Yosua 20
20
Den foto pe sma ben kan go kibri
1Baka dati MASRA taigi Yosua taki: 2“Taigi den Israelitisma taki den mus poti wantu foto pe wan sma kan lon go kibri di kiri wan trawan sondro espresi. Mi ben meki Moses taki nanga den abra a sani disi kba. 3Wan sma di kiri wan trawan sondro espresi, sondro fu a ben waka nanga a prakseri fu du dati, kan lowe go drape. Dan so a famiriman fu a dedesma, di abi a leti fu kiri en baka, no sa feni en fu kiri. 4Te a sma di kiri a trawan lowe go na wan fu den foto disi, a sa tan tnapu na a bigin fu a foto fu ferteri den edeman fu a foto san psa. Dan den edeman mus teki en ini a foto èn gi en wan tanpresi, dan a sa tan libi drape. 5Te a famiriman fu a sma di a kiri kon na en baka, den edeman no sa gi a man abra. Bika a no nanga espresi a kiri a trawan èn a no de so tu taki na si a no ben man si a trawan na ai. 6A mus tan libi ini a foto, te leki a go na krutu fesi den sma fu a foto. Efu a no fowtu, a kan tan libi drape te leki a granpriester fu a ten dati dede. Dan fosi a kan drai go baka na en oso, ini a foto pe a ben lowe kmoto.”
7Dan den Israelitisma teki den foto disi leki foto pe wan sma ben kan lon go: Kedes ini Galilea, ini a bergikontren fu Naftali, Sikem ini a bergikontren fu Efraim, nanga Kiryat-Arba, dati na Hebron, ini a bergikontren fu Yuda. 8Den foto di den teki na a tra sei fu a Yordanliba, oostsei fu a foto Yeriko, ben de: Beser, ini a dreisabana, ini a heikontren fu a lo fu Ruben. Ramot ini Gilead ini a kontren fu Gad nanga Golan ini Basan ini a kontren fu a lo fu Manase. 9Disi ben de den foto pe ala Israelitisma nanga den doroseisma di ben e libi na den mindri ben kan lon go kibri te den ben kiri wan sma sondro espresi. A fasi dati a famiriman fu a dedesma, di abi a leti fu kiri en baka, no o man kiri en fosi a go na krutu fesi den sma fu a foto.
Currently Selected:
Yosua 20: SB16
Highlight
Copy
Compare
Share
Want to have your highlights saved across all your devices? Sign up or sign in
Tekst © Surinaams Bijbelgenootschap 2016
Yosua 20
20
Den foto pe sma ben kan go kibri
1Baka dati MASRA taigi Yosua taki: 2“Taigi den Israelitisma taki den mus poti wantu foto pe wan sma kan lon go kibri di kiri wan trawan sondro espresi. Mi ben meki Moses taki nanga den abra a sani disi kba. 3Wan sma di kiri wan trawan sondro espresi, sondro fu a ben waka nanga a prakseri fu du dati, kan lowe go drape. Dan so a famiriman fu a dedesma, di abi a leti fu kiri en baka, no sa feni en fu kiri. 4Te a sma di kiri a trawan lowe go na wan fu den foto disi, a sa tan tnapu na a bigin fu a foto fu ferteri den edeman fu a foto san psa. Dan den edeman mus teki en ini a foto èn gi en wan tanpresi, dan a sa tan libi drape. 5Te a famiriman fu a sma di a kiri kon na en baka, den edeman no sa gi a man abra. Bika a no nanga espresi a kiri a trawan èn a no de so tu taki na si a no ben man si a trawan na ai. 6A mus tan libi ini a foto, te leki a go na krutu fesi den sma fu a foto. Efu a no fowtu, a kan tan libi drape te leki a granpriester fu a ten dati dede. Dan fosi a kan drai go baka na en oso, ini a foto pe a ben lowe kmoto.”
7Dan den Israelitisma teki den foto disi leki foto pe wan sma ben kan lon go: Kedes ini Galilea, ini a bergikontren fu Naftali, Sikem ini a bergikontren fu Efraim, nanga Kiryat-Arba, dati na Hebron, ini a bergikontren fu Yuda. 8Den foto di den teki na a tra sei fu a Yordanliba, oostsei fu a foto Yeriko, ben de: Beser, ini a dreisabana, ini a heikontren fu a lo fu Ruben. Ramot ini Gilead ini a kontren fu Gad nanga Golan ini Basan ini a kontren fu a lo fu Manase. 9Disi ben de den foto pe ala Israelitisma nanga den doroseisma di ben e libi na den mindri ben kan lon go kibri te den ben kiri wan sma sondro espresi. A fasi dati a famiriman fu a dedesma, di abi a leti fu kiri en baka, no o man kiri en fosi a go na krutu fesi den sma fu a foto.
Tekst © Surinaams Bijbelgenootschap 2016