Romanos 13
13
Diosrö esetätö pi̧jä̧ ruhuotörö ttamöcuädö huȩnȩ
1O'ca toi'önä jȩpä̧tu̧cui̧ pi̧jä̧ ruhuotö huettömä. Dios hue'ähuocotömä toa'a. Ruhuotörö Dios pätetö hue'inö. 2Ja̧'hua̧nö̧ ja̧'a̧ttö̧ ruhuotörö jarode'ätömä, Dios hueinö'inä jarode'ätö. Ja̧'hua̧nö̧ jȩpä̧tö̧rö̧mä̧, Dios ro̧ȩpä̧cuo̧tö̧. 3Ruhuotö huettö ta'anö jȩpö̧ ka̧cuä̧tö̧mä̧, ye'ecuocotö ruhuotörö. Ja̧'hua̧ta̧nö̧ suronä jȩpä̧tö̧mä̧, ye'ecuätö ruhuotörö. ¿Ucu ru̧hua̧rö̧ yecuäcuähuä juiyönä cu̧ja̧ pä'öjä tä̧ji̧? Adiu jȩpö̧ kä̧hui̧. Ja̧'hua̧nö̧ jȩcu̧'o̧mȩnä̧, ucuru pä̧cua̧ ru̧hua̧ adiu jȩpö̧jä̧ pä'ö. 4Ja̧u̧ Dios hueähuä adicuä i̧sa̧ päi'önä jȩpö̧, ucuru adihua pä'ö. Suronä jȩcu̧'u̧ttu̧mä̧, yecuhuecu ku̧nä̧rö̧jä̧. Ru̧hua̧ suronä jȩpä̧tö̧rö̧ yeähuä juiyönä ro̧'ȩpö̧. Dios huȩ'ä̧hua̧ adicuä i̧sa̧ päi'önä ro̧'ȩpö̧ mitö suronä jȩpä̧tö̧rö̧. 5Ja̧'hua̧ ja̧'a̧ttö̧ ruhuotö huettö ta'anö jȩpä̧tu̧cui̧ huettömä. Ruhuotö ro̧ttȩpö̧ juiyattö pä'ömä jȩcu̧'ä̧tu̧cuä̧'. Ucutu huo̧juä̧tö̧jä̧ ruhuotö huettö jȩä̧cuä̧huä̧nä̧mä̧ adihua'a pä'ö. 6Ja̧'hua̧nö̧ ja̧'a̧ttö̧ ucutu mitätöjä pärätä ruhuotörö. Jahuätö ruhuotö Dios hueähuä adicuä isotö päi'önä jȩpä̧tö̧ ttaditähuä.
7O'ca toi'önärö mitätucui cuimippotä̧u̧ru̧mä̧ o'ca juiyönä. Ruhuotörö pärätä cuimippotö'inä mitätucui. Korotörö ucuotönö jȩpä̧tu̧cui̧.
Diosrö esetätö ttahuaruhuärö jȩttö̧ huȩnȩ
8Yoröiso mippotönö jȩcu̧'ä̧tu̧cuä̧' korotörö'inä ka̧ra̧rö̧'i̧nä̧. Repeäcuähuänö jȩcu̧'ä̧tu̧cu̧tä̧ mippotätucui korotö korotöcu. Korotörö repe'önö jȩpä̧tö̧mä̧, hueähuä huȩnȩ jȩpä̧tö̧. 9Hueähuä huȩnȩ päa'a: “Ka̧ra̧ irecuarö suronä jȩcu̧'ä̧'. Ka̧ra̧rö̧ cuä'ö cuicuä'. Cu̧nä̧u̧cuä̧'. Yapareu jicuhuähuä' korotörö. Korotö ttöäre pä̧huä̧ rö̧jö̧ tocu'ätucuä'.” Ja̧'hua̧nö̧ ja̧'a̧nä̧ ja̧u̧ hueähuä huȩnȩ'i̧nä̧, koro hueähuä huȩnȩ'i̧nä̧ o'ca juiyönä ji̧nä̧ ji̧yȩtȩ yorätehua'a pi̧yȩ huȩnȩnä̧: “Cua̧hua̧ru̧hua̧rö̧ repe'i, ucutä cuamönä repecuhuäu ta'anö.” 10Eseunu repeähuä ku̧nä̧rö̧mä̧, suronä jȩpo̧cö̧ a̧hua̧ru̧hua̧rö̧. Ja̧'hua̧nö̧ repeähuä jȩpö̧mä̧, o'ca juiyönä hueähuä huȩnȩ jȩpö̧.
11Ja̧'hua̧nö̧ jȩpä̧tu̧cui̧. Amöcuädätucui porächäcuähuometä ja̧'a̧ ttu'udittömä, Jesucristo ujuturu ȩmö̧ ichäcuome tö'cö juoächa'a, tesetinö pä̧nä̧ttö̧'i̧nä̧ abonänö. 12Täcö yodo beipächi'a'a. Mo̧ro̧ tö'cöhuächi'a'a pärocuä. Ja̧'hua̧nö̧ ja̧'a̧ttö̧ jaroti'ö'a̧nö̧ ja̧'a̧ yo̧ö̧ jȩä̧cuä̧huä̧mä̧. Ja̧'hua̧ ja̧'a̧ tȩa̧u̧nä̧ tö̧jö̧'a̧nö̧ ja̧'a̧, surojö tto̧ȩpä̧ra̧ pä'ö. 13Adiu cuetächaja, mo̧ro̧ cuettächa'a jä̧'i̧nö̧'a̧nö̧. Tä̧'ä̧mö̧'i̧nä̧, ttö̧ja̧cu̧ ca̧ca̧cu̧ huopö'inä, ka̧ra̧ irecuarö usu'inä, korotörö suronä jȩpö̧'i̧nä̧, korotörö rohuäu'inä, korotö ttu̧ju̧nä̧rö̧ pä̧huä̧ rö̧jö̧ topö'inä jȩpö̧ tö̧jö̧ juiyö'a̧nö̧ ja̧'a̧. 14Pärocua'acu Cu̧ru̧hua̧ Jesucristorö adiu esetö ka̧cuä̧tu̧cui̧. Cuidepä pä̧huä̧ rö̧jö̧ jȩö̧tä̧mä̧ cuamöcuädätucuä'.
Currently Selected:
Romanos 13: PIDNT86
Highlight
Share
Copy
Want to have your highlights saved across all your devices? Sign up or sign in
Nuevo Testamento en Piaroa © Sociedades Biblicas Unidas, 1986.
Romanos 13
13
Diosrö esetätö pi̧jä̧ ruhuotörö ttamöcuädö huȩnȩ
1O'ca toi'önä jȩpä̧tu̧cui̧ pi̧jä̧ ruhuotö huettömä. Dios hue'ähuocotömä toa'a. Ruhuotörö Dios pätetö hue'inö. 2Ja̧'hua̧nö̧ ja̧'a̧ttö̧ ruhuotörö jarode'ätömä, Dios hueinö'inä jarode'ätö. Ja̧'hua̧nö̧ jȩpä̧tö̧rö̧mä̧, Dios ro̧ȩpä̧cuo̧tö̧. 3Ruhuotö huettö ta'anö jȩpö̧ ka̧cuä̧tö̧mä̧, ye'ecuocotö ruhuotörö. Ja̧'hua̧ta̧nö̧ suronä jȩpä̧tö̧mä̧, ye'ecuätö ruhuotörö. ¿Ucu ru̧hua̧rö̧ yecuäcuähuä juiyönä cu̧ja̧ pä'öjä tä̧ji̧? Adiu jȩpö̧ kä̧hui̧. Ja̧'hua̧nö̧ jȩcu̧'o̧mȩnä̧, ucuru pä̧cua̧ ru̧hua̧ adiu jȩpö̧jä̧ pä'ö. 4Ja̧u̧ Dios hueähuä adicuä i̧sa̧ päi'önä jȩpö̧, ucuru adihua pä'ö. Suronä jȩcu̧'u̧ttu̧mä̧, yecuhuecu ku̧nä̧rö̧jä̧. Ru̧hua̧ suronä jȩpä̧tö̧rö̧ yeähuä juiyönä ro̧'ȩpö̧. Dios huȩ'ä̧hua̧ adicuä i̧sa̧ päi'önä ro̧'ȩpö̧ mitö suronä jȩpä̧tö̧rö̧. 5Ja̧'hua̧ ja̧'a̧ttö̧ ruhuotö huettö ta'anö jȩpä̧tu̧cui̧ huettömä. Ruhuotö ro̧ttȩpö̧ juiyattö pä'ömä jȩcu̧'ä̧tu̧cuä̧'. Ucutu huo̧juä̧tö̧jä̧ ruhuotö huettö jȩä̧cuä̧huä̧nä̧mä̧ adihua'a pä'ö. 6Ja̧'hua̧nö̧ ja̧'a̧ttö̧ ucutu mitätöjä pärätä ruhuotörö. Jahuätö ruhuotö Dios hueähuä adicuä isotö päi'önä jȩpä̧tö̧ ttaditähuä.
7O'ca toi'önärö mitätucui cuimippotä̧u̧ru̧mä̧ o'ca juiyönä. Ruhuotörö pärätä cuimippotö'inä mitätucui. Korotörö ucuotönö jȩpä̧tu̧cui̧.
Diosrö esetätö ttahuaruhuärö jȩttö̧ huȩnȩ
8Yoröiso mippotönö jȩcu̧'ä̧tu̧cuä̧' korotörö'inä ka̧ra̧rö̧'i̧nä̧. Repeäcuähuänö jȩcu̧'ä̧tu̧cu̧tä̧ mippotätucui korotö korotöcu. Korotörö repe'önö jȩpä̧tö̧mä̧, hueähuä huȩnȩ jȩpä̧tö̧. 9Hueähuä huȩnȩ päa'a: “Ka̧ra̧ irecuarö suronä jȩcu̧'ä̧'. Ka̧ra̧rö̧ cuä'ö cuicuä'. Cu̧nä̧u̧cuä̧'. Yapareu jicuhuähuä' korotörö. Korotö ttöäre pä̧huä̧ rö̧jö̧ tocu'ätucuä'.” Ja̧'hua̧nö̧ ja̧'a̧nä̧ ja̧u̧ hueähuä huȩnȩ'i̧nä̧, koro hueähuä huȩnȩ'i̧nä̧ o'ca juiyönä ji̧nä̧ ji̧yȩtȩ yorätehua'a pi̧yȩ huȩnȩnä̧: “Cua̧hua̧ru̧hua̧rö̧ repe'i, ucutä cuamönä repecuhuäu ta'anö.” 10Eseunu repeähuä ku̧nä̧rö̧mä̧, suronä jȩpo̧cö̧ a̧hua̧ru̧hua̧rö̧. Ja̧'hua̧nö̧ repeähuä jȩpö̧mä̧, o'ca juiyönä hueähuä huȩnȩ jȩpö̧.
11Ja̧'hua̧nö̧ jȩpä̧tu̧cui̧. Amöcuädätucui porächäcuähuometä ja̧'a̧ ttu'udittömä, Jesucristo ujuturu ȩmö̧ ichäcuome tö'cö juoächa'a, tesetinö pä̧nä̧ttö̧'i̧nä̧ abonänö. 12Täcö yodo beipächi'a'a. Mo̧ro̧ tö'cöhuächi'a'a pärocuä. Ja̧'hua̧nö̧ ja̧'a̧ttö̧ jaroti'ö'a̧nö̧ ja̧'a̧ yo̧ö̧ jȩä̧cuä̧huä̧mä̧. Ja̧'hua̧ ja̧'a̧ tȩa̧u̧nä̧ tö̧jö̧'a̧nö̧ ja̧'a̧, surojö tto̧ȩpä̧ra̧ pä'ö. 13Adiu cuetächaja, mo̧ro̧ cuettächa'a jä̧'i̧nö̧'a̧nö̧. Tä̧'ä̧mö̧'i̧nä̧, ttö̧ja̧cu̧ ca̧ca̧cu̧ huopö'inä, ka̧ra̧ irecuarö usu'inä, korotörö suronä jȩpö̧'i̧nä̧, korotörö rohuäu'inä, korotö ttu̧ju̧nä̧rö̧ pä̧huä̧ rö̧jö̧ topö'inä jȩpö̧ tö̧jö̧ juiyö'a̧nö̧ ja̧'a̧. 14Pärocua'acu Cu̧ru̧hua̧ Jesucristorö adiu esetö ka̧cuä̧tu̧cui̧. Cuidepä pä̧huä̧ rö̧jö̧ jȩö̧tä̧mä̧ cuamöcuädätucuä'.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Nuevo Testamento en Piaroa © Sociedades Biblicas Unidas, 1986.