BAEBURANIYA 1
1
Ongo énde áhambala ne'bandu kurengera eMwana wai
1Kwa mira, Ongo éndee áhambala na bahokulu betu mbiso sinene, mu njira sinene kurengera ebarebi*. 2Si mwe'sine suku se'businda, érire áhambala netu kurengera eMwana wai. Kurengera oyu Mwana, ku Ongo ábumbaa ebutala boshi, kanji ámulondwere chasiya ábe ena ebindu byoshi. 3Oyu Mwana, ebulangare bwe'ngulu ya Ongo, bwénde bwálorekana'ko mwa ndanda sai, kanji i'utúsa ehuhi lya Ongo kanangana. Ne'buashi bwe'chinwa chai, bu bùachirise ebutala boshi. Ákomise* ebandu mwa kubakula mwa bibi, ne'ra nyuma se'bi érire áya kwékala kwa nguba, kwa lunda lwe'malyo ma Ongo we'buashi boshi.
eMwana wa Ongo i'mukulu-kulu kurenza ebamalaika
4Oyu Mwana áiribwe kuba mukulu-kulu busese kurenza ebamalaika*, kukulikana ne'sina lya Ongo ámweresaa, lya lìrenzise emasina mabo. 5Bushi kutáli chiro na muuma mwa bamalaika* ola Ongo àfuraa kubura mbu:
«Woyo, u'Mwana wanyi,
lwarero nabére Eho.»#1:5 Somaa Saburi 2:7.
Kanji kutáli malaika* ola Ongo àfuraa kubura mbu:
«Nyono nyingába eshe,
nai angába Mwana wanyi.»#1:5 Somaa 2 Samweri 7:14; 1 Myasi ye'suku 17:13.
6Si mango Ongo átumaa eFula yai muno butala, átetaa mbu:
«Ebamalaika* ba Ongo boshi, bêmire kunde bámwera!»#1:6 Somaa Bukengere 32:43.
7Kwa bya byerékere ebamalaika*, Ongo átetaa mbu:
«Ongo énde áira ebamalaika* bai kuba nga mbusi.
Ende áira abu baanda bai kuba nga byási bya muliro.»#1:7 Somaa Saburi 104:4.
8Si kwa bya byerékere eMwana wai, Ongo átetaa mbu:
«Woyo Ongo, endebe yao ye'bwami
ikánaendekera inátula'o esuku ne'mango.
Utúla wìmire mwa bwami bwao, kukulikana ne'myasi era ìtungenene.
9Utúla usímire bya bìtungenene, si utúla uáire emabi.
Echera chi chátumaa Ongo, Ongo wao ákulondola,
mwa kukwâkaba emafuta me'lumoo,
na kukwêresa etunda,
mwa kukubika era luulu busese kurenza balikenyu.»#1:8-9 Somaa Saburi 45:6-8.
10Kanji Ongo átetaa mbu:
«Mwa ndangiriso, woyo Enawetu u wábumbaa ebutala.
Emino sao si sabumbaa enguba.
11Ebi byoshi bikáirima,
si woyo ukékala unátula'o.
Kubinali, enguba ne'butala bikákunguwa nga luchimba.
12Ukábunga-bunga'bi ngo'kwa bénde bábunga ekochi,
kanji bikáinganyisibwa nga njimba.
Si woyo, unátula uno'yu.
Ne'kalamo kao katákawe chiro na hicha.»#1:10-12 Somaa Saburi 102:25-27.
13Ongo àtafuraa kubura chiro na muuma mwa bamalaika* mbu:
«Ékalaa kwa lunda lwanyi lwe'malyo,
kuikira mango nyingába naírire ebarenda bao kuba chisimachiro chao.»#1:13 Somaa Saburi 110:1.
14Ebamalaika* bàli bande kasi? Boshi, inátula michima era yénde yákorera Ongo. Ende átuma'bo báye kuasa ebandu ba běmire kubona ebununusi.
Currently Selected:
BAEBURANIYA 1: tbt
Highlight
Copy
Compare
Share
Want to have your highlights saved across all your devices? Sign up or sign in
© 2017 Wycliffe Bible Translators, Inc.
