Hechos 12
12
Jesucristorö esetätörö pä'äji ta'anö suronä jȩtti̧nö̧ huȩnȩ
1Ja̧u̧nu̧ pä̧nä̧ ru̧hua̧ Herodes suronä jȩpi̧nö̧ Jesucristorö esetätörö. 2Juan uböo Jacoborö curodänä cuä'ö tticua pä'ö hue'inödo. 3Ja̧'hua̧nö̧ jȩo̧mȩnä̧ judíos ttö̧ja̧ ttesehua'a topö, ru̧hua̧ Herodes juhua'a yabo suronä jȩpi̧nö̧do. Pedrorö'inä 'chuttäda pä'ö hue'inödo. Ja̧'hua̧nö̧ jȩpi̧nö̧do pascua fiesta jȩtti̧nö̧ mo̧ro̧, pan ppö̧ä̧mö̧ juiyönä ttucuinö mo̧ro̧ päi'omenä. 4Herodes Pedrorö 'chu'ädäji'ca̧ cärenä rötinödo. Juhuodenä pa̧ja̧cuä̧nö̧ su̧ro̧da̧u̧ pärocuotönö Pedrorö tta̧'ä̧ri̧nä̧tö̧do. Herodes ttö̧ja̧ ttä'ca jo̧mȩ Pedrorö i'cächa pä'ö amöcuädinödo pascua fiesta jȩtti̧nö̧ mo̧ro̧ o'ca'a. 5Ja̧'hua̧ ja̧'a̧ Pedrorö cärenä päcuähuodenä tta̧ttä̧ra̧'a̧nä̧, iglesia ruhuämä Diosrö 'cuäopönä juruhuächi'ö ucuocuinätödo.
Dios Pedrorö cärenä päcuähuodettö rä'epö icuinö huȩnȩ
6Ja̧u̧tä̧ yodo, mo̧ro̧ juomenä, Herodes cärenä päcuähuodettö Pedrorö rä'epö icua päji ä'canä yodo, Pedro su̧ro̧da̧u̧ ta̧ju̧ ttö̧'quȩtȩnä̧ cuoräusa tosarenä nö'cähua'a ä'inödo. Korotö su̧ro̧da̧u̧ cärenä päcuähuode äpate ä'ca tta̧'ä̧ri̧nä̧tö̧do. 7Ja̧'hua̧ ja̧'a̧ ya̧tȩ ángel, Tu̧ru̧hua̧ huȩ'ä̧hua̧, i̧jȩcui̧nö̧do. Pedro ö̧'o̧mȩ tȩa̧u̧nä̧ kä̧dȩ'i̧na̧'a̧do. Angel Pedro i'esubänä mȩ'ö̧, ja̧u̧ru̧ ttö̧'i̧nö̧do. Pä'inödo:
—Jurunä porächi'i.
Ja̧'hua̧ ja̧'a̧ cuoräusa Pedro u̧mö̧ttö̧ ejächi'ina'ado. 8Angel Pedrorö pä'inödo:
—Cu̧'ca̧tä̧huä̧ta̧ 'ca̧tä̧huo̧'i̧. Cu̧jä̧pö̧ isäya'inä ku̧nä̧huo̧'i̧.
Pedro ja̧'hua̧nö̧ jȩo̧mȩnä̧, ángel pä'inödo:
—Cu̧'ca̧tä̧huä̧ta̧ huäme i̧sä̧ta̧'i̧nä̧ juä'ocui'ö, ttöcu ichi.
9Ja̧'hua̧nö̧ ja̧'a̧ Pedro ángel o'ca'anä rä'opächinödo cärenä päcuähuodettö. Angel ppädömä jerupinö. “Cärenä chö̧'a̧'a̧ttö̧mä̧ rä'opocösäcö̧. Chu̧'cuo̧ti̧nä̧cö̧ pomä”, amöcuädinödo Pedro. 10Su̧ro̧da̧u̧ äcuomenä pȩjä̧tö̧rö̧'i̧nä̧ 'cuä'opinätödo. Ju̧huȩnȩ pabocunä pȩjä̧tö̧rö̧'i̧nä̧ 'cuä'opinätödo. Cuoräu äpate rö̧ate, ötahuiyära̧'a̧ 'chä̧nö̧ räocuate ä'ca isodä, bahuecuächina'ado. Rä'opächö 'chi̧nä̧tö̧do mä̧nä̧nä̧. A̧'u̧cuo̧mȩtä̧ tti̧'chi̧'o̧mȩnä̧, ángel 'quȩ'i̧pä̧chi̧nö̧do. 11Angel 'quȩi̧pä̧chä̧ji̧ o'ca'a, Pedro ttu̧ȩpä̧rö̧nä̧ päi'äcu amöcuädinödo: “Iso päi'önä Dios ángelrö hue'äji, ru̧hua̧ Herodes cärenä chö̧'a̧ pä'ö ötäja'attö rädopächa pä'ö, judíos ttö̧ja̧'i̧nä̧ ttörö suronä jȩttö̧ juiya pä'ö.”
12Pedro ttu̧ȩpä̧rö̧nä̧ amöcuädi'omenä, 'chä̧hui̧'i̧nö̧do María kojusodera̧'a̧. Maríamä Juan, koro i̧mi̧mä̧ Marcos, ja̧ju̧ pi̧nä̧ju̧do. Juhuodenä recuätö ca̧ca̧cui̧pö̧, Diosrö ucuocuinätödo. 13Pedro u̧mi̧nä̧ i̧so̧ca̧ äpate cuäcuäomenä, möäyaju Rode pä'ö micuaju ichi'inäjudo di ja̧ pä'ö topö äpate cuäcuäpömä. 14Pedro i̧huȩnȩ kä̧ju̧cuo̧mȩnä̧ huo̧jui̧'ö̧, esehuächi'ö äpate bajepoca'a jopächö ppa̧'ä̧chä̧chi̧nä̧ju̧do. O'ca toi'önärö ji'ähuinäjudo, Pedromä äpate ä'ca kö̧ pä'ö. 15Jahuätö yajuru pä'inätödo:
—Amönä pä'äjujä. Ttu̧cuȩpä̧rö̧ juiyönä pä'äjujä.
Ja̧'hua̧nö̧ ja̧'a̧ pä̧i̧cu̧nä̧ pä'inäjudo:
—Iso päi'önä Pedro pä̧ji̧. Ä̧ju̧cuä̧jä̧ju̧sä̧.
Ja̧'hua̧nö̧ päja'a ttä̧ju̧cuo̧mȩnä̧, pä'inätödo:
—Pedromä̧cö̧. Angel, Pedrorö tta̧huä̧rä̧cuä̧huä̧ i̧sa̧ a̧'cua̧ra̧'a̧.
16Ja̧'hua̧nö̧ ja̧'a̧nä̧ Pedro 'ta'tapö ki̧nö̧do. Äpate battepomenä, Pedrorö topö ye'inätödo. 17Pedro u̧mö̧ cä'epinödo ttö'coruchi'a pä'ö. Jahuätörö ji'ähuinödo:
—Tu̧ru̧hua̧ ttörö cärenä chö̧'a̧'a̧ttö̧ rä'epö icuäjäcusä. Pi̧yȩ huȩnȩ ji'ähuätucui Jacoborö, korotö tö̧jä̧hua̧tö̧rö̧'i̧nä̧.
Ja̧'hua̧nö̧ pä'ipö, kara'acu rä'opächö 'chi̧nö̧do.
18Mo̧ro̧ juomenä, su̧ro̧da̧u̧ ttieruhua'attö “¿Pedrorömä tta̧'a̧nö̧ päi'äjättö?” pä'ö ye'ö ucuocuinätödo. 19Herodes Pedrorö ttusa pä'ö hueäjä̧u̧ ttusomenä, po̧cui̧po̧co̧tö̧ pi̧nä̧tö̧do. Ja̧'hua̧ ja̧'a̧ Herodes su̧ro̧da̧u̧ Pedrorö tta̧'ä̧rä̧jä̧tö̧rö̧ jä'epö ä̧ju̧cuä̧ji̧'ca̧, hue'inödo jahuätörö cuä'ö tticua pä'ö. Herodes ja̧'hua̧nö̧ jȩpä̧ji̧'ca̧, Judea rȩjȩttö̧ rä'opächö Cesarea ötahuiyära̧'a̧ i̧hui̧nö̧do juhua'atä ö̧ja̧ pä'ö.
Ru̧hua̧ Herodes 'corupäi'inö huȩnȩ
20Herodes ra̧huä̧rä̧'chö̧ ki̧nö̧do Tiro ötahuiyä ttö̧ja̧rö̧'i̧nä̧, Sidón ötahuiyä ttö̧ja̧rö̧'i̧nä̧. Jahuätö ji̧nä̧ yo̧mȩtȩ Herodes ä'ca jo̧mȩ 'chi̧nä̧tö̧do. Ä'canä Blastorö adiu ucuocuinätödo jahuätörö ppäda pä'ö. Blastomä Herodes ippeyä ru̧hua̧ pi̧nö̧do. Ja̧'hua̧ ja̧'a̧ Blastomä Herodesrö jä'epinödo jahuätöcu suronä jȩo̧ca̧'a̧ ö̧ja̧ pä'ö. Tiro ötahuiyä ttö̧ja̧, Sidón ötahuiyä ttö̧ja̧'i̧nä̧ ttu̧cuȩ ȩmi̧nä̧tö̧do Herodes i̧rȩjä̧ttö̧. 21Herodes koro mo̧ro̧ huopinödo ucuocuatö pä'ö. Ja̧u̧nu̧ mo̧ro̧ päi'omenä, ru̧hua̧ Herodes ö̧'ca̧tä̧huä̧ta̧ adihuä juäi i̧sä̧ta̧ 'ca̧tä̧hui̧nö̧do. Ru̧hua̧ i̧dȩä̧cä̧ o'ca toi'önärö hue'ö pä̧mä̧dä̧cuä̧huä̧cä̧nä̧ pä̧mä̧di̧nö̧do jahuätörö ucuocua pä'ö. 22Ucuocuäji o'ca'a ttö̧ja̧ huo̧pä̧ri̧nä̧tö̧do:
—Ucuocuäjimä ttö̧ja̧ i̧sa̧cö̧. Tä̧do̧ ä̧cua̧tö̧ttö̧ isotö i̧sa̧.
23Yotäcu ángel, Tu̧ru̧hua̧ huȩ'ä̧hua̧, Herodes na̧huä̧cha̧ pä'ö jȩpi̧nö̧do ttö̧ja̧mä̧ Diosrö ucuotönö ttucuocua pä'ö hueoca'attö Herodesmä. Ja̧u̧nu̧ o'ca'a hui̧'ö̧ ttucui'äcu 'corupä'i'inödo.
24Ja̧'hua̧nö̧ ja̧'a̧nä̧ Dios i̧huȩnȩ yabocutä rö̧ä̧chö̧nä̧ ji'ähuinätödo. Ttö̧ja̧ recuätö ä̧ju̧cu̧ esetinätödo.
25Bernabécu, Saulocu ttaditähuä cättädomenä, Jerusalén ötahuiyära̧'a̧ttö̧ ppa̧'ä̧chi̧nä̧tö̧do. Jahuätö o'ipinätödo Juanrö, koro i̧mi̧mä̧ Marcos pä'ö mi̧cua̧rö̧.
Currently Selected:
Hechos 12: PIDNT86
Highlight
Share
Copy
Want to have your highlights saved across all your devices? Sign up or sign in
Nuevo Testamento en Piaroa © Sociedades Biblicas Unidas, 1986.
Hechos 12
12
Jesucristorö esetätörö pä'äji ta'anö suronä jȩtti̧nö̧ huȩnȩ
1Ja̧u̧nu̧ pä̧nä̧ ru̧hua̧ Herodes suronä jȩpi̧nö̧ Jesucristorö esetätörö. 2Juan uböo Jacoborö curodänä cuä'ö tticua pä'ö hue'inödo. 3Ja̧'hua̧nö̧ jȩo̧mȩnä̧ judíos ttö̧ja̧ ttesehua'a topö, ru̧hua̧ Herodes juhua'a yabo suronä jȩpi̧nö̧do. Pedrorö'inä 'chuttäda pä'ö hue'inödo. Ja̧'hua̧nö̧ jȩpi̧nö̧do pascua fiesta jȩtti̧nö̧ mo̧ro̧, pan ppö̧ä̧mö̧ juiyönä ttucuinö mo̧ro̧ päi'omenä. 4Herodes Pedrorö 'chu'ädäji'ca̧ cärenä rötinödo. Juhuodenä pa̧ja̧cuä̧nö̧ su̧ro̧da̧u̧ pärocuotönö Pedrorö tta̧'ä̧ri̧nä̧tö̧do. Herodes ttö̧ja̧ ttä'ca jo̧mȩ Pedrorö i'cächa pä'ö amöcuädinödo pascua fiesta jȩtti̧nö̧ mo̧ro̧ o'ca'a. 5Ja̧'hua̧ ja̧'a̧ Pedrorö cärenä päcuähuodenä tta̧ttä̧ra̧'a̧nä̧, iglesia ruhuämä Diosrö 'cuäopönä juruhuächi'ö ucuocuinätödo.
Dios Pedrorö cärenä päcuähuodettö rä'epö icuinö huȩnȩ
6Ja̧u̧tä̧ yodo, mo̧ro̧ juomenä, Herodes cärenä päcuähuodettö Pedrorö rä'epö icua päji ä'canä yodo, Pedro su̧ro̧da̧u̧ ta̧ju̧ ttö̧'quȩtȩnä̧ cuoräusa tosarenä nö'cähua'a ä'inödo. Korotö su̧ro̧da̧u̧ cärenä päcuähuode äpate ä'ca tta̧'ä̧ri̧nä̧tö̧do. 7Ja̧'hua̧ ja̧'a̧ ya̧tȩ ángel, Tu̧ru̧hua̧ huȩ'ä̧hua̧, i̧jȩcui̧nö̧do. Pedro ö̧'o̧mȩ tȩa̧u̧nä̧ kä̧dȩ'i̧na̧'a̧do. Angel Pedro i'esubänä mȩ'ö̧, ja̧u̧ru̧ ttö̧'i̧nö̧do. Pä'inödo:
—Jurunä porächi'i.
Ja̧'hua̧ ja̧'a̧ cuoräusa Pedro u̧mö̧ttö̧ ejächi'ina'ado. 8Angel Pedrorö pä'inödo:
—Cu̧'ca̧tä̧huä̧ta̧ 'ca̧tä̧huo̧'i̧. Cu̧jä̧pö̧ isäya'inä ku̧nä̧huo̧'i̧.
Pedro ja̧'hua̧nö̧ jȩo̧mȩnä̧, ángel pä'inödo:
—Cu̧'ca̧tä̧huä̧ta̧ huäme i̧sä̧ta̧'i̧nä̧ juä'ocui'ö, ttöcu ichi.
9Ja̧'hua̧nö̧ ja̧'a̧ Pedro ángel o'ca'anä rä'opächinödo cärenä päcuähuodettö. Angel ppädömä jerupinö. “Cärenä chö̧'a̧'a̧ttö̧mä̧ rä'opocösäcö̧. Chu̧'cuo̧ti̧nä̧cö̧ pomä”, amöcuädinödo Pedro. 10Su̧ro̧da̧u̧ äcuomenä pȩjä̧tö̧rö̧'i̧nä̧ 'cuä'opinätödo. Ju̧huȩnȩ pabocunä pȩjä̧tö̧rö̧'i̧nä̧ 'cuä'opinätödo. Cuoräu äpate rö̧ate, ötahuiyära̧'a̧ 'chä̧nö̧ räocuate ä'ca isodä, bahuecuächina'ado. Rä'opächö 'chi̧nä̧tö̧do mä̧nä̧nä̧. A̧'u̧cuo̧mȩtä̧ tti̧'chi̧'o̧mȩnä̧, ángel 'quȩ'i̧pä̧chi̧nö̧do. 11Angel 'quȩi̧pä̧chä̧ji̧ o'ca'a, Pedro ttu̧ȩpä̧rö̧nä̧ päi'äcu amöcuädinödo: “Iso päi'önä Dios ángelrö hue'äji, ru̧hua̧ Herodes cärenä chö̧'a̧ pä'ö ötäja'attö rädopächa pä'ö, judíos ttö̧ja̧'i̧nä̧ ttörö suronä jȩttö̧ juiya pä'ö.”
12Pedro ttu̧ȩpä̧rö̧nä̧ amöcuädi'omenä, 'chä̧hui̧'i̧nö̧do María kojusodera̧'a̧. Maríamä Juan, koro i̧mi̧mä̧ Marcos, ja̧ju̧ pi̧nä̧ju̧do. Juhuodenä recuätö ca̧ca̧cui̧pö̧, Diosrö ucuocuinätödo. 13Pedro u̧mi̧nä̧ i̧so̧ca̧ äpate cuäcuäomenä, möäyaju Rode pä'ö micuaju ichi'inäjudo di ja̧ pä'ö topö äpate cuäcuäpömä. 14Pedro i̧huȩnȩ kä̧ju̧cuo̧mȩnä̧ huo̧jui̧'ö̧, esehuächi'ö äpate bajepoca'a jopächö ppa̧'ä̧chä̧chi̧nä̧ju̧do. O'ca toi'önärö ji'ähuinäjudo, Pedromä äpate ä'ca kö̧ pä'ö. 15Jahuätö yajuru pä'inätödo:
—Amönä pä'äjujä. Ttu̧cuȩpä̧rö̧ juiyönä pä'äjujä.
Ja̧'hua̧nö̧ ja̧'a̧ pä̧i̧cu̧nä̧ pä'inäjudo:
—Iso päi'önä Pedro pä̧ji̧. Ä̧ju̧cuä̧jä̧ju̧sä̧.
Ja̧'hua̧nö̧ päja'a ttä̧ju̧cuo̧mȩnä̧, pä'inätödo:
—Pedromä̧cö̧. Angel, Pedrorö tta̧huä̧rä̧cuä̧huä̧ i̧sa̧ a̧'cua̧ra̧'a̧.
16Ja̧'hua̧nö̧ ja̧'a̧nä̧ Pedro 'ta'tapö ki̧nö̧do. Äpate battepomenä, Pedrorö topö ye'inätödo. 17Pedro u̧mö̧ cä'epinödo ttö'coruchi'a pä'ö. Jahuätörö ji'ähuinödo:
—Tu̧ru̧hua̧ ttörö cärenä chö̧'a̧'a̧ttö̧ rä'epö icuäjäcusä. Pi̧yȩ huȩnȩ ji'ähuätucui Jacoborö, korotö tö̧jä̧hua̧tö̧rö̧'i̧nä̧.
Ja̧'hua̧nö̧ pä'ipö, kara'acu rä'opächö 'chi̧nö̧do.
18Mo̧ro̧ juomenä, su̧ro̧da̧u̧ ttieruhua'attö “¿Pedrorömä tta̧'a̧nö̧ päi'äjättö?” pä'ö ye'ö ucuocuinätödo. 19Herodes Pedrorö ttusa pä'ö hueäjä̧u̧ ttusomenä, po̧cui̧po̧co̧tö̧ pi̧nä̧tö̧do. Ja̧'hua̧ ja̧'a̧ Herodes su̧ro̧da̧u̧ Pedrorö tta̧'ä̧rä̧jä̧tö̧rö̧ jä'epö ä̧ju̧cuä̧ji̧'ca̧, hue'inödo jahuätörö cuä'ö tticua pä'ö. Herodes ja̧'hua̧nö̧ jȩpä̧ji̧'ca̧, Judea rȩjȩttö̧ rä'opächö Cesarea ötahuiyära̧'a̧ i̧hui̧nö̧do juhua'atä ö̧ja̧ pä'ö.
Ru̧hua̧ Herodes 'corupäi'inö huȩnȩ
20Herodes ra̧huä̧rä̧'chö̧ ki̧nö̧do Tiro ötahuiyä ttö̧ja̧rö̧'i̧nä̧, Sidón ötahuiyä ttö̧ja̧rö̧'i̧nä̧. Jahuätö ji̧nä̧ yo̧mȩtȩ Herodes ä'ca jo̧mȩ 'chi̧nä̧tö̧do. Ä'canä Blastorö adiu ucuocuinätödo jahuätörö ppäda pä'ö. Blastomä Herodes ippeyä ru̧hua̧ pi̧nö̧do. Ja̧'hua̧ ja̧'a̧ Blastomä Herodesrö jä'epinödo jahuätöcu suronä jȩo̧ca̧'a̧ ö̧ja̧ pä'ö. Tiro ötahuiyä ttö̧ja̧, Sidón ötahuiyä ttö̧ja̧'i̧nä̧ ttu̧cuȩ ȩmi̧nä̧tö̧do Herodes i̧rȩjä̧ttö̧. 21Herodes koro mo̧ro̧ huopinödo ucuocuatö pä'ö. Ja̧u̧nu̧ mo̧ro̧ päi'omenä, ru̧hua̧ Herodes ö̧'ca̧tä̧huä̧ta̧ adihuä juäi i̧sä̧ta̧ 'ca̧tä̧hui̧nö̧do. Ru̧hua̧ i̧dȩä̧cä̧ o'ca toi'önärö hue'ö pä̧mä̧dä̧cuä̧huä̧cä̧nä̧ pä̧mä̧di̧nö̧do jahuätörö ucuocua pä'ö. 22Ucuocuäji o'ca'a ttö̧ja̧ huo̧pä̧ri̧nä̧tö̧do:
—Ucuocuäjimä ttö̧ja̧ i̧sa̧cö̧. Tä̧do̧ ä̧cua̧tö̧ttö̧ isotö i̧sa̧.
23Yotäcu ángel, Tu̧ru̧hua̧ huȩ'ä̧hua̧, Herodes na̧huä̧cha̧ pä'ö jȩpi̧nö̧do ttö̧ja̧mä̧ Diosrö ucuotönö ttucuocua pä'ö hueoca'attö Herodesmä. Ja̧u̧nu̧ o'ca'a hui̧'ö̧ ttucui'äcu 'corupä'i'inödo.
24Ja̧'hua̧nö̧ ja̧'a̧nä̧ Dios i̧huȩnȩ yabocutä rö̧ä̧chö̧nä̧ ji'ähuinätödo. Ttö̧ja̧ recuätö ä̧ju̧cu̧ esetinätödo.
25Bernabécu, Saulocu ttaditähuä cättädomenä, Jerusalén ötahuiyära̧'a̧ttö̧ ppa̧'ä̧chi̧nä̧tö̧do. Jahuätö o'ipinätödo Juanrö, koro i̧mi̧mä̧ Marcos pä'ö mi̧cua̧rö̧.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Nuevo Testamento en Piaroa © Sociedades Biblicas Unidas, 1986.