Амос 9
9
9-тӥ ЛЮКЕТ
1Курбон сётон дорын сылӥсь Кузё-Инмарез мон адӟи, Со шуиз: «Капка йылэ шуккы, ӧс янакъёс мед зуркалозы, ваньзылэн йыр вылазы уськыты, нош кылем люкетсэ Мон мечен погырто: бызьыса пегӟисьёс огзы но утиськыны уз быгатэ, утиськемзы потӥсьёс пӧлысь одӥгез но утиськыны уз быгаты. 2Дунне пыдэскы ке но соос ватӥськизы, отысь но соосты Мынам киы поттоз; инме ке но тубизы, отысь но соосты сэрпалто. 3Кармил гурезь йылэ ке но ватӥськизы, отысь но шедьто, басьто соосты; син азьысьтым зарезьлэн пыдсаз ке но ватӥськизы, отысен но зарезь кыез соосты куртчыны косо. 4Пленэ тушмонъёссылэн азьпалазы мынӥзы ке, мечлы косон сёто, отын соосты мед виёз шуыса. Соос пала синме берыкто куректон-кайгулы, ӟечлы ӧвӧл». 5Уго Саваоф Инмар Кузё-Инмар музъем борды йӧтӥськоз, соку со сылмоз но, музъем вылын улӥсь вань калыкъёс бӧрдыны кутскозы; со быдэсак шур кадь ӝутскоз, Египетысь шур кадь улэ лэзиськоз. 6Со Аслэсьтыз юртъёссэ-четлыкъёссэ инме интыяз, инбамзэ музъем вылэ юнматӥз; зарезь вуосты ӧтьыса вае но музъемлэн ымныр вылаз киська; Солэн нимыз Кузё-Инмар. 7Тӥ, Израиль пиос, Мон понна эфиоп пиос кадесь ик ӧвӧл-а? – шуэ Кузё-Инмар. – Мон Израиль пиосты Египет музъемысь, филистим пиосты Кафторысь, арамей пиосты Кирысь ӧй потты-а?! 8Тани, Инмарлэн Кузё-Инмарлэн синъёсыз сьӧлыко эксэйлык вылэ мертчытэмын, Мон сое музъем вылысь быдто; нош Иаковлэсь выжызэ чылкак уг быдты, – шуэ Кузё-Инмар. 9Уго тани, Мон косо но Израиль выжыез вань калыкъёс пӧлын пужно, кызьы юэз пужен пужно, одӥгез но музъем вылэ уг усьы. 10Мынам калыке пӧлысь вань сьӧлыкоос меч улын кулозы-бырозы, соос шуо: «Милемыз уз куты, ми доры та курадӟон уз вуы!» 11Со нуналэ Мон Давидлэсь куашкатэм-погыртэм скиниязэ выльдыса ӝуто, тэрскам интыоссэ ӵоксало, куашкам интызэ выльдо, вашкала дауръёслы укшась карыса пукто, 12Едомлэсь кылем люкетсэ, вань калыкъёсты но, кинъёс пушкын Мынам нимы тодытэмын, киулазы мед басьтозы, – тае лэсьтӥсь Кузё-Инмар шуэ. 13Тани, вуозы нуналъёс, – шуэ Кузё-Инмар, – куке гырись мурт ана вылысьтыз арасез учыртоз на, нош виноград нелькись кизись муртэ адӟоз на; гурезьёс виноград сок поттыса улозы, вань вырйылъёсысь со бызьыса улоз. 14Аслэсьтым калыкме, Израилез, пленысь берыкто, соку соос тырттэм кылем городъёсы юртъёс пуктылозы, отчы улыны интыяськозы, виноградпудъёс мерттылозы, солэсь виназэ юозы, садъёс мерттылозы, соослэсь емышсэс сиыса улозы. 15Ас музъемазы соосты улыны интыяло, азьланяз нокин но соосты Мынам соослы улыны сётэм музъем вылысьтым уз ни улля, – шуэ Инмаред Кузё-Инмар.
Currently Selected:
Амос 9: УДМБИБ
Highlight
Share
Copy
Want to have your highlights saved across all your devices? Sign up or sign in
(c) Библияез берыктонъя Институт, Хельсинки, 2013; 2016
