уг яра, со Мынам музъеме: тӥ сьӧрлось лыктэм калык, Мон доры улыны лыктэмъёс; 24котькытын тӥляд люкетлы сюрем музъемды вылын вузам музъемез, дун тырыса, берен басьтыны лэзе. 25Агай-выныд начармыса музъемзэ вузано луиз ке, соку солэн матысь ӵыжы-выжыез лыктыса агай-вынызлэсь вузам музъемзэ, дун тырыса, берен мед басьтоз; 26со понна нокин но ӧз ни ке быгаты солэсь вузам музъемзэ, дун тырыса, берен басьтыны, но солэн аслаз тырмыт ваньбурез луиз ке, музъемзэ берен басьтыны коньдон шедьтӥз ке, 27вузам дырысеныз та дырозь кӧня ар ортчиз мед лыдъялоз но вузам муртэзлы кылем аръёс понна дунзэ мед берыктоз, аслаз юртаз-ераз со нош ик пырыны быгатоз; 28кӧня кулэ берыктыны сое солэн киыз ӧз ке шедьты, соку солэн вузам люкетэз басьтӥсьлэн кияз кылёз, юбилей арозь, нош юбилей аре со азьвыл кузёезлы берыктэмын луоз но, со нош ик аслаз юртаз-ераз улыны пыроз. 29Кин ке но борддорен котыртэм городысь улон корказэ вузаз ке, вузам бере ар ортчытозь сое берен басьтыны луэ: ар куспын сое берен басьтыны луэ; 30нош со быдэс ар куспын берен басьтэмын ӧз ке луы, соку борддорен котыртэм городысь корка пыраклы басьтӥсь киулэ кылёз, выжыысь выжыос ӵожелы, юбилей аре но солэн киулысьтыз уз ни кошкы. 31Нош борддорен котыртымтэ гуртъёсысь коркаосты ана музъемен оградэ пыртыны луоз: соосты [котькыӵе дыре но], дун тырыса, берен басьтыны луэ, юбилей аре соос кошко басьтӥсь киысь. 32Нош левитъёслэсь городъёссэс, соослэн киулазы сётэм городъёсысь коркаосты, левитъёс котьку но берен басьтыны быгато; 33нош левитъёс пӧлысь кин ке но вузам корказэ, дун тырыса, берен ӧз ке басьты, соку соослэн городысьтызы вузам корка юбилей аре азьвыл кузёезлы берыктэмын луоз, уго левитъёслэн городъёсысьтызы коркаос соослэн басьтэм люкетсы израиль пиос пӧлын улэ; 34соослэн городъёссы котырысь бусыосты но вузаны уг яра, малы ке шуоно соос пумтэм вапумъёс ӵожелы соослэн киулазы сётэмын. 35Тынад агай-выныд куанермиз ке, тон дорын начаре кылиз ке, тон солы юрттӥськы, – сьӧрлось улыны лыктэм мурт-а со, улыны интыяськем мурт-а со, – тонэн валче мед улоз; 36тон солэсь барыш, мултэссэ но эн басьты, Инмаредлэсь кышкаса ул; [Мон Кузё-Инмар,] агай-выныд тонэн валче мед улоз; 37азвесьтэ солы барыш басьтыны эн сёт, аслыд пайда басьтон понна няньдэ но эн сёты. 38Мон тӥляд Инмарды Кузё-Инмар, Кин тӥледыз Египет музъемысь поттӥз Ханаан музъемез тӥляд киулады сётон понна, тӥледлы Инмар луон понна. 39Агай-выныд куанермиз ке, тыныд вузамын луиз ке, сое ляльчиослэсь секытэсь ужъёссэс эн ужаты; 40тон дорын со медъяськем мурт кадь, улыны интыяськем мурт кадь мед улоз; юбилей ар вуытозь тон дорын мед ужалоз; 41нош собере тон дорысь со мед кошкоз, ачиз но, нылпиосыз но соин ӵош мед кошкозы, аслаз выжыез доры мед берытскоз но атайёсызлэн юртазы-еразы нош ик улыны мед интыяськоз, – 42малы ке шуоно соос Мынам ляльчиосы, Египет музъемысь Мон соосты поттӥ: соосты вузаны уг яра, кызьы вузало ляльчиосты; 43жугыса-тышкаса соосын эн кузёяськы, Инмаредлэсь кышка. 44Ляльчи пиед, ляльчи нылыд тон бордын мед улозы шуиськод ке, соку басьтэлэ асьтэлы тӥ котырын улӥсь калыкъёс пӧлысь ляльчи пиосты, ляльчи нылъёсты; 45нош озьы ик тӥ пӧлын улыны интыяськемъёслэсь нылпиоссэс тӥ, дун тырыса, ляльчие басьтыны быгатоды, тӥ пӧлын улӥсь соослэн выжыысьтызы потэм муртъёсты но, кудъёсыз тӥляд музъемады вордӥськизы ни; соос тӥляд асьтэлэн ваньбурды луо ини; 46асьтэ бере соосты нылпиостылы ваньбурез музэн сётыны быгатӥськоды; пумтэм вапумъёс ӵоже соосты ляльчиын возе. Нош агай-вынъёсыныды, израиль пиосын, жугыса-тышкаса эн кузёяське. 47Сьӧрлось лыктэм муртлэн яке тӥ пӧлы улыны интыяськем муртлэн ваньбурез люкаськиз ке, нош аслад агай-выныд со азьын начармиз ке, тон доры улыны интыяськем муртлы ляльчие вузаськиз ке, яке со улыны интыяськемлэн выжыысьтыз кинлы ке но ляльчие вузаськиз ке, 48вузам бере сое, дун тырыса, мозмытыны луэ; агай-вынъёсыз пӧлысь кин ке но сое, дун тырыса, мозмытыны кулэ, 49яке солэн бадӟым агаез, яке бадӟым агаезлэн пиез сое, дун тырыса, мозмытыны кулэ, яке ӵыжы-выжыосыз, улыез-бечеез пӧлысь кин ке но сое, дун тырыса, мозмытыны кулэ; нош аслаз ваньбурез люкаськиз ке, ачиз, дун тырыса, мозмытскыны быгатоз. 50Ассэ вузам арысен кутскыса юбилей ар вуытозь со дун тырыны кулэ сое басьтэм муртлы; ассэ вузам дунлэсь азвесьсэ со аслаз кузёезлы, аръёслэсь лыдзэс санэ басьтыса, тырыны кулэ; огдырлы медъяськем мурт кадь со кузёез дорын улыны кулэ; 51ляльчи радын улонэз эшшо трос аръёс вань на ке, кылемзэ аръёсты лыдъяса-ӵотаса, со ассэ мозмытон понна кӧня азвесь тырыса со басьтэмын вал, со азвесь дунэз берыктыны кулэ. 52Юбилей ар вуытозь ӧжыт аръёс кылемын ни ке, со лыдъяны кулэ, со аръёслэн лыдзыя ассэ мозмытон понна дун тырыны кулэ. 53Вань аръёс ӵоже со кузёез дорын медъяськем мурт кадь мед улоз; аслад син азяд сое жугыса-тышкаса, соин кузёяськыса улыны эн лэзь. 54Нош со таӵе амалэн мозмытскыны ӧз ке быгаты, соку юбилей арын со ачиз но, соин ӵош нылпиосыз но мозмытскозы, 55малы ке шуоно израиль пиос – со Мынам ляльчиосы; Мынам Египет музъемысь поттэм ляльчиосы. Мон Кузё-Инмар, тӥляд Инмарды».
Currently Selected:
Левит 25: УДМБИБ
Highlight
Share
Copy
Want to have your highlights saved across all your devices? Sign up or sign in
(c) Библияез берыктонъя Институт, Хельсинки, 2013; 2016
Левит 25
25
25-тӥ ЛЮКЕТ
1Сӥнай гурезьысен Кузё-Инмар Моисейлы тазьы вераз, тазьы шуиз: 2«Израиль пиослы тазьы ялыса шу: Мынам тӥледлы сётоно музъемам вуиды ке, соку Кузё-Инмарлэн субботаяз музъем шутэтскыны кулэ; 3куать ар ӵоже бусы вылад кизь, куать ар ӵоже виноградлэсь вайёссэ вандылы; будэтэм емышсэс бича, 4нош сизьыметӥ араз музъемлэн шутэтскон субботаез мед луоз, Кузё-Инмарлэн субботаез: бусы вылад ю эн кизьы, виноградпудэдлэсь вайёссэ эн вандылы; 5ана вылад мар кизьытэк ачиз потӥз ке, сое эн ара, вандылымтэ вайёсыд вылэ потэм виноград пурыосты эн бича – таиз ар мед луоз музъемлэн шутэтскон дырыз; 6музъемлэн субботаез кыстӥськытозь ваньмыз та тӥледлы – тыныд но, тынад ляльчиедлы но, ляльчи кышномуртэдлы но, медоосыдлы но, тон доры улыны интыяськем муртъёсыдлы но – сиёнлы мыноз; 7пудо-животэдлы но, музъем вылысьтыд пӧйшуръёслы но та будэм емышъёс сиыны яралозы.
8Сизьым суббота аръёс аслыд лыдъя, сизьым арез сизьым пол йылэты – сизьым суббота аръёсад ньыльдон укмыс ар мед луоз; 9сизьыметӥ толэзьлэн дасэтӥ [нуналаз] гумыен пелля, Чылкытатӥськон-сузяськон празднике быдэс музъем вылады гумыен пеллялэ; 10витьтонэтӥ арез вӧсялэ, та музъемын улӥсь вань адямиослы эрик сётӥськомы шуыса ялэ: та тӥляд юбилейды мед луоз; котькудды но асьтэлэн люкет музъемады берытске, котькудды но асьтэлэн выжыды доры берытске. 11Витьтонэтӥ ар тӥляд юбилейды мед луоз: эн кизе, мар ас понназ ӝужаз-будӥз ке, сое эн аралэ, вандылымтэ виноград вайёсы потэм мульыосты эн бичалэ, 12уго та юбилей: тӥ понна со святой ар мед луоз; бусыды мар будэтӥз, сое сие. 13Юбилей аре ваньды асьтэлэн люкет музъемады берытске. 14Мардэ ке но матысь муртэдлы вузад яке мар ке но матысь муртэдлэсь басьтӥд ке, огдэс огды вӧсь эн каре; 15юбилей бере ортчем аръёслэсь лыдзэс санэ басьтыса, тон матысь муртэдлэсь октӥськыса-басьяськыса улыны кулэ; музъемлэсь будэтэм емышсэ октон аръёслэсь лыдзэс санэ басьтыса, со тыныд вузаны кулэ; 16трос аръёс кылё ке, дунзэ будэты; нош ӧжыт аръёс кылё ке, дунзэ кулэсты, уго кылем аръёс дыръя музъемлэсь поттоно емышсэ со тыныд вуза. 17Огдэс огды унь-мань эн каре, Инмаредлэсь кышка, уго Мон Кузё-Инмар, тӥляд Инмарды. 18Мынэсьтым пуктон-косонъёсме быдэсъялэ, законъёсме уте, быдэсъялэ соосты, соку музъем вылын каньылэн, кышкатэк улоды; 19соку музъем емышсэ сётоз но, кӧттэс тырымон сиёды, соку музъем вылады каньылэн, кышкатэк улоды. 20Шуиды ке: ”Сизьыметӥ аре мар сиыса ми уломы, куке ми ум но кизе, емышъёсмес, ю-няньмес ум но октэ-калтэ?” 21Куатетӥ аре тӥ вылэ Мон бакель каронме ысто, соку тӥ доры куинь арлы тырмымон емышъёс вуозы; 22тямысэтӥ араз музъемдэс кизёды, нош укмысэтӥ арозь вужзэ емыштэс сиёды – та арлэн емышез вуытозь вужзэ ик сиёды.
23Пырак ӵожелы музъемез вузаны уг яра, со Мынам музъеме: тӥ сьӧрлось лыктэм калык, Мон доры улыны лыктэмъёс; 24котькытын тӥляд люкетлы сюрем музъемды вылын вузам музъемез, дун тырыса, берен басьтыны лэзе. 25Агай-выныд начармыса музъемзэ вузано луиз ке, соку солэн матысь ӵыжы-выжыез лыктыса агай-вынызлэсь вузам музъемзэ, дун тырыса, берен мед басьтоз; 26со понна нокин но ӧз ни ке быгаты солэсь вузам музъемзэ, дун тырыса, берен басьтыны, но солэн аслаз тырмыт ваньбурез луиз ке, музъемзэ берен басьтыны коньдон шедьтӥз ке, 27вузам дырысеныз та дырозь кӧня ар ортчиз мед лыдъялоз но вузам муртэзлы кылем аръёс понна дунзэ мед берыктоз, аслаз юртаз-ераз со нош ик пырыны быгатоз; 28кӧня кулэ берыктыны сое солэн киыз ӧз ке шедьты, соку солэн вузам люкетэз басьтӥсьлэн кияз кылёз, юбилей арозь, нош юбилей аре со азьвыл кузёезлы берыктэмын луоз но, со нош ик аслаз юртаз-ераз улыны пыроз. 29Кин ке но борддорен котыртэм городысь улон корказэ вузаз ке, вузам бере ар ортчытозь сое берен басьтыны луэ: ар куспын сое берен басьтыны луэ; 30нош со быдэс ар куспын берен басьтэмын ӧз ке луы, соку борддорен котыртэм городысь корка пыраклы басьтӥсь киулэ кылёз, выжыысь выжыос ӵожелы, юбилей аре но солэн киулысьтыз уз ни кошкы. 31Нош борддорен котыртымтэ гуртъёсысь коркаосты ана музъемен оградэ пыртыны луоз: соосты [котькыӵе дыре но], дун тырыса, берен басьтыны луэ, юбилей аре соос кошко басьтӥсь киысь. 32Нош левитъёслэсь городъёссэс, соослэн киулазы сётэм городъёсысь коркаосты, левитъёс котьку но берен басьтыны быгато; 33нош левитъёс пӧлысь кин ке но вузам корказэ, дун тырыса, берен ӧз ке басьты, соку соослэн городысьтызы вузам корка юбилей аре азьвыл кузёезлы берыктэмын луоз, уго левитъёслэн городъёсысьтызы коркаос соослэн басьтэм люкетсы израиль пиос пӧлын улэ; 34соослэн городъёссы котырысь бусыосты но вузаны уг яра, малы ке шуоно соос пумтэм вапумъёс ӵожелы соослэн киулазы сётэмын. 35Тынад агай-выныд куанермиз ке, тон дорын начаре кылиз ке, тон солы юрттӥськы, – сьӧрлось улыны лыктэм мурт-а со, улыны интыяськем мурт-а со, – тонэн валче мед улоз; 36тон солэсь барыш, мултэссэ но эн басьты, Инмаредлэсь кышкаса ул; [Мон Кузё-Инмар,] агай-выныд тонэн валче мед улоз; 37азвесьтэ солы барыш басьтыны эн сёт, аслыд пайда басьтон понна няньдэ но эн сёты. 38Мон тӥляд Инмарды Кузё-Инмар, Кин тӥледыз Египет музъемысь поттӥз Ханаан музъемез тӥляд киулады сётон понна, тӥледлы Инмар луон понна. 39Агай-выныд куанермиз ке, тыныд вузамын луиз ке, сое ляльчиослэсь секытэсь ужъёссэс эн ужаты; 40тон дорын со медъяськем мурт кадь, улыны интыяськем мурт кадь мед улоз; юбилей ар вуытозь тон дорын мед ужалоз; 41нош собере тон дорысь со мед кошкоз, ачиз но, нылпиосыз но соин ӵош мед кошкозы, аслаз выжыез доры мед берытскоз но атайёсызлэн юртазы-еразы нош ик улыны мед интыяськоз, – 42малы ке шуоно соос Мынам ляльчиосы, Египет музъемысь Мон соосты поттӥ: соосты вузаны уг яра, кызьы вузало ляльчиосты; 43жугыса-тышкаса соосын эн кузёяськы, Инмаредлэсь кышка. 44Ляльчи пиед, ляльчи нылыд тон бордын мед улозы шуиськод ке, соку басьтэлэ асьтэлы тӥ котырын улӥсь калыкъёс пӧлысь ляльчи пиосты, ляльчи нылъёсты; 45нош озьы ик тӥ пӧлын улыны интыяськемъёслэсь нылпиоссэс тӥ, дун тырыса, ляльчие басьтыны быгатоды, тӥ пӧлын улӥсь соослэн выжыысьтызы потэм муртъёсты но, кудъёсыз тӥляд музъемады вордӥськизы ни; соос тӥляд асьтэлэн ваньбурды луо ини; 46асьтэ бере соосты нылпиостылы ваньбурез музэн сётыны быгатӥськоды; пумтэм вапумъёс ӵоже соосты ляльчиын возе. Нош агай-вынъёсыныды, израиль пиосын, жугыса-тышкаса эн кузёяське. 47Сьӧрлось лыктэм муртлэн яке тӥ пӧлы улыны интыяськем муртлэн ваньбурез люкаськиз ке, нош аслад агай-выныд со азьын начармиз ке, тон доры улыны интыяськем муртлы ляльчие вузаськиз ке, яке со улыны интыяськемлэн выжыысьтыз кинлы ке но ляльчие вузаськиз ке, 48вузам бере сое, дун тырыса, мозмытыны луэ; агай-вынъёсыз пӧлысь кин ке но сое, дун тырыса, мозмытыны кулэ, 49яке солэн бадӟым агаез, яке бадӟым агаезлэн пиез сое, дун тырыса, мозмытыны кулэ, яке ӵыжы-выжыосыз, улыез-бечеез пӧлысь кин ке но сое, дун тырыса, мозмытыны кулэ; нош аслаз ваньбурез люкаськиз ке, ачиз, дун тырыса, мозмытскыны быгатоз. 50Ассэ вузам арысен кутскыса юбилей ар вуытозь со дун тырыны кулэ сое басьтэм муртлы; ассэ вузам дунлэсь азвесьсэ со аслаз кузёезлы, аръёслэсь лыдзэс санэ басьтыса, тырыны кулэ; огдырлы медъяськем мурт кадь со кузёез дорын улыны кулэ; 51ляльчи радын улонэз эшшо трос аръёс вань на ке, кылемзэ аръёсты лыдъяса-ӵотаса, со ассэ мозмытон понна кӧня азвесь тырыса со басьтэмын вал, со азвесь дунэз берыктыны кулэ. 52Юбилей ар вуытозь ӧжыт аръёс кылемын ни ке, со лыдъяны кулэ, со аръёслэн лыдзыя ассэ мозмытон понна дун тырыны кулэ. 53Вань аръёс ӵоже со кузёез дорын медъяськем мурт кадь мед улоз; аслад син азяд сое жугыса-тышкаса, соин кузёяськыса улыны эн лэзь. 54Нош со таӵе амалэн мозмытскыны ӧз ке быгаты, соку юбилей арын со ачиз но, соин ӵош нылпиосыз но мозмытскозы, 55малы ке шуоно израиль пиос – со Мынам ляльчиосы; Мынам Египет музъемысь поттэм ляльчиосы. Мон Кузё-Инмар, тӥляд Инмарды».
Currently Selected:
:
Highlight
Share
Copy
Want to have your highlights saved across all your devices? Sign up or sign in
(c) Библияез берыктонъя Институт, Хельсинки, 2013; 2016