Mikolo ye'ndumwa 14
14
Paulo na Baranaba báhubanganya eChinwa cha Ongo mwa musi we'Ikoniyo
1Mango Paulo na Baranaba báikaa mwa musi we'Ikoniyo, namo byera kunába ngo'kwa byánabaa eAndiyokiya. Mwo'yu musi namo, bera kwêngirira mwa bushenge bwe'Bayuta*. Bera kukangirisa ebandu eChinwa cha Ongo kuikira kwa bihangi Bayuta na Bakiriki bánene báhuba bemeresi. 2Si eBayuta ba bánanaa kwêmerera Yesu, bera kushiírisa ebandu be'sinji mbaa kuata muchima mubi kwa bemeresi. 3Si chiro bacha, Paulo na Baranaba bera kunékala suku sinene mwo'yu musi. Bábaa bénjire báhubanganyisa ebandu eChinwa cha Ongo busira buba, bushi Enawetu ábaa énjire êresa'bo ebuashi bwe'kuíra ebisomerano ne'bimenyeso. Ebyera byera kunde byálosa kwa emyasi ye'bonjo bwai era béndee báhubanganya ináli ya kanangana. 4Besha Ikoniyo bera kuberekana'mo mbiriri ebiri: bauma bera kuba kwa lunda lwe'Bayuta, ne'banji kwa lunda lwe'ndumwa.
5Chasinda, eBayuta ne'bandu be'sinji mbaa, ala'uma ne'bakulu-kulu babo, bera kuya lwango lwa kuhonda kulibusa Paulo na Baranaba, ne'kubeta mwa kubaumanga emakoi. 6Si Paulo na Baranaba bera kumenya oyu mwasi. Bushi no'ku, bera kuhaira mwa chio che'Likaoniya, mwa musi we'Lisitara ne'we'Teribe, no'mwa ndambi-ndambi sayi. 7Mwe'i misi namo, bera kunde báhubanganyisa ebandu eMwasi Mubuya-buya.
Paulo álamya echirema mwa musi we'Lisitara
8Mwa musi we'Lisitara mwábaa mutúla mulume muuma wa chirema. Kutengera ekubutwa kwai, ábaa àtafura kubatuka bushi emaulu mai mábaa màremere. 9Lusuku luuma, oyu mulume ábaa ômvirisa emyasi era Paulo ábaa áteta. Paulo era kumutumbikisa busese, era kumenyerera kwa oyu mundu éte bwemeresi bwa bùngamulamya. 10Paulo kukwera kumubura na murenge munene mbu: «Bàtukaa, unêmange chima-chima!» Unao-unao, kuna kubanzukala na átangirisa áchěndera.
11Mango ebandu bálolaa kwa myasi era Paulo aírire, bera kuuma emurenge mwe'teta lyabo lye'Chilikaoniya mbu: «Ebaongo bachíhubise bandu na búberire bátwandaalira!» 12Abu bandu bera kunde bérika Baranaba esina lya Seu i'mukulu-kulu we'baongo be'Bakiriki na Paulo esina lya Herimesi iwábaa mutechi wai. 13Eluhu lwa Seu lwábaa lutúla mwa chifuna che'musi. Rero kuhanyi wo'lu luhu ala'uma ne'bandu era kuhonda bérese Paulo na Baranaba emitulo*. Bushi no'ku, era kureta mbanzi sa sìtonyisibwe na bikanda bya bwaso kwa chiso cho'lu luhu. 14Si mango Paulo na Baranaba bômvaa kwo'yu mwasi, bera kuberenganga enjimba sabo kwa kulosa ebusinane bwabo. Bera kulibichira mwa luamba lwe'bandu báenda bálakanga mbu: 15«E banyaketu! Chi chátuma mwáira bacha? Si netu tunáli bandu kuuma nenyu! Kanji eMwasi Mubuya-buya ola twénjire twábahambalira, kuli kubabura kwa murékaa kunde mwêra ebihuhanyi, muálukire Ongo we'kalamo bushi iwábumbaa enguba ne'butala, ne'nyanja ala'uma na byoshi bya bitúla mubi. 16Mwa suku sa sárengaa, Ongo árekereraa embaa soshi kunde sákulikira enjira sabo beine. 17Si chiro bacha, atánarekaa kunde áchilosa era mùli mwa kubakorera emabuya. Kanji iwénde wáberesa emvula kutengera kwa nguba, na kubesesa emyaka kwa bianyiro bikomire, na kuberesa ekalyo, na kunde átuma mwába mwa lumoo busese.» 18Chiro mbu Paulo na Baranaba bátetaa ei myasi yoshi, báinaa kwa bàngaangika abu bandu mbu bàteresaa'bo emitulo*.
19Chasinda, Bayuta bauma bera kupamukira mwa musi we'Andiyokiya ne'we'Ikoniyo. Bera kushíirisa ebandu, báye kwa lunda lwabo. Bera kúumanga Paulo emakoi na bámukulurira era mbuwa se'musi bushi báchichingaa mbu àfire. 20Si mango ebemeresi bámusungulaa, era kubatuka, na áhuba kwêngirira mwa musi. Chasinjire, mwe'li lishisho, era kuya na Baranaba mwa musi we'Teribe.
Paulo na Baranaba báhuba mwa musi we'Andiyokiya
21Mango Paulo na Baranaba bábaa bera bàhambaliraa ebandu eChinwa cha Ongo mwa musi we'Teribe na kubona bemeresi banene mubo, bera kuhuba mwa musi we'Lisitara ne'we'Ikoniyo, ne'we'Andiyokiya. 22Esi ndumwa sábaa sénjire sásesa ebemeresi emichima ne'kunde sákangirisa'bo mbu béndaa bálangalira Yesu busese. Bacha ku séndee sábura'bo: «Akaba twáhonda kwêngira mwa Bwami bwa Ongo*, bitwěmire kurenga mu malibuko manene.» 23Na mu chira chisiki cha chábaa chìri mu bemeresi, bera kubalondorera ebangumwa be'kubemangira. Era nyuma se'memo ma ménde máiribwa busira kulya, bera kuběmera era mwa Enawetu ibábaa bèmerere, abalánge.
24Era nyuma se'bi, Paulo na Baranaba bera kurengera mwa chio che'Pisitiya báhabukira mwa che'Pamufiriya. 25Ábere bera bàhubanganyisaa ebandu eChinwa cha Ongo mwa musi we'Perika, bera kwire bândaalira mwa we'Ataliya. 26Kanji bera kutola ebwato bàtenga mwo'yu musi, na báhabukira mwa we'Andiyokiya. Mwo'yu musi mu bémerwaa engahanyi era mwa Ongo bushi ne'mulimo ola bábaa bera bákolaa.#14:26 Somaa 13:1-3. 27Mango báikaa eAndiyokiya, bera kubuanyanya ebemeresi, bera kubalikisisa'bo byoshi bya Ongo áiraa kubarengera'ko. Kanji bera kunálosa kute ku àbooereraa ebandu ba bàtatula Bayuta enjira ye'kwêmerera Yesu. 28Paulo na Baranaba bera kwékala suku sinene ala'uma ne'bemeresi.
Currently Selected:
Mikolo ye'ndumwa 14: tbt
Highlight
Share
Copy
Want to have your highlights saved across all your devices? Sign up or sign in
© 2017 Wycliffe Bible Translators, Inc.
Mikolo ye'ndumwa 14
14
Paulo na Baranaba báhubanganya eChinwa cha Ongo mwa musi we'Ikoniyo
1Mango Paulo na Baranaba báikaa mwa musi we'Ikoniyo, namo byera kunába ngo'kwa byánabaa eAndiyokiya. Mwo'yu musi namo, bera kwêngirira mwa bushenge bwe'Bayuta*. Bera kukangirisa ebandu eChinwa cha Ongo kuikira kwa bihangi Bayuta na Bakiriki bánene báhuba bemeresi. 2Si eBayuta ba bánanaa kwêmerera Yesu, bera kushiírisa ebandu be'sinji mbaa kuata muchima mubi kwa bemeresi. 3Si chiro bacha, Paulo na Baranaba bera kunékala suku sinene mwo'yu musi. Bábaa bénjire báhubanganyisa ebandu eChinwa cha Ongo busira buba, bushi Enawetu ábaa énjire êresa'bo ebuashi bwe'kuíra ebisomerano ne'bimenyeso. Ebyera byera kunde byálosa kwa emyasi ye'bonjo bwai era béndee báhubanganya ináli ya kanangana. 4Besha Ikoniyo bera kuberekana'mo mbiriri ebiri: bauma bera kuba kwa lunda lwe'Bayuta, ne'banji kwa lunda lwe'ndumwa.
5Chasinda, eBayuta ne'bandu be'sinji mbaa, ala'uma ne'bakulu-kulu babo, bera kuya lwango lwa kuhonda kulibusa Paulo na Baranaba, ne'kubeta mwa kubaumanga emakoi. 6Si Paulo na Baranaba bera kumenya oyu mwasi. Bushi no'ku, bera kuhaira mwa chio che'Likaoniya, mwa musi we'Lisitara ne'we'Teribe, no'mwa ndambi-ndambi sayi. 7Mwe'i misi namo, bera kunde báhubanganyisa ebandu eMwasi Mubuya-buya.
Paulo álamya echirema mwa musi we'Lisitara
8Mwa musi we'Lisitara mwábaa mutúla mulume muuma wa chirema. Kutengera ekubutwa kwai, ábaa àtafura kubatuka bushi emaulu mai mábaa màremere. 9Lusuku luuma, oyu mulume ábaa ômvirisa emyasi era Paulo ábaa áteta. Paulo era kumutumbikisa busese, era kumenyerera kwa oyu mundu éte bwemeresi bwa bùngamulamya. 10Paulo kukwera kumubura na murenge munene mbu: «Bàtukaa, unêmange chima-chima!» Unao-unao, kuna kubanzukala na átangirisa áchěndera.
11Mango ebandu bálolaa kwa myasi era Paulo aírire, bera kuuma emurenge mwe'teta lyabo lye'Chilikaoniya mbu: «Ebaongo bachíhubise bandu na búberire bátwandaalira!» 12Abu bandu bera kunde bérika Baranaba esina lya Seu i'mukulu-kulu we'baongo be'Bakiriki na Paulo esina lya Herimesi iwábaa mutechi wai. 13Eluhu lwa Seu lwábaa lutúla mwa chifuna che'musi. Rero kuhanyi wo'lu luhu ala'uma ne'bandu era kuhonda bérese Paulo na Baranaba emitulo*. Bushi no'ku, era kureta mbanzi sa sìtonyisibwe na bikanda bya bwaso kwa chiso cho'lu luhu. 14Si mango Paulo na Baranaba bômvaa kwo'yu mwasi, bera kuberenganga enjimba sabo kwa kulosa ebusinane bwabo. Bera kulibichira mwa luamba lwe'bandu báenda bálakanga mbu: 15«E banyaketu! Chi chátuma mwáira bacha? Si netu tunáli bandu kuuma nenyu! Kanji eMwasi Mubuya-buya ola twénjire twábahambalira, kuli kubabura kwa murékaa kunde mwêra ebihuhanyi, muálukire Ongo we'kalamo bushi iwábumbaa enguba ne'butala, ne'nyanja ala'uma na byoshi bya bitúla mubi. 16Mwa suku sa sárengaa, Ongo árekereraa embaa soshi kunde sákulikira enjira sabo beine. 17Si chiro bacha, atánarekaa kunde áchilosa era mùli mwa kubakorera emabuya. Kanji iwénde wáberesa emvula kutengera kwa nguba, na kubesesa emyaka kwa bianyiro bikomire, na kuberesa ekalyo, na kunde átuma mwába mwa lumoo busese.» 18Chiro mbu Paulo na Baranaba bátetaa ei myasi yoshi, báinaa kwa bàngaangika abu bandu mbu bàteresaa'bo emitulo*.
19Chasinda, Bayuta bauma bera kupamukira mwa musi we'Andiyokiya ne'we'Ikoniyo. Bera kushíirisa ebandu, báye kwa lunda lwabo. Bera kúumanga Paulo emakoi na bámukulurira era mbuwa se'musi bushi báchichingaa mbu àfire. 20Si mango ebemeresi bámusungulaa, era kubatuka, na áhuba kwêngirira mwa musi. Chasinjire, mwe'li lishisho, era kuya na Baranaba mwa musi we'Teribe.
Paulo na Baranaba báhuba mwa musi we'Andiyokiya
21Mango Paulo na Baranaba bábaa bera bàhambaliraa ebandu eChinwa cha Ongo mwa musi we'Teribe na kubona bemeresi banene mubo, bera kuhuba mwa musi we'Lisitara ne'we'Ikoniyo, ne'we'Andiyokiya. 22Esi ndumwa sábaa sénjire sásesa ebemeresi emichima ne'kunde sákangirisa'bo mbu béndaa bálangalira Yesu busese. Bacha ku séndee sábura'bo: «Akaba twáhonda kwêngira mwa Bwami bwa Ongo*, bitwěmire kurenga mu malibuko manene.» 23Na mu chira chisiki cha chábaa chìri mu bemeresi, bera kubalondorera ebangumwa be'kubemangira. Era nyuma se'memo ma ménde máiribwa busira kulya, bera kuběmera era mwa Enawetu ibábaa bèmerere, abalánge.
24Era nyuma se'bi, Paulo na Baranaba bera kurengera mwa chio che'Pisitiya báhabukira mwa che'Pamufiriya. 25Ábere bera bàhubanganyisaa ebandu eChinwa cha Ongo mwa musi we'Perika, bera kwire bândaalira mwa we'Ataliya. 26Kanji bera kutola ebwato bàtenga mwo'yu musi, na báhabukira mwa we'Andiyokiya. Mwo'yu musi mu bémerwaa engahanyi era mwa Ongo bushi ne'mulimo ola bábaa bera bákolaa.#14:26 Somaa 13:1-3. 27Mango báikaa eAndiyokiya, bera kubuanyanya ebemeresi, bera kubalikisisa'bo byoshi bya Ongo áiraa kubarengera'ko. Kanji bera kunálosa kute ku àbooereraa ebandu ba bàtatula Bayuta enjira ye'kwêmerera Yesu. 28Paulo na Baranaba bera kwékala suku sinene ala'uma ne'bemeresi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2017 Wycliffe Bible Translators, Inc.