Baroma 11
11
Ongo atárekerere elubaa lwe'Isiraeli
1Rero nábusa: Ongo ákabulire elubaa lwai? Nânga, chiro na hicha! Bushi anabe nanyi, nyìri Muisiraeli wo'mwa lubuto lwa Aburahamu, mwa chirongo cha Benyamina. 2Ongo atákabulire elubaa lwai, lwa áchilondoreraa kutengera mira. Mùteshi kute eMaanjiko Mabuya-buya matúla màtechire mango murebi* Eliya ábaa áchǎnya era muhondo sa Ongo bushi ne'lubaa lwe'Baisiraeli? Átetaa mbu: 3«Aaye Enawetu, bèchire ebarebi* bao, bánahandula ne'kahaha kao ke'mitulo*. Nyeine oshâo nyi nanáshibire, si nanyi báhonda kunyita.»#11:3 Somaa 1 Bami 19:10, 14. 4Kute ku Ongo ámwǎkulaa kasi? Ámwǎkulaa mbu: «Nachíbikirire bandu byumbi birinda ba banányire kufukama era muhondo sa ongo ola bénde bérika mbu Bali.»#11:4 Bali: ábaa ongo we'bandu ba bábaa batúla mwa chio che'Kanana. Somaa 1 Bami 19:18. 5Anabe mwe'sine suku, ku bináli bacha. Kweshiba banji bandu baeke ba Ongo álondwere kurengera ebonjo bwai. 6Álondolaa'bo kurengera ebonjo bwai, si atá kurengera bya béndee báira. Akaba bìngabere bacha, obu bonjo bùtangachibere bonjo kanangana.
7Chi twíraa twáteta kasi? Elubaa lwe'Isiraeli lutábonaa cha lwábaa lwáhonda. Si ba Ongo álondolaa oshâo, bu bánabonaa'chi. Ebanji ba báshibaa beke, bera kuira emichima yabo kuba isibu. 8Ebyera bikulikene no'kwa Maanjiko Mabuya-buya matúla màtechire mbu:
«Ongo áberesise michima isibu,
na meho ma màtalola,
na matwi ma màtomva.
Na kubanachiri bacha, kuira lwarero.»#11:8 Somaa Bukengere 29:3; Isaya 6:10.
9Mwami Tauti nai àtechire mbu:
«Ebiryo byabo bye'suku sikulu, bíndaa byábaalukira kuba muteo wa kubasimba,
bíndaa byábaalukira kuba búyá bwa bangénde bátowera'mo, na báchinjibusibwa.
10Emeho mabo méndaa mánaya mwe'musimya, chasiya bàtalolaa,
ne'miongo yabo inékalaa ìchionyire esuku soshi.»#11:10 Somaa Saburi 69:23-24.
11Rero nábusa: eBayuta básitalaa chasiya bàkumbaale loshi? Nânga, chiro na hicha! Emabi mabo mu máboorere enjira kwa ba bàtatula Bayuta nabo, banúnulibwe, chasiya abu Bayuta bénde báfira'bo emufula. 12Mwa bacha, emabi me'Bayuta márechire ngahanyi sinene muno butala. Ne'kuimwa kwabo, kwáreterere ba bàtatula Bayuta ngahanyi sinene. Rero, sikába ngahanyi sinene mango eBayuta boshi bakánunulibwa.
Kute ku ba bàtatula Bayuta bénde bánunulibwa
13Nera náteta nenyu mu mùtatula Bayuta: Nyono, nyìri ndumwa* ya Kirisito* kwa ba bàtatula Bayuta. Kanji nénde námoera oyu mulimo wanyi. 14Mwa bacha, náanyisa kwa banyaketu Bayuta bangénde bábafira mufula, chasiya nyinúnule bauma mubo. 15Kubinali, mango Ongo ásiikaa'bo, era kwire ábika ebuuma ala kachi-kachi kai ne'bandu bo'mwa butala. Rero kute bíkere byába mango eBayuta bakáhuba kwêmererwa era muhondo sa Ongo? Kukába nga kwômoka kwa bafu!
16Akaba emundu àtulire Ongo echimbi chibere-bere che'mukati, kukuteta mbu emukati woshi anêra wa Ongo. Na akaba emundu àtulire Ongo echisina che'muchi, kukuteta mbu ne'ndabi nasi sanêra sa Ongo.
17Elubaa lwe'Baisiraeli lùli nga muchi wa museituni ola wáingwaa, ola bàishire ku ndabi siuma. Nenyu mu mùtatula Bayuta, mùli nga ndabi sa unji muchi wo'mwe'rungu. Ne'ndabi so'yu muchi wo'mwe'rungu, sera kwômakirisibwa ala esinji saìshibwaa kwa muchi we'museituni. Rero, emasisi ma ménde mátenga mwa misi-misi yo'yu museituni, mu ménjire máberesa nenyu emisi. 18Bushi no'ku, esi ndabi sa sàishibwaa, muténdaa mwákena'si. Mwabo mutéte cha mùngachitongera, bushi atá mu mùachirise echisina che'muchi, si echi chisina chi chibáachirise.
19Kuli mango ùngateta mbu: «Esi ndabi sàishibwaa, chasiya nyono nyǒmakirisibwe ala sàtengaa.» 20Kubinali bacha. Baíshaa'si bushi sábaa sitéte bwemeresi, si woyo ùli mwe'chi chisiki bushi ne'bwemeresi bwao. Rero uténdaa wáchitonga, si úndaa wáchilanga-langa. 21Bushi akaba Ongo àtasichiraa kwa Bayuta, bu bàli nga matabi me'muchi ola wáingwaa, nenyu atánabasichire'ko. 22Rero, mundaa mwáanyisa era luulu se'bubuya bwa Ongo ne'bukali bwai. Atúla mukali kwa bandu ba bèngirire mwa bibi, si atúla mubuya ku woyo, akaba ùngaendekera kwékala mwo'bu bubuya bwai. Bítabere bacha, nao ungáishibwa. 23Si akaba eBayuta bàngahuba kwêmerera, Ongo angáhuba kwômakirisa'bo ala bábaa bàli lyebere. Bushi éte ebuashi bwe'kuíra echera. 24Woyo u'ùtatula Muyuta, ùli nga lutabi lwa muchi wa museituni wo'mwe'rungu. Chasinda, olu lutabi lwera kwômakirisibwa kwa muchi we'museituni ola wáingwaa. Echera, chisíbuire. Si eBayuta beke, bàli nga ndabi so'yu muchi ola wáingwaa. Rero, bibófuire busese era mwa Ongo, kwa kuhuba kwômakirisa esi ndabi kwa muchi ola sámeraa'ko.
eBaisiraeli bachíri bakánunulibwa
25Banyaketu ndáhonda mbu mwǐkalaa busira kumenya ono mwasi Ongo ábaa ábishire, mungesha kunde mwáchitola nga bandu ba bète bwenge bunene. No'yu mwasi i'yono: Baisiraeli bauma bakánaendekera kunde báira emichima yabo kuba isibu, kuikira mango emuanjo we'bandu be'sinji mbaa ba Ongo álondwere běngirire mwa bwami bwai. 26Chasinda, elubaa loshi lwe'Baisiraeli lukánunulibwa kukulikana no'kwa Maanjiko Mabuya-buya matúla màtechire mbu:
«eMununusi akátengera eSayuni,
akákula emuchima musibu mwa lubuto lwa Yakobo.#11:26 Somaa Isaya 59:20-21.
27Echera chi chilaano* nyíkaira nabo,
mango nyikákula ebibi byabo.»#11:27 Somaa Isaya 27:9; Yeremiya 31:33-34.
28eBayuta báhubire bárenda ba Ongo bushi ne'kunana eMwasi Mubuya-buya. No'ku kunana'o kwabo, iwábere mutoloke wenyu mu mùtatula Bayuta. Si chiro bacha, Ongo anásimire'bo, kukulikana no'kwa álondolaa'bo kurengera bahokulu babo. 29Bushi Ongo àtanyaa bya abáa ànyire mira, àtabindula ne'mianyisa yai kwa bandu ba âmaere mira. 30Kwa mira, mwéndee mwánana kuira bya Ongo àtechire. Si érire ábalosa ebonjo bwai kukulikana no'kwa Bayuta bánanaa kunde báira bya àtechire. 31Ku bináli bacha kwa Bayuta nabo. Bánanaa kuira kwa Ongo àtechire, chasiya mu mùtatula Bayuta, Ongo àbalose ebonjo bwai. Rero, obu bonjo bwai, bu angánabalosa nabo. 32Ongo áirire ebandu boshi kuba nga bandu ba buroko bushi ne'kunana kunde báira bya àtechire. Áirire bacha, chasiya alóse ebonjo bwai kwa bandu boshi.
Myasi ya kutonga Ongo
33Ebuare bwa Ongo, ne'kumenya emyasi kwai, ne'bwenge bwai, bìtangamaanyisibwa! Kutali ola ùngaala kumenya kute ku énde áisha emyasi, nesi kumenya enjira sai. 34Ebyera bikulikene no'kwa Maanjiko Mabuya-buya matúla màtechire mbu:
«Nde iwámenyaa emianyisa ya Enawetu?
Nde iwámweresaa eáno?#11:34 Somaa Isaya 40:13.
35Nde iwáalaa kwêresa Ongo kandu tanga,
chasiya Ongo amúfulusise'ko?»#11:35 Somaa Yobu 41:3.
36Bushi ebindu byoshi era mwai yi'byénde byátenga,
byoshi bitúla'o kwa buashi bwai, kanji bushi nai,
Ongo éndaa átongibwa esuku ne'mango. Bibe bacha!
Currently Selected:
Baroma 11: tbt
Highlight
Share
Copy
Want to have your highlights saved across all your devices? Sign up or sign in
© 2017 Wycliffe Bible Translators, Inc.
Baroma 11
11
Ongo atárekerere elubaa lwe'Isiraeli
1Rero nábusa: Ongo ákabulire elubaa lwai? Nânga, chiro na hicha! Bushi anabe nanyi, nyìri Muisiraeli wo'mwa lubuto lwa Aburahamu, mwa chirongo cha Benyamina. 2Ongo atákabulire elubaa lwai, lwa áchilondoreraa kutengera mira. Mùteshi kute eMaanjiko Mabuya-buya matúla màtechire mango murebi* Eliya ábaa áchǎnya era muhondo sa Ongo bushi ne'lubaa lwe'Baisiraeli? Átetaa mbu: 3«Aaye Enawetu, bèchire ebarebi* bao, bánahandula ne'kahaha kao ke'mitulo*. Nyeine oshâo nyi nanáshibire, si nanyi báhonda kunyita.»#11:3 Somaa 1 Bami 19:10, 14. 4Kute ku Ongo ámwǎkulaa kasi? Ámwǎkulaa mbu: «Nachíbikirire bandu byumbi birinda ba banányire kufukama era muhondo sa ongo ola bénde bérika mbu Bali.»#11:4 Bali: ábaa ongo we'bandu ba bábaa batúla mwa chio che'Kanana. Somaa 1 Bami 19:18. 5Anabe mwe'sine suku, ku bináli bacha. Kweshiba banji bandu baeke ba Ongo álondwere kurengera ebonjo bwai. 6Álondolaa'bo kurengera ebonjo bwai, si atá kurengera bya béndee báira. Akaba bìngabere bacha, obu bonjo bùtangachibere bonjo kanangana.
7Chi twíraa twáteta kasi? Elubaa lwe'Isiraeli lutábonaa cha lwábaa lwáhonda. Si ba Ongo álondolaa oshâo, bu bánabonaa'chi. Ebanji ba báshibaa beke, bera kuira emichima yabo kuba isibu. 8Ebyera bikulikene no'kwa Maanjiko Mabuya-buya matúla màtechire mbu:
«Ongo áberesise michima isibu,
na meho ma màtalola,
na matwi ma màtomva.
Na kubanachiri bacha, kuira lwarero.»#11:8 Somaa Bukengere 29:3; Isaya 6:10.
9Mwami Tauti nai àtechire mbu:
«Ebiryo byabo bye'suku sikulu, bíndaa byábaalukira kuba muteo wa kubasimba,
bíndaa byábaalukira kuba búyá bwa bangénde bátowera'mo, na báchinjibusibwa.
10Emeho mabo méndaa mánaya mwe'musimya, chasiya bàtalolaa,
ne'miongo yabo inékalaa ìchionyire esuku soshi.»#11:10 Somaa Saburi 69:23-24.
11Rero nábusa: eBayuta básitalaa chasiya bàkumbaale loshi? Nânga, chiro na hicha! Emabi mabo mu máboorere enjira kwa ba bàtatula Bayuta nabo, banúnulibwe, chasiya abu Bayuta bénde báfira'bo emufula. 12Mwa bacha, emabi me'Bayuta márechire ngahanyi sinene muno butala. Ne'kuimwa kwabo, kwáreterere ba bàtatula Bayuta ngahanyi sinene. Rero, sikába ngahanyi sinene mango eBayuta boshi bakánunulibwa.
Kute ku ba bàtatula Bayuta bénde bánunulibwa
13Nera náteta nenyu mu mùtatula Bayuta: Nyono, nyìri ndumwa* ya Kirisito* kwa ba bàtatula Bayuta. Kanji nénde námoera oyu mulimo wanyi. 14Mwa bacha, náanyisa kwa banyaketu Bayuta bangénde bábafira mufula, chasiya nyinúnule bauma mubo. 15Kubinali, mango Ongo ásiikaa'bo, era kwire ábika ebuuma ala kachi-kachi kai ne'bandu bo'mwa butala. Rero kute bíkere byába mango eBayuta bakáhuba kwêmererwa era muhondo sa Ongo? Kukába nga kwômoka kwa bafu!
16Akaba emundu àtulire Ongo echimbi chibere-bere che'mukati, kukuteta mbu emukati woshi anêra wa Ongo. Na akaba emundu àtulire Ongo echisina che'muchi, kukuteta mbu ne'ndabi nasi sanêra sa Ongo.
17Elubaa lwe'Baisiraeli lùli nga muchi wa museituni ola wáingwaa, ola bàishire ku ndabi siuma. Nenyu mu mùtatula Bayuta, mùli nga ndabi sa unji muchi wo'mwe'rungu. Ne'ndabi so'yu muchi wo'mwe'rungu, sera kwômakirisibwa ala esinji saìshibwaa kwa muchi we'museituni. Rero, emasisi ma ménde mátenga mwa misi-misi yo'yu museituni, mu ménjire máberesa nenyu emisi. 18Bushi no'ku, esi ndabi sa sàishibwaa, muténdaa mwákena'si. Mwabo mutéte cha mùngachitongera, bushi atá mu mùachirise echisina che'muchi, si echi chisina chi chibáachirise.
19Kuli mango ùngateta mbu: «Esi ndabi sàishibwaa, chasiya nyono nyǒmakirisibwe ala sàtengaa.» 20Kubinali bacha. Baíshaa'si bushi sábaa sitéte bwemeresi, si woyo ùli mwe'chi chisiki bushi ne'bwemeresi bwao. Rero uténdaa wáchitonga, si úndaa wáchilanga-langa. 21Bushi akaba Ongo àtasichiraa kwa Bayuta, bu bàli nga matabi me'muchi ola wáingwaa, nenyu atánabasichire'ko. 22Rero, mundaa mwáanyisa era luulu se'bubuya bwa Ongo ne'bukali bwai. Atúla mukali kwa bandu ba bèngirire mwa bibi, si atúla mubuya ku woyo, akaba ùngaendekera kwékala mwo'bu bubuya bwai. Bítabere bacha, nao ungáishibwa. 23Si akaba eBayuta bàngahuba kwêmerera, Ongo angáhuba kwômakirisa'bo ala bábaa bàli lyebere. Bushi éte ebuashi bwe'kuíra echera. 24Woyo u'ùtatula Muyuta, ùli nga lutabi lwa muchi wa museituni wo'mwe'rungu. Chasinda, olu lutabi lwera kwômakirisibwa kwa muchi we'museituni ola wáingwaa. Echera, chisíbuire. Si eBayuta beke, bàli nga ndabi so'yu muchi ola wáingwaa. Rero, bibófuire busese era mwa Ongo, kwa kuhuba kwômakirisa esi ndabi kwa muchi ola sámeraa'ko.
eBaisiraeli bachíri bakánunulibwa
25Banyaketu ndáhonda mbu mwǐkalaa busira kumenya ono mwasi Ongo ábaa ábishire, mungesha kunde mwáchitola nga bandu ba bète bwenge bunene. No'yu mwasi i'yono: Baisiraeli bauma bakánaendekera kunde báira emichima yabo kuba isibu, kuikira mango emuanjo we'bandu be'sinji mbaa ba Ongo álondwere běngirire mwa bwami bwai. 26Chasinda, elubaa loshi lwe'Baisiraeli lukánunulibwa kukulikana no'kwa Maanjiko Mabuya-buya matúla màtechire mbu:
«eMununusi akátengera eSayuni,
akákula emuchima musibu mwa lubuto lwa Yakobo.#11:26 Somaa Isaya 59:20-21.
27Echera chi chilaano* nyíkaira nabo,
mango nyikákula ebibi byabo.»#11:27 Somaa Isaya 27:9; Yeremiya 31:33-34.
28eBayuta báhubire bárenda ba Ongo bushi ne'kunana eMwasi Mubuya-buya. No'ku kunana'o kwabo, iwábere mutoloke wenyu mu mùtatula Bayuta. Si chiro bacha, Ongo anásimire'bo, kukulikana no'kwa álondolaa'bo kurengera bahokulu babo. 29Bushi Ongo àtanyaa bya abáa ànyire mira, àtabindula ne'mianyisa yai kwa bandu ba âmaere mira. 30Kwa mira, mwéndee mwánana kuira bya Ongo àtechire. Si érire ábalosa ebonjo bwai kukulikana no'kwa Bayuta bánanaa kunde báira bya àtechire. 31Ku bináli bacha kwa Bayuta nabo. Bánanaa kuira kwa Ongo àtechire, chasiya mu mùtatula Bayuta, Ongo àbalose ebonjo bwai. Rero, obu bonjo bwai, bu angánabalosa nabo. 32Ongo áirire ebandu boshi kuba nga bandu ba buroko bushi ne'kunana kunde báira bya àtechire. Áirire bacha, chasiya alóse ebonjo bwai kwa bandu boshi.
Myasi ya kutonga Ongo
33Ebuare bwa Ongo, ne'kumenya emyasi kwai, ne'bwenge bwai, bìtangamaanyisibwa! Kutali ola ùngaala kumenya kute ku énde áisha emyasi, nesi kumenya enjira sai. 34Ebyera bikulikene no'kwa Maanjiko Mabuya-buya matúla màtechire mbu:
«Nde iwámenyaa emianyisa ya Enawetu?
Nde iwámweresaa eáno?#11:34 Somaa Isaya 40:13.
35Nde iwáalaa kwêresa Ongo kandu tanga,
chasiya Ongo amúfulusise'ko?»#11:35 Somaa Yobu 41:3.
36Bushi ebindu byoshi era mwai yi'byénde byátenga,
byoshi bitúla'o kwa buashi bwai, kanji bushi nai,
Ongo éndaa átongibwa esuku ne'mango. Bibe bacha!
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2017 Wycliffe Bible Translators, Inc.