Аггей 1
1
1-тӥ ЛЮКЕТ
1Дарийлэн кыкетӥ арзэ эксэйын пукон араз, куатетӥ толэзьлэн нырысетӥ нуналаз Аггей пророк пыр Кузё-Инмар кыл вераз Иудеялэн кивалтӥсезлы, Салафиильлэн Зоровавель пиезлы, но Иоседеклэн Иисус пиезлы, быдӟым иерейлы: 2«Тазьы шуиз Саваоф Кузё-Инмар: та калык шуэ: ”Кузё-Инмарлы корка пуктон дыр ӧз на вуы”».
3Аггей пророк пыр Кузё-Инмар кыл вераз: 4«Нош тӥляд асьтэлэн дырды вань чеберъям коркаосады улыны, со дыре ик та коркае куштӥськемын? 5Соин ик али Саваоф Кузё-Инмар тазьы шуэ: сюлэмдэс-малпандэс улон сюресъёстэс эскерыны берыктэ. 6Тӥ трос кизиськоды, нош бичаськоды ӧжыт; сииськоды, нош кӧтты уг тыры; юиськоды, нош сюды уг юзма; дӥсяськиськоды, нош уд шунаське; уждун поттӥсь пась коньдон тырон пуйылы ужа. 7Тазьы шуэ Саваоф Кузё-Инмар: сюлэмдэс-малпандэс улон сюресъёстэс эскерыны берыктэ. 8Гурезь бамалъёсы тубе, отысь кор коралэ, соин храм пуктэ; со бордын Мынам ӟеч эрике улоз, отын Монэ данъялозы, – шуэ Кузё-Инмар. 9Троссэ возьмаськоды, но ӧжыт басьтӥськоды; мае гуртады ваёды, сое Мон тӧлъя-буръя пазьго. Мар понна? – шуэ Саваоф Кузё-Инмар, – со понна: Мынам коркае куштӥськем юртлы пӧрмемын, нош тӥ асьтэос ваньды ас юртады бызьыса кошкиськоды. 10Со понна ик инбам ворсаськиз но тӥледлы лысвузэ уг ни сёты, музъем аслэсьтыз будэтэм емышсэ уг ни сёты. 11Музъем вылэ, гурезьёс вылэ, ю-нянь вылэ, виноград сок вылэ, вӧй вылэ, ваньмыз вылэ, мае будэтэ музъем, адямиос вылэ, пудо-живот вылэ, киын быдэсъяськись вань ужъёс вылэ кӧс ар вайи». 12Салафиильлэн Зоровавель пиез, Иоседеклэн Иисус пиез, быдӟым иерей, ваньмыз мукетъёсыз но Инмарзылэсь Кузё-Инмарлэсь куаразэ, Инмарзылэсь Кузё-Инмарлэсь ыстэм Аггей пророклэсь верам кылъёссэ кылзӥзы, соку калык Кузё-Инмарлэсь кышкаса улыны кутскиз.
13Соку Аггей, Кузё-Инмарлэн ыстэм муртэз, Кузё-Инмарлэн ыстэм иворчиез, калыклы шуиз: «Мон тӥледын! – шуэ Кузё-Инмар». 14Соку Кузё-Инмар Иудеялэн кивалтӥсезлэсь, Салафиильлэн Зоровавель пиезлэсь, Иоседеклэн Иисус пиезлэсь, быдӟым иерейлэсь, калыклэн кылем люкетэзлэсь мылкыдзэс-духсэс бугыртӥз-ӝутӥз, – соку соос лыктӥзы но Инмарзылэн, Саваоф Кузё-Инмарлэн корказ ужаны кутскизы, 15куатетӥ толэзьлэн кызь ньылетӥ нуналаз, Дарийлэн эксэйын пуконэзлэн кыкетӥ араз вал та.
Currently Selected:
Аггей 1: УДМБИБ
Highlight
Share
Copy
Want to have your highlights saved across all your devices? Sign up or sign in
(c) Библияез берыктонъя Институт, Хельсинки, 2013; 2016
Аггей 1
1
1-тӥ ЛЮКЕТ
1Дарийлэн кыкетӥ арзэ эксэйын пукон араз, куатетӥ толэзьлэн нырысетӥ нуналаз Аггей пророк пыр Кузё-Инмар кыл вераз Иудеялэн кивалтӥсезлы, Салафиильлэн Зоровавель пиезлы, но Иоседеклэн Иисус пиезлы, быдӟым иерейлы: 2«Тазьы шуиз Саваоф Кузё-Инмар: та калык шуэ: ”Кузё-Инмарлы корка пуктон дыр ӧз на вуы”».
3Аггей пророк пыр Кузё-Инмар кыл вераз: 4«Нош тӥляд асьтэлэн дырды вань чеберъям коркаосады улыны, со дыре ик та коркае куштӥськемын? 5Соин ик али Саваоф Кузё-Инмар тазьы шуэ: сюлэмдэс-малпандэс улон сюресъёстэс эскерыны берыктэ. 6Тӥ трос кизиськоды, нош бичаськоды ӧжыт; сииськоды, нош кӧтты уг тыры; юиськоды, нош сюды уг юзма; дӥсяськиськоды, нош уд шунаське; уждун поттӥсь пась коньдон тырон пуйылы ужа. 7Тазьы шуэ Саваоф Кузё-Инмар: сюлэмдэс-малпандэс улон сюресъёстэс эскерыны берыктэ. 8Гурезь бамалъёсы тубе, отысь кор коралэ, соин храм пуктэ; со бордын Мынам ӟеч эрике улоз, отын Монэ данъялозы, – шуэ Кузё-Инмар. 9Троссэ возьмаськоды, но ӧжыт басьтӥськоды; мае гуртады ваёды, сое Мон тӧлъя-буръя пазьго. Мар понна? – шуэ Саваоф Кузё-Инмар, – со понна: Мынам коркае куштӥськем юртлы пӧрмемын, нош тӥ асьтэос ваньды ас юртады бызьыса кошкиськоды. 10Со понна ик инбам ворсаськиз но тӥледлы лысвузэ уг ни сёты, музъем аслэсьтыз будэтэм емышсэ уг ни сёты. 11Музъем вылэ, гурезьёс вылэ, ю-нянь вылэ, виноград сок вылэ, вӧй вылэ, ваньмыз вылэ, мае будэтэ музъем, адямиос вылэ, пудо-живот вылэ, киын быдэсъяськись вань ужъёс вылэ кӧс ар вайи». 12Салафиильлэн Зоровавель пиез, Иоседеклэн Иисус пиез, быдӟым иерей, ваньмыз мукетъёсыз но Инмарзылэсь Кузё-Инмарлэсь куаразэ, Инмарзылэсь Кузё-Инмарлэсь ыстэм Аггей пророклэсь верам кылъёссэ кылзӥзы, соку калык Кузё-Инмарлэсь кышкаса улыны кутскиз.
13Соку Аггей, Кузё-Инмарлэн ыстэм муртэз, Кузё-Инмарлэн ыстэм иворчиез, калыклы шуиз: «Мон тӥледын! – шуэ Кузё-Инмар». 14Соку Кузё-Инмар Иудеялэн кивалтӥсезлэсь, Салафиильлэн Зоровавель пиезлэсь, Иоседеклэн Иисус пиезлэсь, быдӟым иерейлэсь, калыклэн кылем люкетэзлэсь мылкыдзэс-духсэс бугыртӥз-ӝутӥз, – соку соос лыктӥзы но Инмарзылэн, Саваоф Кузё-Инмарлэн корказ ужаны кутскизы, 15куатетӥ толэзьлэн кызь ньылетӥ нуналаз, Дарийлэн эксэйын пуконэзлэн кыкетӥ араз вал та.
Currently Selected:
:
Highlight
Share
Copy
Want to have your highlights saved across all your devices? Sign up or sign in
(c) Библияез берыктонъя Институт, Хельсинки, 2013; 2016