Даниил 14
14
14-тӥ ЛЮКЕТ
1Астиаг эксэй кулӥз но, сое атайёсыныз огазе ватӥзы, Персияысь пи, Кир, со киысь солэсь эксэйлыксэ басьтӥз. 2Даниил эксэен огазьын улӥз, вань эшъёсыз пӧлысь со сӥё-даногес вал. 3Вавилон калыклэн Вил нимо сульдэрез-идолэз вал, солы нуналлы быдэ кызь бадӟым мертэт чабей пызь, ньыльдон ыж, куать мертэт вина быдтылӥзы. 4Эксэй сое кабыл басьтыса улӥз, нуналлы быдэ солы йыбырттыны ветлӥз; нош Даниил йыбыртъяз аслаз Инмарезлы. Эксэй солы шуиз: «Малы тон Виллы уд йыбыртъяськы?» 5Даниил солы ответ сётӥз: «Малы ке шуоно киын лэсьтэм сульдэръёслы мон уг йыбыртъяськы, мон улэп Инмарлы йыбыртъясько, инэз но музъемез Кылдытӥсьлы, вань лулмугоръёсын Кузёяськисьлы». 6Эксэй солы шуиз: «Оло, тон малпаськод, Вил улэп инмар ӧвӧл шуыса? Уд адӟиськы-а, кӧня со нуналлы быдэ сие, юэ?» 7Даниил пальпотыса шуиз: «Эн янгыша, эксэй; пушкыз солэн горд сюй, педпалыз ыргон, со ноку но ӧз сиы, ӧз юы». 8Соку со, вожзэ поттыса, вӧсясьёссэ ӧтиз но шуиз: «Ӧд ке вералэ, кин ваньзэ тае сие, виемын луоды. 9Нош вераны-оскытыны быгатӥды ке, Вил тае сие шуыса, соку Даниил виемын луоз, уго со Вил сярысь сантэман кылъёс вераз». Даниил эксэйлы шуиз: «Кызьы верад, озьы мед луоз». 10Виллэн сизьымдон вӧсясьёсыз вал, кышнооссэс, нылпиоссэс вератэк. 11Эксэй Даниилэн ӵош Виллэн куалаяз лыктӥзы, Виллэн вӧсясьёсыз шуизы: «Тани ми кыре потомы, нош тон, эксэй, сиён пукты, вина лэзь, ӧсэз пытса но чиньыеныд нюртыса пус пукты. 12Нош тон ӵуказе лыктод но Вил вань сиёнэз сиымтэ шуыса адӟид ке, ми куломы, нош сием ке, ми вылэ пӧяськон кылъёс верась Даниил кулоз». 13Та пумысен соос ӧз куректэ, уго ӝӧк ултӥ соос лушкем пыран пась лэсьтӥзы, ялан отӥ пыраса, ваньзэ тае соос сиылӥзы. 14Таос потэм бере эксэй Виллэн азяз сиён пуктӥз, нош Даниил ас медооссэ, пень вайыса, эксэйлэн син азяз быдэс куала пушез пызьнаны косӥз. Потыса ӧсэз пытсазы, эксэйлэн зундэсэныз пус пуктӥзы но отысь кошкизы. 15Нош вӧсясьёс огдышем сяменызы кышноосынызы, нылпиосынызы уйин лыктӥзы но ваньзэ сиизы, юизы. 16Мукетаз нуналэ эксэй вазь ик султӥз, Даниил но соин ӵош султӥз, 17юаз: «Даниил, пус пуктэм быдэс-а?» Со шуиз: «Быдэс, эксэй». 18Ӝоген ӧсэз усьтӥзы, ӝӧк шоры учкыса, эксэй бадӟым куараен кеськиз: «Быдӟым тон, Вил, тон дорын нокыӵе но пӧяськон ӧвӧл!» 19Даниил мынектыса эксэез кутӥз, соиз куала пушкы медаз пыры шуыса, но шуиз: «Выж вылэ учкы, адӟы, кинлэн со пытьыосыз». 20Эксэй шуиз: «Адӟисько пиосмуртъёслэсь, кышномуртъёслэсь, нылпиослэсь пытьызэс». 21Йырыз кур луыса, эксэй косӥз вӧсясьёсты, соослэсь кышнооссэс, нылпиоссэс кутыса вайыны; соос лушкем ӧсэз возьматӥзы, кудтӥз соос пыразы но ӝӧк вылэ мар тыремын вал, ваньзэ сиылӥзы. 22Соку эксэй соосты виылыны косӥз, Вилэз Даниил кие сётӥз, нош со Вилэз но, солэсь куалазэ но куашкатӥз.
23Со интыын улэ вал бадӟым лобась кый, Вавилонысь калык сое сӥлы карыса улӥз. 24Эксэй Данииллы шуиз: «Та сярысь но уд-а вера: со – ыргон? Тани, со улэп, сие но, юэ но; та инмар улэп ӧвӧл шуыны тон уд быгатӥськы; йыбыртты ук тон солы». 25Даниил шуиз: «Инмарелы Кузё-Инмарлы мон йыбыртъясько, малы ке шуоно Со улэп Инмар. 26Эксэй, лэзь монэ, соку мон лобась кыез мечтэк, корт бодытэк виё». Эксэй шуиз: «Лэзисько». 27Соку Даниил басьтӥз сир, кӧй, гон, огазе карыса, соосты пӧзьтӥз но комок лэсьтыса, лобась кыйлэн ым пасяз сое зӥртӥз, лобась кый, интыяз ик либрак усьыса, шори кесиськиз. Даниил шуиз: «Тани тӥляд йыбыртъяно макеосты!» 28Тае кылэм беразы Вавилонысь калык йыркурен пурӟиз, эксэй вылэ урдӥськизы но шуизы: «Эксэй иудей луиз, Вилэз куашкатӥз, лобась кыез виытӥз, вӧсясьёсты быдтылӥз». 29Эксэй доры вуыса, шуизы: «Даниилэз ми кие сёт, ӧд ке сёты, тонэ но, семьядэ но быдтомы». 30Соослэсь туж кужмо ёртэмзэс адӟыса, эксэй Даниилэз соос кие сётоно луиз. 31Нош соос Даниилэз левъёслэн гуазы куштӥзы, отын со куать нунал улӥз. 32Гуын сизьым лев вал, нуналлы быдэ соослы кык мугор но кык ыж сётылӥзы; нош та дыре, Даниилэз мед сиёзы шуыса, сиён ӧз сётэ.
33Иудеяын улӥз Аввакум пророк, со шыд пӧзьтэ но тэркыяз нянь юдэ, собере сое бусые арасьёс доры нуэ вал. 34Кузё-Инмарлэн Кылчинэз Аввакумлы шуиз: «Киысьтыд нуназелы дасям сиёндэ Вавилонэ Данииллы ну, левъёслэн гуазы». 35Аввакум шуиз: «Кузё! Вавилонэз мынам адӟеме ӧвӧл, гуэз но уг тодӥськы». 36Соку Кузё-Инмарлэн Кылчинэз сое сильсьӧртӥз кутӥз, йырсизэ кутыса ӝутӥз но Вавилонысь гу йылэ пуктӥз аслаз духезлэн кужыменыз. 37Аввакум черектӥськыса шуиз: «Даниил, Даниил! Басьты Инмарлэсь тыныд лэзем сиёнзэ». 38Даниил шуиз: «Инмаре, Тон монэ тодад вайид, Тонэ яратӥсьёсты ӧд вунэты». 39Даниил султӥз но сииз; нош Инмарлэн Кылчинэз син куспын ик Аввакумез ас интыяз пуктӥз.
40Сизьыметӥ нуналаз эксэй Даниилэз жаляса куректыны лыктӥз, гу доры лыктыса учкиз но адӟиз: Даниил пуке. 41Бадӟым куараен кеськыса, эксэй шуиз: «Быдӟым Тон Данииллэн Инмарез Кузё-Инмар, Тон сяна, мукет Инмар ӧвӧл!» 42Даниилэз поттыны косӥз, нош сое быдтыны малпась муртъёсты гуэ куштыны косӥз, – солэн азяз ик левъёс соосты сиизы-быдтӥзы.
Currently Selected:
Даниил 14: УДМБИБ
Highlight
Share
Copy
Want to have your highlights saved across all your devices? Sign up or sign in
(c) Библияез берыктонъя Институт, Хельсинки, 2013; 2016
Даниил 14
14
14-тӥ ЛЮКЕТ
1Астиаг эксэй кулӥз но, сое атайёсыныз огазе ватӥзы, Персияысь пи, Кир, со киысь солэсь эксэйлыксэ басьтӥз. 2Даниил эксэен огазьын улӥз, вань эшъёсыз пӧлысь со сӥё-даногес вал. 3Вавилон калыклэн Вил нимо сульдэрез-идолэз вал, солы нуналлы быдэ кызь бадӟым мертэт чабей пызь, ньыльдон ыж, куать мертэт вина быдтылӥзы. 4Эксэй сое кабыл басьтыса улӥз, нуналлы быдэ солы йыбырттыны ветлӥз; нош Даниил йыбыртъяз аслаз Инмарезлы. Эксэй солы шуиз: «Малы тон Виллы уд йыбыртъяськы?» 5Даниил солы ответ сётӥз: «Малы ке шуоно киын лэсьтэм сульдэръёслы мон уг йыбыртъяськы, мон улэп Инмарлы йыбыртъясько, инэз но музъемез Кылдытӥсьлы, вань лулмугоръёсын Кузёяськисьлы». 6Эксэй солы шуиз: «Оло, тон малпаськод, Вил улэп инмар ӧвӧл шуыса? Уд адӟиськы-а, кӧня со нуналлы быдэ сие, юэ?» 7Даниил пальпотыса шуиз: «Эн янгыша, эксэй; пушкыз солэн горд сюй, педпалыз ыргон, со ноку но ӧз сиы, ӧз юы». 8Соку со, вожзэ поттыса, вӧсясьёссэ ӧтиз но шуиз: «Ӧд ке вералэ, кин ваньзэ тае сие, виемын луоды. 9Нош вераны-оскытыны быгатӥды ке, Вил тае сие шуыса, соку Даниил виемын луоз, уго со Вил сярысь сантэман кылъёс вераз». Даниил эксэйлы шуиз: «Кызьы верад, озьы мед луоз». 10Виллэн сизьымдон вӧсясьёсыз вал, кышнооссэс, нылпиоссэс вератэк. 11Эксэй Даниилэн ӵош Виллэн куалаяз лыктӥзы, Виллэн вӧсясьёсыз шуизы: «Тани ми кыре потомы, нош тон, эксэй, сиён пукты, вина лэзь, ӧсэз пытса но чиньыеныд нюртыса пус пукты. 12Нош тон ӵуказе лыктод но Вил вань сиёнэз сиымтэ шуыса адӟид ке, ми куломы, нош сием ке, ми вылэ пӧяськон кылъёс верась Даниил кулоз». 13Та пумысен соос ӧз куректэ, уго ӝӧк ултӥ соос лушкем пыран пась лэсьтӥзы, ялан отӥ пыраса, ваньзэ тае соос сиылӥзы. 14Таос потэм бере эксэй Виллэн азяз сиён пуктӥз, нош Даниил ас медооссэ, пень вайыса, эксэйлэн син азяз быдэс куала пушез пызьнаны косӥз. Потыса ӧсэз пытсазы, эксэйлэн зундэсэныз пус пуктӥзы но отысь кошкизы. 15Нош вӧсясьёс огдышем сяменызы кышноосынызы, нылпиосынызы уйин лыктӥзы но ваньзэ сиизы, юизы. 16Мукетаз нуналэ эксэй вазь ик султӥз, Даниил но соин ӵош султӥз, 17юаз: «Даниил, пус пуктэм быдэс-а?» Со шуиз: «Быдэс, эксэй». 18Ӝоген ӧсэз усьтӥзы, ӝӧк шоры учкыса, эксэй бадӟым куараен кеськиз: «Быдӟым тон, Вил, тон дорын нокыӵе но пӧяськон ӧвӧл!» 19Даниил мынектыса эксэез кутӥз, соиз куала пушкы медаз пыры шуыса, но шуиз: «Выж вылэ учкы, адӟы, кинлэн со пытьыосыз». 20Эксэй шуиз: «Адӟисько пиосмуртъёслэсь, кышномуртъёслэсь, нылпиослэсь пытьызэс». 21Йырыз кур луыса, эксэй косӥз вӧсясьёсты, соослэсь кышнооссэс, нылпиоссэс кутыса вайыны; соос лушкем ӧсэз возьматӥзы, кудтӥз соос пыразы но ӝӧк вылэ мар тыремын вал, ваньзэ сиылӥзы. 22Соку эксэй соосты виылыны косӥз, Вилэз Даниил кие сётӥз, нош со Вилэз но, солэсь куалазэ но куашкатӥз.
23Со интыын улэ вал бадӟым лобась кый, Вавилонысь калык сое сӥлы карыса улӥз. 24Эксэй Данииллы шуиз: «Та сярысь но уд-а вера: со – ыргон? Тани, со улэп, сие но, юэ но; та инмар улэп ӧвӧл шуыны тон уд быгатӥськы; йыбыртты ук тон солы». 25Даниил шуиз: «Инмарелы Кузё-Инмарлы мон йыбыртъясько, малы ке шуоно Со улэп Инмар. 26Эксэй, лэзь монэ, соку мон лобась кыез мечтэк, корт бодытэк виё». Эксэй шуиз: «Лэзисько». 27Соку Даниил басьтӥз сир, кӧй, гон, огазе карыса, соосты пӧзьтӥз но комок лэсьтыса, лобась кыйлэн ым пасяз сое зӥртӥз, лобась кый, интыяз ик либрак усьыса, шори кесиськиз. Даниил шуиз: «Тани тӥляд йыбыртъяно макеосты!» 28Тае кылэм беразы Вавилонысь калык йыркурен пурӟиз, эксэй вылэ урдӥськизы но шуизы: «Эксэй иудей луиз, Вилэз куашкатӥз, лобась кыез виытӥз, вӧсясьёсты быдтылӥз». 29Эксэй доры вуыса, шуизы: «Даниилэз ми кие сёт, ӧд ке сёты, тонэ но, семьядэ но быдтомы». 30Соослэсь туж кужмо ёртэмзэс адӟыса, эксэй Даниилэз соос кие сётоно луиз. 31Нош соос Даниилэз левъёслэн гуазы куштӥзы, отын со куать нунал улӥз. 32Гуын сизьым лев вал, нуналлы быдэ соослы кык мугор но кык ыж сётылӥзы; нош та дыре, Даниилэз мед сиёзы шуыса, сиён ӧз сётэ.
33Иудеяын улӥз Аввакум пророк, со шыд пӧзьтэ но тэркыяз нянь юдэ, собере сое бусые арасьёс доры нуэ вал. 34Кузё-Инмарлэн Кылчинэз Аввакумлы шуиз: «Киысьтыд нуназелы дасям сиёндэ Вавилонэ Данииллы ну, левъёслэн гуазы». 35Аввакум шуиз: «Кузё! Вавилонэз мынам адӟеме ӧвӧл, гуэз но уг тодӥськы». 36Соку Кузё-Инмарлэн Кылчинэз сое сильсьӧртӥз кутӥз, йырсизэ кутыса ӝутӥз но Вавилонысь гу йылэ пуктӥз аслаз духезлэн кужыменыз. 37Аввакум черектӥськыса шуиз: «Даниил, Даниил! Басьты Инмарлэсь тыныд лэзем сиёнзэ». 38Даниил шуиз: «Инмаре, Тон монэ тодад вайид, Тонэ яратӥсьёсты ӧд вунэты». 39Даниил султӥз но сииз; нош Инмарлэн Кылчинэз син куспын ик Аввакумез ас интыяз пуктӥз.
40Сизьыметӥ нуналаз эксэй Даниилэз жаляса куректыны лыктӥз, гу доры лыктыса учкиз но адӟиз: Даниил пуке. 41Бадӟым куараен кеськыса, эксэй шуиз: «Быдӟым Тон Данииллэн Инмарез Кузё-Инмар, Тон сяна, мукет Инмар ӧвӧл!» 42Даниилэз поттыны косӥз, нош сое быдтыны малпась муртъёсты гуэ куштыны косӥз, – солэн азяз ик левъёс соосты сиизы-быдтӥзы.
Currently Selected:
:
Highlight
Share
Copy
Want to have your highlights saved across all your devices? Sign up or sign in
(c) Библияез берыктонъя Институт, Хельсинки, 2013; 2016