Иона 4
4
4-тӥ ЛЮКЕТ
1Та пумысен Иона туж юн ӝоже усиз, лекез пӧсьтӥз. 2Кузё-Инмарлы вӧсяськыса шуиз: «Э, Кузё-Инмаре! Аслам вордскем шаерам ик тазьы луоз шуыса ӧй вера-а? Соин ик мон Фарсисэ пегӟисько вал, уго мон тодӥсько вал, Тон – Инмар Кузё-Инмар ӟечлыко, жалясь, кема чидась, юн гажась-жалясь луиськод шуыса, шугадӟон лэзьыны жалялод шуыса но тодӥ. 3Кузё-Инмар, табере басьты мынэсьтым лулме, тазьы улытозь, кулыны умойгес луоз». 4Кузё-Инмар шуиз: «Малы тон сокем зол ӝоже усид?» 5Иона городысь потыса кошкиз, солэн шундыӝужан палаз мыныса пуксиз, отчы аслыз тылыс лэсьтӥз но солэн вужераз кариськиз, учкыса улӥз, мар луоз городэн. 6Инмар Кузё-Инмар будос поттӥз, со, Ионалэсь вылӥе ӝутскыса, солы вужер мед сётоз но, кӧтӝожез мед буйгалоз шуыса; Иона туж шумпотӥз та будослы. 7Инмар Кузё-Инмар тазьы кариз: мукетаз нуналэ, ӵукна куазь ӟардон азьын, будослэсь выжызэ нумыр йырйиз но, со куасьмиз. 8Нош шунды ӝужам бере Инмар Кузё-Инмар шундыӝужанысь ӟырдыт пӧсь тӧл вайиз, соку шунды ӵушканы кутскиз Ионалэсь йырзэ, со чылкак каньсыраз, аслыз кулон эзель курыны кутскиз, со шуиз: «Тазьы улытозь, кулыны умойгес луоз». 9Инмар Кузё-Инмар Ионалы шуиз: «Та будос понна сокем юн ӝоже усид-а?» Со шуиз: «Туж ӝоже уси, улэме ик ӧз ни поты». 10Соку Кузё-Инмар шуиз: «Одӥг уй куспын ӝужам, одӥг уй куспын ик кулэм-бырем будосэз тон жаляськод, кудзэ тон ӧд будэты, со бордын тон ӧд ужа-тыршы. 11Мон-а ум жаля Ниневияез, бадӟым городэз? Отын сю кызь сюрс мурт улэ, соос уг быгато бурпалзэс паллян палзылэсь висъяны; отын пудо-живот но трос».
Currently Selected:
Иона 4: УДМБИБ
Highlight
Share
Copy
Want to have your highlights saved across all your devices? Sign up or sign in
(c) Библияез берыктонъя Институт, Хельсинки, 2013; 2016
