Tito 1
1
Pablo Titorö huȩyu̧tu̧ hueinö huȩnȩ
1Ttö Pablo, Dioscu, Tu̧ru̧hua̧ Jesucristocu huȩ'ä̧hua̧sä̧, Dios i̧huȩnȩ jidähua pä'ö Dios huoinä̧u̧ru̧. Ja̧'hua̧ta̧nö̧ jahuätörö adihuä huȩnȩ chu̧huo̧juȩta̧ pä'ö huȩ'ä̧hua̧sä̧. 2Ja̧'hua̧ta̧nö̧ kä̧cuä̧huä̧ i'co, Dios iya päinömä, tta̧ttä̧ra̧ pä'ö ji'äusä. Dios yoröiso yaparehuocö. Pi̧jä̧ juiyäi'inä, ja̧u̧ kä̧cuä̧huä̧ i'co iya pä'ö amöcuädinödo. 3Jitämä churutä pä̧huä̧ rö̧jo̧mȩnä̧, i̧huȩnȩ jidähua pä'ö hueinäcusä o'ca toi'önä ttu̧huo̧jua̧ pä'ö. 4Pi̧yȩ huȩnȩ huȩyu̧tu̧ hue'ösä ucuru, Tito, Cristonä chi̧tti̧, ucu'inä, ttö'inä ji̧nä̧ ya̧tȩrö̧ teseta'attö. Tä'o Dios'inä, Tu̧ru̧hua̧ Jesucristo'inä rö̧ȩnä̧ ppättädäcua'a̧nö̧ ucuru. Ja̧'hua̧ta̧nö̧ rö̧ȩnä̧ eseunu kä̧cuä̧huä̧ ttiyäcua'a̧nö̧ ucuru.
Tito Creta kä'co i̧sä̧sa̧nä̧ kä̧nö̧, aditinö huȩnȩ
5Ttö huedipinäcujä Creta kä'co i̧sä̧sa̧nä̧, juhua'a yabonö cu̧huo̧juȩta̧ pä'ö. Ttö huedinäcujä ancianos huotörö cu̧ju̧na̧ pä'ö, koro ötahuiyänä koro ötahuiyänä'inä. 6Iso päi'önä anciano hua̧mä̧ adiunätä jȩpö̧ ö̧jä̧cua̧'a̧nö̧. Irecua'inä yajuterötä u̧ju̧nä̧rä̧cua̧'a̧nö̧. I̧tti̧mö̧'i̧nä̧ Diosrö ttesetäcua'a̧nö̧. Jahuätömä suronä jȩttö̧ juiyäcua'a̧nö̧. Ja̧'hua̧ta̧nö̧ ttöarodö juiyäcua'a̧nö̧. 7Ya̧tȩ tta̧huä̧rä̧cuä̧huä̧ i̧sa̧ Dios i̧huȩnȩ tta̧'ä̧rö̧. Ja̧'hua̧nö̧ ja̧'a̧ttö̧ adiunätä jȩpö̧ kö̧. “Ttömä adihuä i̧sa̧sä̧” pä'ocö. O'ca päi'önä ra̧huä̧ri̧po̧cö̧. Ja̧u̧mä̧ tä̧'ä̧mo̧cö̧. Ja̧u̧mä̧ ahuaruhuäcu rohuähuocö. Ja̧u̧mä̧ pärätä rö̧ȩnä̧ amöcuädö ko̧cö̧. 8Pärocua'acu tta̧huä̧rä̧cuä̧huä̧ i̧sa̧ koromettö ichätörö ppä'ädö. Ja̧u̧mä̧ adiunätä jȩpö̧. Ja̧u̧mä̧ korotö ttä'ca jo̧mȩ adiu kö̧. Ja̧u̧mä̧ Diosrö adiu esetö. Ja̧u̧mä̧ adiu ami 'qui'ächi'ö kö̧. 9Churutä Dios i̧huȩnȩ, ttu̧huo̧juȩti̧nö̧ huȩnȩ, adiu esetö ö̧jä̧cua̧'a̧nö̧. Ja̧'hua̧ta̧nö̧ ja̧u̧ huȩnȩ huo̧juȩtö̧ korotörö. Ja̧'hua̧ta̧nö̧ suronä ucuocuätörö, ja̧u̧ huȩnȩ ucuocu jiähuäcua'a̧nö̧.
Recuätö “Ttömä Diosrö esetösä” pättö huȩnȩ
10Iso päi'önä recuätö jarode'ätömä ka̧cuä̧tö̧. Judíos ttö̧ja̧ ttö̧'quȩtȩnä̧'i̧nä̧ recuätö ja̧'hua̧nö̧ jȩpä̧tö̧ ka̧cuä̧tö̧. Jahuätömä amönä huȩnȩ ucuocu yapareu ji'ähuätö ttö̧ja̧rö̧. 11Ja̧'hua̧nö̧ ttucuocuomenä, ttö'coruchi'a pä'ö huettä̧u̧. Jahuätörö ä̧ju̧cu̧, recuätömä ttamönä ttahuaruhuäcu rohuähuätö. Jahuätömä yapareu huo̧juȩtä̧tö̧ pärätä ttȩma̧ pä'ö.
12Jahuätöttö ya̧tȩ Dios i̧huȩnȩ jiäcuähuä i̧sa̧ pättinäcumä, jahuätörötä pä'inödo: “Creta kä'co i̧sä̧sa̧ ttö̧ja̧ yaparehuätö. Ja̧'hua̧ta̧nö̧ suropätö. Ja̧'hua̧ta̧nö̧ jahuätö ttu̧cuȩ cuä̧nö̧tä̧ ka̧cuä̧tö̧, yoröiso ttaditoca'a,” pä'inödo. 13Ja̧'hua̧nö̧ päinömä, iso päi'önä pä'inö. Ja̧'hua̧nö̧ ja̧'a̧ttö̧ juruhuächi'ö huo̧juȩti̧tö̧ adiu esetö ttö̧ja̧cuä̧cua̧'a̧nö̧. 14Huo̧juȩti̧tö̧ judíos ttö̧ja̧ amönä jittäu huȩnȩ ttesetö juiyäcua'a̧nö̧. Ja̧'hua̧ta̧nö̧ Dios i̧huȩnȩ esetocotö hueähuä jȩttö̧ juiyäcua'a̧nö̧.
15Iso päi'önä adiu amöcuädätörömä, o'ca juiyönä adihua'ado. Ja̧'hua̧nö̧ ja̧'a̧nä̧ suronä amöcuädö esetocotörömä, o'ca juiyönä suroja'ado. Jitötä ttamönä ttamöcuädömä surojödo. 16Jahuätömä “Diosrö esetätöjä” pätta'anä, Dios i̧huȩnȩ päö ta'anö jȩpo̧co̧tö̧. Jahuätömä yoröiso suropätö. Jahuätömä jarode'ätö. Jahuätömä yoröiso adiunä jȩpo̧co̧tö̧.
Currently Selected:
Tito 1: PIDNT86
Highlight
Copy
Compare
Share
Want to have your highlights saved across all your devices? Sign up or sign in
Nuevo Testamento en Piaroa © Sociedades Biblicas Unidas, 1986.
Tito 1
1
Pablo Titorö huȩyu̧tu̧ hueinö huȩnȩ
1Ttö Pablo, Dioscu, Tu̧ru̧hua̧ Jesucristocu huȩ'ä̧hua̧sä̧, Dios i̧huȩnȩ jidähua pä'ö Dios huoinä̧u̧ru̧. Ja̧'hua̧ta̧nö̧ jahuätörö adihuä huȩnȩ chu̧huo̧juȩta̧ pä'ö huȩ'ä̧hua̧sä̧. 2Ja̧'hua̧ta̧nö̧ kä̧cuä̧huä̧ i'co, Dios iya päinömä, tta̧ttä̧ra̧ pä'ö ji'äusä. Dios yoröiso yaparehuocö. Pi̧jä̧ juiyäi'inä, ja̧u̧ kä̧cuä̧huä̧ i'co iya pä'ö amöcuädinödo. 3Jitämä churutä pä̧huä̧ rö̧jo̧mȩnä̧, i̧huȩnȩ jidähua pä'ö hueinäcusä o'ca toi'önä ttu̧huo̧jua̧ pä'ö. 4Pi̧yȩ huȩnȩ huȩyu̧tu̧ hue'ösä ucuru, Tito, Cristonä chi̧tti̧, ucu'inä, ttö'inä ji̧nä̧ ya̧tȩrö̧ teseta'attö. Tä'o Dios'inä, Tu̧ru̧hua̧ Jesucristo'inä rö̧ȩnä̧ ppättädäcua'a̧nö̧ ucuru. Ja̧'hua̧ta̧nö̧ rö̧ȩnä̧ eseunu kä̧cuä̧huä̧ ttiyäcua'a̧nö̧ ucuru.
Tito Creta kä'co i̧sä̧sa̧nä̧ kä̧nö̧, aditinö huȩnȩ
5Ttö huedipinäcujä Creta kä'co i̧sä̧sa̧nä̧, juhua'a yabonö cu̧huo̧juȩta̧ pä'ö. Ttö huedinäcujä ancianos huotörö cu̧ju̧na̧ pä'ö, koro ötahuiyänä koro ötahuiyänä'inä. 6Iso päi'önä anciano hua̧mä̧ adiunätä jȩpö̧ ö̧jä̧cua̧'a̧nö̧. Irecua'inä yajuterötä u̧ju̧nä̧rä̧cua̧'a̧nö̧. I̧tti̧mö̧'i̧nä̧ Diosrö ttesetäcua'a̧nö̧. Jahuätömä suronä jȩttö̧ juiyäcua'a̧nö̧. Ja̧'hua̧ta̧nö̧ ttöarodö juiyäcua'a̧nö̧. 7Ya̧tȩ tta̧huä̧rä̧cuä̧huä̧ i̧sa̧ Dios i̧huȩnȩ tta̧'ä̧rö̧. Ja̧'hua̧nö̧ ja̧'a̧ttö̧ adiunätä jȩpö̧ kö̧. “Ttömä adihuä i̧sa̧sä̧” pä'ocö. O'ca päi'önä ra̧huä̧ri̧po̧cö̧. Ja̧u̧mä̧ tä̧'ä̧mo̧cö̧. Ja̧u̧mä̧ ahuaruhuäcu rohuähuocö. Ja̧u̧mä̧ pärätä rö̧ȩnä̧ amöcuädö ko̧cö̧. 8Pärocua'acu tta̧huä̧rä̧cuä̧huä̧ i̧sa̧ koromettö ichätörö ppä'ädö. Ja̧u̧mä̧ adiunätä jȩpö̧. Ja̧u̧mä̧ korotö ttä'ca jo̧mȩ adiu kö̧. Ja̧u̧mä̧ Diosrö adiu esetö. Ja̧u̧mä̧ adiu ami 'qui'ächi'ö kö̧. 9Churutä Dios i̧huȩnȩ, ttu̧huo̧juȩti̧nö̧ huȩnȩ, adiu esetö ö̧jä̧cua̧'a̧nö̧. Ja̧'hua̧ta̧nö̧ ja̧u̧ huȩnȩ huo̧juȩtö̧ korotörö. Ja̧'hua̧ta̧nö̧ suronä ucuocuätörö, ja̧u̧ huȩnȩ ucuocu jiähuäcua'a̧nö̧.
Recuätö “Ttömä Diosrö esetösä” pättö huȩnȩ
10Iso päi'önä recuätö jarode'ätömä ka̧cuä̧tö̧. Judíos ttö̧ja̧ ttö̧'quȩtȩnä̧'i̧nä̧ recuätö ja̧'hua̧nö̧ jȩpä̧tö̧ ka̧cuä̧tö̧. Jahuätömä amönä huȩnȩ ucuocu yapareu ji'ähuätö ttö̧ja̧rö̧. 11Ja̧'hua̧nö̧ ttucuocuomenä, ttö'coruchi'a pä'ö huettä̧u̧. Jahuätörö ä̧ju̧cu̧, recuätömä ttamönä ttahuaruhuäcu rohuähuätö. Jahuätömä yapareu huo̧juȩtä̧tö̧ pärätä ttȩma̧ pä'ö.
12Jahuätöttö ya̧tȩ Dios i̧huȩnȩ jiäcuähuä i̧sa̧ pättinäcumä, jahuätörötä pä'inödo: “Creta kä'co i̧sä̧sa̧ ttö̧ja̧ yaparehuätö. Ja̧'hua̧ta̧nö̧ suropätö. Ja̧'hua̧ta̧nö̧ jahuätö ttu̧cuȩ cuä̧nö̧tä̧ ka̧cuä̧tö̧, yoröiso ttaditoca'a,” pä'inödo. 13Ja̧'hua̧nö̧ päinömä, iso päi'önä pä'inö. Ja̧'hua̧nö̧ ja̧'a̧ttö̧ juruhuächi'ö huo̧juȩti̧tö̧ adiu esetö ttö̧ja̧cuä̧cua̧'a̧nö̧. 14Huo̧juȩti̧tö̧ judíos ttö̧ja̧ amönä jittäu huȩnȩ ttesetö juiyäcua'a̧nö̧. Ja̧'hua̧ta̧nö̧ Dios i̧huȩnȩ esetocotö hueähuä jȩttö̧ juiyäcua'a̧nö̧.
15Iso päi'önä adiu amöcuädätörömä, o'ca juiyönä adihua'ado. Ja̧'hua̧nö̧ ja̧'a̧nä̧ suronä amöcuädö esetocotörömä, o'ca juiyönä suroja'ado. Jitötä ttamönä ttamöcuädömä surojödo. 16Jahuätömä “Diosrö esetätöjä” pätta'anä, Dios i̧huȩnȩ päö ta'anö jȩpo̧co̧tö̧. Jahuätömä yoröiso suropätö. Jahuätömä jarode'ätö. Jahuätömä yoröiso adiunä jȩpo̧co̧tö̧.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Nuevo Testamento en Piaroa © Sociedades Biblicas Unidas, 1986.