Осия 4
4
4-тӥ ЛЮКЕТ
1Израиль пиос, Кузё-Инмарлэсь верамзэ кылзэ; Кузё-Инмар киын та музъемын улӥсьёслы суд лэсьтон, малы ке шуоно зэмлык но, гажан-жалян но, Инмарез тодон но ӧвӧл ни музъем вылын. 2Кыл сётон, ӧрекчаськон, виылон, лушкаськон, азыса-калгыса улон туж паськыт вӧлмизы ни, вир кисьтон бӧрсьы вир кисьтӥське. 3Со понна та музъем бӧрдоно луоз, отын улӥсьёс ваньзы катьтэммозы, луд пӧйшуръёсын, ин тылобурдоосын ӵош зарезь чорыгъёс но бырозы. 4Нокин но медаз ченгешы, нокин но муртлэсь шексэ шарае медаз потты; тынад калыкед священникен ченгешись муртъёс кадесь луэмын. 5Тон нуназе погралод, пророк тонэн ӵош уйин погралоз, тынэсьтыд анайдэ но быдто. 6Тодонэз тырмыт луымтэ понна быдтэмын луоз Мынам калыке: уго тон тодонэз кулэтэм карид бере, тынэсьтыд Мынам азям курбон сётон уждэ Мон кулэтэм каро; кызьы тон Инмаредлэсь законзэ вунэтӥд, озьы ик Мон но тынэсьтыд нылпиостэ вунэто. 7Макем соос йыло, сокем трос Мыным пумит сьӧлыкало; данлыксэс дантэм улонлы пӧрмыто. 8Мынам калыкелэн сьӧлыкъёсыныз кӧтсэс тырыса уло, солэн законлы пумит улонэз пала лулзы кыстӥське. 9Мар луоз калыкен, со ик луоз священникен; сюресъёсыз понна сое вӧсь каро, ужъёсыз понна пунэмзэ берыкто. 10Сиськозы, но кӧтсы уз тыры; азыса-калгыса улозы, но уз йылэ, уго Кузё-Инмарлы ужамысь-тыршемысь дугдӥзы. 11Азыса-калгыса улон, вина, юонъёс сюлмазы выжы лэземын. 12Мынам калыке писпуэзлэсь юа, корт бодыез солы ответ сётэ; уго азон-калгонлэн духез соосты йыромытӥз, азыса-калгыса улэменызы, Инмарзы бордысь палэнскизы. 13Гурезь йылъёсын соос курбон сёто, мувыръёс вылын тыпы, топольпу, теревинфпу улъёсын ӵындытон ортчыто, малы ке шуоно синмаськымон соослэн саюлзы; соин ик тӥляд нылъёсты азыса уло, вылькенъёсты азо-калго. 14Азыса улыкузы, нылъёстэс вӧсь каремысь дугдо, вылькенъёстэс но, азыса-калгыса улыкузы, вӧсь каремысь дугдо, малы ке шуоно тӥ асьтэос азыса-калгыса улӥсьёс палан, азыса улӥсьёсын ӵош курбонъёс сётыса улӥськоды, нош валасьтэм калык погра-быре. 15Тон, Израиль, азыса-калгыса улӥськод ке, Иуда сьӧлыкаса медаз улы вал; Галгалэ эн ветлэ, Беф-Авенэ эн тубалэ, улэп Кузё-Инмарен но кыл эн сётэ. 16Уго вог ветыл кадь вог луиз Израиль; соин Кузё-Инмар эркын возь вылысь ыжпиосты кадь соосты возьмалоз на меда?! 17Сульдэръёс-идолъёс борды думиськиз Ефрем; кельты сое! 18Кӧтвеськантэм адӟиське соослэн юыса улонзы; азыса-калгыса улон киулэ чылкак сётскизы ни; кивалтӥсьёссы возьдаськоно ужъёсты быдэсъяны ярато. 19Тӧл аслаз бурдъёсыныз соосты котыртоз но, соос асьсэлэн курбонъёссылэсь возьдаськозы.
Currently Selected:
Осия 4: УДМБИБ
Highlight
Share
Copy
Want to have your highlights saved across all your devices? Sign up or sign in
(c) Библияез берыктонъя Институт, Хельсинки, 2013; 2016
Осия 4
4
4-тӥ ЛЮКЕТ
1Израиль пиос, Кузё-Инмарлэсь верамзэ кылзэ; Кузё-Инмар киын та музъемын улӥсьёслы суд лэсьтон, малы ке шуоно зэмлык но, гажан-жалян но, Инмарез тодон но ӧвӧл ни музъем вылын. 2Кыл сётон, ӧрекчаськон, виылон, лушкаськон, азыса-калгыса улон туж паськыт вӧлмизы ни, вир кисьтон бӧрсьы вир кисьтӥське. 3Со понна та музъем бӧрдоно луоз, отын улӥсьёс ваньзы катьтэммозы, луд пӧйшуръёсын, ин тылобурдоосын ӵош зарезь чорыгъёс но бырозы. 4Нокин но медаз ченгешы, нокин но муртлэсь шексэ шарае медаз потты; тынад калыкед священникен ченгешись муртъёс кадесь луэмын. 5Тон нуназе погралод, пророк тонэн ӵош уйин погралоз, тынэсьтыд анайдэ но быдто. 6Тодонэз тырмыт луымтэ понна быдтэмын луоз Мынам калыке: уго тон тодонэз кулэтэм карид бере, тынэсьтыд Мынам азям курбон сётон уждэ Мон кулэтэм каро; кызьы тон Инмаредлэсь законзэ вунэтӥд, озьы ик Мон но тынэсьтыд нылпиостэ вунэто. 7Макем соос йыло, сокем трос Мыным пумит сьӧлыкало; данлыксэс дантэм улонлы пӧрмыто. 8Мынам калыкелэн сьӧлыкъёсыныз кӧтсэс тырыса уло, солэн законлы пумит улонэз пала лулзы кыстӥське. 9Мар луоз калыкен, со ик луоз священникен; сюресъёсыз понна сое вӧсь каро, ужъёсыз понна пунэмзэ берыкто. 10Сиськозы, но кӧтсы уз тыры; азыса-калгыса улозы, но уз йылэ, уго Кузё-Инмарлы ужамысь-тыршемысь дугдӥзы. 11Азыса-калгыса улон, вина, юонъёс сюлмазы выжы лэземын. 12Мынам калыке писпуэзлэсь юа, корт бодыез солы ответ сётэ; уго азон-калгонлэн духез соосты йыромытӥз, азыса-калгыса улэменызы, Инмарзы бордысь палэнскизы. 13Гурезь йылъёсын соос курбон сёто, мувыръёс вылын тыпы, топольпу, теревинфпу улъёсын ӵындытон ортчыто, малы ке шуоно синмаськымон соослэн саюлзы; соин ик тӥляд нылъёсты азыса уло, вылькенъёсты азо-калго. 14Азыса улыкузы, нылъёстэс вӧсь каремысь дугдо, вылькенъёстэс но, азыса-калгыса улыкузы, вӧсь каремысь дугдо, малы ке шуоно тӥ асьтэос азыса-калгыса улӥсьёс палан, азыса улӥсьёсын ӵош курбонъёс сётыса улӥськоды, нош валасьтэм калык погра-быре. 15Тон, Израиль, азыса-калгыса улӥськод ке, Иуда сьӧлыкаса медаз улы вал; Галгалэ эн ветлэ, Беф-Авенэ эн тубалэ, улэп Кузё-Инмарен но кыл эн сётэ. 16Уго вог ветыл кадь вог луиз Израиль; соин Кузё-Инмар эркын возь вылысь ыжпиосты кадь соосты возьмалоз на меда?! 17Сульдэръёс-идолъёс борды думиськиз Ефрем; кельты сое! 18Кӧтвеськантэм адӟиське соослэн юыса улонзы; азыса-калгыса улон киулэ чылкак сётскизы ни; кивалтӥсьёссы возьдаськоно ужъёсты быдэсъяны ярато. 19Тӧл аслаз бурдъёсыныз соосты котыртоз но, соос асьсэлэн курбонъёссылэсь возьдаськозы.
Currently Selected:
:
Highlight
Share
Copy
Want to have your highlights saved across all your devices? Sign up or sign in
(c) Библияез берыктонъя Институт, Хельсинки, 2013; 2016