1 Corintios 16
16
Pärätä ca̧ca̧tä̧cuä̧huä̧ huȩnȩ
1Pärätä cu̧ca̧ca̧tä̧tu̧cuo̧mȩnä̧, Diosrö esetätörö cuiyätucua pä'ö, Galacia rȩjȩ ttö̧ja̧ iglesia ruhuärö jidähuinö ta'anö jȩpä̧tu̧cui̧. 2'Cuäopönä o'ca juiyönä semana äcuomenä mo̧ro̧ ja̧'a̧nä̧, cu̧ju̧nä̧rä̧tu̧cu̧ttu̧ iyätucui hua'adö ttu̧ju̧na̧ pä'ö. Ja̧'hua̧nö̧ ä'canä hua'adö cu̧ju̧nä̧tu̧cua̧'a̧ttö̧, ttö chichomenä cuahuaruhuärö jä'epocotöjä. 3Ja̧'hua̧nö̧ ja̧'a̧ttö̧ ttö chichomenä, Jerusalén ötahuiyära̧'a̧ cuhuäretucu ofrenda ttȩpa̧ pä'ö huecuhuätucuä̧u̧cu̧ cuyäru isojä huȩyu̧tu̧ huȩdä̧cua̧sä̧. 4Ja̧'hua̧ta̧nö̧ ttö chi̧'chö̧ttö̧mä̧, jahuätömä ttöcu ttichö'a̧nö̧ ja̧'a̧.
Pablo i̧'chä̧cuȩ huȩnȩ ji'ähuinödo
5Ttö cuedächomenä, Macedonia rȩjȩra̧'a̧ chi̧'chä̧cua̧sä̧. Juhuorö kä̧nö̧ ucutu cu̧ja̧cuä̧tu̧cuo̧mȩcu̧, Corinto ötahuiyära̧'a̧ chi̧'chä̧cua̧sä̧. 6Juhua'atä recuonänö chö̧jö̧'a̧nö̧ ja̧'a̧ ucutucu. Juhuorö'inä chö̧jö̧ttö̧mä, a̧'ȩ 'cuäoi'önä chö̧jä̧cua̧sä̧. Ja̧'hua̧nö̧ ja̧'a̧nä̧ ucutu ppäcuhuädätucu'a̧nö̧ ja̧'a̧ ttörö, kara'a chi̧'cho̧mȩnä̧. 7Ja̧'a̧tä̧ 'cuä'opö jurunämä tocha pä'ocösä ucuturu. Tu̧ru̧hua̧rö̧ pä̧huä̧ rö̧jö̧ttö̧mä̧, recuonänö chö̧ja̧ pä'ösä. 8Pȩnȩtä̧ Efeso ötahuiyänä, chö̧jä̧cua̧sä̧ Pentecostés mo̧ro̧ 'cuäopome jubö päi'önä. 9Pȩnȩmä̧ recuätö ka̧cuä̧tö̧mä̧ ttä̧ju̧cu̧'a̧nö̧ ja̧'a̧ Tu̧ru̧hua̧ i̧huȩnȩ. Ja̧'hua̧ta̧nö̧ recuätö ttä̧ju̧cua̧ pä'ocotö'inä ka̧cuä̧tö̧.
10Timoteo cu̧ja̧cuä̧tu̧cuo̧mȩ i̧rȩbȩu̧ttu̧mä̧, adiunänö ö̧ja̧ pä'ö ppä'ädätucuirö. Ja̧u̧'i̧nä̧ ttö ta'anö aditö Tu̧ru̧hua̧ i̧huȩnȩ. 11Ja̧'hua̧nö̧ ja̧'a̧ttö̧ ucututtu korotö suronä ttamöcuädö juiya pä'ätucuirö. Pärocua'attö ppä'ädätucuirö adiunä eseunu ichäcua'a̧nö̧ ttörö topö. Ttöcu korotö tö̧jä̧hua̧tö̧cu̧ ja̧u̧ru̧ tta̧'ä̧rä̧tö̧jä̧.
12Ja̧'hua̧ta̧nö̧ tö̧jä̧hua̧ Apolosrö rö̧ȩnä̧ ucuocuinösä, korotö tö̧jä̧hua̧tö̧cu̧ i̧'cha̧ pä'ö ucuturu topö. Ja̧'hua̧nö̧ ja̧'a̧nä̧ i̧'cha̧ pä'ocö pi̧nö̧do jitätämä. Koronö mo̧ro̧ päi'omenä i̧'chä̧cua̧do.
Röjinä teähuinö huȩnȩ
13Adiunä tta̧'ä̧rö̧ kä̧nö̧, cuami 'qui'ächi'ö ka̧cuä̧tu̧cui̧ Tu̧ru̧hua̧rö̧ cuesetätucua'attö. U̧mä̧tö̧ jȩttö̧ ta'anö jȩpä̧tu̧cui̧. Ja̧'hua̧ta̧nö̧ juruhuätucui. 14O'ca juiyönä jȩcu̧'ä̧tu̧cumä̧, repe'önö jȩpä̧tu̧cui̧.
15Jitä chö̧jä̧hua̧tö̧, ucutu huo̧juä̧tö̧jä̧, Estéfanas ahuaruhuäcu äcuomenä esetinätödo Tu̧ru̧hua̧rö̧ Acaya rȩjȩttö̧. Jahuätö korotö esetinätörö, tö̧jä̧hua̧tö̧rö̧, rö̧ȩnä̧ ppä'ädätö. 16Ucuturu ji'äusä iso päi'önä jahuätö'inä, korotö jahuätöcu aditätö'inä ttu̧huo̧juȩtö̧mä̧ adiu jȩcu̧'ä̧tu̧cua̧ pä'ö. 17Ttömä eseusä Estéfanasrö'inä, Fortunatorö'inä, Acaicorö'inä ttörö topö ttichäja'attö. Ucutu toa'attö, ttörö ppä'ädinätö jahuätömä. 18Cha̧'cua̧ esehuächi'önä ppättädäjäcusä. Ttörö'inä, ucuturu'inä ppä'ädinätö. Iso päi'önä jahuätö ta'anö huotörö adiu cucuotätucuaja.
19Korotö iglesia ruhuä Asia rȩjȩttö̧ te'ähuätö ucuturu. Aquilacu, Priscilacu ttojusodenä esetö ucuocuätö'inä, Tu̧ru̧hua̧ i̧mi̧nä̧ te'ähuätö ucuturu. 20O'ca toi'önä tö̧jä̧hua̧tö̧ te'ähuätö ucuturu. Ja̧'hua̧ta̧nö̧ korotörö o'ca toi'önärö ttu̧mö̧nä̧ 'chu'ädö eseunu te'ähuätucui.
21Ttö Pablo, pi̧yȩmä̧ ttötä chu̧mö̧nä̧ huȩyu̧tu̧ hue'ösä ucuturu.
22Ya̧tȩ Tu̧ru̧hua̧ Jesucristorö repe'ocömä, chutä Tu̧ru̧hua̧tä̧ ro̧ȩpä̧cua̧. Tu̧ru̧hua̧, ¡jurunä ichi!
23Tu̧ru̧hua̧ Jesucristomä ucuturu ppädäcua'a̧nö̧. 24Ucuturu o'ca toi'önärö pi̧yȩmä̧ hue'ösä. Cristo Jesúsnä repe'ösä ucuturu. Amén.
Currently Selected:
1 Corintios 16: PIDNT86
Highlight
Share
Copy
Want to have your highlights saved across all your devices? Sign up or sign in
Nuevo Testamento en Piaroa © Sociedades Biblicas Unidas, 1986.
1 Corintios 16
16
Pärätä ca̧ca̧tä̧cuä̧huä̧ huȩnȩ
1Pärätä cu̧ca̧ca̧tä̧tu̧cuo̧mȩnä̧, Diosrö esetätörö cuiyätucua pä'ö, Galacia rȩjȩ ttö̧ja̧ iglesia ruhuärö jidähuinö ta'anö jȩpä̧tu̧cui̧. 2'Cuäopönä o'ca juiyönä semana äcuomenä mo̧ro̧ ja̧'a̧nä̧, cu̧ju̧nä̧rä̧tu̧cu̧ttu̧ iyätucui hua'adö ttu̧ju̧na̧ pä'ö. Ja̧'hua̧nö̧ ä'canä hua'adö cu̧ju̧nä̧tu̧cua̧'a̧ttö̧, ttö chichomenä cuahuaruhuärö jä'epocotöjä. 3Ja̧'hua̧nö̧ ja̧'a̧ttö̧ ttö chichomenä, Jerusalén ötahuiyära̧'a̧ cuhuäretucu ofrenda ttȩpa̧ pä'ö huecuhuätucuä̧u̧cu̧ cuyäru isojä huȩyu̧tu̧ huȩdä̧cua̧sä̧. 4Ja̧'hua̧ta̧nö̧ ttö chi̧'chö̧ttö̧mä̧, jahuätömä ttöcu ttichö'a̧nö̧ ja̧'a̧.
Pablo i̧'chä̧cuȩ huȩnȩ ji'ähuinödo
5Ttö cuedächomenä, Macedonia rȩjȩra̧'a̧ chi̧'chä̧cua̧sä̧. Juhuorö kä̧nö̧ ucutu cu̧ja̧cuä̧tu̧cuo̧mȩcu̧, Corinto ötahuiyära̧'a̧ chi̧'chä̧cua̧sä̧. 6Juhua'atä recuonänö chö̧jö̧'a̧nö̧ ja̧'a̧ ucutucu. Juhuorö'inä chö̧jö̧ttö̧mä, a̧'ȩ 'cuäoi'önä chö̧jä̧cua̧sä̧. Ja̧'hua̧nö̧ ja̧'a̧nä̧ ucutu ppäcuhuädätucu'a̧nö̧ ja̧'a̧ ttörö, kara'a chi̧'cho̧mȩnä̧. 7Ja̧'a̧tä̧ 'cuä'opö jurunämä tocha pä'ocösä ucuturu. Tu̧ru̧hua̧rö̧ pä̧huä̧ rö̧jö̧ttö̧mä̧, recuonänö chö̧ja̧ pä'ösä. 8Pȩnȩtä̧ Efeso ötahuiyänä, chö̧jä̧cua̧sä̧ Pentecostés mo̧ro̧ 'cuäopome jubö päi'önä. 9Pȩnȩmä̧ recuätö ka̧cuä̧tö̧mä̧ ttä̧ju̧cu̧'a̧nö̧ ja̧'a̧ Tu̧ru̧hua̧ i̧huȩnȩ. Ja̧'hua̧ta̧nö̧ recuätö ttä̧ju̧cua̧ pä'ocotö'inä ka̧cuä̧tö̧.
10Timoteo cu̧ja̧cuä̧tu̧cuo̧mȩ i̧rȩbȩu̧ttu̧mä̧, adiunänö ö̧ja̧ pä'ö ppä'ädätucuirö. Ja̧u̧'i̧nä̧ ttö ta'anö aditö Tu̧ru̧hua̧ i̧huȩnȩ. 11Ja̧'hua̧nö̧ ja̧'a̧ttö̧ ucututtu korotö suronä ttamöcuädö juiya pä'ätucuirö. Pärocua'attö ppä'ädätucuirö adiunä eseunu ichäcua'a̧nö̧ ttörö topö. Ttöcu korotö tö̧jä̧hua̧tö̧cu̧ ja̧u̧ru̧ tta̧'ä̧rä̧tö̧jä̧.
12Ja̧'hua̧ta̧nö̧ tö̧jä̧hua̧ Apolosrö rö̧ȩnä̧ ucuocuinösä, korotö tö̧jä̧hua̧tö̧cu̧ i̧'cha̧ pä'ö ucuturu topö. Ja̧'hua̧nö̧ ja̧'a̧nä̧ i̧'cha̧ pä'ocö pi̧nö̧do jitätämä. Koronö mo̧ro̧ päi'omenä i̧'chä̧cua̧do.
Röjinä teähuinö huȩnȩ
13Adiunä tta̧'ä̧rö̧ kä̧nö̧, cuami 'qui'ächi'ö ka̧cuä̧tu̧cui̧ Tu̧ru̧hua̧rö̧ cuesetätucua'attö. U̧mä̧tö̧ jȩttö̧ ta'anö jȩpä̧tu̧cui̧. Ja̧'hua̧ta̧nö̧ juruhuätucui. 14O'ca juiyönä jȩcu̧'ä̧tu̧cumä̧, repe'önö jȩpä̧tu̧cui̧.
15Jitä chö̧jä̧hua̧tö̧, ucutu huo̧juä̧tö̧jä̧, Estéfanas ahuaruhuäcu äcuomenä esetinätödo Tu̧ru̧hua̧rö̧ Acaya rȩjȩttö̧. Jahuätö korotö esetinätörö, tö̧jä̧hua̧tö̧rö̧, rö̧ȩnä̧ ppä'ädätö. 16Ucuturu ji'äusä iso päi'önä jahuätö'inä, korotö jahuätöcu aditätö'inä ttu̧huo̧juȩtö̧mä̧ adiu jȩcu̧'ä̧tu̧cua̧ pä'ö. 17Ttömä eseusä Estéfanasrö'inä, Fortunatorö'inä, Acaicorö'inä ttörö topö ttichäja'attö. Ucutu toa'attö, ttörö ppä'ädinätö jahuätömä. 18Cha̧'cua̧ esehuächi'önä ppättädäjäcusä. Ttörö'inä, ucuturu'inä ppä'ädinätö. Iso päi'önä jahuätö ta'anö huotörö adiu cucuotätucuaja.
19Korotö iglesia ruhuä Asia rȩjȩttö̧ te'ähuätö ucuturu. Aquilacu, Priscilacu ttojusodenä esetö ucuocuätö'inä, Tu̧ru̧hua̧ i̧mi̧nä̧ te'ähuätö ucuturu. 20O'ca toi'önä tö̧jä̧hua̧tö̧ te'ähuätö ucuturu. Ja̧'hua̧ta̧nö̧ korotörö o'ca toi'önärö ttu̧mö̧nä̧ 'chu'ädö eseunu te'ähuätucui.
21Ttö Pablo, pi̧yȩmä̧ ttötä chu̧mö̧nä̧ huȩyu̧tu̧ hue'ösä ucuturu.
22Ya̧tȩ Tu̧ru̧hua̧ Jesucristorö repe'ocömä, chutä Tu̧ru̧hua̧tä̧ ro̧ȩpä̧cua̧. Tu̧ru̧hua̧, ¡jurunä ichi!
23Tu̧ru̧hua̧ Jesucristomä ucuturu ppädäcua'a̧nö̧. 24Ucuturu o'ca toi'önärö pi̧yȩmä̧ hue'ösä. Cristo Jesúsnä repe'ösä ucuturu. Amén.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Nuevo Testamento en Piaroa © Sociedades Biblicas Unidas, 1986.