Romanos 3
3
1Ja̧'hua̧nö̧ ja̧'a̧ttö̧ judíos ttö̧ja̧ ¿korotöttö'inä abonänö adihuä isotö tä̧ji̧? Circuncisión jȩtto̧mȩnä̧, ¿adiu ppäda'a tä̧ji̧? 2A̧, rö̧ȩnä̧ ppä'ädö. Äcuomenä Dios iyinö i̧huȩnȩ judíos ttö̧ja̧rö̧. 3Yotöcunä eseti'ipö'cotö jarotti'öttömä, ¿Dios jaroi'ä̧cua̧ tä̧ji? 4Isocö̧. Diosmä yoröiso jaropi'ocö. O'ca toi'önä ttö̧ja̧ yapareu huȩnȩ ttucuocua'anä, yapareu ucuocuocö Diosmä. Huȩyu̧cuä̧ Huȩnȩ päa'a:
O'ca toi'önä ttö̧ja̧ topö pättäcuotö:
“Ucu iso päi'önä päcumä pä'öjä.”
O'ca toi'önä ttö̧ja̧ ttu̧huo̧juä̧cuo̧tö̧ ucu adiu jȩcu̧'u̧.
5Ja̧'hua̧nö̧ ja̧'a̧nä̧ korotö ujutu suronä jȩtö̧ tottomenä, “Diosmä adiu jȩpö̧” pättöttömä, ¿tta̧'a̧nö̧ tamöcuädäcua'ajä̧ttö̧ ujutumä? Dios ujuturu ro̧ȩpo̧mȩnä̧, ¿suronä jȩpö̧ tä̧ji̧? Ja̧'hua̧nö̧ pädomenä, pi̧jä̧ ttö̧ja̧ ttucuocu'a̧nö̧ ucuocusä. 6Isocö̧. Surojöcö̧ Dios ro̧ȩpö̧mä̧. Dios suronä jȩö̧ttö̧mä̧, ¿tta̧'a̧nö̧ ro̧ȩpa̧ttö̧ o'ca toi'önä ttö̧ja̧rö̧mä̧?
7Ja̧'hua̧nö̧ ja̧'a̧nä̧ korotö ttö suronä jȩcha̧'a̧ tottomenä, “Dios adihuä i̧sa̧ ja̧'a̧” pättomenä, ¿tta̧'a̧nö̧ 'cuäopäcua'ajä̧ttö̧ ttörö? Dios, “Ucu suronä jȩpö̧jä̧” ¿pä̧cua̧ tä̧ji̧ ttörö? 8Ja̧'hua̧nö̧ jö̧ttö̧mä̧, pä'ajatöjä: “Surojö jȩpä̧tö̧jä̧, adihuä juäi ichäcua'a̧nö̧.” Ja̧'hua̧ta̧nö̧ korotö suronä ucuocu pä'ätö ujuturu: “Ja̧u̧ juäi huo̧juȩtä̧tö̧” pä'ö. Ja̧'hua̧nö̧ ja̧'a̧ttö̧ Dios ro̧ȩpä̧cua̧ jahuätörö, ja̧u̧ juäi huȩnȩtö̧ ucuocuätörö.
O'ca toi'önä suronä jȩttö̧ huȩnȩ
9Ja̧'hua̧ ja̧'a̧ttö̧, ujutu judíos ttö̧ja̧ ¿korotöttö'inä abonänö adihuä isotöjä tä̧ji̧? Tta̧'a̧huä̧jä̧. Täcö ji'ähuäjisä o'ca toi'önä judíos ttö̧ja̧'i̧nä̧, judíos huocotö'inä suronä jȩtta̧'a̧nä̧, yoröiso adiunämä jȩpo̧co̧tö̧. 10Huȩyu̧cuä̧ Huȩnȩ päa'a:
Adihuä i̧sa̧mä̧ toa'a. Yoröiso ya̧tȩ'i̧nä̧ toa'a adihuä i̧sa̧mä̧.
11Ya̧tȩ'i̧nä̧ toa'a ä̧ju̧cua̧ pä'ömä. Yoröiso toa'a Diosrö usumä.
12O'ca toi'önä Diosrö ja̧ro̧pi̧'ä̧rä̧tö̧. O'ca toi'önä surojuo̧'ȩcuä̧rä̧tö̧.
Yoröiso toa'a adiu jȩpö̧mä̧.
Ya̧tȩ'i̧nä̧ toa'a.
13Idorättö huahuoppa räopa'a jä̧'i̧nö̧'a̧nö̧ räopä̧u̧ ttättö.
Tti̧nȩnä̧ yapareu ucuocuätö.
Ttänä räopä̧u̧ surä juäi huȩnȩ, ä̧ca̧ u̧mä̧nȩhuä̧ räopa'a jä̧'i̧nö̧'a̧nö̧.
14Ucuocuätö ji̧yȩä̧cuȩtä̧ surojötä, reö jä̧'i̧nö̧'a̧nö̧ jö̧tä̧.
15Jurunä jopätö ttö̧ja̧rö̧ cuä'ö tticua pä'ö.
16Cuettächi'ö u̧du̧nä̧ ku̧ni̧pȩ'ä̧tö̧ suronä jö̧, tta̧'cua̧ tta̧huȩpö̧.
17Jerupätö eseäcuähuä mä̧nä̧.
18Ye'ecunänö amöcuädocotö Diosrö,
päa'a Huȩyu̧cuä̧ Huȩnȩ.
19Ja̧'hua̧nö̧ ja̧'a̧ttö̧ ujutu huo̧juä̧tö̧jä̧, o'ca juiyönä hueähuä huȩnȩ huea'a ja̧u̧ huȩnȩ ä̧ju̧cuä̧tö̧rö̧. Ja̧'hua̧ta̧nö̧ ja̧u̧ hueähuä huȩnȩ huea'a “Ttömä Dios hueähuä huȩnȩ jȩru̧pa̧sä̧” pättö juiya pä'ö. Ja̧'hua̧ta̧nö̧ ja̧u̧ hueähuä huȩnȩ i̧jȩpa̧'a̧ Dios o'ca toi'önärö ro̧ȩpä̧cua̧ pä'ö. 20Ja̧'hua̧nö̧ ja̧'a̧ttö̧ hueähuä huȩnȩ hueö ta'anö jȩä̧cuä̧huä̧nä̧, Dios jȩpo̧cö̧ ja̧u̧cu̧ ji̧nä̧ ji̧yȩtȩ huotö tta pä'ö. Hueähuä huȩnȩ pi̧jä̧ ttö̧ja̧ suronä jȩpä̧tö̧jä̧ pä'ö ttu̧huo̧jua̧ pä'ö huea'a.
Dios jȩpö̧ ja̧u̧cu̧ ji̧nä̧ ji̧yȩtȩ huotö tta pä'ö esetäcuähuänä
21Jitä koro i̧jȩpö̧ huo̧juȩti̧nö̧ Dios, ja̧u̧cu̧ ji̧nä̧ ji̧yȩtȩ huotö tta pä'ö jȩä̧cuä̧huä̧, hueähuä huȩnȩttö̧'i̧nä̧ i̧mi̧cu̧nä̧. Dios i̧huȩnȩ jiäcuähuä isotö'inä, hueähuä huȩnȩ cuyäru'inä ja̧'hua̧nö̧ jiähua'a. 22Dios ttö̧ja̧rö̧ jȩpö̧ ja̧u̧cu̧ ji̧nä̧ ji̧yȩtȩ huotö tta pä'ö Jesucristorö esetäcuähuänä. Ja̧'hua̧nö̧ yoräteunä jȩpö̧ o'ca toi'önärö Jesucristorö esetätörö. 23O'ca toi'önä suronä jȩpi̧nä̧tö̧. Ja̧'hua̧ta̧nö̧ o'ca toi'önä Diosttö, pi̧jä̧ ttö̧ja̧ suronä jȩttö̧ jȩpö̧ icuru otohuotö. 24Ja̧'hua̧nö̧ ja̧'a̧nä̧ Dios adiu ppädomenä, mippoönä jȩpö̧ ja̧u̧cu̧ ji̧nä̧ ji̧yȩtȩ huotö tta pä'ö. Ja̧'hua̧nö̧ jȩpö̧, Jesucristo suronä jȩttö̧ jȩpö̧ icuina'attö. 25Dios hue'inö I̧tti̧ Jesucristorö sacrificio päi'önä 'corupäi'a pä'ö, ttö̧ja̧ suronä jȩttö̧ jȩpö̧ icua pä'ö. Ja̧'hua̧nö̧ Dios ȩmö̧ Jesucristorö esetätörö. Pä'äji ka̧cui̧nä̧tö̧ suronä jȩtta̧'a̧nä̧, Dios ami 'qui'ächi'inö. Ja̧'hua̧nö̧ ja̧'a̧ttö̧ ttö̧ja̧ ttu̧huo̧jua̧ pä'ö Dios jȩpö̧ ja̧u̧cu̧ ji̧nä̧ ji̧yȩtȩ huotö tta pä'ö, hue'inö Jesucristorö. 26Jitä'inä i̧jȩpa̧'a̧ Dios adiu jȩpö̧ pä'ö. Ja̧'hua̧nö̧ pä'ö, o'ca toi'önä Jesúsru esetätörö jȩo̧mȩnä̧ ja̧u̧cu̧ ji̧nä̧ ji̧yȩtȩ huotö tta pä'ö, adiu jȩpö̧.
27Ja̧'hua̧ ja̧'a̧ttö̧, ¿tta̧'a̧nö̧ pä'ö tamönä huotäcuähua'ajä̧ttö̧ ujutumä? Juiya'a. ¿Dä̧bö̧ juiya'attö? Hueähuä huȩnȩ hueö ta'anö jȩta̧'a̧ttö̧ ¿juiya'a tä̧ji̧? Isocö̧. Tamönä huoäcuähuämä jui'ätöjä Jesucristorö teseta'attö. 28Ja̧'hua̧nö̧ ja̧'a̧ttö̧ ä̧ju̧cu̧ huo̧juä̧tö̧jä̧ Dios jȩpö̧ ja̧u̧cu̧ ji̧nä̧ ji̧yȩtȩ huotö tta pä'ö churutä esetäcuähuänätä, hueähuä huȩnȩ hueö ta'anö jȩä̧cuä̧huä̧nä̧mä̧cö̧.
29Diosmä ¿judíos ttö̧ja̧tä̧ Ttä̧do̧ ä̧cua̧ tä̧ji̧? ¿Judíos huocotö'inä Ttä̧do̧ ä̧cua̧cö̧ tä̧ji̧? Diosmä judíos ttö̧ja̧'i̧nä̧, judíos huocotö'inä Ttä̧do̧ ä̧cua̧do. 30Toa'a ka̧ra̧ Diosmä. Yoröiso ya̧tȩä̧tä̧ kö̧. Ja̧u̧mä̧ Jesucristorö esetätörö jȩpö̧ ja̧u̧cu̧ ji̧nä̧ ji̧yȩtȩ huotö tta pä'ö judíos ttö̧ja̧rö̧'i̧nä̧, judíos huocotörö'inä. 31Ja̧hua̧ ja̧'a̧ Dios jȩpö̧ ja̧u̧cu̧ ji̧nä̧ ji̧yȩtȩ huotö tta pä'ö tesetomenä, ¿hueähuä huȩnȩ jȩpö̧ icuätöjä tä̧ji̧? Isocö̧. Ja̧'hua̧nö̧ esetö: “Hueähuä huȩnȩ adiu jȩä̧cuä̧huä̧” pä'atöjä.
Currently Selected:
Romanos 3: PIDNT86
Highlight
Share
Copy
Want to have your highlights saved across all your devices? Sign up or sign in
Nuevo Testamento en Piaroa © Sociedades Biblicas Unidas, 1986.
Romanos 3
3
1Ja̧'hua̧nö̧ ja̧'a̧ttö̧ judíos ttö̧ja̧ ¿korotöttö'inä abonänö adihuä isotö tä̧ji̧? Circuncisión jȩtto̧mȩnä̧, ¿adiu ppäda'a tä̧ji̧? 2A̧, rö̧ȩnä̧ ppä'ädö. Äcuomenä Dios iyinö i̧huȩnȩ judíos ttö̧ja̧rö̧. 3Yotöcunä eseti'ipö'cotö jarotti'öttömä, ¿Dios jaroi'ä̧cua̧ tä̧ji? 4Isocö̧. Diosmä yoröiso jaropi'ocö. O'ca toi'önä ttö̧ja̧ yapareu huȩnȩ ttucuocua'anä, yapareu ucuocuocö Diosmä. Huȩyu̧cuä̧ Huȩnȩ päa'a:
O'ca toi'önä ttö̧ja̧ topö pättäcuotö:
“Ucu iso päi'önä päcumä pä'öjä.”
O'ca toi'önä ttö̧ja̧ ttu̧huo̧juä̧cuo̧tö̧ ucu adiu jȩcu̧'u̧.
5Ja̧'hua̧nö̧ ja̧'a̧nä̧ korotö ujutu suronä jȩtö̧ tottomenä, “Diosmä adiu jȩpö̧” pättöttömä, ¿tta̧'a̧nö̧ tamöcuädäcua'ajä̧ttö̧ ujutumä? Dios ujuturu ro̧ȩpo̧mȩnä̧, ¿suronä jȩpö̧ tä̧ji̧? Ja̧'hua̧nö̧ pädomenä, pi̧jä̧ ttö̧ja̧ ttucuocu'a̧nö̧ ucuocusä. 6Isocö̧. Surojöcö̧ Dios ro̧ȩpö̧mä̧. Dios suronä jȩö̧ttö̧mä̧, ¿tta̧'a̧nö̧ ro̧ȩpa̧ttö̧ o'ca toi'önä ttö̧ja̧rö̧mä̧?
7Ja̧'hua̧nö̧ ja̧'a̧nä̧ korotö ttö suronä jȩcha̧'a̧ tottomenä, “Dios adihuä i̧sa̧ ja̧'a̧” pättomenä, ¿tta̧'a̧nö̧ 'cuäopäcua'ajä̧ttö̧ ttörö? Dios, “Ucu suronä jȩpö̧jä̧” ¿pä̧cua̧ tä̧ji̧ ttörö? 8Ja̧'hua̧nö̧ jö̧ttö̧mä̧, pä'ajatöjä: “Surojö jȩpä̧tö̧jä̧, adihuä juäi ichäcua'a̧nö̧.” Ja̧'hua̧ta̧nö̧ korotö suronä ucuocu pä'ätö ujuturu: “Ja̧u̧ juäi huo̧juȩtä̧tö̧” pä'ö. Ja̧'hua̧nö̧ ja̧'a̧ttö̧ Dios ro̧ȩpä̧cua̧ jahuätörö, ja̧u̧ juäi huȩnȩtö̧ ucuocuätörö.
O'ca toi'önä suronä jȩttö̧ huȩnȩ
9Ja̧'hua̧ ja̧'a̧ttö̧, ujutu judíos ttö̧ja̧ ¿korotöttö'inä abonänö adihuä isotöjä tä̧ji̧? Tta̧'a̧huä̧jä̧. Täcö ji'ähuäjisä o'ca toi'önä judíos ttö̧ja̧'i̧nä̧, judíos huocotö'inä suronä jȩtta̧'a̧nä̧, yoröiso adiunämä jȩpo̧co̧tö̧. 10Huȩyu̧cuä̧ Huȩnȩ päa'a:
Adihuä i̧sa̧mä̧ toa'a. Yoröiso ya̧tȩ'i̧nä̧ toa'a adihuä i̧sa̧mä̧.
11Ya̧tȩ'i̧nä̧ toa'a ä̧ju̧cua̧ pä'ömä. Yoröiso toa'a Diosrö usumä.
12O'ca toi'önä Diosrö ja̧ro̧pi̧'ä̧rä̧tö̧. O'ca toi'önä surojuo̧'ȩcuä̧rä̧tö̧.
Yoröiso toa'a adiu jȩpö̧mä̧.
Ya̧tȩ'i̧nä̧ toa'a.
13Idorättö huahuoppa räopa'a jä̧'i̧nö̧'a̧nö̧ räopä̧u̧ ttättö.
Tti̧nȩnä̧ yapareu ucuocuätö.
Ttänä räopä̧u̧ surä juäi huȩnȩ, ä̧ca̧ u̧mä̧nȩhuä̧ räopa'a jä̧'i̧nö̧'a̧nö̧.
14Ucuocuätö ji̧yȩä̧cuȩtä̧ surojötä, reö jä̧'i̧nö̧'a̧nö̧ jö̧tä̧.
15Jurunä jopätö ttö̧ja̧rö̧ cuä'ö tticua pä'ö.
16Cuettächi'ö u̧du̧nä̧ ku̧ni̧pȩ'ä̧tö̧ suronä jö̧, tta̧'cua̧ tta̧huȩpö̧.
17Jerupätö eseäcuähuä mä̧nä̧.
18Ye'ecunänö amöcuädocotö Diosrö,
päa'a Huȩyu̧cuä̧ Huȩnȩ.
19Ja̧'hua̧nö̧ ja̧'a̧ttö̧ ujutu huo̧juä̧tö̧jä̧, o'ca juiyönä hueähuä huȩnȩ huea'a ja̧u̧ huȩnȩ ä̧ju̧cuä̧tö̧rö̧. Ja̧'hua̧ta̧nö̧ ja̧u̧ hueähuä huȩnȩ huea'a “Ttömä Dios hueähuä huȩnȩ jȩru̧pa̧sä̧” pättö juiya pä'ö. Ja̧'hua̧ta̧nö̧ ja̧u̧ hueähuä huȩnȩ i̧jȩpa̧'a̧ Dios o'ca toi'önärö ro̧ȩpä̧cua̧ pä'ö. 20Ja̧'hua̧nö̧ ja̧'a̧ttö̧ hueähuä huȩnȩ hueö ta'anö jȩä̧cuä̧huä̧nä̧, Dios jȩpo̧cö̧ ja̧u̧cu̧ ji̧nä̧ ji̧yȩtȩ huotö tta pä'ö. Hueähuä huȩnȩ pi̧jä̧ ttö̧ja̧ suronä jȩpä̧tö̧jä̧ pä'ö ttu̧huo̧jua̧ pä'ö huea'a.
Dios jȩpö̧ ja̧u̧cu̧ ji̧nä̧ ji̧yȩtȩ huotö tta pä'ö esetäcuähuänä
21Jitä koro i̧jȩpö̧ huo̧juȩti̧nö̧ Dios, ja̧u̧cu̧ ji̧nä̧ ji̧yȩtȩ huotö tta pä'ö jȩä̧cuä̧huä̧, hueähuä huȩnȩttö̧'i̧nä̧ i̧mi̧cu̧nä̧. Dios i̧huȩnȩ jiäcuähuä isotö'inä, hueähuä huȩnȩ cuyäru'inä ja̧'hua̧nö̧ jiähua'a. 22Dios ttö̧ja̧rö̧ jȩpö̧ ja̧u̧cu̧ ji̧nä̧ ji̧yȩtȩ huotö tta pä'ö Jesucristorö esetäcuähuänä. Ja̧'hua̧nö̧ yoräteunä jȩpö̧ o'ca toi'önärö Jesucristorö esetätörö. 23O'ca toi'önä suronä jȩpi̧nä̧tö̧. Ja̧'hua̧ta̧nö̧ o'ca toi'önä Diosttö, pi̧jä̧ ttö̧ja̧ suronä jȩttö̧ jȩpö̧ icuru otohuotö. 24Ja̧'hua̧nö̧ ja̧'a̧nä̧ Dios adiu ppädomenä, mippoönä jȩpö̧ ja̧u̧cu̧ ji̧nä̧ ji̧yȩtȩ huotö tta pä'ö. Ja̧'hua̧nö̧ jȩpö̧, Jesucristo suronä jȩttö̧ jȩpö̧ icuina'attö. 25Dios hue'inö I̧tti̧ Jesucristorö sacrificio päi'önä 'corupäi'a pä'ö, ttö̧ja̧ suronä jȩttö̧ jȩpö̧ icua pä'ö. Ja̧'hua̧nö̧ Dios ȩmö̧ Jesucristorö esetätörö. Pä'äji ka̧cui̧nä̧tö̧ suronä jȩtta̧'a̧nä̧, Dios ami 'qui'ächi'inö. Ja̧'hua̧nö̧ ja̧'a̧ttö̧ ttö̧ja̧ ttu̧huo̧jua̧ pä'ö Dios jȩpö̧ ja̧u̧cu̧ ji̧nä̧ ji̧yȩtȩ huotö tta pä'ö, hue'inö Jesucristorö. 26Jitä'inä i̧jȩpa̧'a̧ Dios adiu jȩpö̧ pä'ö. Ja̧'hua̧nö̧ pä'ö, o'ca toi'önä Jesúsru esetätörö jȩo̧mȩnä̧ ja̧u̧cu̧ ji̧nä̧ ji̧yȩtȩ huotö tta pä'ö, adiu jȩpö̧.
27Ja̧'hua̧ ja̧'a̧ttö̧, ¿tta̧'a̧nö̧ pä'ö tamönä huotäcuähua'ajä̧ttö̧ ujutumä? Juiya'a. ¿Dä̧bö̧ juiya'attö? Hueähuä huȩnȩ hueö ta'anö jȩta̧'a̧ttö̧ ¿juiya'a tä̧ji̧? Isocö̧. Tamönä huoäcuähuämä jui'ätöjä Jesucristorö teseta'attö. 28Ja̧'hua̧nö̧ ja̧'a̧ttö̧ ä̧ju̧cu̧ huo̧juä̧tö̧jä̧ Dios jȩpö̧ ja̧u̧cu̧ ji̧nä̧ ji̧yȩtȩ huotö tta pä'ö churutä esetäcuähuänätä, hueähuä huȩnȩ hueö ta'anö jȩä̧cuä̧huä̧nä̧mä̧cö̧.
29Diosmä ¿judíos ttö̧ja̧tä̧ Ttä̧do̧ ä̧cua̧ tä̧ji̧? ¿Judíos huocotö'inä Ttä̧do̧ ä̧cua̧cö̧ tä̧ji̧? Diosmä judíos ttö̧ja̧'i̧nä̧, judíos huocotö'inä Ttä̧do̧ ä̧cua̧do. 30Toa'a ka̧ra̧ Diosmä. Yoröiso ya̧tȩä̧tä̧ kö̧. Ja̧u̧mä̧ Jesucristorö esetätörö jȩpö̧ ja̧u̧cu̧ ji̧nä̧ ji̧yȩtȩ huotö tta pä'ö judíos ttö̧ja̧rö̧'i̧nä̧, judíos huocotörö'inä. 31Ja̧hua̧ ja̧'a̧ Dios jȩpö̧ ja̧u̧cu̧ ji̧nä̧ ji̧yȩtȩ huotö tta pä'ö tesetomenä, ¿hueähuä huȩnȩ jȩpö̧ icuätöjä tä̧ji̧? Isocö̧. Ja̧'hua̧nö̧ esetö: “Hueähuä huȩnȩ adiu jȩä̧cuä̧huä̧” pä'atöjä.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Nuevo Testamento en Piaroa © Sociedades Biblicas Unidas, 1986.