Павелонь сёрмац Галатияв 6
6
Лездода фкя-фкянди
1Кемай ялгат, кда кивок прай пежес, тинь, кит эряйхть Ваймопожфть вятеманц коряс, лездода тяфтамти мрдамс видешинь кити. Тя тиендема сетьмоста и ляпоста. Тяка пингть эсь мельгантка ванода, тинцьке тяда васькафтов пежеса. 2Лездода фкя-фкянди стакашиса, тяфта тинь пяшкодьсасть Христость коенц. 3Кда кивок эсь прянц путнесы кати мезькс, а сонць мезевок аш, ся васькафнесы эсь прянц. 4Катк эрсь максы эрявикс питне эсь тевонцты, и эста тейнза шнави пряц сатфксонзон мархта, аф ваномок лиять тевонц лангс. 5Вдь эрь ломанти кандома эсь канксоц.
6Ся, кинь тонафтсазь Шкаень валти, катк максы уликс-паронц эзда эсь тонафтыенцты. 7Тяда васькафнев: Шкайть аф васькафтсак. Мезе ломанць види, сянь и нуй. 8Кда кие види эсь пежу обуцянцты, обуцять мяленц ваноманкса, ся нуй эздонза юмама-арама. А ся, кие види Ваймопожфть мяленц ваноманкса, Ваймопожфста нуй пефтома эряф. 9Сяс паронь тиемста аф макссаськ пряньконь сиземати. Эста, кда аф потатама тя тевста, эсь пингстонза нусаськ сёроть. 10Сяс, мзярс ули пинге, эрьда карматама сембонди тиендема цебярь, сембода пяк кемай ялгатненди.
Мекольце валхне
11Тяни мон сёрмадан тейнть эсь кядьсон – ваность оцюфт букване. 12Сят, конат кошардыхть эсонт киськопень керфтома, пяк ёрайхть тумс ломаттнень мяльс. Синь тянь тиендьсазь аньцек сяс, мес ёрайхть ванфтомс пряснон Христость крёзонц инкса панцемада. 13Синь хуш керфт, но синць аф ванфтсазь койть. Синь мяльсна керфтомс тинь киськопентень, сяс мес тянь вельде ёрайхть шнафтомс эсь пряснон. 14А монь аш мялезе шнамс эсь прязень мезьсовок, Иисус Христос Азороньконь крёздонза башка. Тя крёзть лангса масторлангсь эськотьф-кулоф тейне, и монцьке эськотьфан-кулофан тя масторлангти. 15Вдь керфат тон али аф, тя мезевок аш Иисус Христосонь эса. Сембода эрявикссь – эряви арамс Шкаень од тифокс. 16Сетьмоши и кельгозь ужяльдема сембонди, кит ванфтсазь тя ладяфксть, и Шкаень Израильти.
17Катк оду кивок аф тии тейне седиень сярятьф, вдь мон каннян ронгсон аржет#6:17 аржа – шрам, метка на теле, конатнень тейне тиезь Иисус Азорти кемаманкса.
18Кемай ялгат, Иисус Христос Азороньконь пароказнец улеза тинь ваймопожфонтень мархта! Аминь.
Currently Selected:
Павелонь сёрмац Галатияв 6: ОС16
Highlight
Share
Copy
Want to have your highlights saved across all your devices? Sign up or sign in
Библиянь ётафтома институтсь, 2016
Павелонь сёрмац Галатияв 6
6
Лездода фкя-фкянди
1Кемай ялгат, кда кивок прай пежес, тинь, кит эряйхть Ваймопожфть вятеманц коряс, лездода тяфтамти мрдамс видешинь кити. Тя тиендема сетьмоста и ляпоста. Тяка пингть эсь мельгантка ванода, тинцьке тяда васькафтов пежеса. 2Лездода фкя-фкянди стакашиса, тяфта тинь пяшкодьсасть Христость коенц. 3Кда кивок эсь прянц путнесы кати мезькс, а сонць мезевок аш, ся васькафнесы эсь прянц. 4Катк эрсь максы эрявикс питне эсь тевонцты, и эста тейнза шнави пряц сатфксонзон мархта, аф ваномок лиять тевонц лангс. 5Вдь эрь ломанти кандома эсь канксоц.
6Ся, кинь тонафтсазь Шкаень валти, катк максы уликс-паронц эзда эсь тонафтыенцты. 7Тяда васькафнев: Шкайть аф васькафтсак. Мезе ломанць види, сянь и нуй. 8Кда кие види эсь пежу обуцянцты, обуцять мяленц ваноманкса, ся нуй эздонза юмама-арама. А ся, кие види Ваймопожфть мяленц ваноманкса, Ваймопожфста нуй пефтома эряф. 9Сяс паронь тиемста аф макссаськ пряньконь сиземати. Эста, кда аф потатама тя тевста, эсь пингстонза нусаськ сёроть. 10Сяс, мзярс ули пинге, эрьда карматама сембонди тиендема цебярь, сембода пяк кемай ялгатненди.
Мекольце валхне
11Тяни мон сёрмадан тейнть эсь кядьсон – ваность оцюфт букване. 12Сят, конат кошардыхть эсонт киськопень керфтома, пяк ёрайхть тумс ломаттнень мяльс. Синь тянь тиендьсазь аньцек сяс, мес ёрайхть ванфтомс пряснон Христость крёзонц инкса панцемада. 13Синь хуш керфт, но синць аф ванфтсазь койть. Синь мяльсна керфтомс тинь киськопентень, сяс мес тянь вельде ёрайхть шнафтомс эсь пряснон. 14А монь аш мялезе шнамс эсь прязень мезьсовок, Иисус Христос Азороньконь крёздонза башка. Тя крёзть лангса масторлангсь эськотьф-кулоф тейне, и монцьке эськотьфан-кулофан тя масторлангти. 15Вдь керфат тон али аф, тя мезевок аш Иисус Христосонь эса. Сембода эрявикссь – эряви арамс Шкаень од тифокс. 16Сетьмоши и кельгозь ужяльдема сембонди, кит ванфтсазь тя ладяфксть, и Шкаень Израильти.
17Катк оду кивок аф тии тейне седиень сярятьф, вдь мон каннян ронгсон аржет#6:17 аржа – шрам, метка на теле, конатнень тейне тиезь Иисус Азорти кемаманкса.
18Кемай ялгат, Иисус Христос Азороньконь пароказнец улеза тинь ваймопожфонтень мархта! Аминь.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Библиянь ётафтома институтсь, 2016