Roomi 15
15
Akka orra pila xasassa parpaaccisnitto
1Ino a amanteetan kokkonnaade, a nukkullaade qara nukkullumaasso semeeta ino faani diisheey, isi patta xasassa ino faani in kitto. 2Ino takka takkaayye nama pila akka amanteetaadin kokkonnaado'e, wa isha we pataysha ka isha xasaysha' koona. 3Kiristoosi issin xasanne ma, akka mataafa qulqulloota' qara' taafamte ka kiinitto, “Otittase a ken otene, ana qara' kaye.” Mina'e, isha qara' kayte#mas 69:9 . 4Duupatta isho xasa oorsattase an mataafa qulqulloota kara teyninnonne, akkan kippeeta qapnaanno'e, wa a turan taafame piisa, akkan oppa kollanno'e taafamen. 5Ishina oto pahana Yesuusi Kiristoosi kamma anttaanneeyye, waaqase a duupatta ka a xasa oorsatta a otantaayshin oppa hapura takkumta' daasho. 6Akkimoose mina'ew, Aappa opa Poqallaanno a Yesuusi Kiristoosi Waaqa, akka karitta takka ka afaa takkanen isha ulfeessitane' kodo.
Otootase a fayya akka orra Yihutaata in koddinini' torraamte
7Kiristoosi akka ulfeena Waaqati ishin teyyade mina'e, ishina piisanti xasan oli teyyada. 8Oton asse kiinooyye, kippeetase a Waaqa aappadaanno a xattati' daashe akka dikkatto, dukaaluma a Waaqa ka upnaysamo'e, Kiristoosi orxayta Yihutaata'e kodde, kideetiyyo. 9Wa malla Kiristoosi orxayta Yihutaata' kodde a pilaa'ew, akka orra Yihutaata in koddinin qoota diissataadi malla Waaqa kalataysado. Sede nefo, akkima taafamte ka kiinitto#Saamu a 2ta 22:50; mas 18:49 ;
“Sede malla orra Yihutaata in koddinin oppa'en ke kalataysada.
Ka maxxaayti'i, masmuuretan kalata dehaysha.” Mina. 10Ka taafamteew ka kiini,
“Ishina, orra a Yihutaata in koddininiitiiyyi,
samayta Waaqa olliiyyi xasooda#ooreta 32:43 !” 11Ka taafamte ka kiiniwwi,
“Ishina orra a Yihutaata in koddinin! piisantiiyyi,
Poqalla kalataysada!
Samayteeyye, piisanti! ishaaw kalataysada#mas 117:1 !” 12Asseew Issayyaasi ka kiiniiwwi,
“A sanynyeeta Isseyippa dalado de'a,
ka saara a orra Yihutaata in koddinini kodda' xa'a;
ishootta ka kippetaaysho isha qara' xaayadan. #Issa 11:10 ”
13Kippeetaayshin akka hupna Hapura Qulqullootatin kuttattaan anto'e; akka isha amanten mina'e, Waaqase a kippeeta, a xasootta immakkoota isho nakayta immakkoota ishina' daasho.
Pawloosi wa malla maxanyumaan taafe
14Hellaanno a kiristaanatiiyyi! akka' paxaarumtan immakaatten ka upnaan koopten ka takka takkaayye a oli dehaama ettaninna kodditen in upnaade. 15We takka takkanen ishina' matte oorissa fade ka daassata a Waaqa ana' daashenne, erkanoosen maxanyumaan ishina' taafe. 16Wa malla daassase ana' daasamte nefo, otootase a fayya a Waaqa, orra Yihutaata in koddinini torraanne, akkan a qeesitta mina Yesuusi Kiristoosi kela koda kodo malla. Sede nefo orra a Yihutaata in koddinini akka a Hapura Qulqullootan qulqullaawo ka kalisoota a Waaqa xasannitto koddaan dehaado mallan. 17Semmalla qootan Waaqa kela koda koda ettanshe malla, Yesuusi Kiristoosin jeejjaanni. 18Orra Yihutaata in koddinin akka a ajajammo koddo koda'e; wa Kiristoosi qaaletiyyo ka kodiyyo an kode malliiyyi, wa pila haasawatta an maxanyummi an co. 19Akkimoose mina'ew wa orra qawwanna a kukutta ka daxxowwaanne ka hupana Hapura Qulqullootatinni Yursaalami isho piitada a kapandesa caati paayyatte, haka Iwaariqooniti'i otootase a fayya a Kiristoosi in kolishe.
20Waan awta piisa xajeella' nefo, kiritta a nama pila' kate qara qupeetanne ma, pora oppa maxxa Kiristoosi in dakaanin pisa oppa'e otootase a fayya torreeta. 21Sede nefo akkima taafamte ka kiinitto,
“Orra a turan qootaadi desa we takkan' nefo ishootta in lelammini i'akkan;
Ikka a apari qootaadi desa in dakayniniti kalta#Issa 52:15 .” mina.
Pawloosi akka Roomipa anta dikade
22Wossen an deyyo' kide malla, haka ammati ishin kapopa deena an ettaninne#Roomi 1:13. 23Amma xoori piitada are kapan desa ca oppa, porra an oppa koda koda qoota in kinnin malla, anka parra lekaya turan ishin kapopa deena a kuttati xajeello malla, 24Oton piita Ispeeni opa annooyye, akkan ittura ishin tooyyon dikade. Oton eta shakkaya ishin kapa' jaro ka ishin olli xasoodo kammaayye, oton annooyye akka qaarqaarsa ana kootanen kippanni. 25Amma' xoori, orra Waaqa kela koda koda'en Yursaalamipa anni#Qoro 1ta 16:1-4. 26Sede nefo, qoota hellaa a kiristaana Meqedooniya isho Akkayiyyaayye ca, orra Waaqa a Yursaalami kara co oppaayye teekolaya caati heennaassotin qaarqaarsa poha' piisaden malla. 27Wa malla qaarqaarsoosen heennassotin ishootta' daashene, qoota kitteetaaysho' koddite malla. Oto orra a Yihutaata in koddini Yihutaata olli sakase a Hapura' qoottannooyye. Orra a Yihutaata in koddinini'iw sakaaysho a piitatin Yihutaata qaarqaara'e, kitteeta ishootta qara ca. #Qoro 1ta 9:11 28Semmalla oton qaarqaarsoosen a kaaja' pohameetin Yursaalamipa aano ka ishootta' kalsho ka dikkisho kammaayye, oton Ispeenipa annooyyen ishin kapan maqa. 29Oton ishin kapopa deenooyye, akkiman saka Kiristoosi immakkootan qapado ka ishina ishin de'o in upa.
30Hellaanno a kiristaanatiiyyi, akka ana malla Waaqa qinseetan ka soottaayyo oppa ana qaarqaartane'e, Poqallaanno Yesuusi Kiristoosi isho jaalala Hapura Qulqullootatinnin ishin naappanni. 31Wa ana qinsattane nefo, akkiman orrase amanni in kinnin ka piita Yihuta oppa co kela paho, kodiyyo an Yursaalami kara qapo ka qulqullowwa a eeyye kara ca kapa teyyatamo malla. 32Oto sede koddito kammaayye kadi heenna Waaqa' koddinittaayye, xasan ishin kapopa deena ka ishin kapa' nessattan heena. 33Waaqase a nakayta a ishin piisa olli caado. Ameen!
Currently Selected:
Roomi 15: MaQu
Highlight
Copy
Compare
Share
Want to have your highlights saved across all your devices? Sign up or sign in
Roomi 15
15
Akka orra pila xasassa parpaaccisnitto
1Ino a amanteetan kokkonnaade, a nukkullaade qara nukkullumaasso semeeta ino faani diisheey, isi patta xasassa ino faani in kitto. 2Ino takka takkaayye nama pila akka amanteetaadin kokkonnaado'e, wa isha we pataysha ka isha xasaysha' koona. 3Kiristoosi issin xasanne ma, akka mataafa qulqulloota' qara' taafamte ka kiinitto, “Otittase a ken otene, ana qara' kaye.” Mina'e, isha qara' kayte#mas 69:9 . 4Duupatta isho xasa oorsattase an mataafa qulqulloota kara teyninnonne, akkan kippeeta qapnaanno'e, wa a turan taafame piisa, akkan oppa kollanno'e taafamen. 5Ishina oto pahana Yesuusi Kiristoosi kamma anttaanneeyye, waaqase a duupatta ka a xasa oorsatta a otantaayshin oppa hapura takkumta' daasho. 6Akkimoose mina'ew, Aappa opa Poqallaanno a Yesuusi Kiristoosi Waaqa, akka karitta takka ka afaa takkanen isha ulfeessitane' kodo.
Otootase a fayya akka orra Yihutaata in koddinini' torraamte
7Kiristoosi akka ulfeena Waaqati ishin teyyade mina'e, ishina piisanti xasan oli teyyada. 8Oton asse kiinooyye, kippeetase a Waaqa aappadaanno a xattati' daashe akka dikkatto, dukaaluma a Waaqa ka upnaysamo'e, Kiristoosi orxayta Yihutaata'e kodde, kideetiyyo. 9Wa malla Kiristoosi orxayta Yihutaata' kodde a pilaa'ew, akka orra Yihutaata in koddinin qoota diissataadi malla Waaqa kalataysado. Sede nefo, akkima taafamte ka kiinitto#Saamu a 2ta 22:50; mas 18:49 ;
“Sede malla orra Yihutaata in koddinin oppa'en ke kalataysada.
Ka maxxaayti'i, masmuuretan kalata dehaysha.” Mina. 10Ka taafamteew ka kiini,
“Ishina, orra a Yihutaata in koddininiitiiyyi,
samayta Waaqa olliiyyi xasooda#ooreta 32:43 !” 11Ka taafamte ka kiiniwwi,
“Ishina orra a Yihutaata in koddinin! piisantiiyyi,
Poqalla kalataysada!
Samayteeyye, piisanti! ishaaw kalataysada#mas 117:1 !” 12Asseew Issayyaasi ka kiiniiwwi,
“A sanynyeeta Isseyippa dalado de'a,
ka saara a orra Yihutaata in koddinini kodda' xa'a;
ishootta ka kippetaaysho isha qara' xaayadan. #Issa 11:10 ”
13Kippeetaayshin akka hupna Hapura Qulqullootatin kuttattaan anto'e; akka isha amanten mina'e, Waaqase a kippeeta, a xasootta immakkoota isho nakayta immakkoota ishina' daasho.
Pawloosi wa malla maxanyumaan taafe
14Hellaanno a kiristaanatiiyyi! akka' paxaarumtan immakaatten ka upnaan koopten ka takka takkaayye a oli dehaama ettaninna kodditen in upnaade. 15We takka takkanen ishina' matte oorissa fade ka daassata a Waaqa ana' daashenne, erkanoosen maxanyumaan ishina' taafe. 16Wa malla daassase ana' daasamte nefo, otootase a fayya a Waaqa, orra Yihutaata in koddinini torraanne, akkan a qeesitta mina Yesuusi Kiristoosi kela koda kodo malla. Sede nefo orra a Yihutaata in koddinini akka a Hapura Qulqullootan qulqullaawo ka kalisoota a Waaqa xasannitto koddaan dehaado mallan. 17Semmalla qootan Waaqa kela koda koda ettanshe malla, Yesuusi Kiristoosin jeejjaanni. 18Orra Yihutaata in koddinin akka a ajajammo koddo koda'e; wa Kiristoosi qaaletiyyo ka kodiyyo an kode malliiyyi, wa pila haasawatta an maxanyummi an co. 19Akkimoose mina'ew wa orra qawwanna a kukutta ka daxxowwaanne ka hupana Hapura Qulqullootatinni Yursaalami isho piitada a kapandesa caati paayyatte, haka Iwaariqooniti'i otootase a fayya a Kiristoosi in kolishe.
20Waan awta piisa xajeella' nefo, kiritta a nama pila' kate qara qupeetanne ma, pora oppa maxxa Kiristoosi in dakaanin pisa oppa'e otootase a fayya torreeta. 21Sede nefo akkima taafamte ka kiinitto,
“Orra a turan qootaadi desa we takkan' nefo ishootta in lelammini i'akkan;
Ikka a apari qootaadi desa in dakayniniti kalta#Issa 52:15 .” mina.
Pawloosi akka Roomipa anta dikade
22Wossen an deyyo' kide malla, haka ammati ishin kapopa deena an ettaninne#Roomi 1:13. 23Amma xoori piitada are kapan desa ca oppa, porra an oppa koda koda qoota in kinnin malla, anka parra lekaya turan ishin kapopa deena a kuttati xajeello malla, 24Oton piita Ispeeni opa annooyye, akkan ittura ishin tooyyon dikade. Oton eta shakkaya ishin kapa' jaro ka ishin olli xasoodo kammaayye, oton annooyye akka qaarqaarsa ana kootanen kippanni. 25Amma' xoori, orra Waaqa kela koda koda'en Yursaalamipa anni#Qoro 1ta 16:1-4. 26Sede nefo, qoota hellaa a kiristaana Meqedooniya isho Akkayiyyaayye ca, orra Waaqa a Yursaalami kara co oppaayye teekolaya caati heennaassotin qaarqaarsa poha' piisaden malla. 27Wa malla qaarqaarsoosen heennassotin ishootta' daashene, qoota kitteetaaysho' koddite malla. Oto orra a Yihutaata in koddini Yihutaata olli sakase a Hapura' qoottannooyye. Orra a Yihutaata in koddinini'iw sakaaysho a piitatin Yihutaata qaarqaara'e, kitteeta ishootta qara ca. #Qoro 1ta 9:11 28Semmalla oton qaarqaarsoosen a kaaja' pohameetin Yursaalamipa aano ka ishootta' kalsho ka dikkisho kammaayye, oton Ispeenipa annooyyen ishin kapan maqa. 29Oton ishin kapopa deenooyye, akkiman saka Kiristoosi immakkootan qapado ka ishina ishin de'o in upa.
30Hellaanno a kiristaanatiiyyi, akka ana malla Waaqa qinseetan ka soottaayyo oppa ana qaarqaartane'e, Poqallaanno Yesuusi Kiristoosi isho jaalala Hapura Qulqullootatinnin ishin naappanni. 31Wa ana qinsattane nefo, akkiman orrase amanni in kinnin ka piita Yihuta oppa co kela paho, kodiyyo an Yursaalami kara qapo ka qulqullowwa a eeyye kara ca kapa teyyatamo malla. 32Oto sede koddito kammaayye kadi heenna Waaqa' koddinittaayye, xasan ishin kapopa deena ka ishin kapa' nessattan heena. 33Waaqase a nakayta a ishin piisa olli caado. Ameen!
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in