Génesis 36

Esaúpa awẽ wedawu

1Naawu Esaú awẽ wedawu ichapanawã kaĩpakedakawu. Esaú awẽ ade wetsa Edom. 2Esaú bai Canaán awĩwuwe atuwe wianadi. Adá awẽ apa Elón hitita. Oholibamá awẽ awa Aná awẽ chata Sibón heveo. 3Basemat Ismael awẽ wake Nebaiot awẽ pui naweri wianadi. 4Da wakewu Esaúpa adi. Adáweta Elifaz adi. Basematweta Reuel adi. 5Oholibamáweta Jeús Jaalam Coré. Nawu Esaúpa wake idi bai Canaán adu iyuadu.

6Naskata Esaú bai Canaán aduax kadi. Awẽ extu Jacobki paxkadi bai wetsa adu kadi. Awẽ awĩwu ita awẽ wakewuwe ita awẽ awarawuya kadi. 7Jacobpa awẽ yuinawu ichapa idiwu Esaúnari. Adu wasi ichapaba idi yuinawawe pipana. Naskax adu wisti itiruwuba idi. 8Naskadi Esaú awẽ ade wetsa Edom. Bai bachi Seír adu iki kai kadi.

9Naawu Esaú awẽ kaiwuunuax ichapanawã kaĩpakedakawu. Esaú awẽ wedawu edomitawu. Bai machiwadu Seír adu idiwu. 10Awẽ wakewu atũ adewu. Elifaz Adá awẽ wake Esaú awẽ awĩ Reuel Basemat awẽ wake Esaú awẽ awĩ. 11Elifaz awẽ wakewawe atũ adewu Temán Omar Sefó Gatam Quenaz. 12Elifaz awẽ awĩ wetsa awẽ ade Timná. Aki wake adi awẽ ade Amalec. Amalecwawe atũ xidi Adá Esaú awĩ. 13Reuel awẽ wakewawe atũ adewu Náhat Zérah Samá Mizá. Nawu Basemat awẽ wawawu idi. Basemat awẽ wede Esaú idi. 14Oholibamá Esaú awĩ wetsari awẽ wakewawe atũ adewu Jeús Jaalam Coré. Oholibamá Aná wake awẽ chata Sibón.

15Diaiwuu awẽ wedawu Esaú. Elifaz awẽ wakewu atũ adewu Temán Omar Sefó Quenaz 16Coré Gatam Amalec. Nawu diaiwuu Elifaz Edom bai adu ipaudiwu. Nawu Adá awẽ wedawu. 17Reuel awẽ wakewu diaiwuwawe atũ adewu Náhat Zérah Samá Mizá. Edom bai idiwu. Nawu Basemat wedawu. Basemat awĩ wetsa Esaú. 18Na awĩwu Oholibamá Anápa wake awẽ wede Esaú. Awẽ wakewu diaiwuwawe atũ adewu Jeús Jaalam Coré. 19Naatiiwi Esaú awẽ kaiwuunuax ichapanawã kaĩpakedakawu. Esaú ade wetsa Edom. Nawu atũ kaiwuwawe atũ diaiwuu.

20Seír horeopa awẽ kaiwuu ichapanawã kaĩpakedakawu Edom bai adu ipaudi. Awẽ wakewawe atũ adewu Lotán Sobal Sibón Aná 21Disón Éser Disán. Nawu Seír awẽ raba kaĩyawu ichapakedakawu horeowawe atũ diaiwuu. Nawu Edom bai adu ipaudiwu. 22Naskadu Lotán wake rawe atũ ade Horí Hemam. Lotán awẽ pui Timná. 23Sobal awẽ wakewawe atũ adewu Alván Manáhat Ebal Sefó Onam. 24Sibón awẽ wake rawe atũ ade Aiáwe Aná. Naa Anápa ares ede bai meradua tsekea awetiira wichidi tsua ikabadua apa awẽ yuina awẽ ade asno kexexukĩ. 25Naa Aná wake raweya werunawake awẽ ade Disón wetsa awĩwu awẽ ade Oholibamá idi. 26Disón awẽ wakewu atũ adewu Hemdán Esbán Itrán Querán. 27Éser awẽ wakewu atũ adewu Bilhán Zaaván Acán. 28Disán awẽ wakewu atũ adewu Uz Arán. 29Horeowawe atũ diaiwuu atũ adewu Lotán Sobal Sibón Aná 30Disón Éser Disán. Nawu horeowawe atũ diaiwuu Seír bai adua xuku wetsa idi.

Edom adu awẽ diaiwuu

31Israeliwu diaiwu datukuiya iyuwawubadu. Nawu atũ diaiwuu Edom adua ipaudiwu. 32Beorpa awẽ wake awẽ ade Bela. Naa Edom bai adu atũ diaiwukui ipaudi. Pexe ichapa awẽ ade Dinaba adua. 33Bela daadu bai wetsadua awẽ ade Jobab atũ diaiwu idi. Naa Zérahpa awẽ wake idi. Bosrá aduax kaĩdi. 34Jobab daadu bai wetsadua awẽ ade Husam atu diaiwu idi. Temán aduax kaĩdi. 35Husam daadu awẽ ade Hadad atũ diaiwu idi awẽ bai adua. Hadad Bedadpa awẽ wake. Naa Bedad awẽ soldadowuwe Madián atũ soldadowu Moab bai adu atu mitudiwu. Atiriwi reteaiwudu atiriwi ichudi. Hadad diaiwuatiã pexe ichapa Avit adu iyudi. 36Hadad daadu awẽ ade Samlá atũ diaiwu idi awẽ bai adua. Awẽ pexe ichapa awẽ ade Masrecá. 37Samlá daadu awẽ ade Saúl awẽ bai adua atũ diaiwu idi. Awẽ pexe ichapa awẽ ade Rehobot ede Éufrates ketukunu adu. 38Saúl daadu wetsa awẽ bai adua atũ diaiwu idi awẽ ade Baal-hanán Acbor awẽ apa. 39Baal-hanán daadu wetsa awẽ bai adua atũ diaiwu idi awẽ ade Hadad. Awẽ pexe ichapa awẽ ade Pau. Hadad awẽ awĩ Mehetabel. Naatu Matredpa wake awẽ chata Mezaab.

40Nawu Esaú awẽ kaiwuunuax ichapanawã kaĩpakedakawu. Nawu xuku wetsawu idi. Atũ adewu Timná Alvá Jetet 41Oholibamá Elá Pinón 42Quenaz Temán Mibsar 43Magdiel Iram. Esaúriwi awẽ ade wetsa Edom. Nadua ikawawe edomwu atũ diaiwuu ipaudiwu.

Currently Selected:

Génesis 36: mtsB

Highlight

Copy