Baroma 4
4
Ebwemeresi bwa Aburahamu
1Rero, chi tutétaa era luulu sa hokulu wetu Aburahamu? Chiye chi ábonaa nga mundu? 2Akaba Aburahamu átolibwaa ngo'la ùtungenene bushi na bya éndee áira, àngaachire cha àngachitongera. Si kanangana atéte cha àngachitongera era muhondo sa Ongo. 3Bushi eMaanjiko Mabuya-buya matúla màtechire mbu: «Aburahamu ábaa atúla emérere Ongo. Bushi no'ku, Ongo era kumutola ngo'la ùtungenene era muhondo sai.»#4:3 Somaa Ndangiriso 15:6. 4Emukosi énde álipibwa kwa mulimo wai. Oku kulipibwa kutaánjibwa nga muhobore, si kàli kandu ka ěmire kwêresibwa. 5Si akaba emundu atéte cha énde áira, si emérere kwa Ongo énde áira emundu we'bibi kuba ola ùtungenene, aola ebwemeresi bo'yu mundu bwénde bwátuma Ongo ámutola ngo'la ùtungenene. 6Kuno'ku ku mwami Tauti nai àtechire mwa Maanjiko Mabuya-buya, era luulu se'ngahanyi se'mundu ola Ongo énde átola ngo'la ùtungenene, busira kulaa kwa bya énde áira. Bacha ku Tauti àtechire:
7«Baáhanyirwe ebandu ba Ongo ábabalire emabi mabo,
ne'bibi byabo byákulibwe.
8Aáhanyirwe emundu ola Enawetu àtamwaanjira ebibi byai.»#4:8 Somaa Saburi 32:1-2.
9Esi ngahanyi sìtatula kwa bandu ba bámonyisibwe beine oshâo, si sitúla no'kwa bandu ba bàtamonyisibwe. Bushi twàtechire mira kwa Ongo átolaa Aburahamu ngo'la ùtungenene kurengera ebwemeresi bwai. 10Mangochi kasi mu Ongo átolaa Aburahamu bacha? Mango ábaa àmonyisibwe mira, nesi mango ábaa àtasa kumonyisibwa? Atá mango ábaa àmonyisibwe mira, si mango ábaa àtasa kumonyisibwa. 11Era nyuma se'bi, Aburahamu era kwire ámonyisibwa.#4:11 Somaa Ndangiriso 17:9-14. Oku kumonyisibwa kwai ku kábaa kalorero ke'kulosa kanangana kwa Ongo ámutolaa nga mundu ola ùtungenene kurengera ebwemeresi bwai. Mwa bacha, Aburahamu era kwire ába eshe we'bandu boshi ba bèmerere, chiro mbu bàtamonyisibwe, chasiya nabo Ongo abátole nga ba bàtungenene. 12Kanji Aburahamu àli eshe we'bandu ba bàmonyisibwe, kukuteta mbu ba bàtamonyisibwe oshâo kwa mubiri, si batúla bàkulikire enjira ye'bwemeresi bwai. Ei njira i'tata Aburahamu nai ábaa atúla àkulikire mango ábaa àtasa kumonyisibwa.
Echiraane cha Ongo chìri kwa bemeresi boshi
13Ongo álaanyaa Aburahamu ne'lubuto lwai kwa akáberesa ebutala kuba mwandu wabo.#4:13 Somaa Ndangiriso 12:2-3; 17:4-6; 22:15-18. Echi chiraane, Ongo átairaa'chi kwa bushi Aburahamu éndee aíra ngo'kwa Mwaso* atúla àtechire. Nânga! Si áiraa'chi, bushi ábaa àtolire Aburahamu ngo'la ùtungenene kurengera ebwemeresi bwai. 14Bushi akaba ebandu ba bénde báira ngo'kwa Mwaso* atúla àtechire bu bakábona bya Ongo álaanyaa, aola ebwemeresi bùtachete mufa asibya, ne'chiraane cha Ongo nachi, chináli cha buha. 15Bushi ekutàira kwa Mwaso* atúla àtechire, kwénde kwátuma Ongo áfira ebandu bute. Na akaba eMwaso* atáli, ne'kutaíra ngo'kwa atúla àtechire nako kutanali.
16Bushi no'ku, echiraane chitenganyire ne'bwemeresi, chasiya ebandu babóne'chi nga lwêmbo lwa Ongo, chiáte na mufa kanangana kwa lubuto loshi lwa Aburahamu. Echi chiraane chitáli kwa ba bénde báira ngo'kwa Mwaso* atúla àtechire oshâo, si chìri no'kwa bandu ba batúsa ebwemeresi nga Aburahamu, i'tata wetu tuboshi. 17Ebyera bikulikene no'kwa bitúla byǎnjikirwe mwa Maanjiko Mabuya-buya mbu: «Nàkuirire eshe wa mbaa sinene.»#4:17 Somaa Ndangiriso 17:5. Aburahamu àli tata era muhondo sa Ongo, i ábaa atúla emérere. Oyu Ongo iwénde wômola ebafu, kanji iwénde wáteta mbu ebindu bya byábaa bìtatula bìbaa. 18Aburahamu áataa ebwemeresi na kulangalira emyasi era ìtangaalikana kulangalirwa. Bushi no'ku, era kwire ába eshe wa mbaa sinene, kukulikana ne'ne myasi Ongo ámuburaa mbu: «Elubuto lwao lukába lunene busese.»#4:18 Somaa Ndangiriso 15:5. 19Aburahamu ábaa era éte myaka ìngaika kwe'yana. Ábaa èshi kwa mubiri wai era àli ngo'la wálinga kufa. Kanji ábaa èshi kwa mukai Sara atúla ngumba. Si chiro bacha, era kunaendekera ásimika mwa bwemeresi. 20Atáhungwa-hungwaa era luulu se'chiraane cha Ongo ámweresaa, nesi átaesaa emunyiiro. Si ebwemeresi bwai bwámweresaa emisi, era kutonga Ongo. 21Ábaa anêshi kanangana kwa Ongo éte ebuashi bwe'kuíra bya álaanyaa. 22Bushi no'ku, Ongo era kumutola ngo'la ùtungenene.#4:22 Somaa Ndangiriso 15:6. 23Si oyu mwasi ùtechire mbu: «Ongo era kumutola ngo'la ùtungenene», atáanjikibwaa bushi na Aburahamu yeine oshâo, 24si kanji áanjikibwaa bushi netu, tu Ongo akátola nga bandu ba bàtungenene, tu tutúla tùmwêmerere kwa iwômwolaa Enawetu Yesu mwa bafu. 25Ongo ámwanaa chasiya áfe bushi ne'bibi byetu. Si era kumwomola, chasiya àtuire kuba bandu ba bàtungenene era muhondo sai.
Currently Selected:
Baroma 4: tbt
Highlight
Share
Copy
Want to have your highlights saved across all your devices? Sign up or sign in
© 2017 Wycliffe Bible Translators, Inc.
Baroma 4
4
Ebwemeresi bwa Aburahamu
1Rero, chi tutétaa era luulu sa hokulu wetu Aburahamu? Chiye chi ábonaa nga mundu? 2Akaba Aburahamu átolibwaa ngo'la ùtungenene bushi na bya éndee áira, àngaachire cha àngachitongera. Si kanangana atéte cha àngachitongera era muhondo sa Ongo. 3Bushi eMaanjiko Mabuya-buya matúla màtechire mbu: «Aburahamu ábaa atúla emérere Ongo. Bushi no'ku, Ongo era kumutola ngo'la ùtungenene era muhondo sai.»#4:3 Somaa Ndangiriso 15:6. 4Emukosi énde álipibwa kwa mulimo wai. Oku kulipibwa kutaánjibwa nga muhobore, si kàli kandu ka ěmire kwêresibwa. 5Si akaba emundu atéte cha énde áira, si emérere kwa Ongo énde áira emundu we'bibi kuba ola ùtungenene, aola ebwemeresi bo'yu mundu bwénde bwátuma Ongo ámutola ngo'la ùtungenene. 6Kuno'ku ku mwami Tauti nai àtechire mwa Maanjiko Mabuya-buya, era luulu se'ngahanyi se'mundu ola Ongo énde átola ngo'la ùtungenene, busira kulaa kwa bya énde áira. Bacha ku Tauti àtechire:
7«Baáhanyirwe ebandu ba Ongo ábabalire emabi mabo,
ne'bibi byabo byákulibwe.
8Aáhanyirwe emundu ola Enawetu àtamwaanjira ebibi byai.»#4:8 Somaa Saburi 32:1-2.
9Esi ngahanyi sìtatula kwa bandu ba bámonyisibwe beine oshâo, si sitúla no'kwa bandu ba bàtamonyisibwe. Bushi twàtechire mira kwa Ongo átolaa Aburahamu ngo'la ùtungenene kurengera ebwemeresi bwai. 10Mangochi kasi mu Ongo átolaa Aburahamu bacha? Mango ábaa àmonyisibwe mira, nesi mango ábaa àtasa kumonyisibwa? Atá mango ábaa àmonyisibwe mira, si mango ábaa àtasa kumonyisibwa. 11Era nyuma se'bi, Aburahamu era kwire ámonyisibwa.#4:11 Somaa Ndangiriso 17:9-14. Oku kumonyisibwa kwai ku kábaa kalorero ke'kulosa kanangana kwa Ongo ámutolaa nga mundu ola ùtungenene kurengera ebwemeresi bwai. Mwa bacha, Aburahamu era kwire ába eshe we'bandu boshi ba bèmerere, chiro mbu bàtamonyisibwe, chasiya nabo Ongo abátole nga ba bàtungenene. 12Kanji Aburahamu àli eshe we'bandu ba bàmonyisibwe, kukuteta mbu ba bàtamonyisibwe oshâo kwa mubiri, si batúla bàkulikire enjira ye'bwemeresi bwai. Ei njira i'tata Aburahamu nai ábaa atúla àkulikire mango ábaa àtasa kumonyisibwa.
Echiraane cha Ongo chìri kwa bemeresi boshi
13Ongo álaanyaa Aburahamu ne'lubuto lwai kwa akáberesa ebutala kuba mwandu wabo.#4:13 Somaa Ndangiriso 12:2-3; 17:4-6; 22:15-18. Echi chiraane, Ongo átairaa'chi kwa bushi Aburahamu éndee aíra ngo'kwa Mwaso* atúla àtechire. Nânga! Si áiraa'chi, bushi ábaa àtolire Aburahamu ngo'la ùtungenene kurengera ebwemeresi bwai. 14Bushi akaba ebandu ba bénde báira ngo'kwa Mwaso* atúla àtechire bu bakábona bya Ongo álaanyaa, aola ebwemeresi bùtachete mufa asibya, ne'chiraane cha Ongo nachi, chináli cha buha. 15Bushi ekutàira kwa Mwaso* atúla àtechire, kwénde kwátuma Ongo áfira ebandu bute. Na akaba eMwaso* atáli, ne'kutaíra ngo'kwa atúla àtechire nako kutanali.
16Bushi no'ku, echiraane chitenganyire ne'bwemeresi, chasiya ebandu babóne'chi nga lwêmbo lwa Ongo, chiáte na mufa kanangana kwa lubuto loshi lwa Aburahamu. Echi chiraane chitáli kwa ba bénde báira ngo'kwa Mwaso* atúla àtechire oshâo, si chìri no'kwa bandu ba batúsa ebwemeresi nga Aburahamu, i'tata wetu tuboshi. 17Ebyera bikulikene no'kwa bitúla byǎnjikirwe mwa Maanjiko Mabuya-buya mbu: «Nàkuirire eshe wa mbaa sinene.»#4:17 Somaa Ndangiriso 17:5. Aburahamu àli tata era muhondo sa Ongo, i ábaa atúla emérere. Oyu Ongo iwénde wômola ebafu, kanji iwénde wáteta mbu ebindu bya byábaa bìtatula bìbaa. 18Aburahamu áataa ebwemeresi na kulangalira emyasi era ìtangaalikana kulangalirwa. Bushi no'ku, era kwire ába eshe wa mbaa sinene, kukulikana ne'ne myasi Ongo ámuburaa mbu: «Elubuto lwao lukába lunene busese.»#4:18 Somaa Ndangiriso 15:5. 19Aburahamu ábaa era éte myaka ìngaika kwe'yana. Ábaa èshi kwa mubiri wai era àli ngo'la wálinga kufa. Kanji ábaa èshi kwa mukai Sara atúla ngumba. Si chiro bacha, era kunaendekera ásimika mwa bwemeresi. 20Atáhungwa-hungwaa era luulu se'chiraane cha Ongo ámweresaa, nesi átaesaa emunyiiro. Si ebwemeresi bwai bwámweresaa emisi, era kutonga Ongo. 21Ábaa anêshi kanangana kwa Ongo éte ebuashi bwe'kuíra bya álaanyaa. 22Bushi no'ku, Ongo era kumutola ngo'la ùtungenene.#4:22 Somaa Ndangiriso 15:6. 23Si oyu mwasi ùtechire mbu: «Ongo era kumutola ngo'la ùtungenene», atáanjikibwaa bushi na Aburahamu yeine oshâo, 24si kanji áanjikibwaa bushi netu, tu Ongo akátola nga bandu ba bàtungenene, tu tutúla tùmwêmerere kwa iwômwolaa Enawetu Yesu mwa bafu. 25Ongo ámwanaa chasiya áfe bushi ne'bibi byetu. Si era kumwomola, chasiya àtuire kuba bandu ba bàtungenene era muhondo sai.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2017 Wycliffe Bible Translators, Inc.