Roomi 10
10
Isira'eeleta akka saanta Waaqa' kamma dapte
1Hellaanno a kiristaanatiiyyi, xajeeltiyyo a kutta an karittoppa qapo ka qinseeta an Waaqopa dehanno, akka Isira'eeleta dinto, 2upna a dukaatatinni in koddinin diisheey ishootta akkima Waaqa'e, yoota hapura' qapan; ana mattiyyo ishootta' maakkummi. 3Saanta a Waaqa ishin orra hanqeellanno qoota in upnin malla, saanta a hanqeelluma a mattaayshoti kamma aanen diisheey, hanqeelluma a Waaqa kamma in anne. 4Nama piisa akka amanteetan hanqeellummo'e, seera Kiristoosinni dikkade.
Dina akkima orra piisa' de'e
5Qoota hanqeellumasene seera tooyteetan teyannaati desa, wa Muuse' taafe ikiini, “Nama seera tooytaanno piisa caada#Lewi 18:5 .” 6Qoota hanqeellumaasene a Waaqa amanteeta qudan orra hanqeellannaati desa xoori, itaafaamte ka kiini, “Iskaran xata an kidane, ayno moontopa fayyada?” Ini Kiristoosi lekkissaay#ooreta 30:12-14 . 7Taaki iskaran xata an kidane, “Ayno hiwwala karopa lekkada?” Ini Kiristoosi tootoppa xa'issaay.
8Ka taafamteew ka kiini, “Qaaleta Waaqa ke kapa kitta ka laadi afaatti isho karittaayti kara kitta.” Qaalese' nefo qaaletase a amanteeta an ino torrininno.
9Yesuusi akkima poqalla kodde, kati afaattin maakkummittaayye ka akkima Waaqa tootoppa isha xaashe karittaaytin amannittaayye, iddinta. 10Nama oto karittaadin amanooyye, ihanqeellaawni ka oto afaadin maakkumooyye, dinniiy. 11Akka mataafa qulqulloota oppa' taafamte mina'e, “Nama isha amanno piisa in jeero#Issa 28:16.” 12Semmalla poqallasene takkan qootan poqalla a orra piisa malla, Yihutaata isho a Yihutaata in koddinini oppa, reexa takka nefo in co. Isha orra a isha qinsanno piisa'e sakaadi koopinni ka daani. 13Maana malla, ikidamte, “Nama a maxxa poqalla' haleeno piisa dinaay#Iyyu 2:32 .”
14Ma xoori a isha in amannin mali, atta isha hala ettanshan? A qootaadi desa in dakaynin maliiyyiiw, atta amanan? Kollissampayta maliiyyiiw, atta dakaya ettanshan? 15A kollissampaya in erkammin maliiyyi, atta qaalese kollissa ettanshan? Sede nefo akka taafamte ka kiinitto, “Deena a orrase otoota fayya' torrinooti, oo atta orra xasanni#Issa 52:7 !” mina. 16Ma xoori, akkima Issayyaasi' haasawade ka kide, “Poqallaay, ayno qaaleta an haasawanne teyyade?” Mina'e, piisa otootose a fayya in teyyanne#Issa 53:1 . 17Semmalla amanteeta, otootase a fayya dakayaanne teyanni; otootose a fayya'ew, kollissase qoota Kiristoosi desa haasawanno quda teyanni. 18Intoonno ana kaassadooy, hela kuli qaaletose in dakayne kideeta? Akkima mataafa qulqulloota oppa' taafamte ka kiinitto,
“Nessaaysho piita piisa qara'e dakaade,
qaaletaaysho ka pora oppa piita oorto kayte.” Mina'e, dukaatanne dakayen#mas 19:4.
19Semmaliiyyiiw, hela Isira'eeleta qaalese in upnaanne kideeta? Akkima asse in kidammini'i, Muuse turanneew kide,
“Akka orra puyatame yootanen koda.
Ikka ishina' dakaatta;
ka orra we patanni in kinninin ishin miiraysha#ooreta 32:21 .”
20Issayyaasi kuli ka maxanyumaan haasawade ka kideewwe,
“a ana in faaniniiti'in teyade,
ka a ‘Waaqa aysha ca?’ in kiinini ka
ana in kaassanniniiti akkaade#Issa 65:1 .” 21Qoota Isira'eeletati desa xoori ikide, “Samayta ajajammi in kinnin ka tiyyoolayta koddeeti'in akka anopa de'ane'e kuyyaata kumma harkaayyo ishoottopa derayshe#Issa 65:2 .”
Currently Selected:
Roomi 10: MaQu
Highlight
Copy
Compare
Share
Want to have your highlights saved across all your devices? Sign up or sign in
Roomi 10
10
Isira'eeleta akka saanta Waaqa' kamma dapte
1Hellaanno a kiristaanatiiyyi, xajeeltiyyo a kutta an karittoppa qapo ka qinseeta an Waaqopa dehanno, akka Isira'eeleta dinto, 2upna a dukaatatinni in koddinin diisheey ishootta akkima Waaqa'e, yoota hapura' qapan; ana mattiyyo ishootta' maakkummi. 3Saanta a Waaqa ishin orra hanqeellanno qoota in upnin malla, saanta a hanqeelluma a mattaayshoti kamma aanen diisheey, hanqeelluma a Waaqa kamma in anne. 4Nama piisa akka amanteetan hanqeellummo'e, seera Kiristoosinni dikkade.
Dina akkima orra piisa' de'e
5Qoota hanqeellumasene seera tooyteetan teyannaati desa, wa Muuse' taafe ikiini, “Nama seera tooytaanno piisa caada#Lewi 18:5 .” 6Qoota hanqeellumaasene a Waaqa amanteeta qudan orra hanqeellannaati desa xoori, itaafaamte ka kiini, “Iskaran xata an kidane, ayno moontopa fayyada?” Ini Kiristoosi lekkissaay#ooreta 30:12-14 . 7Taaki iskaran xata an kidane, “Ayno hiwwala karopa lekkada?” Ini Kiristoosi tootoppa xa'issaay.
8Ka taafamteew ka kiini, “Qaaleta Waaqa ke kapa kitta ka laadi afaatti isho karittaayti kara kitta.” Qaalese' nefo qaaletase a amanteeta an ino torrininno.
9Yesuusi akkima poqalla kodde, kati afaattin maakkummittaayye ka akkima Waaqa tootoppa isha xaashe karittaaytin amannittaayye, iddinta. 10Nama oto karittaadin amanooyye, ihanqeellaawni ka oto afaadin maakkumooyye, dinniiy. 11Akka mataafa qulqulloota oppa' taafamte mina'e, “Nama isha amanno piisa in jeero#Issa 28:16.” 12Semmalla poqallasene takkan qootan poqalla a orra piisa malla, Yihutaata isho a Yihutaata in koddinini oppa, reexa takka nefo in co. Isha orra a isha qinsanno piisa'e sakaadi koopinni ka daani. 13Maana malla, ikidamte, “Nama a maxxa poqalla' haleeno piisa dinaay#Iyyu 2:32 .”
14Ma xoori a isha in amannin mali, atta isha hala ettanshan? A qootaadi desa in dakaynin maliiyyiiw, atta amanan? Kollissampayta maliiyyiiw, atta dakaya ettanshan? 15A kollissampaya in erkammin maliiyyi, atta qaalese kollissa ettanshan? Sede nefo akka taafamte ka kiinitto, “Deena a orrase otoota fayya' torrinooti, oo atta orra xasanni#Issa 52:7 !” mina. 16Ma xoori, akkima Issayyaasi' haasawade ka kide, “Poqallaay, ayno qaaleta an haasawanne teyyade?” Mina'e, piisa otootose a fayya in teyyanne#Issa 53:1 . 17Semmalla amanteeta, otootase a fayya dakayaanne teyanni; otootose a fayya'ew, kollissase qoota Kiristoosi desa haasawanno quda teyanni. 18Intoonno ana kaassadooy, hela kuli qaaletose in dakayne kideeta? Akkima mataafa qulqulloota oppa' taafamte ka kiinitto,
“Nessaaysho piita piisa qara'e dakaade,
qaaletaaysho ka pora oppa piita oorto kayte.” Mina'e, dukaatanne dakayen#mas 19:4.
19Semmaliiyyiiw, hela Isira'eeleta qaalese in upnaanne kideeta? Akkima asse in kidammini'i, Muuse turanneew kide,
“Akka orra puyatame yootanen koda.
Ikka ishina' dakaatta;
ka orra we patanni in kinninin ishin miiraysha#ooreta 32:21 .”
20Issayyaasi kuli ka maxanyumaan haasawade ka kideewwe,
“a ana in faaniniiti'in teyade,
ka a ‘Waaqa aysha ca?’ in kiinini ka
ana in kaassanniniiti akkaade#Issa 65:1 .” 21Qoota Isira'eeletati desa xoori ikide, “Samayta ajajammi in kinnin ka tiyyoolayta koddeeti'in akka anopa de'ane'e kuyyaata kumma harkaayyo ishoottopa derayshe#Issa 65:2 .”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in