1 Corintios 2
2
Pablo Cristo 'corupäi'inö huȩnȩ adiu ji'ähuinödo
1Iso päi'önä chö̧jä̧hua̧tö̧, Dios i̧huȩnȩ ji'äu chi̧'cho̧mȩnä̧, ucuturu rö̧ȩnä̧ huo̧ju̧nä̧ ttucuocu'a̧nö̧mä̧ ucuocuocö pi̧nö̧sä̧. 2Ucutucu kä̧nö̧ o'ca juiyönä unichi'ö, ji̧yȩä̧cuȩtä̧ Jesucristo i̧huȩnȩ, dau isodänä 'corupäi'inö huȩnȩtä̧ ucuocuinösä. 3Rö̧ȩnä̧ amöcuädö ye'ecu, ttö̧'ä̧u̧nu̧ juiyupächi'önö ki̧nö̧sä̧ cu̧'quȩtȩtu̧cu̧nä̧. 4Ja̧'hua̧nö̧ ja̧'a̧ttö̧ ucuturu jidähuomenä, rö̧ȩnä̧ huo̧ju̧nä̧ ttucuocu'a̧nö̧ ji'ähuocö pi̧nö̧sä̧. Iso päi'önä Espíritu Santonä Dios ujurunä ji'ähuinösä. 5Ja̧'hua̧nö̧ ji'ähuinösä, pi̧jä̧ ttö̧ja̧ ttu̧huo̧ju̧nä̧ cuesetätucu juiyäcua'a̧nö̧. Ji̧yȩä̧cuȩtä̧ Dios ujurunätä adiu cuesetätucua pä'inösä.
Dios ujuturu huo̧juȩtö̧ Espíritu Santonä
6Ja̧'hua̧ta̧nö̧ ujutumä huo̧ju̧nä̧ ucuocuätöjä korotöcu, Diosrö rö̧ȩnä̧ esetätöcu. Juhuorö'inä ujutumä pi̧jä̧ ttö̧ja̧ ttucuocu'inä, pi̧jä̧ ruhuotö ttucuocu'inä ucuocuocotöjä. Jahuätömä bettipächäcuotö. 7Ujutumä ji'ähuätöjä Dios u̧huo̧ju̧nä̧ pi̧jä̧ ttö̧ja̧ ttierunä. Ja̧'hua̧ta̧nö̧ pi̧jä̧ aditäcua'a ä'canä, Dios ja̧u̧ u̧huo̧ju̧mä̧ ku̧nä̧ri̧nö̧do ujuturu iya pä'ö, suronä jȩtö̧ jȩpö̧ icua pä'ö. 8Pi̧jä̧ ruhuotömä yoröiso jerupinätödo pi̧yȩ huȩnȩ. Iso päi'önä ttu̧huo̧jui̧nö̧ttö̧mä̧, adihuä Tu̧ru̧hua̧rö̧ cuä'ö icuocotö pi̧na̧ja̧tö̧. 9Ja̧'hua̧ta̧nö̧ päa'a Huȩyu̧cuä̧ Huȩnȩ:
Dios aditinömä, ja̧u̧ru̧ repe'ätörö iya pä'inö
yoröiso ttö'ärenä tottocö'inä, ttä̧ja̧nä̧ ttä̧ju̧cuo̧cö̧'i̧nä̧,
ttami iso'quinä ttamöcuädocö'inä.
10Iso päi'önä ja̧u̧ ttierumä Dios huo̧juȩti̧nö̧do ujuturu chutä Espíritu Santonä. Ja̧u̧ Espíritu Santo o'ca juiyönä Dios jähuä rö̧ȩnä̧ huo̧ju̧nä̧ ka̧cuä̧mö̧ huo̧jua̧.
11Ja̧'hua̧ta̧nö̧ pi̧jä̧ ttö̧ja̧ttö̧ ¿dijä̧ttö̧ ka̧ra̧ ami iso'quinä amöcuädö huo̧jua̧? Ya̧tȩä̧tä̧ chutä a̧'cua̧ru̧hua̧tä̧ ami iso'quinä huo̧jua̧. Ja̧'hua̧ta̧nö̧ ja̧'a̧nä̧ ya̧tȩtä̧ Espíritu Santotä o'ca juiyönä Dios jähuä huo̧jua̧. 12Ja̧'hua̧nö̧ ja̧'a̧ttö̧ ujutumä pi̧jä̧ jähuättö espírituru ȩmo̧co̧tö̧ pi̧nä̧tö̧jä̧. Ujutumä Diosttö ȩmi̧nä̧tö̧jä̧ Espíritu Santorö, o'ca juiyönä Dios adihuä juäi iyinömä adiu tu̧huo̧jua̧ pä'ö. 13Ujutumä tamönä tu̧huo̧ju̧nä̧ ji'ähuocotöjä ja̧u̧ huȩnȩ. Espíritu Santo u̧huo̧juȩtä̧ra̧'a̧nä̧ ji'ähuätöjä. Ja̧'hua̧nö̧ ja̧'a̧ttö̧ ja̧u̧ Espíritu Santorö ku̧nä̧rä̧tö̧rö̧, Espíritu Santo u̧huo̧juȩtä̧ra̧'a̧nä̧ ji'ähuätöjä.
14Ka̧ra̧mä̧ Espíritu Santorö ku̧nä̧ro̧cö̧mä̧, yoröiso pä̧huä̧ jui̧'a̧ ja̧u̧ huȩnȩ, Espíritu Santo i̧huȩnȩ. Ja̧u̧mä̧ ja̧u̧ huȩnȩ ttu̧'ȩpä̧ro̧co̧tö̧ ttucuocu'a̧nö̧ jö̧ huȩnȩ pä'ö amöcuädö. Ja̧'hua̧ta̧nö̧ ja̧u̧ huȩnȩ Espíritu Santo u̧huo̧juȩta̧'a̧ttö̧, yoröiso ä̧ju̧cu̧'i̧nä̧ ä̧ju̧cuo̧cö̧. 15Juhuorö'inä ka̧ra̧mä̧ Espíritu Santorö ku̧nä̧rö̧mä̧, ja̧u̧mä̧ o'ca juiyönä ka̧cuä̧mö̧ huo̧jua̧. Ja̧'hua̧ta̧nö̧ korotömä ja̧u̧ru̧ pä'ö suronä ucuocuocotö. 16Ja̧'hua̧nö̧ päa'a Huȩyu̧cuä̧ Huȩnȩ: “¿Dijä̧ttö̧ Tu̧ru̧hua̧ amöcuädö huo̧jua̧mä̧? ¿Dijä̧ttö̧ Diosrö u̧huo̧juȩtö̧'a̧nö̧ hua̧mä̧?” Ja̧'hua̧nö̧ ja̧'a̧nä̧ ujutumä Tu̧ru̧hua̧ Cristo amöcuädö ku̧nä̧rä̧tö̧jä̧.
Currently Selected:
1 Corintios 2: PIDNT86
Highlight
Share
Copy
Want to have your highlights saved across all your devices? Sign up or sign in
Nuevo Testamento en Piaroa © Sociedades Biblicas Unidas, 1986.
1 Corintios 2
2
Pablo Cristo 'corupäi'inö huȩnȩ adiu ji'ähuinödo
1Iso päi'önä chö̧jä̧hua̧tö̧, Dios i̧huȩnȩ ji'äu chi̧'cho̧mȩnä̧, ucuturu rö̧ȩnä̧ huo̧ju̧nä̧ ttucuocu'a̧nö̧mä̧ ucuocuocö pi̧nö̧sä̧. 2Ucutucu kä̧nö̧ o'ca juiyönä unichi'ö, ji̧yȩä̧cuȩtä̧ Jesucristo i̧huȩnȩ, dau isodänä 'corupäi'inö huȩnȩtä̧ ucuocuinösä. 3Rö̧ȩnä̧ amöcuädö ye'ecu, ttö̧'ä̧u̧nu̧ juiyupächi'önö ki̧nö̧sä̧ cu̧'quȩtȩtu̧cu̧nä̧. 4Ja̧'hua̧nö̧ ja̧'a̧ttö̧ ucuturu jidähuomenä, rö̧ȩnä̧ huo̧ju̧nä̧ ttucuocu'a̧nö̧ ji'ähuocö pi̧nö̧sä̧. Iso päi'önä Espíritu Santonä Dios ujurunä ji'ähuinösä. 5Ja̧'hua̧nö̧ ji'ähuinösä, pi̧jä̧ ttö̧ja̧ ttu̧huo̧ju̧nä̧ cuesetätucu juiyäcua'a̧nö̧. Ji̧yȩä̧cuȩtä̧ Dios ujurunätä adiu cuesetätucua pä'inösä.
Dios ujuturu huo̧juȩtö̧ Espíritu Santonä
6Ja̧'hua̧ta̧nö̧ ujutumä huo̧ju̧nä̧ ucuocuätöjä korotöcu, Diosrö rö̧ȩnä̧ esetätöcu. Juhuorö'inä ujutumä pi̧jä̧ ttö̧ja̧ ttucuocu'inä, pi̧jä̧ ruhuotö ttucuocu'inä ucuocuocotöjä. Jahuätömä bettipächäcuotö. 7Ujutumä ji'ähuätöjä Dios u̧huo̧ju̧nä̧ pi̧jä̧ ttö̧ja̧ ttierunä. Ja̧'hua̧ta̧nö̧ pi̧jä̧ aditäcua'a ä'canä, Dios ja̧u̧ u̧huo̧ju̧mä̧ ku̧nä̧ri̧nö̧do ujuturu iya pä'ö, suronä jȩtö̧ jȩpö̧ icua pä'ö. 8Pi̧jä̧ ruhuotömä yoröiso jerupinätödo pi̧yȩ huȩnȩ. Iso päi'önä ttu̧huo̧jui̧nö̧ttö̧mä̧, adihuä Tu̧ru̧hua̧rö̧ cuä'ö icuocotö pi̧na̧ja̧tö̧. 9Ja̧'hua̧ta̧nö̧ päa'a Huȩyu̧cuä̧ Huȩnȩ:
Dios aditinömä, ja̧u̧ru̧ repe'ätörö iya pä'inö
yoröiso ttö'ärenä tottocö'inä, ttä̧ja̧nä̧ ttä̧ju̧cuo̧cö̧'i̧nä̧,
ttami iso'quinä ttamöcuädocö'inä.
10Iso päi'önä ja̧u̧ ttierumä Dios huo̧juȩti̧nö̧do ujuturu chutä Espíritu Santonä. Ja̧u̧ Espíritu Santo o'ca juiyönä Dios jähuä rö̧ȩnä̧ huo̧ju̧nä̧ ka̧cuä̧mö̧ huo̧jua̧.
11Ja̧'hua̧ta̧nö̧ pi̧jä̧ ttö̧ja̧ttö̧ ¿dijä̧ttö̧ ka̧ra̧ ami iso'quinä amöcuädö huo̧jua̧? Ya̧tȩä̧tä̧ chutä a̧'cua̧ru̧hua̧tä̧ ami iso'quinä huo̧jua̧. Ja̧'hua̧ta̧nö̧ ja̧'a̧nä̧ ya̧tȩtä̧ Espíritu Santotä o'ca juiyönä Dios jähuä huo̧jua̧. 12Ja̧'hua̧nö̧ ja̧'a̧ttö̧ ujutumä pi̧jä̧ jähuättö espírituru ȩmo̧co̧tö̧ pi̧nä̧tö̧jä̧. Ujutumä Diosttö ȩmi̧nä̧tö̧jä̧ Espíritu Santorö, o'ca juiyönä Dios adihuä juäi iyinömä adiu tu̧huo̧jua̧ pä'ö. 13Ujutumä tamönä tu̧huo̧ju̧nä̧ ji'ähuocotöjä ja̧u̧ huȩnȩ. Espíritu Santo u̧huo̧juȩtä̧ra̧'a̧nä̧ ji'ähuätöjä. Ja̧'hua̧nö̧ ja̧'a̧ttö̧ ja̧u̧ Espíritu Santorö ku̧nä̧rä̧tö̧rö̧, Espíritu Santo u̧huo̧juȩtä̧ra̧'a̧nä̧ ji'ähuätöjä.
14Ka̧ra̧mä̧ Espíritu Santorö ku̧nä̧ro̧cö̧mä̧, yoröiso pä̧huä̧ jui̧'a̧ ja̧u̧ huȩnȩ, Espíritu Santo i̧huȩnȩ. Ja̧u̧mä̧ ja̧u̧ huȩnȩ ttu̧'ȩpä̧ro̧co̧tö̧ ttucuocu'a̧nö̧ jö̧ huȩnȩ pä'ö amöcuädö. Ja̧'hua̧ta̧nö̧ ja̧u̧ huȩnȩ Espíritu Santo u̧huo̧juȩta̧'a̧ttö̧, yoröiso ä̧ju̧cu̧'i̧nä̧ ä̧ju̧cuo̧cö̧. 15Juhuorö'inä ka̧ra̧mä̧ Espíritu Santorö ku̧nä̧rö̧mä̧, ja̧u̧mä̧ o'ca juiyönä ka̧cuä̧mö̧ huo̧jua̧. Ja̧'hua̧ta̧nö̧ korotömä ja̧u̧ru̧ pä'ö suronä ucuocuocotö. 16Ja̧'hua̧nö̧ päa'a Huȩyu̧cuä̧ Huȩnȩ: “¿Dijä̧ttö̧ Tu̧ru̧hua̧ amöcuädö huo̧jua̧mä̧? ¿Dijä̧ttö̧ Diosrö u̧huo̧juȩtö̧'a̧nö̧ hua̧mä̧?” Ja̧'hua̧nö̧ ja̧'a̧nä̧ ujutumä Tu̧ru̧hua̧ Cristo amöcuädö ku̧nä̧rä̧tö̧jä̧.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Nuevo Testamento en Piaroa © Sociedades Biblicas Unidas, 1986.