Mikolo ye'ndumwa 26
26
1Chasinda, Akiripa era kubura Paulo mbu: «Nao, nakwêresise eloso lwe'kuchitetera weine.»
Paulo kukwera kwêmusa emino, na átangirisa áteta mbu: 2«Mwami Akiripa, lwarero nàmoire busese kwîmanga era muhondo sao nyichítetere era luulu se'myasi yoshi era Bayuta bénjire bányisitaka'ko. 3Námoa bacha bushi weine utúla wìshi kubuya emyanya yoshi ye'Bayuta. Kanji ùnêshi emyasi era bénde báenzanya kwe'bwaka. Bushi no'ku waliya, nákwěma unyûmvirise busira kunyifira bute.
4«eBayuta boshi banátula bèshi kute emyanya yanyi yábaa itúla kutengera elyane'toto lyanyi. Kanji banêshi kute néndee náchitola ene mwetu, no'mwa musi we'Yerusalemu. 5Kutengera mira abu bandu batúla banyîshi kubuya. Na akaba bàsimire, beine bànganalosa kanangana kwa nábaa nyitúla muuma mwa chikembe che'Bafarisayo*. Na'bu Bafarisayo* bu batúla basímikire busese mwa myasi era yèrekere emyanya ye'tini* lyetu. 6Lwarero nera nátongana, bushi nyitúla nyilángalire echirane cha Ongo álanyaa bahokulu betu. 7Ne'chi chiraane, embaa setu ekumi ne'biri nasi, sinátula silángalire kwa Ongo akánabalosa'chi. Ne'chi chi chénde chátuma bánamukorera emushi ne'butufu. Rero waliya, oyu mulangaliro ino'yu iwátuma bano Bayuta bányisitaka lwarero. 8Nenyu, chi chìngatuma mwánana kwêmerera kwa Ongo énde ômwola ebafu?
9«Nanyi era muhondo se'bine, nabáa nyinásene kwa binyěmire kunde náira byoshi bya nyìngaala kwa kulwisanya esina lya Yesu we'Nasareti. 10Ne'bi bi nanáiraa ne'Yerusalemu. eBakulu-kulu be'bakuhanyi bera kumba ne'buashi bwe'kunde náumanga bemeresi banene mwa buroko. Na mango béndee báteta mbu bêchibwaa, nanyi néndee nánaba lwango luuma nabo. 11Nabáa nénjire náya kubapunjira mwa mashenge me'Bayuta chasiya banáne Yesu. Nabáa nyibéte ku mungo munene busese, nera kunaika kwa chihangi náya kubaiya no'mwa misi ye'binji bio.
12«Lusuku luuma, ebakulu-kulu be'bakuhanyi* bera kumba eloso lwe'kuya mwa musi we'Tamasiki. 13Rero mwami, ábere nyináchiri mwa njira esuba limenzi, kuna kulola ku chilungere chátenga kwa nguba. Echi chilungere, chábaa chálangala kurenza esuba, na chátulomekera enyinda soshi ala'uma ne'bandu ba nábaa nyìri nabo mwa luendo. 14Unao-unao, tuboshi kuna kukumbaalanga. Chasinda, nera kûmva murenge muuma ányibura mwa Chieburaniya mbu: ‹Saulo, Saulo! Chi chátuma wányiribusa? Woyo ùli nga ngaafu era yáchihuta kwa ngonyi ye'nawabo. Uményaa kwa wáchiribusa buha.› 15Nanyi nera kwire nábusa mbu: ‹Woyo únde Enawetu?› Nai mbu: ‹Nyono nyi Yesu nyi wálibusa. 16Wíree wábatuka wǐmange. Nakúpamukirire'ko bushi náhonda nyikuíre kuba muanda wanyi. Ungénde wábalikisisa ebandu kwa wànyilolire'ko, na kubabalikisisa ebinji bya nyingáhuba kukulosa. 17Nyingénde na kutabala mwa maboko ma banyakenyu Bayuta, no'mwa me'bandu be'sinji mbaa. Abu bandu, bu nákutuma era bàli, 18chasiya ubáboole emeho, baténge mwa musimya, báye mwa bulangare. Baténge mwa mino sa Wamusimu, baálukire Ongo. Mwe'i njira, mu bangábabalirwa ebibi byabo, na kubona echisiki ala'uma ne'banji babuya-buya banyi, ba Ongo álondwere kwa njira ye'kunyemerera.›#26:18 Somaa Isaya 42:6-7; Bakolosayi 1:12-13.
19«Bushi no'ku mwami Akiripa, ei myasi nòmvaa mwa byabunya biroto yátengera kwa nguba, nera kunaira kwa yabáa yányěma. 20Nera kwire nánatangirira kuhubanganyisa besha Tamasiki mbu babíndukaa baténge mwa bibi byabo baálukire Ongo, ne'myanya yabo índaa yálosa kanangana kwa bàbindukire. Chasinda, nera kuya kuhubanganyisa besha Yerusalemu ei myasi inei-inei, na besha mwa chio choshi che'Yuteya, kuikirira no'kwa bandu be'sinji mbaa nabo. 21Rero bushi ne'i myasi, eBayuta bera kunyisimbira mwa Luhu lwa Ongo*, ne'kubura bányita. 22Si kuikira kwo'luno lusuku lwa lwarero, Ongo kunyilanga ku anáchiri ányilanga. Bushi no'ku, nyináchiri náendekera kuhubanganyisa ebandu boshi, ebakulu ne'batoto, emyasi era nàchiloreraa'ko. Kutali inji myasi isibya era nénjire náhubanganyisa ebandu, si ináli era ebarebi* na Musa béndee báteta kwa ikáika. 23Abu boshi bátetaa kwa byěmire Masiya* alíbuke, ábe na mubere kwômoka mwa bafu, chasiya ahúbanganye ebwami bwe'bulangare era mwa banyakabo Bayuta, ne'ra mwe'bandu be'sinji mbaa.»
Paulo áhonda Akiripa émerere Yesu
24Mango Paulo ábaa anáchiri áchitetera, Fesito era kumubura na murenge munene mbu: «Woyo Paulo wasíreire! Ekusoma kwa wásomire busese, ku kwakurorobanyise ebwenge!»
25Si Paulo era kumwǎkula mbu: «eWaliya Fesito, nyono nda musire. Emyasi era náteta ìri ya kanangana, kanji ìri ya mundu ola ùtungenene. 26Ei myasi, mwami Akiripa nai anáishi kubuya-buya. Kanji nyìshi kanangana kwa kutáli cha âbukire, bushi ei myasi itaíribwaa mwa bubisho-bisho. Bushi no'ku, ndéte buba busibya bwa kuteta era muhondo sai. 27Mwami Akiripa, emyasi era barebi* bátetaa, si utúla ùyêmerere! Nyinéshi kanangana kwa unátula ùyêmerere.»
28Akiripa era kwire ábusa Paulo mbu: «Wáanyisa mbu ùnganyihubya mukirisito mwe'bine bihangi bieke?» 29Paulo nai mbu: «Chiro bìngaba bihangi bieke nesi binene, néma Ongo bushi nao, na bushi na bano banji bandu boshi ba bányumvirisa lwarero múbe ngo'kwa nyìri. Si ndáhonda múnde mwáminwa ngo'kuno nyìminyirwe ne'mareure.»
30Chasinda, mwami era kwire êmanga, na Fesito, na Bereniki ne'banji bandu ba bábaa békese ala'uma nabo. 31Ábere bera bàulukaa, bera kutangirisa báteta mwa kachi-kachi kabo mbu: «Oyu mundu, kutali mwasi ola àkolire ola ùngatuma êchibwa nesi áminwa.»
32Chasinjire, Akiripa era kwire ábura Fesito mbu: «Oyu mundu, akaba àtachêmeraa yeine mbu áhonda kuya kutonganyira era muhondo sa Mwami we'Baroma, ábaa àngaboolibwe.»
Currently Selected:
Mikolo ye'ndumwa 26: tbt
Highlight
Share
Copy
Want to have your highlights saved across all your devices? Sign up or sign in
© 2017 Wycliffe Bible Translators, Inc.
Mikolo ye'ndumwa 26
26
1Chasinda, Akiripa era kubura Paulo mbu: «Nao, nakwêresise eloso lwe'kuchitetera weine.»
Paulo kukwera kwêmusa emino, na átangirisa áteta mbu: 2«Mwami Akiripa, lwarero nàmoire busese kwîmanga era muhondo sao nyichítetere era luulu se'myasi yoshi era Bayuta bénjire bányisitaka'ko. 3Námoa bacha bushi weine utúla wìshi kubuya emyanya yoshi ye'Bayuta. Kanji ùnêshi emyasi era bénde báenzanya kwe'bwaka. Bushi no'ku waliya, nákwěma unyûmvirise busira kunyifira bute.
4«eBayuta boshi banátula bèshi kute emyanya yanyi yábaa itúla kutengera elyane'toto lyanyi. Kanji banêshi kute néndee náchitola ene mwetu, no'mwa musi we'Yerusalemu. 5Kutengera mira abu bandu batúla banyîshi kubuya. Na akaba bàsimire, beine bànganalosa kanangana kwa nábaa nyitúla muuma mwa chikembe che'Bafarisayo*. Na'bu Bafarisayo* bu batúla basímikire busese mwa myasi era yèrekere emyanya ye'tini* lyetu. 6Lwarero nera nátongana, bushi nyitúla nyilángalire echirane cha Ongo álanyaa bahokulu betu. 7Ne'chi chiraane, embaa setu ekumi ne'biri nasi, sinátula silángalire kwa Ongo akánabalosa'chi. Ne'chi chi chénde chátuma bánamukorera emushi ne'butufu. Rero waliya, oyu mulangaliro ino'yu iwátuma bano Bayuta bányisitaka lwarero. 8Nenyu, chi chìngatuma mwánana kwêmerera kwa Ongo énde ômwola ebafu?
9«Nanyi era muhondo se'bine, nabáa nyinásene kwa binyěmire kunde náira byoshi bya nyìngaala kwa kulwisanya esina lya Yesu we'Nasareti. 10Ne'bi bi nanáiraa ne'Yerusalemu. eBakulu-kulu be'bakuhanyi bera kumba ne'buashi bwe'kunde náumanga bemeresi banene mwa buroko. Na mango béndee báteta mbu bêchibwaa, nanyi néndee nánaba lwango luuma nabo. 11Nabáa nénjire náya kubapunjira mwa mashenge me'Bayuta chasiya banáne Yesu. Nabáa nyibéte ku mungo munene busese, nera kunaika kwa chihangi náya kubaiya no'mwa misi ye'binji bio.
12«Lusuku luuma, ebakulu-kulu be'bakuhanyi* bera kumba eloso lwe'kuya mwa musi we'Tamasiki. 13Rero mwami, ábere nyináchiri mwa njira esuba limenzi, kuna kulola ku chilungere chátenga kwa nguba. Echi chilungere, chábaa chálangala kurenza esuba, na chátulomekera enyinda soshi ala'uma ne'bandu ba nábaa nyìri nabo mwa luendo. 14Unao-unao, tuboshi kuna kukumbaalanga. Chasinda, nera kûmva murenge muuma ányibura mwa Chieburaniya mbu: ‹Saulo, Saulo! Chi chátuma wányiribusa? Woyo ùli nga ngaafu era yáchihuta kwa ngonyi ye'nawabo. Uményaa kwa wáchiribusa buha.› 15Nanyi nera kwire nábusa mbu: ‹Woyo únde Enawetu?› Nai mbu: ‹Nyono nyi Yesu nyi wálibusa. 16Wíree wábatuka wǐmange. Nakúpamukirire'ko bushi náhonda nyikuíre kuba muanda wanyi. Ungénde wábalikisisa ebandu kwa wànyilolire'ko, na kubabalikisisa ebinji bya nyingáhuba kukulosa. 17Nyingénde na kutabala mwa maboko ma banyakenyu Bayuta, no'mwa me'bandu be'sinji mbaa. Abu bandu, bu nákutuma era bàli, 18chasiya ubáboole emeho, baténge mwa musimya, báye mwa bulangare. Baténge mwa mino sa Wamusimu, baálukire Ongo. Mwe'i njira, mu bangábabalirwa ebibi byabo, na kubona echisiki ala'uma ne'banji babuya-buya banyi, ba Ongo álondwere kwa njira ye'kunyemerera.›#26:18 Somaa Isaya 42:6-7; Bakolosayi 1:12-13.
19«Bushi no'ku mwami Akiripa, ei myasi nòmvaa mwa byabunya biroto yátengera kwa nguba, nera kunaira kwa yabáa yányěma. 20Nera kwire nánatangirira kuhubanganyisa besha Tamasiki mbu babíndukaa baténge mwa bibi byabo baálukire Ongo, ne'myanya yabo índaa yálosa kanangana kwa bàbindukire. Chasinda, nera kuya kuhubanganyisa besha Yerusalemu ei myasi inei-inei, na besha mwa chio choshi che'Yuteya, kuikirira no'kwa bandu be'sinji mbaa nabo. 21Rero bushi ne'i myasi, eBayuta bera kunyisimbira mwa Luhu lwa Ongo*, ne'kubura bányita. 22Si kuikira kwo'luno lusuku lwa lwarero, Ongo kunyilanga ku anáchiri ányilanga. Bushi no'ku, nyináchiri náendekera kuhubanganyisa ebandu boshi, ebakulu ne'batoto, emyasi era nàchiloreraa'ko. Kutali inji myasi isibya era nénjire náhubanganyisa ebandu, si ináli era ebarebi* na Musa béndee báteta kwa ikáika. 23Abu boshi bátetaa kwa byěmire Masiya* alíbuke, ábe na mubere kwômoka mwa bafu, chasiya ahúbanganye ebwami bwe'bulangare era mwa banyakabo Bayuta, ne'ra mwe'bandu be'sinji mbaa.»
Paulo áhonda Akiripa émerere Yesu
24Mango Paulo ábaa anáchiri áchitetera, Fesito era kumubura na murenge munene mbu: «Woyo Paulo wasíreire! Ekusoma kwa wásomire busese, ku kwakurorobanyise ebwenge!»
25Si Paulo era kumwǎkula mbu: «eWaliya Fesito, nyono nda musire. Emyasi era náteta ìri ya kanangana, kanji ìri ya mundu ola ùtungenene. 26Ei myasi, mwami Akiripa nai anáishi kubuya-buya. Kanji nyìshi kanangana kwa kutáli cha âbukire, bushi ei myasi itaíribwaa mwa bubisho-bisho. Bushi no'ku, ndéte buba busibya bwa kuteta era muhondo sai. 27Mwami Akiripa, emyasi era barebi* bátetaa, si utúla ùyêmerere! Nyinéshi kanangana kwa unátula ùyêmerere.»
28Akiripa era kwire ábusa Paulo mbu: «Wáanyisa mbu ùnganyihubya mukirisito mwe'bine bihangi bieke?» 29Paulo nai mbu: «Chiro bìngaba bihangi bieke nesi binene, néma Ongo bushi nao, na bushi na bano banji bandu boshi ba bányumvirisa lwarero múbe ngo'kwa nyìri. Si ndáhonda múnde mwáminwa ngo'kuno nyìminyirwe ne'mareure.»
30Chasinda, mwami era kwire êmanga, na Fesito, na Bereniki ne'banji bandu ba bábaa békese ala'uma nabo. 31Ábere bera bàulukaa, bera kutangirisa báteta mwa kachi-kachi kabo mbu: «Oyu mundu, kutali mwasi ola àkolire ola ùngatuma êchibwa nesi áminwa.»
32Chasinjire, Akiripa era kwire ábura Fesito mbu: «Oyu mundu, akaba àtachêmeraa yeine mbu áhonda kuya kutonganyira era muhondo sa Mwami we'Baroma, ábaa àngaboolibwe.»
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2017 Wycliffe Bible Translators, Inc.