Mataafa Sooketa 3
3
Akkima Muuse halaame
1Muuse ka kahirrasene a sottohaadi a Yootori a Qeesittase a Midiyaami sikinni ka takkaayye xelloose xaadi koommayteeyye afa disi opa dawwe ka irroota Waaqa “A Siina” kidammitto kapa kaye. 2Erampattoota Yaahiwwe ka apitta hujjitta kareela opayino oppeela ishi akkaatte. Muuse ka tooyyade ka apitta huujattoppa opayino, hujjittase ka kupanni in kinnin akke. 3Muuse ka kide, “Ata ini daxxoota maana? Ana kapopa desa heeqqo ka hujjisse maana malla akka kupanni in kinnin tooyyo!” #koda 7:30-34
4Yaahiwwe akkima Muuse hujjittase tooyya kapopa desa heeqqe akkeyye, hujjisse kareela isha hale ka kide, “Muuse! Muuse!”
isha ka ehade.
5Waaqa ka ishi kide, “arepa desan dehaadan; piitose a oppa qa'atte a qulqullaawteey, xopaatti iskela sookshe.” 6Ka ishi kideewwe, “Anti an Waaqa aappadaassina a xatta, a Aprihaami ka a Hisaaqi isho a Yayqoopi.” Muuse ka Waaqa tooyyatta fuure ka fuula qara dekade.
7Yaahiwwe ka ishi kide, “Anti rakkoota a samaytiyyo a Kipsi kara kalo in akke; ka ullupitta a karpampayaasso kela ullupnaan dakaye; ka akkima miiddamen upnaade. 8Ka harka Kipseeta kela ishootta furatta lekkade ka piitoose karaayye, kappatayteetase a piita palda isase a aanna isho takma oppa puren a Kene'aaneta ka a Keetteta ka a Amoorata ka a Fersaata ka a Ewwaata isho a Iyyapuusata oppopa ishootta kalissa de'e. 9Tin amma ullupitta samayta Isira'eeli i'ana qara kaye; karpa a Kipseeta ishootta in miiddinitta in akke. 10Semmalla amma xooye ka akka samayse xayyo hellaasene a Isira'eeli piita Kipsi kara sookisso'en Feri'ooni kapopa ke erkaay.” 11Muuse xoori i Yaahiwwe kide, “Ata anti an aayno ka Feri'ooni kapopa aana ka samaytase a Isira'eeli kipsi kela sooksha?”
12Waaqa ka ishi kide, “Anti ke ollin caada; akkiman ke erke milikkitaadi nefo sede. Oto samayse Kipsi kara sookissooyye, are irroose qara'e ana waaqaysattan.” #sooka 6:2-3
13Muuse ka Waaqa kide, “Oton samayta Isira'eeli kapopa aano ka ishootta kiino, ‘Waaqa aappadaassina'e ana erkeeyye’ ikka ana kaassannaan ka kiinaane, ‘Maxxaadi aynooyye?’ aynon ishootta kida?”
14Waaqa ka Muuse kide, “Anti ‘isase co ka kallaanno’ Semmalla aane ka kide, ‘isase co’ ishin kapopa ana erke.” #Yoha 8:58; Ip 13:8; kele 1:4; 8 15Waaqa ka Muuse kideewwe, “Samayta Isira'eeliti kide, ‘Yaahiwwe Waaqa aappadaassina, Waaqa Aprihaami ka Waaqa Hisaaqi isho Waaqa Yayiqoopi ishin kapopa ana erke;’ haka paraparati nefo maxxiyyo sedeew; xeltada itturopa deena piisa oppaayye, sedenne ana matte oorsattan.” Kide ka samayta Isira'eeliti lele. 16Aane ka qimayasene a Isira'eeli ollopa hale ka ishootta kide, “Yaahiwwe Waaqa aappadaassina a Aprihaami ka a Hisaaqi isho a Yayiqoopi ana tura akkaade ka ana kide, ‘In ishin tooyyade ka wa Kipsi kara ishin qara kaye akke. 17Ka akkan rakkoose a Kipsi kara ishin sooksho ka piitase a Kene'aaneta ka a Ketteeta ka a Amoorata ka a Feresaata ka a Ewwaata isho a Yaapuusata a oppa aana ka takma puren oppopa ishin kalsho'en ishina kippeeta daanni.’
18Ishootta nefo ike dakayan; ke isho qimaya Isira'eeli ka Nuqusa Kipsi kapopa antan ka ishi kiitane, ‘Yaahiwwe Waaqase Ipuroota'e ino tura akkaade; Semmalla amma akkan koommaytoppan xata anta kuyyaata sessa anno ka Yaahiwwe waaqaysanno'e ka ishi kalisoota kalinno'e, ino faqqaten kiininna ka ke naappaninna!’ 19Ma xoori Nuqusa Kipsi, haka hupna kokkokan kitteessamo maliiyyi akkima ishina'en faqqannin in upa. 20Semmalla anti harkiyyon deraysha ka otantaaysho oppa'e wa orra qawwannaatin piita Kipsi daysha, ikka sitiiyyi akka antane'e ishina faqqata!
21Anka samayse a Isira'eeli akka Kipseeta ishootta jaalatto koda. Semmalla oto sooknittaneeyye, harka lulen a sooktan. #sooka 12:35-36 22Iskatta Iproota akka sira a dakara pirreeta ka a warqeeta isho mehadda a kalsannaane ishootta daashane'e, matta mina iskatta a Kipseeta a kantaaysho oppa kalo taaki a ollin kalan kaassadan ka hellaassin a diira isho a tuparra quda kalshan; akka saanta asse pahaton Kipseeta sartan ka sooktan.”
Currently Selected:
Mataafa Sooketa 3: MaQu
Highlight
Copy
Compare
Share
Want to have your highlights saved across all your devices? Sign up or sign in
Mataafa Sooketa 3
3
Akkima Muuse halaame
1Muuse ka kahirrasene a sottohaadi a Yootori a Qeesittase a Midiyaami sikinni ka takkaayye xelloose xaadi koommayteeyye afa disi opa dawwe ka irroota Waaqa “A Siina” kidammitto kapa kaye. 2Erampattoota Yaahiwwe ka apitta hujjitta kareela opayino oppeela ishi akkaatte. Muuse ka tooyyade ka apitta huujattoppa opayino, hujjittase ka kupanni in kinnin akke. 3Muuse ka kide, “Ata ini daxxoota maana? Ana kapopa desa heeqqo ka hujjisse maana malla akka kupanni in kinnin tooyyo!” #koda 7:30-34
4Yaahiwwe akkima Muuse hujjittase tooyya kapopa desa heeqqe akkeyye, hujjisse kareela isha hale ka kide, “Muuse! Muuse!”
isha ka ehade.
5Waaqa ka ishi kide, “arepa desan dehaadan; piitose a oppa qa'atte a qulqullaawteey, xopaatti iskela sookshe.” 6Ka ishi kideewwe, “Anti an Waaqa aappadaassina a xatta, a Aprihaami ka a Hisaaqi isho a Yayqoopi.” Muuse ka Waaqa tooyyatta fuure ka fuula qara dekade.
7Yaahiwwe ka ishi kide, “Anti rakkoota a samaytiyyo a Kipsi kara kalo in akke; ka ullupitta a karpampayaasso kela ullupnaan dakaye; ka akkima miiddamen upnaade. 8Ka harka Kipseeta kela ishootta furatta lekkade ka piitoose karaayye, kappatayteetase a piita palda isase a aanna isho takma oppa puren a Kene'aaneta ka a Keetteta ka a Amoorata ka a Fersaata ka a Ewwaata isho a Iyyapuusata oppopa ishootta kalissa de'e. 9Tin amma ullupitta samayta Isira'eeli i'ana qara kaye; karpa a Kipseeta ishootta in miiddinitta in akke. 10Semmalla amma xooye ka akka samayse xayyo hellaasene a Isira'eeli piita Kipsi kara sookisso'en Feri'ooni kapopa ke erkaay.” 11Muuse xoori i Yaahiwwe kide, “Ata anti an aayno ka Feri'ooni kapopa aana ka samaytase a Isira'eeli kipsi kela sooksha?”
12Waaqa ka ishi kide, “Anti ke ollin caada; akkiman ke erke milikkitaadi nefo sede. Oto samayse Kipsi kara sookissooyye, are irroose qara'e ana waaqaysattan.” #sooka 6:2-3
13Muuse ka Waaqa kide, “Oton samayta Isira'eeli kapopa aano ka ishootta kiino, ‘Waaqa aappadaassina'e ana erkeeyye’ ikka ana kaassannaan ka kiinaane, ‘Maxxaadi aynooyye?’ aynon ishootta kida?”
14Waaqa ka Muuse kide, “Anti ‘isase co ka kallaanno’ Semmalla aane ka kide, ‘isase co’ ishin kapopa ana erke.” #Yoha 8:58; Ip 13:8; kele 1:4; 8 15Waaqa ka Muuse kideewwe, “Samayta Isira'eeliti kide, ‘Yaahiwwe Waaqa aappadaassina, Waaqa Aprihaami ka Waaqa Hisaaqi isho Waaqa Yayiqoopi ishin kapopa ana erke;’ haka paraparati nefo maxxiyyo sedeew; xeltada itturopa deena piisa oppaayye, sedenne ana matte oorsattan.” Kide ka samayta Isira'eeliti lele. 16Aane ka qimayasene a Isira'eeli ollopa hale ka ishootta kide, “Yaahiwwe Waaqa aappadaassina a Aprihaami ka a Hisaaqi isho a Yayiqoopi ana tura akkaade ka ana kide, ‘In ishin tooyyade ka wa Kipsi kara ishin qara kaye akke. 17Ka akkan rakkoose a Kipsi kara ishin sooksho ka piitase a Kene'aaneta ka a Ketteeta ka a Amoorata ka a Feresaata ka a Ewwaata isho a Yaapuusata a oppa aana ka takma puren oppopa ishin kalsho'en ishina kippeeta daanni.’
18Ishootta nefo ike dakayan; ke isho qimaya Isira'eeli ka Nuqusa Kipsi kapopa antan ka ishi kiitane, ‘Yaahiwwe Waaqase Ipuroota'e ino tura akkaade; Semmalla amma akkan koommaytoppan xata anta kuyyaata sessa anno ka Yaahiwwe waaqaysanno'e ka ishi kalisoota kalinno'e, ino faqqaten kiininna ka ke naappaninna!’ 19Ma xoori Nuqusa Kipsi, haka hupna kokkokan kitteessamo maliiyyi akkima ishina'en faqqannin in upa. 20Semmalla anti harkiyyon deraysha ka otantaaysho oppa'e wa orra qawwannaatin piita Kipsi daysha, ikka sitiiyyi akka antane'e ishina faqqata!
21Anka samayse a Isira'eeli akka Kipseeta ishootta jaalatto koda. Semmalla oto sooknittaneeyye, harka lulen a sooktan. #sooka 12:35-36 22Iskatta Iproota akka sira a dakara pirreeta ka a warqeeta isho mehadda a kalsannaane ishootta daashane'e, matta mina iskatta a Kipseeta a kantaaysho oppa kalo taaki a ollin kalan kaassadan ka hellaassin a diira isho a tuparra quda kalshan; akka saanta asse pahaton Kipseeta sartan ka sooktan.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in