Filipenses 2
2
Cristo a'cuoyähuäcuähuä juiyönä ö̧ji̧nö̧ huȩnȩ
1¿Cristorö esetö adihuä juäinä juruhuätöjä tä̧ji̧? ¿Cristomä ucuturu repe'ö ppä'ädö tä̧ji̧? ¿Espíritu Santo cuami iso'quinä kö̧ tä̧ji̧? ¿Korotö tta̧'cua̧ tta̧ttȩcuo̧mȩnä̧, re rö̧jö̧nä̧ topätöjä tä̧ji̧? ¿Korotörö repe'ätöjä tä̧ji̧? 2Ja̧'hua̧nö̧ päi'öttömä, rö̧ȩnä̧ chesehuäcua'a̧nö̧ jȩpä̧tu̧cui̧. Ji̧nä̧ yo̧mȩtȩttö̧ ji̧nä̧ ji̧yȩtȩ amöcuädö repe'ö ka̧cuä̧tu̧cui̧. 3Yoröiso ucutu cuamönätucunä a'cuoyäu amöcuädö jȩcu̧'ä̧tu̧cuä̧'. Usurä i̧sa̧ jö̧'a̧nö̧ amöcuädö cu̧ja̧cuä̧tu̧cua̧ja̧. Korotörö, ttöttö'inä abonänö adihuä isotö pä'ö, amöcuädätucui. 4Ka̧ra̧'i̧nä̧ churutä adiumä amöcuädö juiyäcua'a̧nö̧. Korotörö'inä adiumä amöcuädätucui.
5Cristo Jesús amöcuädinö ta'anö, amöcuädätucui ucutu'inä. 6Chutä Dios ja̧'a̧nä̧, yoröiso Dioscu yoräteunä ö̧ja̧ pä'ö amöcuädocö pi̧nö̧do. 7Ja̧u̧ juäi, Dioscu yoräteunä ö̧jö̧'a̧nö̧ jaropi'ö, pi̧jä̧ttö̧ korotöcu aditö'a̧nö̧ hua̧ ki̧nö̧do. Ja̧u̧mä̧ ttö̧ja̧ i̧sa̧ ta'anö uhuäpächinödo. 8Ja̧u̧mä̧ ttö̧ja̧ i̧sa̧ ja̧'a̧nä̧, ji̧nä̧ isocu usurä i̧sa̧ ta'anö ki̧nö̧do. Ja̧u̧ o'ca juiyönä hueähuä'inä, uhuapare'inä jȩpi̧nö̧do. Ja̧u̧mä̧ dau isodänä kä̧nö̧ 'corupä'i'inödo. 9Ja̧'hua̧nö̧ ja̧'a̧ttö̧ Dios ja̧u̧ru̧ eseu hueinäcudo, pi̧jä̧ ttö̧ja̧ttö̧'i̧nä̧, ángelesttö'inä abonänö adiutä ö̧ja̧ pä'ö. Ja̧'hua̧ta̧nö̧ i̧mi̧mä̧, korotö tti̧mi̧ttö̧'i̧nä̧ abonänö adihuä i̧mi̧mä̧, iyinäcudo. 10Ja̧'hua̧nö̧ ja̧'a̧nä̧ ja̧u̧ i̧mi̧, Jesús i̧mi̧ ä̧ju̧cu̧, o'ca toi'önä mo̧ro̧jä̧nä̧ ka̧cuä̧tö̧'i̧nä̧, pi̧jä̧nä̧ ka̧cuä̧tö̧'i̧nä̧, pi̧jä̧ dȩa̧'a̧nä̧ ka̧cuä̧tö̧'i̧nä̧ ttihue'quiyunä ttö̧jä̧mä̧dä̧cuo̧tö̧. 11Ja̧'hua̧ta̧nö̧ o'ca toi'önä ttättö'inä jittähuäcuotö Jesucristomä Tu̧ru̧hua̧ ja̧'a̧ pä'ö. Iso päi'önä Tä'o Diosrö ttucuotäcua'a̧nö̧.
Diosrö esetätömä tȩa̧u̧nä̧ ttö̧jö̧ huȩnȩ
12Chö̧jä̧hua̧tö̧, ttömä ucutucu chö̧jo̧mȩnä̧, o'ca juiyönä huedinömä jȩpi̧nä̧tö̧jä̧. Ja̧'hua̧nö̧ ja̧'a̧ttö̧ jitä'inä ucututtu kara'a chö̧jo̧mȩnä̧, adiu jȩpä̧tu̧cui̧ huedinömä. Diosrö cuesetinätucuäcuru ye'ecu ttö̧'ä̧u̧nu̧ jȩpä̧tu̧cui̧. 13Chutä Diostä ucuturu iyö adiu amöcuädäcuähuä. Ja̧'hua̧ta̧nö̧ ja̧u̧tä̧ ucuturu ppä'ädö churutä pä̧huä̧ rö̧jo̧mȩnä̧, adiu amöcuädäcuähuä jȩcu̧'ä̧tu̧cua̧ pä'ö.
14O'ca juiyönä o'ca'a jarode'ö ucuocuäcuähuä juiyönä jȩpä̧tu̧cui̧. 15-16Iso päi'önä, ja̧'hua̧nö̧ jȩcu̧'ä̧tu̧cuo̧mȩnä̧, korotömä topö suräjuä huȩnȩ ucuocuocotö ucuturu. Ja̧'hua̧nö̧ ja̧'a̧ pi̧jä̧ttö̧ suronä jarode'ö ka̧cuä̧tö̧ ttö̧'quȩtȩnä̧ adihuä isotö Dios i̧tti̧mö̧ pä'ö adiu cu̧ja̧cuä̧cuo̧tö̧jä̧. Ja̧'hua̧ta̧nö̧ si̧ri̧'cö̧ mo̧ro̧jä̧ra̧'a̧ttö̧ tȩa̧u̧nä̧ ttö̧rö̧'a̧nö̧, tȩa̧u̧nä̧ cuecuhuächätucuaja ucutu'inä adihuä kä̧cuä̧huä̧ i'co huȩnȩ ji'äu kä̧nö̧. Ja̧'hua̧nö̧ jȩcu̧'ä̧tu̧cu̧ttu̧mä̧, iso päi'önä Tu̧ru̧hua̧ Cristo ichomenä, chȩsȩhuä̧cua̧sä̧ ucuturu topö. Ja̧u̧nu̧ mo̧ro̧ chaditähuä toe'oca'a jö̧ttö̧mä̧, chu̧huo̧juä̧cua̧sä̧ iso päi'önä adiu aditinösä pä'ö. 17Ucutu Diosrö cuesetätucuomenä, sacrificio jȩtti̧nö̧'a̧nö̧ ttö chucuoja erönä cuä'ö tticuttu'inä, adihuajacusä. Ja̧'hua̧nö̧ ja̧'a̧nä̧ ucutucu'inä o'ca toi'önä chȩsȩhuä̧cua̧sä̧. 18Ja̧'hua̧ta̧nö̧ ucutu'inä ttö cheseu ta'anö esehuätucui.
Timoteocu, Epafroditocu huea pä'inödo Filipo ötahuiyära̧'a̧
19Tu̧ru̧hua̧ Jesúsru pä̧huä̧ rö̧jö̧ttö̧mä̧, yodojinänö Timoteorö hueda pä'ösä, ucuturu topö icha pä'ö. Ja̧'hua̧nö̧ ucutu cu̧ja̧cuä̧tu̧cu̧ huȩnȩ ä̧ju̧cu̧ chȩsȩhuä̧cua̧sä̧. 20Ka̧ra̧mä̧ toa'a ttöcu cue'ächömä ttö ta'anö repe'ö amöcuädö ucuturu. 21Korotömä o'ca toi'önä jitöätä pä̧huä̧ rö̧jö̧ä̧tä̧ jȩpä̧tö̧, Cristo Jesús aditähuä ttamöcuädoca'anä. 22Ja̧'hua̧nö̧ ja̧'a̧nä̧ ucutumä täcö huo̧juä̧tö̧jä̧ Timoteo adiu jȩi̧nö̧mä̧. Ya̧tȩ jä'orö ppädö'a̧nö̧ ppä'ädinö ttörö, Dios i̧huȩnȩ ji'äu kä̧nö̧. 23Ja̧'hua̧ ji̧yä̧cu̧ ttörö 'cuäopä̧cuȩ chu̧huo̧juä̧cuä̧huo̧mȩnä̧, huȩdä̧cua̧sä̧ ja̧u̧ru̧ ucuturu topö icha pä'ö. 24Juhuorö'inä Chu̧ru̧hua̧rö̧ esetösä ttö'inä yodojinänö chi̧chä̧cua̧sä̧ pä'ö ucuturu topö.
25Ja̧'hua̧nö̧ ja̧'a̧nä̧ ucuturu topö hueda pä'ösä tö̧jä̧hua̧ Epafroditorö. Ja̧u̧mä̧, ucutu ttörö ppäda pä'ö huecuhuinätucu o'ca'a, iso päi'önä aditö rohuähuinö ttöcu chu̧mö̧huä̧ya̧ päi'önä. 26Ja̧u̧mä̧ iso päi'önä toa pä'ö ucuturu o'ca toi'önärö. Ucutumä ja̧u̧ na̧huä̧cha̧'a̧ cuä̧ju̧cuä̧tu̧cuo̧mȩnä̧, a̧'cua̧ tta̧'ȩcui̧nö̧. Rö̧ȩnä̧ amöcuädö ucuturu. 27Iso päi'önä 'corupäi'ö'a̧nö̧ na̧'ä̧chi̧nö̧. Ja̧'hua̧nö̧ ja̧'a̧nä̧ Diostä a̧'cua̧ tta̧nö̧ topö ppädinäcu. Ja̧u̧ru̧tä̧ katätä ppä'ädocö pi̧nö̧. Ttörö'inä ppä'ädinö, juhua'a yabo rö̧ȩnä̧ cha̧'cua̧ tta̧'ȩcu̧ 'cuädopa'acu. 28Ja̧'hua̧nö̧ ja̧'a̧ttö̧ iso päi'önä ja̧u̧ru̧ hueda pä'ösä ucuturu, pä'äji ta'anö tocu'ätucuomenä cuesehuätucuarö pä'ö, ja̧'hua̧ta̧nö̧ cha̧'cua̧ tta̧dȩcu̧ juiyönä chö̧ja̧ pä'ö. 29Iso päi'önä Tu̧ru̧hua̧nä̧ tö̧jä̧hua̧rö̧ esehuätucui i̧rȩbȩhuo̧mȩnä̧. Chutä ö̧jö̧ ta'anö ka̧cuä̧tö̧rö̧ 'cuäopönä eseunu amöcuädätucui. 30Ja̧u̧mä̧ Cristo hueinö jȩpö̧, 'corupäi'ö'a̧nö̧ päi'inäcudo. Ucutu oto kä̧nö̧ ppäcuhuädätucuoca'attömä, ra̧huȩpi̧jö̧nä̧ ki̧nö̧ ttörö ppädomenä.
Currently Selected:
Filipenses 2: PIDNT86
Highlight
Copy
Compare
Share
Want to have your highlights saved across all your devices? Sign up or sign in
Nuevo Testamento en Piaroa © Sociedades Biblicas Unidas, 1986.
Filipenses 2
2
Cristo a'cuoyähuäcuähuä juiyönä ö̧ji̧nö̧ huȩnȩ
1¿Cristorö esetö adihuä juäinä juruhuätöjä tä̧ji̧? ¿Cristomä ucuturu repe'ö ppä'ädö tä̧ji̧? ¿Espíritu Santo cuami iso'quinä kö̧ tä̧ji̧? ¿Korotö tta̧'cua̧ tta̧ttȩcuo̧mȩnä̧, re rö̧jö̧nä̧ topätöjä tä̧ji̧? ¿Korotörö repe'ätöjä tä̧ji̧? 2Ja̧'hua̧nö̧ päi'öttömä, rö̧ȩnä̧ chesehuäcua'a̧nö̧ jȩpä̧tu̧cui̧. Ji̧nä̧ yo̧mȩtȩttö̧ ji̧nä̧ ji̧yȩtȩ amöcuädö repe'ö ka̧cuä̧tu̧cui̧. 3Yoröiso ucutu cuamönätucunä a'cuoyäu amöcuädö jȩcu̧'ä̧tu̧cuä̧'. Usurä i̧sa̧ jö̧'a̧nö̧ amöcuädö cu̧ja̧cuä̧tu̧cua̧ja̧. Korotörö, ttöttö'inä abonänö adihuä isotö pä'ö, amöcuädätucui. 4Ka̧ra̧'i̧nä̧ churutä adiumä amöcuädö juiyäcua'a̧nö̧. Korotörö'inä adiumä amöcuädätucui.
5Cristo Jesús amöcuädinö ta'anö, amöcuädätucui ucutu'inä. 6Chutä Dios ja̧'a̧nä̧, yoröiso Dioscu yoräteunä ö̧ja̧ pä'ö amöcuädocö pi̧nö̧do. 7Ja̧u̧ juäi, Dioscu yoräteunä ö̧jö̧'a̧nö̧ jaropi'ö, pi̧jä̧ttö̧ korotöcu aditö'a̧nö̧ hua̧ ki̧nö̧do. Ja̧u̧mä̧ ttö̧ja̧ i̧sa̧ ta'anö uhuäpächinödo. 8Ja̧u̧mä̧ ttö̧ja̧ i̧sa̧ ja̧'a̧nä̧, ji̧nä̧ isocu usurä i̧sa̧ ta'anö ki̧nö̧do. Ja̧u̧ o'ca juiyönä hueähuä'inä, uhuapare'inä jȩpi̧nö̧do. Ja̧u̧mä̧ dau isodänä kä̧nö̧ 'corupä'i'inödo. 9Ja̧'hua̧nö̧ ja̧'a̧ttö̧ Dios ja̧u̧ru̧ eseu hueinäcudo, pi̧jä̧ ttö̧ja̧ttö̧'i̧nä̧, ángelesttö'inä abonänö adiutä ö̧ja̧ pä'ö. Ja̧'hua̧ta̧nö̧ i̧mi̧mä̧, korotö tti̧mi̧ttö̧'i̧nä̧ abonänö adihuä i̧mi̧mä̧, iyinäcudo. 10Ja̧'hua̧nö̧ ja̧'a̧nä̧ ja̧u̧ i̧mi̧, Jesús i̧mi̧ ä̧ju̧cu̧, o'ca toi'önä mo̧ro̧jä̧nä̧ ka̧cuä̧tö̧'i̧nä̧, pi̧jä̧nä̧ ka̧cuä̧tö̧'i̧nä̧, pi̧jä̧ dȩa̧'a̧nä̧ ka̧cuä̧tö̧'i̧nä̧ ttihue'quiyunä ttö̧jä̧mä̧dä̧cuo̧tö̧. 11Ja̧'hua̧ta̧nö̧ o'ca toi'önä ttättö'inä jittähuäcuotö Jesucristomä Tu̧ru̧hua̧ ja̧'a̧ pä'ö. Iso päi'önä Tä'o Diosrö ttucuotäcua'a̧nö̧.
Diosrö esetätömä tȩa̧u̧nä̧ ttö̧jö̧ huȩnȩ
12Chö̧jä̧hua̧tö̧, ttömä ucutucu chö̧jo̧mȩnä̧, o'ca juiyönä huedinömä jȩpi̧nä̧tö̧jä̧. Ja̧'hua̧nö̧ ja̧'a̧ttö̧ jitä'inä ucututtu kara'a chö̧jo̧mȩnä̧, adiu jȩpä̧tu̧cui̧ huedinömä. Diosrö cuesetinätucuäcuru ye'ecu ttö̧'ä̧u̧nu̧ jȩpä̧tu̧cui̧. 13Chutä Diostä ucuturu iyö adiu amöcuädäcuähuä. Ja̧'hua̧ta̧nö̧ ja̧u̧tä̧ ucuturu ppä'ädö churutä pä̧huä̧ rö̧jo̧mȩnä̧, adiu amöcuädäcuähuä jȩcu̧'ä̧tu̧cua̧ pä'ö.
14O'ca juiyönä o'ca'a jarode'ö ucuocuäcuähuä juiyönä jȩpä̧tu̧cui̧. 15-16Iso päi'önä, ja̧'hua̧nö̧ jȩcu̧'ä̧tu̧cuo̧mȩnä̧, korotömä topö suräjuä huȩnȩ ucuocuocotö ucuturu. Ja̧'hua̧nö̧ ja̧'a̧ pi̧jä̧ttö̧ suronä jarode'ö ka̧cuä̧tö̧ ttö̧'quȩtȩnä̧ adihuä isotö Dios i̧tti̧mö̧ pä'ö adiu cu̧ja̧cuä̧cuo̧tö̧jä̧. Ja̧'hua̧ta̧nö̧ si̧ri̧'cö̧ mo̧ro̧jä̧ra̧'a̧ttö̧ tȩa̧u̧nä̧ ttö̧rö̧'a̧nö̧, tȩa̧u̧nä̧ cuecuhuächätucuaja ucutu'inä adihuä kä̧cuä̧huä̧ i'co huȩnȩ ji'äu kä̧nö̧. Ja̧'hua̧nö̧ jȩcu̧'ä̧tu̧cu̧ttu̧mä̧, iso päi'önä Tu̧ru̧hua̧ Cristo ichomenä, chȩsȩhuä̧cua̧sä̧ ucuturu topö. Ja̧u̧nu̧ mo̧ro̧ chaditähuä toe'oca'a jö̧ttö̧mä̧, chu̧huo̧juä̧cua̧sä̧ iso päi'önä adiu aditinösä pä'ö. 17Ucutu Diosrö cuesetätucuomenä, sacrificio jȩtti̧nö̧'a̧nö̧ ttö chucuoja erönä cuä'ö tticuttu'inä, adihuajacusä. Ja̧'hua̧nö̧ ja̧'a̧nä̧ ucutucu'inä o'ca toi'önä chȩsȩhuä̧cua̧sä̧. 18Ja̧'hua̧ta̧nö̧ ucutu'inä ttö cheseu ta'anö esehuätucui.
Timoteocu, Epafroditocu huea pä'inödo Filipo ötahuiyära̧'a̧
19Tu̧ru̧hua̧ Jesúsru pä̧huä̧ rö̧jö̧ttö̧mä̧, yodojinänö Timoteorö hueda pä'ösä, ucuturu topö icha pä'ö. Ja̧'hua̧nö̧ ucutu cu̧ja̧cuä̧tu̧cu̧ huȩnȩ ä̧ju̧cu̧ chȩsȩhuä̧cua̧sä̧. 20Ka̧ra̧mä̧ toa'a ttöcu cue'ächömä ttö ta'anö repe'ö amöcuädö ucuturu. 21Korotömä o'ca toi'önä jitöätä pä̧huä̧ rö̧jö̧ä̧tä̧ jȩpä̧tö̧, Cristo Jesús aditähuä ttamöcuädoca'anä. 22Ja̧'hua̧nö̧ ja̧'a̧nä̧ ucutumä täcö huo̧juä̧tö̧jä̧ Timoteo adiu jȩi̧nö̧mä̧. Ya̧tȩ jä'orö ppädö'a̧nö̧ ppä'ädinö ttörö, Dios i̧huȩnȩ ji'äu kä̧nö̧. 23Ja̧'hua̧ ji̧yä̧cu̧ ttörö 'cuäopä̧cuȩ chu̧huo̧juä̧cuä̧huo̧mȩnä̧, huȩdä̧cua̧sä̧ ja̧u̧ru̧ ucuturu topö icha pä'ö. 24Juhuorö'inä Chu̧ru̧hua̧rö̧ esetösä ttö'inä yodojinänö chi̧chä̧cua̧sä̧ pä'ö ucuturu topö.
25Ja̧'hua̧nö̧ ja̧'a̧nä̧ ucuturu topö hueda pä'ösä tö̧jä̧hua̧ Epafroditorö. Ja̧u̧mä̧, ucutu ttörö ppäda pä'ö huecuhuinätucu o'ca'a, iso päi'önä aditö rohuähuinö ttöcu chu̧mö̧huä̧ya̧ päi'önä. 26Ja̧u̧mä̧ iso päi'önä toa pä'ö ucuturu o'ca toi'önärö. Ucutumä ja̧u̧ na̧huä̧cha̧'a̧ cuä̧ju̧cuä̧tu̧cuo̧mȩnä̧, a̧'cua̧ tta̧'ȩcui̧nö̧. Rö̧ȩnä̧ amöcuädö ucuturu. 27Iso päi'önä 'corupäi'ö'a̧nö̧ na̧'ä̧chi̧nö̧. Ja̧'hua̧nö̧ ja̧'a̧nä̧ Diostä a̧'cua̧ tta̧nö̧ topö ppädinäcu. Ja̧u̧ru̧tä̧ katätä ppä'ädocö pi̧nö̧. Ttörö'inä ppä'ädinö, juhua'a yabo rö̧ȩnä̧ cha̧'cua̧ tta̧'ȩcu̧ 'cuädopa'acu. 28Ja̧'hua̧nö̧ ja̧'a̧ttö̧ iso päi'önä ja̧u̧ru̧ hueda pä'ösä ucuturu, pä'äji ta'anö tocu'ätucuomenä cuesehuätucuarö pä'ö, ja̧'hua̧ta̧nö̧ cha̧'cua̧ tta̧dȩcu̧ juiyönä chö̧ja̧ pä'ö. 29Iso päi'önä Tu̧ru̧hua̧nä̧ tö̧jä̧hua̧rö̧ esehuätucui i̧rȩbȩhuo̧mȩnä̧. Chutä ö̧jö̧ ta'anö ka̧cuä̧tö̧rö̧ 'cuäopönä eseunu amöcuädätucui. 30Ja̧u̧mä̧ Cristo hueinö jȩpö̧, 'corupäi'ö'a̧nö̧ päi'inäcudo. Ucutu oto kä̧nö̧ ppäcuhuädätucuoca'attömä, ra̧huȩpi̧jö̧nä̧ ki̧nö̧ ttörö ppädomenä.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Nuevo Testamento en Piaroa © Sociedades Biblicas Unidas, 1986.