Амос 2
2
2-тӥ ЛЮКЕТ
1Тазьы шуэ Кузё-Инмар: Моавлэн куинь йыружез понна, ньылез понна но сое уг жаля, малы ке шуоно со Едом эксэйлэсь лызэ сутыса избур кариз. 2Моав вылэ тыл лэзё – соку Кериофлэсь юртъёссэ-четлыкъёссэ тыл ньылоз; куашкан пушкын куашетыса, гумы куараос кылӥськыку, Моав быроз. 3Солэн пӧлысьтыз судить карисез быдто, соин ӵош солэсь вань кивалтӥсьёссэ виыло, – шуэ Кузё-Инмар. 4Тазьы шуэ Кузё-Инмар: Иудалэн куинь йыружез понна, ньылез понна но уг жаля сое, малы ке шуоно Кузё-Инмарлэсь законзэ кулэтэм каризы, пуктон-косонъёссэ ӧз уте, атайёссылэн йыбыртъяно сульдэръёссы-идолъёссы соосты шонер сюрес вылысь кожытӥзы. 5Иуда вылэ тыл лэзё – Иерусалимлэсь юртъёссэ-четлыкъёссэ тыл ньылоз. 6Тазьы шуэ Кузё-Инмар: Израильлэн куинь йыружез понна, ньылез понна но уг жаля сое, малы ке шуоно шонер улӥсез азвесен вузало, куанер улӥсез одӥг сандали понна вузало. 7Чидатэк возьмало, куанеръёслэн йыр вылазы сюй тузон мед луоз шуыса, зӥбыт-востэм улӥсьёслэсь сюрессэс мыдланьто; атаеныз пиез одӥг кышномурт доры ветло Мынэсьтым дун-чылкыт нимме саптан понна. 8Куанеръёслэсь пунэмъёссэс тырытозязылы басьтэм дӥськутъёссы вылын кыллё вань курбон тыронъёс вӧзын, янгыше уськытэмъёслэсь басьтэм винаез юо асьсэлэн инмаръёссылэн корказы. 9Соослэн азьысьтызы Мон аморрейёсты – кедырпу кадь ӝужыт, тыпы кадь кужмо калыкез – быдтӥ; вылӥысь емышъёссэ, улӥысь выжыоссэ быдтӥ. 10Нош тӥледыз Мон Египет музъемысь поттӥ, луоё кыр дуннеетӥ ньыльдон ар ӵоже нуллӥ аморрейёслэсь музъемзэс тӥледлы люкетлы сётон понна. 11Тӥляд пиосты пӧлысь Мон пророкъёсты бырйылӥ, егит пиосты пӧлысь – назорейёсты; озьы ӧвӧл-а, израиль пиос? – шуэ Кузё-Инмар. 12Нош тӥ назорейёсты винаен сектады, пророкъёслы косон сётӥды: «Азьпалзэ тодытыса эн вералэ». 13Тани, культоен тырмытэм уроболэн нюртэмез кадь Мон тӥледыз нюрто. 14Шаплы муртлэн кужымез уз тырмы бызьыны, кужмо мурт но кужмо сылыны уз быгаты, кышкасьтэм но аслэсьтыз улонзэ утьыны уз быгаты, 15пукыӵен ыбылӥськись но сылыны уз чида, шаплы бызьылӥсь но пегӟыны уз вуы, вал вылын пукись но аслэсьтыз улонзэ утьыны уз быгаты. 16Вань кышкасьтэмъёс пӧлысь кышкасьтэм но со нуналэ гольык куен бызьыса кошкоз, – шуэ Кузё-Инмар.
Currently Selected:
Амос 2: УДМБИБ
Highlight
Share
Copy
Want to have your highlights saved across all your devices? Sign up or sign in
(c) Библияез берыктонъя Институт, Хельсинки, 2013; 2016
Амос 2
2
2-тӥ ЛЮКЕТ
1Тазьы шуэ Кузё-Инмар: Моавлэн куинь йыружез понна, ньылез понна но сое уг жаля, малы ке шуоно со Едом эксэйлэсь лызэ сутыса избур кариз. 2Моав вылэ тыл лэзё – соку Кериофлэсь юртъёссэ-четлыкъёссэ тыл ньылоз; куашкан пушкын куашетыса, гумы куараос кылӥськыку, Моав быроз. 3Солэн пӧлысьтыз судить карисез быдто, соин ӵош солэсь вань кивалтӥсьёссэ виыло, – шуэ Кузё-Инмар. 4Тазьы шуэ Кузё-Инмар: Иудалэн куинь йыружез понна, ньылез понна но уг жаля сое, малы ке шуоно Кузё-Инмарлэсь законзэ кулэтэм каризы, пуктон-косонъёссэ ӧз уте, атайёссылэн йыбыртъяно сульдэръёссы-идолъёссы соосты шонер сюрес вылысь кожытӥзы. 5Иуда вылэ тыл лэзё – Иерусалимлэсь юртъёссэ-четлыкъёссэ тыл ньылоз. 6Тазьы шуэ Кузё-Инмар: Израильлэн куинь йыружез понна, ньылез понна но уг жаля сое, малы ке шуоно шонер улӥсез азвесен вузало, куанер улӥсез одӥг сандали понна вузало. 7Чидатэк возьмало, куанеръёслэн йыр вылазы сюй тузон мед луоз шуыса, зӥбыт-востэм улӥсьёслэсь сюрессэс мыдланьто; атаеныз пиез одӥг кышномурт доры ветло Мынэсьтым дун-чылкыт нимме саптан понна. 8Куанеръёслэсь пунэмъёссэс тырытозязылы басьтэм дӥськутъёссы вылын кыллё вань курбон тыронъёс вӧзын, янгыше уськытэмъёслэсь басьтэм винаез юо асьсэлэн инмаръёссылэн корказы. 9Соослэн азьысьтызы Мон аморрейёсты – кедырпу кадь ӝужыт, тыпы кадь кужмо калыкез – быдтӥ; вылӥысь емышъёссэ, улӥысь выжыоссэ быдтӥ. 10Нош тӥледыз Мон Египет музъемысь поттӥ, луоё кыр дуннеетӥ ньыльдон ар ӵоже нуллӥ аморрейёслэсь музъемзэс тӥледлы люкетлы сётон понна. 11Тӥляд пиосты пӧлысь Мон пророкъёсты бырйылӥ, егит пиосты пӧлысь – назорейёсты; озьы ӧвӧл-а, израиль пиос? – шуэ Кузё-Инмар. 12Нош тӥ назорейёсты винаен сектады, пророкъёслы косон сётӥды: «Азьпалзэ тодытыса эн вералэ». 13Тани, культоен тырмытэм уроболэн нюртэмез кадь Мон тӥледыз нюрто. 14Шаплы муртлэн кужымез уз тырмы бызьыны, кужмо мурт но кужмо сылыны уз быгаты, кышкасьтэм но аслэсьтыз улонзэ утьыны уз быгаты, 15пукыӵен ыбылӥськись но сылыны уз чида, шаплы бызьылӥсь но пегӟыны уз вуы, вал вылын пукись но аслэсьтыз улонзэ утьыны уз быгаты. 16Вань кышкасьтэмъёс пӧлысь кышкасьтэм но со нуналэ гольык куен бызьыса кошкоз, – шуэ Кузё-Инмар.
Currently Selected:
:
Highlight
Share
Copy
Want to have your highlights saved across all your devices? Sign up or sign in
(c) Библияез берыктонъя Институт, Хельсинки, 2013; 2016