Потон 34
34
34-тӥ ЛЮКЕТ
1Кузё-Инмар Моисейлы шуиз: «Аслыд кык изпулъёс вӧл, азьвылъёсызлы укшатыса лэсьты, [собере Мон доры гурезь йылэ туб,] со изпулъёс вылэ Мон со кылъёсты ик гожто, кудъёсыз вал азьвылаз тынад пильылэм изпулъёсыд вылын; 2ӵукналы дась лу; ӵукна Сӥнай гурезь йылэ туб, гурезь йылысен Мынам азям султы; 3но тонэн ӵош нокин но медаз тубы, быдэс та гурезь вылын нокин но возьматскыны кулэ ӧвӧл; бадӟымъёсыз но, пичиосыз но пудоос та гурезь вӧзтӥ медаз ветлэ». 4Азьвылъёсызлы укшатыса, Моисей кык изпулъёс вӧлӥз но, ӵукна вазь ик султыса, Сӥнай гурезь йылэ тубиз, кызьы солы Кузё-Инмар косон сётӥз; кияз кык изпулъёс кутӥз. 5Кузё-Инмар пилем пушкын васькиз но, Моисейлы матаз вуыса, отчы дугдӥз, Кузё-Инмар шуыса, Аслэсьтыз нимзэ ялӥз. 6Кузё-Инмар солэн азьтӥз ортчыкуз, со азьын шуиз: «Кузё-Инмар, Кузё-Инмар, адямиез яратӥсь, гажась-жалясь, кема чидась, туж гажась-жалясь, зэмлыко Инмар. 7Со сюрсэтӥ выжылы но [шонерлыко луэмзэ,] гажан-жалянзэ возьматэ, Со янгышъёсты, йыружъёсты, сьӧлыкъёсты ӵуше-куштэ, но вӧсь карытэк уг кельты, атайёслэн янгышъёссы понна куинетӥ, ньылетӥ выжыозь соослэсь нылпиоссэс, нылпиоссылэсь нылпиоссэс вӧсь каре». 8Моисей соку ик музъем вылэ уськытскиз, [Инмарлы] йыбырттӥз но 9шуиз: «Тон азьын ӟечлык басьтыны ярамон луи ке, Кузё-Атае, соку Кузё-Атаймы ми пӧлын мед мыноз, уго та калык чурыт сюлэмо; законлы пумит улэмъёсмес, сьӧлыкъёсмес кушты-ӵуш, милемыз Аслыд люкет кар». 10[Кузё-Инмар Моисейлы] шуиз: «Тани Мон тӥледын сӥзён-косон пыр кусып кылдытӥсько: тынад вань калыкед азьын паймымон ужъёс лэсьто, сыӵеосыз музъем вылын одӥг калык пӧлын но ӧй на вал, тынад котырысьтыд вань калык Кузё-Инмарлэсь ужзэ адӟоз, уго тынад азяд лэсьтоно уже туж кышкыт луоз; 11мае али косӥсько, ваньзэ быдэсъя: тани, Мон тынад азьысьтыд аморрейёсты, хананейёсты, хеттейёсты, ферезейёсты, евейёсты, [гергесейёсты,] иевусейёсты улляло; 12утиськы, пыроно музъемад улӥсь калыкъёсын кусып эн кылдытъя, соос пыр канжаськоно медад луэ. 13Курбон сётон интыоссэс куашкатэ, йыбыртъян юбооссэс пыргытъялэ, вӧсяськон сурдъёссэс коралэ, [вӧлыса лэсьтэм сульдэръёссэс-инмаръёссэс тылын сутэ]; 14уго тон [Инмарлы] Кузё-Инмарлы сяна, мукет инмаръёслы йыбыртъяны кулэ ӧвӧл, уго Солэн нимыз «вожомись, кылэз юн юась»: Со кылэз юн юась Инмар. 15Со музъемын улӥсь калыкъёсын кусып эн кылдытъя, соос инмаръёсынызы азыса улыкузы, инмаръёссылы курбонъёс сётылыкузы, тонэ но медаз ӧте, курбон сӥльзэс сиёно медад луы; 16пиосыдлы соослэсь нылзэс кышно эн вай, [нылъёстэ но соослэн пиоссылы кузпаллы эн сёт,] – соослэн нылъёссы инмаръёсынызы азыса уло бере, тынэсьтыд пиостэ но асьсэлэн инмаръёсынызы азон сьӧлыке медаз кыске. 17Ӵыжатыса-дурыса аслыд инмаръёс эн лэсьты. 18Юмал Нянь Сиён праздникез чакла-уть: сизьым нунал ӵоже чырсатымтэ нянь си, кызьы Мон тыныд косӥ, тупатэм дыре – Авив толэзе, уго Авив толэзе тон Египетысь потӥд. 19Нырысь вордскем пи нуныез Мыным вайыны кулэ, озьы ик тынад пудоедлэсь нырысь вордскем ошъёссэ, такаоссэ но. 20Ишаклэсь нырысь вордскем чуньызэ ыжпиен вошты, нош ӧд ке вошты, дунэн басьты; нырысь вордскем вань пиосыд понна дун тыр; Мынам азям тырттэм киын медаз лыктэ. 21Куать нунал ужа, нош сизьыметӥ нуналаз шутэтскы, кизён, аран вакытъёсы но эн ужа. 22Арняослэсь праздниксэс#34:22 Арняослэн праздниксы – праздник седмиц, чабейлэсь нырысь кутсам юзэ басьтонлы сӥзем праздникез уть, арлэн пумаз емышъёсты бичанлы сӥзем праздникез уть; 23тынад вань пиосмуртъёсыд арлы быдэ куинь пол Кузё-Атай азе, Израильлэн Инмарез Кузё-Инмар азе, султыны кулэ, 24тынад азьысьтыд калыкъёсты улляло, улон интыдэ паськытато, тынэсьтыд музъемдэ басьтыны нокинлэн мылкыдыз уз ӝутскы, ар куспын куинь пол Инмаред Кузё-Инмар азе султӥд ке. 25Мыным курбонлы ваем пудолэсь вирзэ чырсатыса пыжем нянь вылэ эн кисьты, Пасхалы ваем курбонэз но ӵукнаозьлы кельтыны уг яра. 26Музъемедлэсь будэтэм нырысь емышъёссэ Инмаредлэн Кузё-Инмарлэн корказ вай. Кечпиез анаезлэн йӧл пӧлаз эн пӧзьты». 27Соку Кузё-Инмар Моисейлы шуиз: «Та кылъёсты аслыд гожты, уго та кылъёсын Мон тонэн но Израилен сӥзён-косон пыр кусып кылдытӥсько». 28Отын, Кузё-Инмар дорын, [Моисей] ньыльдон нунал но ньыльдон уй улӥз, нянь ӧз сиы, ву ӧз юы; изпулъёс вылэ [Моисей] сӥзён-косонлэсь кылъёссэ – дас курон-косонъёсты – гожтӥз. 29Сӥнай гурезьысь васькыкуз, Моисейлэн кияз сӥзён-косонэз юнматӥсь кык изпулъёс вал, гурезьысь васькыкуз, Моисей ӧз тоды, солэн ымныр бордысьтыз тылсиос пиштыса уло шуыса – Инмарен вераськем бераз озьы луиз. 30Аарон но, вань израиль калык но Моисеез адӟизы: солэн ымнырыз пиштэ, нош матаз лыктыны кышказы. 31Моисей соосты матаз лыктыны косӥз, соку Аарон но кенешлэн вань кивалтӥсьёсыз со доры лыктӥзы но, Моисей соосын вераськиз. 32Та бере [солэн матаз] вань израиль пиос лыктӥзы, соку Моисей Сӥнай гурезьысен Кузё-Инмарлэсь солы верам вань курон-косонъёссэ ивортӥз. 33Соосын вераськемысь дугдэм бераз Моисей ымнырзэ шобыртӥз. 34Кузё-Инмар азе Соин вераськыны пырылыкуз, потытозязлы шобретсэ ымныр вылысьтыз басьтылӥз; Кузё-Инмар отысь потэм бераз со израиль пиослы ваньзэ [Кузё-Инмарлэсь] сётэм курон-косонъёссэ ивортылӥз. 35Израиль пиос адӟо вал, кызьы Моисейлэн ымнырыз пиштыса улэ, соку Моисей нош ик Соин вераськыны пырытозязлы ымнырзэ шобыртылӥз.
Currently Selected:
Потон 34: УДМБИБ
Highlight
Share
Copy
Want to have your highlights saved across all your devices? Sign up or sign in
(c) Библияез берыктонъя Институт, Хельсинки, 2013; 2016
Потон 34
34
34-тӥ ЛЮКЕТ
1Кузё-Инмар Моисейлы шуиз: «Аслыд кык изпулъёс вӧл, азьвылъёсызлы укшатыса лэсьты, [собере Мон доры гурезь йылэ туб,] со изпулъёс вылэ Мон со кылъёсты ик гожто, кудъёсыз вал азьвылаз тынад пильылэм изпулъёсыд вылын; 2ӵукналы дась лу; ӵукна Сӥнай гурезь йылэ туб, гурезь йылысен Мынам азям султы; 3но тонэн ӵош нокин но медаз тубы, быдэс та гурезь вылын нокин но возьматскыны кулэ ӧвӧл; бадӟымъёсыз но, пичиосыз но пудоос та гурезь вӧзтӥ медаз ветлэ». 4Азьвылъёсызлы укшатыса, Моисей кык изпулъёс вӧлӥз но, ӵукна вазь ик султыса, Сӥнай гурезь йылэ тубиз, кызьы солы Кузё-Инмар косон сётӥз; кияз кык изпулъёс кутӥз. 5Кузё-Инмар пилем пушкын васькиз но, Моисейлы матаз вуыса, отчы дугдӥз, Кузё-Инмар шуыса, Аслэсьтыз нимзэ ялӥз. 6Кузё-Инмар солэн азьтӥз ортчыкуз, со азьын шуиз: «Кузё-Инмар, Кузё-Инмар, адямиез яратӥсь, гажась-жалясь, кема чидась, туж гажась-жалясь, зэмлыко Инмар. 7Со сюрсэтӥ выжылы но [шонерлыко луэмзэ,] гажан-жалянзэ возьматэ, Со янгышъёсты, йыружъёсты, сьӧлыкъёсты ӵуше-куштэ, но вӧсь карытэк уг кельты, атайёслэн янгышъёссы понна куинетӥ, ньылетӥ выжыозь соослэсь нылпиоссэс, нылпиоссылэсь нылпиоссэс вӧсь каре». 8Моисей соку ик музъем вылэ уськытскиз, [Инмарлы] йыбырттӥз но 9шуиз: «Тон азьын ӟечлык басьтыны ярамон луи ке, Кузё-Атае, соку Кузё-Атаймы ми пӧлын мед мыноз, уго та калык чурыт сюлэмо; законлы пумит улэмъёсмес, сьӧлыкъёсмес кушты-ӵуш, милемыз Аслыд люкет кар». 10[Кузё-Инмар Моисейлы] шуиз: «Тани Мон тӥледын сӥзён-косон пыр кусып кылдытӥсько: тынад вань калыкед азьын паймымон ужъёс лэсьто, сыӵеосыз музъем вылын одӥг калык пӧлын но ӧй на вал, тынад котырысьтыд вань калык Кузё-Инмарлэсь ужзэ адӟоз, уго тынад азяд лэсьтоно уже туж кышкыт луоз; 11мае али косӥсько, ваньзэ быдэсъя: тани, Мон тынад азьысьтыд аморрейёсты, хананейёсты, хеттейёсты, ферезейёсты, евейёсты, [гергесейёсты,] иевусейёсты улляло; 12утиськы, пыроно музъемад улӥсь калыкъёсын кусып эн кылдытъя, соос пыр канжаськоно медад луэ. 13Курбон сётон интыоссэс куашкатэ, йыбыртъян юбооссэс пыргытъялэ, вӧсяськон сурдъёссэс коралэ, [вӧлыса лэсьтэм сульдэръёссэс-инмаръёссэс тылын сутэ]; 14уго тон [Инмарлы] Кузё-Инмарлы сяна, мукет инмаръёслы йыбыртъяны кулэ ӧвӧл, уго Солэн нимыз «вожомись, кылэз юн юась»: Со кылэз юн юась Инмар. 15Со музъемын улӥсь калыкъёсын кусып эн кылдытъя, соос инмаръёсынызы азыса улыкузы, инмаръёссылы курбонъёс сётылыкузы, тонэ но медаз ӧте, курбон сӥльзэс сиёно медад луы; 16пиосыдлы соослэсь нылзэс кышно эн вай, [нылъёстэ но соослэн пиоссылы кузпаллы эн сёт,] – соослэн нылъёссы инмаръёсынызы азыса уло бере, тынэсьтыд пиостэ но асьсэлэн инмаръёсынызы азон сьӧлыке медаз кыске. 17Ӵыжатыса-дурыса аслыд инмаръёс эн лэсьты. 18Юмал Нянь Сиён праздникез чакла-уть: сизьым нунал ӵоже чырсатымтэ нянь си, кызьы Мон тыныд косӥ, тупатэм дыре – Авив толэзе, уго Авив толэзе тон Египетысь потӥд. 19Нырысь вордскем пи нуныез Мыным вайыны кулэ, озьы ик тынад пудоедлэсь нырысь вордскем ошъёссэ, такаоссэ но. 20Ишаклэсь нырысь вордскем чуньызэ ыжпиен вошты, нош ӧд ке вошты, дунэн басьты; нырысь вордскем вань пиосыд понна дун тыр; Мынам азям тырттэм киын медаз лыктэ. 21Куать нунал ужа, нош сизьыметӥ нуналаз шутэтскы, кизён, аран вакытъёсы но эн ужа. 22Арняослэсь праздниксэс#34:22 Арняослэн праздниксы – праздник седмиц, чабейлэсь нырысь кутсам юзэ басьтонлы сӥзем праздникез уть, арлэн пумаз емышъёсты бичанлы сӥзем праздникез уть; 23тынад вань пиосмуртъёсыд арлы быдэ куинь пол Кузё-Атай азе, Израильлэн Инмарез Кузё-Инмар азе, султыны кулэ, 24тынад азьысьтыд калыкъёсты улляло, улон интыдэ паськытато, тынэсьтыд музъемдэ басьтыны нокинлэн мылкыдыз уз ӝутскы, ар куспын куинь пол Инмаред Кузё-Инмар азе султӥд ке. 25Мыным курбонлы ваем пудолэсь вирзэ чырсатыса пыжем нянь вылэ эн кисьты, Пасхалы ваем курбонэз но ӵукнаозьлы кельтыны уг яра. 26Музъемедлэсь будэтэм нырысь емышъёссэ Инмаредлэн Кузё-Инмарлэн корказ вай. Кечпиез анаезлэн йӧл пӧлаз эн пӧзьты». 27Соку Кузё-Инмар Моисейлы шуиз: «Та кылъёсты аслыд гожты, уго та кылъёсын Мон тонэн но Израилен сӥзён-косон пыр кусып кылдытӥсько». 28Отын, Кузё-Инмар дорын, [Моисей] ньыльдон нунал но ньыльдон уй улӥз, нянь ӧз сиы, ву ӧз юы; изпулъёс вылэ [Моисей] сӥзён-косонлэсь кылъёссэ – дас курон-косонъёсты – гожтӥз. 29Сӥнай гурезьысь васькыкуз, Моисейлэн кияз сӥзён-косонэз юнматӥсь кык изпулъёс вал, гурезьысь васькыкуз, Моисей ӧз тоды, солэн ымныр бордысьтыз тылсиос пиштыса уло шуыса – Инмарен вераськем бераз озьы луиз. 30Аарон но, вань израиль калык но Моисеез адӟизы: солэн ымнырыз пиштэ, нош матаз лыктыны кышказы. 31Моисей соосты матаз лыктыны косӥз, соку Аарон но кенешлэн вань кивалтӥсьёсыз со доры лыктӥзы но, Моисей соосын вераськиз. 32Та бере [солэн матаз] вань израиль пиос лыктӥзы, соку Моисей Сӥнай гурезьысен Кузё-Инмарлэсь солы верам вань курон-косонъёссэ ивортӥз. 33Соосын вераськемысь дугдэм бераз Моисей ымнырзэ шобыртӥз. 34Кузё-Инмар азе Соин вераськыны пырылыкуз, потытозязлы шобретсэ ымныр вылысьтыз басьтылӥз; Кузё-Инмар отысь потэм бераз со израиль пиослы ваньзэ [Кузё-Инмарлэсь] сётэм курон-косонъёссэ ивортылӥз. 35Израиль пиос адӟо вал, кызьы Моисейлэн ымнырыз пиштыса улэ, соку Моисей нош ик Соин вераськыны пырытозязлы ымнырзэ шобыртылӥз.
Currently Selected:
:
Highlight
Share
Copy
Want to have your highlights saved across all your devices? Sign up or sign in
(c) Библияез берыктонъя Институт, Хельсинки, 2013; 2016