Левит 18
18
18-тӥ ЛЮКЕТ
1Кузё-Инмар Моисейлы тазьы вераз, тазьы шуиз: 2«Израиль пиослы тазьы ялыса вера: ”Мон тӥляд Инмарды Кузё-Инмар. 3Египет музъемын улыкуды лэсьтэм ужъёстэс татын эн лэсьтэ, Ханаан музъемын, кытчы Мон тӥледыз нуо, мар отын лэсьто, соосты быдэсъяса эн улэ, соослэн пуктон-косонъёссыя эн улэ. 4Мынэсьтым законъёсме быдэсъяса улэ, Мынэсьтым пуктон-косонъёсме быдэсъялэ, соосъя улэ. Мон тӥляд Инмарды Кузё-Инмар. 5Мынэсьтым пуктон-косонъёсме, Мынэсьтым законъёсме быдэсъяса улэ, соосты адями быдэсъяса улӥз ке, пумтэм вапумъёс улоз. Мон [тӥляд Инмарды] Кузё-Инмар. 6Нокин но, ӵыжы-выжы луись кышномуртлэсь гольык интызэ усьтыны малпаса, матаз медаз лыкты. Мон Кузё-Инмар. 7Атаедлэсь но, анаедлэсь но гольык интызэс эн усьты, со – тынад анаед, солэсь гольык интызэ эн усьты. 8Атаедлэн кышноезлэсь гольык интызэ эн усьты, со – атаедлэн гольыкез. 9Сузэредлэсь гольыксэ, атаедлэн нылызлэсь яке анаедлэн нылызлэсь, та коркан-а со вордскемын яке мукет азьын-а вордскемын, соослэсь гольык интызэс эн усьты. 10Пиедлэн нылызлэсь гольыксэ яке нылыдлэн нылызлэсь гольыксэ, гольык интызэс эн усьты, уго соослэн гольыксы – со тынад гольыкед. 11Атаедлэсь вордӥськем, атаедлэн кышноезлэн нылызлэсь гольык интызэ эн усьты, [атай ласянь] со тынад сузэред луэ ук. 12Атаедлэн сузэрезлэсь гольык интызэ эн усьты, уго со атаеныд одӥг вирысь потэмын. 13Анаедлэн сузэрезлэсь гольык интызэ эн усьты, уго со анаеныд одӥг вирысь потэмын. 14Атаедлэн братэзлэсь гольык интызэ эн усьты, солэн кышноезлэн матаз эн мыны, уго со тынад кенакед. 15Кенэдлэсь гольык интызэ эн усьты: со пиедлэн кышноез, солэсь гольык интызэ эн усьты. 16Агай-выныдлэн кышноезлэсь гольык интызэ эн усьты, со тынад агай-выныдлэн гольыкез. 17Кышномуртлэсь но солэн нылызлэсь гольык интызэс эн усьты; солэн пиезлэсь нылзэ, нылызлэсь нылзэ эн басьты гольык интызэс усьтон понна – соос соин одӥг вирысь потэмъёс; та законлы пумит улон луэ. 18Кышнодэ сузэреныз ӵош кышнолы эн басьты, тэргаськыса улоно медаз луэ, кышноед улэп дыръя солэн сузэрезлэсь гольык интызэ эн усьты. 19Кышноед саптаськонэзлэсь чылкытатӥськытозь, гольык интызэ усьтыны шуыса, матаз эн мыны. 20Мукет адямилэн кышноеныз артэ эн выды, кидыстэ кисьтыса саптаськоно медад луы шуыса. 21Нылпиосыд пӧлысь одӥгзэс но Молохлы ужаны-тыршыны эн сёты, Инмаредлэсь нимзэ эн сантэма. Мон Кузё-Инмар. 22Пиосмурт вӧзы кышномурт вӧзы кадь эн выды – со юрӟым уж. 23Нокыӵе пудоен но, [кидыстэ] кисьтыны шуыса, артэ эн выды, соин медад саптаськы; кышномурт но, пудолэн матаз мыныса, азон сьӧлык лэсьтыны кулэ ӧвӧл – со юрӟым уж.
24Та ужъёс пӧлысь одӥгеныз но асьтэдыз эн сапталэ, уго вань та сьӧлыко ужъёсын тӥляд азьысьтыды Мынам улляно калыкъёсы асьсэды саптазы; 25отысь музъем но саптаськиз; солэн законлы пумит улэмез шоры Мон учки, соку со музъем ас вылысьтыз улӥсьёссэ сэрпалтӥз. 26Нош тӥ чаклалэ-уте Мынэсьтым пуктон-косонъёсме, Мынэсьтым законъёсме, одӥгзэ но юрӟым ужез эн лэсьтэ – та музъемын пырак улӥсь но, сьӧрлось лыктыса тӥ пӧлын улӥсь но, 27уго вань та юрӟым ужъёсты та музъемын тӥ вуэмлэсь азьвыл улӥсьёс лэсьтыса улӥзы, – озьы та музъем саптаськиз. 28Тӥледыз но музъем ас вылысьтыз сэрпалтоно медаз луы, сое саптаса улоно луиды ке, кызьы со сэрпалтӥз тӥлесьтыд азьвыл улэм калыкъёсты. 29Кин одӥгзэ ке но та юрӟым ужъёс пӧлысь лэсьтыса улӥз, таӵе ужъёсты лэсьтыса улӥсь адями лулъёс асьсэ калык пӧлысь быдтэмын луозы. 30Озьыен, чаклалэ-уте Мынэсьтым косонъёсме, тӥлесьтыд азьвыл улэмъёслэсь юрӟымесь сямъёссэс утьыса эн улэ, соослэн сямъёсынызы асьтэдыз эн сапталэ. Мон тӥляд Инмарды Кузё-Инмар”».
Currently Selected:
Левит 18: УДМБИБ
Highlight
Share
Copy
Want to have your highlights saved across all your devices? Sign up or sign in
(c) Библияез берыктонъя Институт, Хельсинки, 2013; 2016
Левит 18
18
18-тӥ ЛЮКЕТ
1Кузё-Инмар Моисейлы тазьы вераз, тазьы шуиз: 2«Израиль пиослы тазьы ялыса вера: ”Мон тӥляд Инмарды Кузё-Инмар. 3Египет музъемын улыкуды лэсьтэм ужъёстэс татын эн лэсьтэ, Ханаан музъемын, кытчы Мон тӥледыз нуо, мар отын лэсьто, соосты быдэсъяса эн улэ, соослэн пуктон-косонъёссыя эн улэ. 4Мынэсьтым законъёсме быдэсъяса улэ, Мынэсьтым пуктон-косонъёсме быдэсъялэ, соосъя улэ. Мон тӥляд Инмарды Кузё-Инмар. 5Мынэсьтым пуктон-косонъёсме, Мынэсьтым законъёсме быдэсъяса улэ, соосты адями быдэсъяса улӥз ке, пумтэм вапумъёс улоз. Мон [тӥляд Инмарды] Кузё-Инмар. 6Нокин но, ӵыжы-выжы луись кышномуртлэсь гольык интызэ усьтыны малпаса, матаз медаз лыкты. Мон Кузё-Инмар. 7Атаедлэсь но, анаедлэсь но гольык интызэс эн усьты, со – тынад анаед, солэсь гольык интызэ эн усьты. 8Атаедлэн кышноезлэсь гольык интызэ эн усьты, со – атаедлэн гольыкез. 9Сузэредлэсь гольыксэ, атаедлэн нылызлэсь яке анаедлэн нылызлэсь, та коркан-а со вордскемын яке мукет азьын-а вордскемын, соослэсь гольык интызэс эн усьты. 10Пиедлэн нылызлэсь гольыксэ яке нылыдлэн нылызлэсь гольыксэ, гольык интызэс эн усьты, уго соослэн гольыксы – со тынад гольыкед. 11Атаедлэсь вордӥськем, атаедлэн кышноезлэн нылызлэсь гольык интызэ эн усьты, [атай ласянь] со тынад сузэред луэ ук. 12Атаедлэн сузэрезлэсь гольык интызэ эн усьты, уго со атаеныд одӥг вирысь потэмын. 13Анаедлэн сузэрезлэсь гольык интызэ эн усьты, уго со анаеныд одӥг вирысь потэмын. 14Атаедлэн братэзлэсь гольык интызэ эн усьты, солэн кышноезлэн матаз эн мыны, уго со тынад кенакед. 15Кенэдлэсь гольык интызэ эн усьты: со пиедлэн кышноез, солэсь гольык интызэ эн усьты. 16Агай-выныдлэн кышноезлэсь гольык интызэ эн усьты, со тынад агай-выныдлэн гольыкез. 17Кышномуртлэсь но солэн нылызлэсь гольык интызэс эн усьты; солэн пиезлэсь нылзэ, нылызлэсь нылзэ эн басьты гольык интызэс усьтон понна – соос соин одӥг вирысь потэмъёс; та законлы пумит улон луэ. 18Кышнодэ сузэреныз ӵош кышнолы эн басьты, тэргаськыса улоно медаз луэ, кышноед улэп дыръя солэн сузэрезлэсь гольык интызэ эн усьты. 19Кышноед саптаськонэзлэсь чылкытатӥськытозь, гольык интызэ усьтыны шуыса, матаз эн мыны. 20Мукет адямилэн кышноеныз артэ эн выды, кидыстэ кисьтыса саптаськоно медад луы шуыса. 21Нылпиосыд пӧлысь одӥгзэс но Молохлы ужаны-тыршыны эн сёты, Инмаредлэсь нимзэ эн сантэма. Мон Кузё-Инмар. 22Пиосмурт вӧзы кышномурт вӧзы кадь эн выды – со юрӟым уж. 23Нокыӵе пудоен но, [кидыстэ] кисьтыны шуыса, артэ эн выды, соин медад саптаськы; кышномурт но, пудолэн матаз мыныса, азон сьӧлык лэсьтыны кулэ ӧвӧл – со юрӟым уж.
24Та ужъёс пӧлысь одӥгеныз но асьтэдыз эн сапталэ, уго вань та сьӧлыко ужъёсын тӥляд азьысьтыды Мынам улляно калыкъёсы асьсэды саптазы; 25отысь музъем но саптаськиз; солэн законлы пумит улэмез шоры Мон учки, соку со музъем ас вылысьтыз улӥсьёссэ сэрпалтӥз. 26Нош тӥ чаклалэ-уте Мынэсьтым пуктон-косонъёсме, Мынэсьтым законъёсме, одӥгзэ но юрӟым ужез эн лэсьтэ – та музъемын пырак улӥсь но, сьӧрлось лыктыса тӥ пӧлын улӥсь но, 27уго вань та юрӟым ужъёсты та музъемын тӥ вуэмлэсь азьвыл улӥсьёс лэсьтыса улӥзы, – озьы та музъем саптаськиз. 28Тӥледыз но музъем ас вылысьтыз сэрпалтоно медаз луы, сое саптаса улоно луиды ке, кызьы со сэрпалтӥз тӥлесьтыд азьвыл улэм калыкъёсты. 29Кин одӥгзэ ке но та юрӟым ужъёс пӧлысь лэсьтыса улӥз, таӵе ужъёсты лэсьтыса улӥсь адями лулъёс асьсэ калык пӧлысь быдтэмын луозы. 30Озьыен, чаклалэ-уте Мынэсьтым косонъёсме, тӥлесьтыд азьвыл улэмъёслэсь юрӟымесь сямъёссэс утьыса эн улэ, соослэн сямъёсынызы асьтэдыз эн сапталэ. Мон тӥляд Инмарды Кузё-Инмар”».
Currently Selected:
:
Highlight
Share
Copy
Want to have your highlights saved across all your devices? Sign up or sign in
(c) Библияез берыктонъя Институт, Хельсинки, 2013; 2016