Romanos 6
6
Ujutu Jesucristorö esetö ka̧cuä̧tö̧jä̧
1Ja̧'hua̧ ja̧'a̧ ¿tta̧'a̧nö̧ pätäcua'ajä̧ttö̧? ¿Suronä jȩpö̧ tö̧ja̧cuä̧cuo̧tö̧jä̧ tä̧ji̧, Dios ppädäcuähuä rö̧ä̧cha̧ pä'ö? 2Tta̧'a̧huä̧jä̧. Suronä jȩti̧nö̧ttö̧mä̧, huä'ö icuätö jä̧'i̧nö̧'a̧nö̧ ka̧cuä̧tö̧jä̧. Ja̧'hua̧nö̧ ja̧'a̧ttö̧ ¿tta̧'a̧nö̧ suronä jȩpö̧ tö̧ja̧cuä̧ttö̧? 3¿Ucutu jȩru̧pä̧tö̧jä̧ tä̧ji̧? Ujutu bautizado pä'i'inätöjä Jesucristocu ji̧nä̧ ji̧yȩtȩ ta pä'ö. Ja̧'hua̧ta̧nö̧ ja̧u̧nu̧tä̧ bautizado päti'omenä, yo̧mȩtȩnä̧ Jesucristo uhuaparecu ji̧nä̧ ji̧yȩtȩ pä'i'inätöjä. 4Ja̧'hua̧nö̧ ja̧'a̧ttö̧ bautizado päti'omenä, Cristocu 'turu icuähuotö jä̧'i̧nö̧'a̧nö̧ huotöjä. Ja̧'hua̧ta̧nö̧ Jä'o adihuä ujurunä Cristorö hua'arettö ttoädinö ta'anö, ujutu'inä ttoädäcuähuotö jä̧'i̧nö̧'a̧nö̧ huotöjä, ta̧'cua̧rö̧ jareönä tö̧ja̧cua̧ pä'ö.
5Iso päi'önä Cristocu ji̧nä̧ ji̧yȩtȩ 'corupäti'inöttömä, ja̧u̧tä̧cu̧ ji̧nä̧ ji̧yȩtȩ tto̧tä̧chä̧cuo̧tö̧jä̧. 6Ujutu huo̧juä̧tö̧jä̧ täbocö tö̧ji̧nö̧mä̧ Cristocu daunä pȩ'o̧pö̧ u̧ju̧ni̧na̧'a̧, suronä jȩä̧cuä̧huä̧ be'epö icua pä'ö, suronä hueö jȩä̧cuä̧huä̧ isotö tö juiyäcua'a̧nö̧. 7Ya̧tȩ 'corupäi'omenämä, surojö juhua'a yabocu hueoca'a ja̧u̧ru̧. 8Cristocu 'corujuotächina'attö, ja̧u̧cu̧ tö̧ja̧cuä̧cuo̧tö̧jä̧ pä'o esetätöjä. 9Ujutu huo̧juä̧tö̧jä̧ Dios Cristorö hua'arettö ttoädomenä, yoröiso pä'äji ta'anömä 'corupä'i'ocö Cristomä. 'Corupäi'äcuähuä juhua'a yabocu juruhuocö ja̧u̧ru̧. 10Ja̧'hua̧ta̧nö̧ Cristo ya'utenätä 'corupä'i'inö suronä jȩä̧cuä̧huä̧ttö̧. Jitä ö̧ja̧'a̧mä̧, Diosrö eseu kö̧. 11Ucutu'inä suronä jȩcu̧'i̧nä̧tu̧cu̧ttu̧mä̧ hua'ö icuätö jä̧'i̧nö̧'a̧nö̧ ka̧cuä̧tö̧jä̧ amöcuädätucui. Ja̧'hua̧ta̧nö̧ Cristo Jesúsru teseta'attö, Diosrö eseu ka̧cuä̧tö̧jä̧ pä'ö amöcuädätucui.
12Ja̧'hua̧ ja̧'a̧ttö̧ ja̧'a̧tä̧ tocu'äcuähuätucuä', ucuturu surojö juhua'a yabocu hueö juiya pä'ö, cuamönätucu cuamöcuädätucu jȩcu̧'ä̧tu̧cu̧ juiya pä'ö. 13Cuamönä cuiyäcuähuätucuä' suronä jȩcu̧'ä̧tu̧cua̧ pä'ö. 'Corupä'i'ö'cotö tto'ächätö jä̧'i̧nö̧'a̧nö̧ jö̧nä̧ Diosrö iyäcuähuätucui. Cuamönä cuidepä iyäcuähuätucui Diosrö, adiu jȩcu̧'ä̧tu̧cua̧ pä'ö. 14Jitämä suronä jȩä̧cuä̧huä̧ hueoca'a ucuturu. Hueähuä huȩnȩ'i̧nä̧ hueoca'a ucuturu. Dios ucuturu re rö̧jö̧nä̧ toa'anä, ucuturu ppä'ädö.
Tta̧'cua̧rö̧ jueönä jȩä̧cuä̧huä̧ isotö
15Ja̧'hua̧ ja̧'a̧ ¿tta̧'a̧nö̧ jȩta̧'a̧huä̧jä̧ttö̧? ¿Suronä jȩpä̧tö̧jä̧ tä̧ji̧, hueähuä huȩnȩ jȩto̧ca̧'a̧nä̧, Dios ppädäcuähuänä tö̧ja̧'a̧nä̧? Ja̧'hua̧nö̧mä̧cö̧. 16Ücutu adiu huo̧juä̧tö̧jä̧ cuiyäcuähuätucuomenä ya̧tȩ hueö jȩä̧cuä̧huä̧ isotö cu'ätucua pä'ö, yoröiso chutä hueö jȩä̧cuä̧huä̧ isotö huotöjä. Cuiyäcuähuätucuomenä suronä jȩcu̧'ä̧tu̧cua̧ pä'ö, surojö hueö jȩä̧cuä̧huä̧ isotö huotöjä. Surojömä hua'are i'cächö. Ja̧'hua̧ta̧nö̧ ja̧'a̧nä̧ Diosrö cuiyäcuähuätucuomenä, Dios hueö jȩä̧cuä̧huä̧ isotö huotöjä, cua̧'cua̧ adiu jȩpö̧ cu̧ja̧cuä̧tu̧cua̧ pä'ö. 17Diosrö eseusä ucuturu amöcuädö. Ä'coji surojö hueö jȩä̧cuä̧huä̧ isotö cu'inätucua'anä, jitä eseunu jȩpä̧tö̧jä̧ cuami iso'quitucunä huo̧juȩcuä̧ huȩnȩ cuȩmi̧nä̧tu̧cu̧mä̧. 18Surojö hueö jȩä̧cuä̧huä̧ isotöttö räcuhuo'ächätucuomenä, adihuä juäi hueö jȩä̧cuä̧huä̧ isotö päi'önä ka̧cuä̧tö̧jä̧. 19Ja̧'hua̧nö̧ chucuocuomenä, pi̧jä̧ ttö̧ja̧ ttamöcuädö'a̧nö̧ ucuocusä, adiu cuä̧ju̧cuä̧tu̧cuo̧ca̧'a̧ttö̧. Ä'coji cuamönä iyäcuähuinätöjä suronä jȩä̧cuä̧huä̧nä̧, pi̧jä̧ttö̧ surojö jȩcu̧'ä̧tu̧cua̧ pä'ö. Ja̧'hua̧nö̧ ja̧'a̧nä̧ ucutu cuamönä iyäcuähuätucui cua̧'cua̧ adiu jȩpö̧ cu̧ja̧cuä̧tu̧cua̧ pä'ö, Diosrö pä̧huä̧ rö̧jö̧nä̧tä̧ cu̧ja̧cuä̧tu̧cuä̧cua̧'a̧nö̧.
20Ucutu ji̧nä̧ surojö hueö jȩä̧cuä̧huä̧ isotö cu'ätucuomenä, cua̧'cua̧ adiu jȩä̧cuä̧huä̧ isotö pocotö pi̧nä̧tö̧jä̧. 21Jitä dä'ä rö̧jö̧nä̧ amöcuädätöjä jȩcu̧'i̧nä̧tu̧cu̧. ¿Tta̧'a̧nö̧ ji̧nö̧cuä̧ttö̧? ¿Adiu ji̧na̧'a̧ tä̧ji̧, ja̧u̧ juäi jȩcu̧'ä̧tu̧cuo̧mȩnä̧mä̧? Hua'aretä i'cächö ja̧u̧ juäimä. 22Ja̧'hua̧nö̧ ja̧'a̧nä̧ surojö hueö jȩä̧cuä̧huä̧ isotöttö räcuhuo'ätucuomenä, Dios hueö jȩä̧cuä̧huä̧ isotö juo'ähuinätöjä. Ja̧u̧tä̧ ucuturu adiu ppädömä. Diosrö pä̧huä̧ rö̧jö̧nä̧tä̧ ka̧cuä̧tö̧jä̧. Kä̧cuä̧huä̧ i'co'inä röjinä cuȩmä̧cuo̧tö̧jä̧. 23Surojö micuämä, hua'aretä jö̧. Ja̧'hua̧nö̧ ja̧'a̧nä̧ Dios mippoönä iyö kä̧cuä̧huä̧ i'co, Tu̧ru̧hua̧ Cristo Jesúsru tesetomenä.
Currently Selected:
Romanos 6: PIDNT86
Highlight
Share
Copy
Want to have your highlights saved across all your devices? Sign up or sign in
Nuevo Testamento en Piaroa © Sociedades Biblicas Unidas, 1986.
Romanos 6
6
Ujutu Jesucristorö esetö ka̧cuä̧tö̧jä̧
1Ja̧'hua̧ ja̧'a̧ ¿tta̧'a̧nö̧ pätäcua'ajä̧ttö̧? ¿Suronä jȩpö̧ tö̧ja̧cuä̧cuo̧tö̧jä̧ tä̧ji̧, Dios ppädäcuähuä rö̧ä̧cha̧ pä'ö? 2Tta̧'a̧huä̧jä̧. Suronä jȩti̧nö̧ttö̧mä̧, huä'ö icuätö jä̧'i̧nö̧'a̧nö̧ ka̧cuä̧tö̧jä̧. Ja̧'hua̧nö̧ ja̧'a̧ttö̧ ¿tta̧'a̧nö̧ suronä jȩpö̧ tö̧ja̧cuä̧ttö̧? 3¿Ucutu jȩru̧pä̧tö̧jä̧ tä̧ji̧? Ujutu bautizado pä'i'inätöjä Jesucristocu ji̧nä̧ ji̧yȩtȩ ta pä'ö. Ja̧'hua̧ta̧nö̧ ja̧u̧nu̧tä̧ bautizado päti'omenä, yo̧mȩtȩnä̧ Jesucristo uhuaparecu ji̧nä̧ ji̧yȩtȩ pä'i'inätöjä. 4Ja̧'hua̧nö̧ ja̧'a̧ttö̧ bautizado päti'omenä, Cristocu 'turu icuähuotö jä̧'i̧nö̧'a̧nö̧ huotöjä. Ja̧'hua̧ta̧nö̧ Jä'o adihuä ujurunä Cristorö hua'arettö ttoädinö ta'anö, ujutu'inä ttoädäcuähuotö jä̧'i̧nö̧'a̧nö̧ huotöjä, ta̧'cua̧rö̧ jareönä tö̧ja̧cua̧ pä'ö.
5Iso päi'önä Cristocu ji̧nä̧ ji̧yȩtȩ 'corupäti'inöttömä, ja̧u̧tä̧cu̧ ji̧nä̧ ji̧yȩtȩ tto̧tä̧chä̧cuo̧tö̧jä̧. 6Ujutu huo̧juä̧tö̧jä̧ täbocö tö̧ji̧nö̧mä̧ Cristocu daunä pȩ'o̧pö̧ u̧ju̧ni̧na̧'a̧, suronä jȩä̧cuä̧huä̧ be'epö icua pä'ö, suronä hueö jȩä̧cuä̧huä̧ isotö tö juiyäcua'a̧nö̧. 7Ya̧tȩ 'corupäi'omenämä, surojö juhua'a yabocu hueoca'a ja̧u̧ru̧. 8Cristocu 'corujuotächina'attö, ja̧u̧cu̧ tö̧ja̧cuä̧cuo̧tö̧jä̧ pä'o esetätöjä. 9Ujutu huo̧juä̧tö̧jä̧ Dios Cristorö hua'arettö ttoädomenä, yoröiso pä'äji ta'anömä 'corupä'i'ocö Cristomä. 'Corupäi'äcuähuä juhua'a yabocu juruhuocö ja̧u̧ru̧. 10Ja̧'hua̧ta̧nö̧ Cristo ya'utenätä 'corupä'i'inö suronä jȩä̧cuä̧huä̧ttö̧. Jitä ö̧ja̧'a̧mä̧, Diosrö eseu kö̧. 11Ucutu'inä suronä jȩcu̧'i̧nä̧tu̧cu̧ttu̧mä̧ hua'ö icuätö jä̧'i̧nö̧'a̧nö̧ ka̧cuä̧tö̧jä̧ amöcuädätucui. Ja̧'hua̧ta̧nö̧ Cristo Jesúsru teseta'attö, Diosrö eseu ka̧cuä̧tö̧jä̧ pä'ö amöcuädätucui.
12Ja̧'hua̧ ja̧'a̧ttö̧ ja̧'a̧tä̧ tocu'äcuähuätucuä', ucuturu surojö juhua'a yabocu hueö juiya pä'ö, cuamönätucu cuamöcuädätucu jȩcu̧'ä̧tu̧cu̧ juiya pä'ö. 13Cuamönä cuiyäcuähuätucuä' suronä jȩcu̧'ä̧tu̧cua̧ pä'ö. 'Corupä'i'ö'cotö tto'ächätö jä̧'i̧nö̧'a̧nö̧ jö̧nä̧ Diosrö iyäcuähuätucui. Cuamönä cuidepä iyäcuähuätucui Diosrö, adiu jȩcu̧'ä̧tu̧cua̧ pä'ö. 14Jitämä suronä jȩä̧cuä̧huä̧ hueoca'a ucuturu. Hueähuä huȩnȩ'i̧nä̧ hueoca'a ucuturu. Dios ucuturu re rö̧jö̧nä̧ toa'anä, ucuturu ppä'ädö.
Tta̧'cua̧rö̧ jueönä jȩä̧cuä̧huä̧ isotö
15Ja̧'hua̧ ja̧'a̧ ¿tta̧'a̧nö̧ jȩta̧'a̧huä̧jä̧ttö̧? ¿Suronä jȩpä̧tö̧jä̧ tä̧ji̧, hueähuä huȩnȩ jȩto̧ca̧'a̧nä̧, Dios ppädäcuähuänä tö̧ja̧'a̧nä̧? Ja̧'hua̧nö̧mä̧cö̧. 16Ücutu adiu huo̧juä̧tö̧jä̧ cuiyäcuähuätucuomenä ya̧tȩ hueö jȩä̧cuä̧huä̧ isotö cu'ätucua pä'ö, yoröiso chutä hueö jȩä̧cuä̧huä̧ isotö huotöjä. Cuiyäcuähuätucuomenä suronä jȩcu̧'ä̧tu̧cua̧ pä'ö, surojö hueö jȩä̧cuä̧huä̧ isotö huotöjä. Surojömä hua'are i'cächö. Ja̧'hua̧ta̧nö̧ ja̧'a̧nä̧ Diosrö cuiyäcuähuätucuomenä, Dios hueö jȩä̧cuä̧huä̧ isotö huotöjä, cua̧'cua̧ adiu jȩpö̧ cu̧ja̧cuä̧tu̧cua̧ pä'ö. 17Diosrö eseusä ucuturu amöcuädö. Ä'coji surojö hueö jȩä̧cuä̧huä̧ isotö cu'inätucua'anä, jitä eseunu jȩpä̧tö̧jä̧ cuami iso'quitucunä huo̧juȩcuä̧ huȩnȩ cuȩmi̧nä̧tu̧cu̧mä̧. 18Surojö hueö jȩä̧cuä̧huä̧ isotöttö räcuhuo'ächätucuomenä, adihuä juäi hueö jȩä̧cuä̧huä̧ isotö päi'önä ka̧cuä̧tö̧jä̧. 19Ja̧'hua̧nö̧ chucuocuomenä, pi̧jä̧ ttö̧ja̧ ttamöcuädö'a̧nö̧ ucuocusä, adiu cuä̧ju̧cuä̧tu̧cuo̧ca̧'a̧ttö̧. Ä'coji cuamönä iyäcuähuinätöjä suronä jȩä̧cuä̧huä̧nä̧, pi̧jä̧ttö̧ surojö jȩcu̧'ä̧tu̧cua̧ pä'ö. Ja̧'hua̧nö̧ ja̧'a̧nä̧ ucutu cuamönä iyäcuähuätucui cua̧'cua̧ adiu jȩpö̧ cu̧ja̧cuä̧tu̧cua̧ pä'ö, Diosrö pä̧huä̧ rö̧jö̧nä̧tä̧ cu̧ja̧cuä̧tu̧cuä̧cua̧'a̧nö̧.
20Ucutu ji̧nä̧ surojö hueö jȩä̧cuä̧huä̧ isotö cu'ätucuomenä, cua̧'cua̧ adiu jȩä̧cuä̧huä̧ isotö pocotö pi̧nä̧tö̧jä̧. 21Jitä dä'ä rö̧jö̧nä̧ amöcuädätöjä jȩcu̧'i̧nä̧tu̧cu̧. ¿Tta̧'a̧nö̧ ji̧nö̧cuä̧ttö̧? ¿Adiu ji̧na̧'a̧ tä̧ji̧, ja̧u̧ juäi jȩcu̧'ä̧tu̧cuo̧mȩnä̧mä̧? Hua'aretä i'cächö ja̧u̧ juäimä. 22Ja̧'hua̧nö̧ ja̧'a̧nä̧ surojö hueö jȩä̧cuä̧huä̧ isotöttö räcuhuo'ätucuomenä, Dios hueö jȩä̧cuä̧huä̧ isotö juo'ähuinätöjä. Ja̧u̧tä̧ ucuturu adiu ppädömä. Diosrö pä̧huä̧ rö̧jö̧nä̧tä̧ ka̧cuä̧tö̧jä̧. Kä̧cuä̧huä̧ i'co'inä röjinä cuȩmä̧cuo̧tö̧jä̧. 23Surojö micuämä, hua'aretä jö̧. Ja̧'hua̧nö̧ ja̧'a̧nä̧ Dios mippoönä iyö kä̧cuä̧huä̧ i'co, Tu̧ru̧hua̧ Cristo Jesúsru tesetomenä.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Nuevo Testamento en Piaroa © Sociedades Biblicas Unidas, 1986.