Roomi 4
4
Akkima Aprihaami amanteetan hanqeellaawe
1Ka kuli Aprihaamise dakintan aappinno' kodde, maana akkaden kiina? 2Aprihaami katin kodaanne hanqeellaawe kiiteyye, wa jeejjaada'e qapnaanni heene. A kodditoma fuula Waaqa' tura jeejjaatta in ettansho. 3Mataafa Qulqulloota ikiini, “Aprihaami Waaqa amane, amanteetaadi ka hanqeelluma ishi' dikamte#uuma 15:6; Kelaati 3:6 .” 4Nama koda koono, muushaaraadi a akkanno, hupnaadi kamma akkanni diisheey, daassatan. 5Nama kadi punu koda paxaara in qapniniiyyi, oton Waaqase juppoolaya hanqeellanno amanaayye, amanteetaadi hanqeelluma'e ishi' dikammi. 6Taawwiti' xaadi desaaw nama a Waaqa koda paxaara mali hanqeellanno, a atta kitto akkima a eeppisame kodde lelli ka kiini,
7“Orra dapaaysho ishootta' hase,
juppootaaysho ka ishootta' diisamte,
orra a eeppisame#mas 32:1-2 .
8Nama a Poqalla juppootaadi isha qara' dikni in kinnin,
a eeppisame.”
9Hela kuli eeppisamoose a Taawwiti' haasawade, a dawra qara murade patta'e? Moon a orra a dawra qara in murannini' kuli'i? Orra a dawra qara in murannin kuli'i. “Aprihaami qoota Waaqa amane malla, amanteetaadi hanqeelluma ishi dikamte.”
10Hela kuli Aprihaami amanteetaadi aytamiiyyi hanqeelluma ishi dikamte? Hela a dawra qara murade turannem? Moon a dawra qara murade kammaayye ishi' dikamte? A dawra qara in murannin turanne ishi' dikamte diisheey, a dawra qara murade kammaayye ishi in dikamme. 11Aprihaami a dawra qara in murannin turanne, amanteetaadi akkima hanqeelluma ishi dikamte, akka milikkita ishi' koddito'e dawra qara murade. Semmalla Aprihaami, orra a dawra qara in murannin mali amane, a amanteetaaysho ka hanqeelluma ishootta' dikammitto piisa turaayye, aappa#uuma 17:10 . 12Akkimoose' mina'ew Aprihaami orra dawra qara murade kuli turaayye aappa; wa malla, orra a dawra qara murade turaayye aappa kodde, qoota ishootta dawra qara muratta pattan in koddinin mali amanteetase a Aprihaami a dawra qara in muranin turan qapo kamma aanen malla.
Kippeeta a qoota amanteetati desa daasamte
13Aprihaami akka piita lehaado'e, Waaqa wa malla isha isho sanynyeetaadi' kippeeta daashe; hanqeellumasene a amanteetan akkade diishe, qoota seera tooytaade mallan#uuma 17:4-6; 22:17-18; Kelaati 3:29 . 14Oton orra kippeese lehanno a seera tooytaanno koddeeyye, amanteeta we nakanni in kitto; kippeese nefo paata patta kideeta#Kelaati 3:18. 15Seera miira waaqa'e qeenni. Ma xoori, oton seera in kinniniiyi, ishin dapayta a seera qepissa caanni in co.
16Semmalla kippeese amanteeta qara'e qa'atte. Kippeese akkima sanynyeeta Aprihaami piisa'e daassata Waaqan daasamte sedenne upnaysammte. Sede nefo orra a seeran kallaanno patta'en ma orra a Aprihaami mina amane piisa'e koddita. Sedennen Aprihaami aappa opa ino piisa'ey#Kelaati 3:7; 17Qoota Aprihaami desa itaafamte ka kiini, “aappa opa lekna lekaytati'in ke kode.” Wa malla Aprihaami aappa ino piisa kodde, qoota isha Waaqase a le'e tootoppa xa'inno ka wa in kinninini akka kinnaadane' koono amane malla#uuma 17:5 . 18Aprihaami, akka ishi' kidamte, “Sanynyeetaayti akata lekaatta mina'e,” Akka aappa opa lekna lekayta koddo'e a wa kippatamma takkan nefo in kinniniiyyi, kippade ka amane. #uuma 15:5 19Qoota paraadi dippa mina co malla, nukkulluma a dakintaadi minan ikka akka nama to'e mina kodde ka akka xaaya in ettaninnin upa nefooyye, Saara' kuli ka xaayni in kinnin ka kerite, ikka akka in xaaynin upa nefooyye, amanteetaadin in nukkullaanne#uuma 17:17 . 20Amanteetaadinni japaade ka Waaqa ulfeena daashe diisheey, kippeetase a Waaqa daashe amana malaala minan oppa in dikanne. 21Waaqa kippeeta a daashe akkima dikkisho karittaadi piisanne amanni. 22Seminanne Aprihaami, amanteetaadi hanqeellumaa'e ishi' dikamte. 23Ma xoori qaalese kiinitto “Hanqeelluma'e ishi' dikamte,” Aprihaami patta'en taafamme; 24ino kuli'i taafamte. Ino Waaqase Poqallaanno Yesuusi tootoppa xaashe amanna, amanteetinno ino kuli'i hanqeelluma' dikamta. 25Poqalloosen xanno Yesuusi, isha juppootinno malla toota turopa tuukkame ka ino hanqeellassa malla tootoppa xa'e#Issa 53:4-5 .
Currently Selected:
Roomi 4: MaQu
Highlight
Copy
Compare
Share
Want to have your highlights saved across all your devices? Sign up or sign in
Roomi 4
4
Akkima Aprihaami amanteetan hanqeellaawe
1Ka kuli Aprihaamise dakintan aappinno' kodde, maana akkaden kiina? 2Aprihaami katin kodaanne hanqeellaawe kiiteyye, wa jeejjaada'e qapnaanni heene. A kodditoma fuula Waaqa' tura jeejjaatta in ettansho. 3Mataafa Qulqulloota ikiini, “Aprihaami Waaqa amane, amanteetaadi ka hanqeelluma ishi' dikamte#uuma 15:6; Kelaati 3:6 .” 4Nama koda koono, muushaaraadi a akkanno, hupnaadi kamma akkanni diisheey, daassatan. 5Nama kadi punu koda paxaara in qapniniiyyi, oton Waaqase juppoolaya hanqeellanno amanaayye, amanteetaadi hanqeelluma'e ishi' dikammi. 6Taawwiti' xaadi desaaw nama a Waaqa koda paxaara mali hanqeellanno, a atta kitto akkima a eeppisame kodde lelli ka kiini,
7“Orra dapaaysho ishootta' hase,
juppootaaysho ka ishootta' diisamte,
orra a eeppisame#mas 32:1-2 .
8Nama a Poqalla juppootaadi isha qara' dikni in kinnin,
a eeppisame.”
9Hela kuli eeppisamoose a Taawwiti' haasawade, a dawra qara murade patta'e? Moon a orra a dawra qara in murannini' kuli'i? Orra a dawra qara in murannin kuli'i. “Aprihaami qoota Waaqa amane malla, amanteetaadi hanqeelluma ishi dikamte.”
10Hela kuli Aprihaami amanteetaadi aytamiiyyi hanqeelluma ishi dikamte? Hela a dawra qara murade turannem? Moon a dawra qara murade kammaayye ishi' dikamte? A dawra qara in murannin turanne ishi' dikamte diisheey, a dawra qara murade kammaayye ishi in dikamme. 11Aprihaami a dawra qara in murannin turanne, amanteetaadi akkima hanqeelluma ishi dikamte, akka milikkita ishi' koddito'e dawra qara murade. Semmalla Aprihaami, orra a dawra qara in murannin mali amane, a amanteetaaysho ka hanqeelluma ishootta' dikammitto piisa turaayye, aappa#uuma 17:10 . 12Akkimoose' mina'ew Aprihaami orra dawra qara murade kuli turaayye aappa; wa malla, orra a dawra qara murade turaayye aappa kodde, qoota ishootta dawra qara muratta pattan in koddinin mali amanteetase a Aprihaami a dawra qara in muranin turan qapo kamma aanen malla.
Kippeeta a qoota amanteetati desa daasamte
13Aprihaami akka piita lehaado'e, Waaqa wa malla isha isho sanynyeetaadi' kippeeta daashe; hanqeellumasene a amanteetan akkade diishe, qoota seera tooytaade mallan#uuma 17:4-6; 22:17-18; Kelaati 3:29 . 14Oton orra kippeese lehanno a seera tooytaanno koddeeyye, amanteeta we nakanni in kitto; kippeese nefo paata patta kideeta#Kelaati 3:18. 15Seera miira waaqa'e qeenni. Ma xoori, oton seera in kinniniiyi, ishin dapayta a seera qepissa caanni in co.
16Semmalla kippeese amanteeta qara'e qa'atte. Kippeese akkima sanynyeeta Aprihaami piisa'e daassata Waaqan daasamte sedenne upnaysammte. Sede nefo orra a seeran kallaanno patta'en ma orra a Aprihaami mina amane piisa'e koddita. Sedennen Aprihaami aappa opa ino piisa'ey#Kelaati 3:7; 17Qoota Aprihaami desa itaafamte ka kiini, “aappa opa lekna lekaytati'in ke kode.” Wa malla Aprihaami aappa ino piisa kodde, qoota isha Waaqase a le'e tootoppa xa'inno ka wa in kinninini akka kinnaadane' koono amane malla#uuma 17:5 . 18Aprihaami, akka ishi' kidamte, “Sanynyeetaayti akata lekaatta mina'e,” Akka aappa opa lekna lekayta koddo'e a wa kippatamma takkan nefo in kinniniiyyi, kippade ka amane. #uuma 15:5 19Qoota paraadi dippa mina co malla, nukkulluma a dakintaadi minan ikka akka nama to'e mina kodde ka akka xaaya in ettaninnin upa nefooyye, Saara' kuli ka xaayni in kinnin ka kerite, ikka akka in xaaynin upa nefooyye, amanteetaadin in nukkullaanne#uuma 17:17 . 20Amanteetaadinni japaade ka Waaqa ulfeena daashe diisheey, kippeetase a Waaqa daashe amana malaala minan oppa in dikanne. 21Waaqa kippeeta a daashe akkima dikkisho karittaadi piisanne amanni. 22Seminanne Aprihaami, amanteetaadi hanqeellumaa'e ishi' dikamte. 23Ma xoori qaalese kiinitto “Hanqeelluma'e ishi' dikamte,” Aprihaami patta'en taafamme; 24ino kuli'i taafamte. Ino Waaqase Poqallaanno Yesuusi tootoppa xaashe amanna, amanteetinno ino kuli'i hanqeelluma' dikamta. 25Poqalloosen xanno Yesuusi, isha juppootinno malla toota turopa tuukkame ka ino hanqeellassa malla tootoppa xa'e#Issa 53:4-5 .
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in