Mikolo ye'ndumwa 24
24
eBayuta básitaka Paulo era mwa Feliki
1Era nyuma sa suku etano, emukulu-kulu we'bakuhanyi* Ananiya, era kwândaalira mwa musi we'Kaisariya ala'uma na bashamuka bauma be'Bayuta, na mundu muuma wa kubatetera mbu i'Teritulo. Bera kuika era muhondo sa Feliki, i'mukulu-kulu we'chio, basítake Paulo. 2Mango Feliki ábaa era amáalaa Paulo, Teritulo era kutangirisa ásitaka Paulo mbu:
«eWaliya, úutumire twábona ebôlo mwe'sine suku soshi. Kanji bushi ne'kwîmangira ebandu kwao kubuya, ku kwatúmire bindu binene byábinduka kuba kubuya kwa mutoloke we'chine chio. 3Kwe'bi byoshi waliya Feliki, esuku soshi na mu chira chisiki, kukutonga ku twénde twákutonga. 4Rero ndáhonda kukutamya, si nera nákwěma ǔmvirise na muchima muuma ene myasi yeeke twáhonda kuteta.
5«Ono mundu, twalólire mira kwa àli ngabo ya mulume, bushi énjire ákonga elwayo mwa kachi-kachi ke'Bayuta boshi bo'mwa butala. Kanji i'utúla mukulu-kulu we'chikekembe che' Banasareti. 6Abáa áhonda na kubalasa eLuhu lwa Ongo*, twera kwire twámusimba. [Twera kuhonda tùmutonganye kukulikana no'kwa Mwaso* wetu atúla àtechire, 7si emukulu-kulu we'basula, Lusiya era kuika na átunyaahula'i. 8Era kuteta mbu ba basítakire Paulo, ene ùli yi'bayáa.] Rero nao, mango weine ungába wamútonganyise, mu mango ungámenyerera kanangana cha chatúmire twámusitaka.»
9Ei myasi ya Teritulo, eBayuta nabo bera kunateta mbu ináli ya kanangana.
Paulo áchitetera era muhondo se'mukulu-kulu Feliki
10Chasinda, Feliki era kusimira Paulo mbu nai éraa áteta. Nai kukwera kuuma mwa bunu mbu: «Nyìshi kwa wamála myaka inene wáisha manja mwe'chine chio. Bushi no'ku waliya, nyéte lumoo lunene lwa kutongana era muhondo sao. 11Weine ùnganabusa, banákubure kwa kutasa kurenga suku sinene kwe'kumi ne'biri naíkaa mwa musi we'Yerusalemu, kuya kwêra Ongo. 12Na mwa bano bandu, mutáli chiro na muuma ola wànyibuanaa náenda bwaka na mundu, nesi mbu náshiirisa bandu mbu barétaa lwayo: ábe mwa Luhu lwa Ongo*, nesi mwa mashenge me'Bayuta, nesi mu chisiki chirebe mwo'yu musi. 13Kanji waliya, bano bandu bàtangaala kukulosa kwa emyasi era bànyisitakire'ko iri ya kanangana. 14Si cha nemérere era muhondo sao waliya, chi chechine: nyono nénjire nákorera Ongo wa bahokulu betu kukulikana ne'njira era beke bénjire báteta mbu iri ya bisha. Kanji byoshi bya bitúla byerékere eMwaso we'Bayuta, na bya bitúla byǎnjkirwe mwa bitabo bye'barebi*, nabi nyinátula nyibyêmerere. 15Kanji, kwa bano balume béte emunyiiro kwa Ongo àkômwola ebabi ne'babuya, nanyi ku nyinéte'o. 16Bushi no'ku, chira lusuku nénde náchisesa nyilórekane'ko mubuya era muhondo sa Ongo ne'ra muhondo se'bandu.
17«Rero waliya, era nyuma sa kumala myaka inene ndáli mwa musi we'Yerusalemu, nàhubaa'mo nyiáse banyaketu na mwango wa buteya, na kwêresa Ongo emitulo*. 18Ebyera bi nabáa náira mango bànyibuanaa mwa Luhu lwa Ongo*. Kanji nabáa nàrengire mira no'mwa mwiya we'kuchikomya*. Na mwo'lu Luhu, nabáa ndáli'mo na luamba lwa bandu, kutáli na lwayo lusibya lwa nàretaa'mo. 19Si mwábaa munáli Bayuta bauma ba bátengera mwa chio che'Asiya oshâo. Abola beke bu bàngaire kunyisitaka ene muhondo sao akaba bábaa banyéte ku mwasi. 20Rero, bano bandu bàli anola nabo, béraa báteta akaba bànyumvaa ku mwasi mubi mango nábaa nátongana era muhondo se'Karubanda kabo. 21Ngaba cha bànyumvaa'ko bulio, chìri mango nàlakangaa na murenge munene era muhondo sabo mbu: ‹Lwarero nátongana era muhondo senyu bushi nyéte emunyiiro kwa ebafu bakômwoka!›»
22Feliki, bushi ábaa ômvire mira emyasi era yèrekere enjira ya Yesu, era kwîmanza elubanja tanga. Era kuteta mbu: «Nyingábaishira luno lubanja mango emukulu-kulu we'basula, Lusiya, angába aíkire kuno!» 23Chasinda, era kubura emukulu-kulu we'basula kwa alángaa Paulo mwa buroko, si éndaa ámurekera bihangi bieke bya kuira bya ahónjire. Kanji aténdaa ângika bera bai mango bangénde báika kumuasa.
Feliki na mukai Turusila bômvirisa Paulo
24Era nyuma sa suku sieke, Feliki na mukai Turusila Muyuta-kasi, bera kuika. Era kuteta mbu bàmwâmaaliraa Paulo. Bera kûmvirisa emyasi era Paulo ábaa áteta era luulu se'kwêmerera Yesu Kirisito. 25Era kunaendekera ábahambalira kute emundu ěmire kuba era muhondo sa Ongo, na kute ku ěmire kuchilanga kwa mabi, na kubahambalira era luulu se'buchinjibusi bwa Ongo bwa bukáika. Feliki ômvire bacha, era kwôbaa, era kwire ábura Paulo mbu: «Uéndaa tanga, nyingáhuba kukwamaala mango nyingábona ebinji bihangi.» 26Si Feliki era kunde âmaala Paulo bihangi biuma-biuma chasiya ahámbale nai, bushi ábaa áanyisa mbu Paulo angámweresa buteya.
27Ábere kwàrenga myaka ebiri, Porikiyo Fesito era kwîma mwe'twe lya Feliki. Si bushi Feliki ábaa áhonda kusimisa eBayuta, era kureka Paulo mwa buroko.
Currently Selected:
Mikolo ye'ndumwa 24: tbt
Highlight
Share
Copy
Want to have your highlights saved across all your devices? Sign up or sign in
© 2017 Wycliffe Bible Translators, Inc.
Mikolo ye'ndumwa 24
24
eBayuta básitaka Paulo era mwa Feliki
1Era nyuma sa suku etano, emukulu-kulu we'bakuhanyi* Ananiya, era kwândaalira mwa musi we'Kaisariya ala'uma na bashamuka bauma be'Bayuta, na mundu muuma wa kubatetera mbu i'Teritulo. Bera kuika era muhondo sa Feliki, i'mukulu-kulu we'chio, basítake Paulo. 2Mango Feliki ábaa era amáalaa Paulo, Teritulo era kutangirisa ásitaka Paulo mbu:
«eWaliya, úutumire twábona ebôlo mwe'sine suku soshi. Kanji bushi ne'kwîmangira ebandu kwao kubuya, ku kwatúmire bindu binene byábinduka kuba kubuya kwa mutoloke we'chine chio. 3Kwe'bi byoshi waliya Feliki, esuku soshi na mu chira chisiki, kukutonga ku twénde twákutonga. 4Rero ndáhonda kukutamya, si nera nákwěma ǔmvirise na muchima muuma ene myasi yeeke twáhonda kuteta.
5«Ono mundu, twalólire mira kwa àli ngabo ya mulume, bushi énjire ákonga elwayo mwa kachi-kachi ke'Bayuta boshi bo'mwa butala. Kanji i'utúla mukulu-kulu we'chikekembe che' Banasareti. 6Abáa áhonda na kubalasa eLuhu lwa Ongo*, twera kwire twámusimba. [Twera kuhonda tùmutonganye kukulikana no'kwa Mwaso* wetu atúla àtechire, 7si emukulu-kulu we'basula, Lusiya era kuika na átunyaahula'i. 8Era kuteta mbu ba basítakire Paulo, ene ùli yi'bayáa.] Rero nao, mango weine ungába wamútonganyise, mu mango ungámenyerera kanangana cha chatúmire twámusitaka.»
9Ei myasi ya Teritulo, eBayuta nabo bera kunateta mbu ináli ya kanangana.
Paulo áchitetera era muhondo se'mukulu-kulu Feliki
10Chasinda, Feliki era kusimira Paulo mbu nai éraa áteta. Nai kukwera kuuma mwa bunu mbu: «Nyìshi kwa wamála myaka inene wáisha manja mwe'chine chio. Bushi no'ku waliya, nyéte lumoo lunene lwa kutongana era muhondo sao. 11Weine ùnganabusa, banákubure kwa kutasa kurenga suku sinene kwe'kumi ne'biri naíkaa mwa musi we'Yerusalemu, kuya kwêra Ongo. 12Na mwa bano bandu, mutáli chiro na muuma ola wànyibuanaa náenda bwaka na mundu, nesi mbu náshiirisa bandu mbu barétaa lwayo: ábe mwa Luhu lwa Ongo*, nesi mwa mashenge me'Bayuta, nesi mu chisiki chirebe mwo'yu musi. 13Kanji waliya, bano bandu bàtangaala kukulosa kwa emyasi era bànyisitakire'ko iri ya kanangana. 14Si cha nemérere era muhondo sao waliya, chi chechine: nyono nénjire nákorera Ongo wa bahokulu betu kukulikana ne'njira era beke bénjire báteta mbu iri ya bisha. Kanji byoshi bya bitúla byerékere eMwaso we'Bayuta, na bya bitúla byǎnjkirwe mwa bitabo bye'barebi*, nabi nyinátula nyibyêmerere. 15Kanji, kwa bano balume béte emunyiiro kwa Ongo àkômwola ebabi ne'babuya, nanyi ku nyinéte'o. 16Bushi no'ku, chira lusuku nénde náchisesa nyilórekane'ko mubuya era muhondo sa Ongo ne'ra muhondo se'bandu.
17«Rero waliya, era nyuma sa kumala myaka inene ndáli mwa musi we'Yerusalemu, nàhubaa'mo nyiáse banyaketu na mwango wa buteya, na kwêresa Ongo emitulo*. 18Ebyera bi nabáa náira mango bànyibuanaa mwa Luhu lwa Ongo*. Kanji nabáa nàrengire mira no'mwa mwiya we'kuchikomya*. Na mwo'lu Luhu, nabáa ndáli'mo na luamba lwa bandu, kutáli na lwayo lusibya lwa nàretaa'mo. 19Si mwábaa munáli Bayuta bauma ba bátengera mwa chio che'Asiya oshâo. Abola beke bu bàngaire kunyisitaka ene muhondo sao akaba bábaa banyéte ku mwasi. 20Rero, bano bandu bàli anola nabo, béraa báteta akaba bànyumvaa ku mwasi mubi mango nábaa nátongana era muhondo se'Karubanda kabo. 21Ngaba cha bànyumvaa'ko bulio, chìri mango nàlakangaa na murenge munene era muhondo sabo mbu: ‹Lwarero nátongana era muhondo senyu bushi nyéte emunyiiro kwa ebafu bakômwoka!›»
22Feliki, bushi ábaa ômvire mira emyasi era yèrekere enjira ya Yesu, era kwîmanza elubanja tanga. Era kuteta mbu: «Nyingábaishira luno lubanja mango emukulu-kulu we'basula, Lusiya, angába aíkire kuno!» 23Chasinda, era kubura emukulu-kulu we'basula kwa alángaa Paulo mwa buroko, si éndaa ámurekera bihangi bieke bya kuira bya ahónjire. Kanji aténdaa ângika bera bai mango bangénde báika kumuasa.
Feliki na mukai Turusila bômvirisa Paulo
24Era nyuma sa suku sieke, Feliki na mukai Turusila Muyuta-kasi, bera kuika. Era kuteta mbu bàmwâmaaliraa Paulo. Bera kûmvirisa emyasi era Paulo ábaa áteta era luulu se'kwêmerera Yesu Kirisito. 25Era kunaendekera ábahambalira kute emundu ěmire kuba era muhondo sa Ongo, na kute ku ěmire kuchilanga kwa mabi, na kubahambalira era luulu se'buchinjibusi bwa Ongo bwa bukáika. Feliki ômvire bacha, era kwôbaa, era kwire ábura Paulo mbu: «Uéndaa tanga, nyingáhuba kukwamaala mango nyingábona ebinji bihangi.» 26Si Feliki era kunde âmaala Paulo bihangi biuma-biuma chasiya ahámbale nai, bushi ábaa áanyisa mbu Paulo angámweresa buteya.
27Ábere kwàrenga myaka ebiri, Porikiyo Fesito era kwîma mwe'twe lya Feliki. Si bushi Feliki ábaa áhonda kusimisa eBayuta, era kureka Paulo mwa buroko.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2017 Wycliffe Bible Translators, Inc.