Daniela 12
12
Ny fotoana mampahory sy ny fitsanganan-ko velona
1«Hoy koa ilay anjely tamiko: ‹Amin’izany fotoana izany dia hitsangana i Mikaela#12.1a Mikaela: jereo 10.13 sy nta., ilay filoha lehibe, izay mijoro homba ny firenenao; ary hisy fotoana mampahory#12.1b fotoana mampahory: jereo Mt 24.21; Mk 13.19. tsy mbola nisy toy izany hatrizay nisiam-pirenena ka hatramin’io fotoana io. Ary amin’izany fotoana izany dia ho voavonjy ny olona rehetra anisan’ny firenenao, ka hita voasoratra ao amin’ny boky#12.1d boky: jereo Eks 32.32; Sal 69.29 sy nta; Apôk 3.5 fa Andriamanitra dia mitana boky izay anoratany ny anaran’ny mpivavaka mahatoky.. 2Ary olona marobe izay matory ao amin’ny vovoka ao am-pasana no hifoha: ny sasany ho amin’ny fiainana mandrakizay ary ny sasany ho amin’ny henatra sy ny zava-mahatsiravina mandrakizay#12.2 Jereo Mt 25.46; Jôh 5.29.. 3Ary ireo hendry dia hamirapiratra toy ny famirapiratry ny lanitra; ary izay nampianatra ny maro ho marina dia hamirapiratra tahaka ny kintana mandrakizay mandrakizay.
4«Ry Daniela, ahorony hiafina ireo teny ireo ka asio tombo-kase tsy ho azo sokafana ity boky ity ambara-pahatongan’ny fotoana farany; ho maro amin’izay no hamaky azy ka hitombo fahalalana#12.4 Ampit Apôk 22.10..
Zava-miafina ny fotoana farany
5«Izaho Daniela dia nijery hatrany ilay fahitana ka indro nisy olona roa hafa nitsangana, ny anankiray teto amoron’ny ony an-kilany ary ny anankiray terỳ amoron’ny ony andaniny. 6Ary ny anankiray tamin’ireo no niteny tamin’ilay lehilahy nitafy rongony fotsy#12.6 Jereo Apôk 10.5-6. teo ambonin’ny ranon’ny ony ka nanao hoe: ‹Rahoviana no hifarana ireo zava-mahagaga ireo?› 7Ary ilay lehilahy nitafy rongony fotsy teo ambonin’ny ranon’ny ony nanangana ny tanany ankavanana sy ankavia ho amin’ny lanitra ka reko niteny hoe: ‹Amin’Ilay Andriamanitra velona mandrakizay no ianianako fa telo taona sy tapany#12.7 telo taona sy tapany: jereo 7.25; Apôk 12.14; 13.5-6. no haharetan’ireo zavatra ireo; ary hifarana ireo rehefa ho montsana tanteraka ny herin’ilay vahoakan’Andriamanitra.›
8«Izaho Daniela dia nandre izany nefa tsy nahafantatra ny heviny, ka nanontany hoe: ‹Tompoko, hanao ahoana no hiafaran’ireo zavatra ireo?› 9Fa namaly izy hoe: ‹Ry Daniela, mandehana fa efa voahorona hiafina ireo teny ireo sady voaisy tombokase tsy ho azo sokafana mandra-piavin’ny fotoana farany. 10Maro no hodiovina sy hofotsiana ary hosedraina#12.10a hodiovina, hofotsiana, hosedraina: jereo 11.35.; ny olon-dratsy#12.10b ny olon-dratsy... hendry no hahafantatra: ampit Apôk 22.11. kosa tsy hisy hahafantatra ny heviny ka mbola hanao ratsy ihany, fa ny hendry no hahafantatra. 11Ary manomboka amin’ny fotoana hampitsaharana ny sorona fanao isan’andro ka hampidirana ilay fanimbazimbana mahatsiravina dia hisy 1 290 andro#12.11 Jereo 11.31 sy nta.. 12Sambatra izay hiandry ka hahatratra ny 1 335 andro. 13Fa ianao, ry Daniela, mizora hatramin’ny farany; dia hiala sasatra ianao ka hitsangana handray ny valisoanao amin’ny andro farany.› »
Currently Selected:
Daniela 12: DIEM
Highlight
Share
Copy
Want to have your highlights saved across all your devices? Sign up or sign in
Dikanteny Iombonana Eto Madagasikara © Malagasy Bible Society, 2004.
Daniela 12
12
Ny fotoana mampahory sy ny fitsanganan-ko velona
1«Hoy koa ilay anjely tamiko: ‹Amin’izany fotoana izany dia hitsangana i Mikaela#12.1a Mikaela: jereo 10.13 sy nta., ilay filoha lehibe, izay mijoro homba ny firenenao; ary hisy fotoana mampahory#12.1b fotoana mampahory: jereo Mt 24.21; Mk 13.19. tsy mbola nisy toy izany hatrizay nisiam-pirenena ka hatramin’io fotoana io. Ary amin’izany fotoana izany dia ho voavonjy ny olona rehetra anisan’ny firenenao, ka hita voasoratra ao amin’ny boky#12.1d boky: jereo Eks 32.32; Sal 69.29 sy nta; Apôk 3.5 fa Andriamanitra dia mitana boky izay anoratany ny anaran’ny mpivavaka mahatoky.. 2Ary olona marobe izay matory ao amin’ny vovoka ao am-pasana no hifoha: ny sasany ho amin’ny fiainana mandrakizay ary ny sasany ho amin’ny henatra sy ny zava-mahatsiravina mandrakizay#12.2 Jereo Mt 25.46; Jôh 5.29.. 3Ary ireo hendry dia hamirapiratra toy ny famirapiratry ny lanitra; ary izay nampianatra ny maro ho marina dia hamirapiratra tahaka ny kintana mandrakizay mandrakizay.
4«Ry Daniela, ahorony hiafina ireo teny ireo ka asio tombo-kase tsy ho azo sokafana ity boky ity ambara-pahatongan’ny fotoana farany; ho maro amin’izay no hamaky azy ka hitombo fahalalana#12.4 Ampit Apôk 22.10..
Zava-miafina ny fotoana farany
5«Izaho Daniela dia nijery hatrany ilay fahitana ka indro nisy olona roa hafa nitsangana, ny anankiray teto amoron’ny ony an-kilany ary ny anankiray terỳ amoron’ny ony andaniny. 6Ary ny anankiray tamin’ireo no niteny tamin’ilay lehilahy nitafy rongony fotsy#12.6 Jereo Apôk 10.5-6. teo ambonin’ny ranon’ny ony ka nanao hoe: ‹Rahoviana no hifarana ireo zava-mahagaga ireo?› 7Ary ilay lehilahy nitafy rongony fotsy teo ambonin’ny ranon’ny ony nanangana ny tanany ankavanana sy ankavia ho amin’ny lanitra ka reko niteny hoe: ‹Amin’Ilay Andriamanitra velona mandrakizay no ianianako fa telo taona sy tapany#12.7 telo taona sy tapany: jereo 7.25; Apôk 12.14; 13.5-6. no haharetan’ireo zavatra ireo; ary hifarana ireo rehefa ho montsana tanteraka ny herin’ilay vahoakan’Andriamanitra.›
8«Izaho Daniela dia nandre izany nefa tsy nahafantatra ny heviny, ka nanontany hoe: ‹Tompoko, hanao ahoana no hiafaran’ireo zavatra ireo?› 9Fa namaly izy hoe: ‹Ry Daniela, mandehana fa efa voahorona hiafina ireo teny ireo sady voaisy tombokase tsy ho azo sokafana mandra-piavin’ny fotoana farany. 10Maro no hodiovina sy hofotsiana ary hosedraina#12.10a hodiovina, hofotsiana, hosedraina: jereo 11.35.; ny olon-dratsy#12.10b ny olon-dratsy... hendry no hahafantatra: ampit Apôk 22.11. kosa tsy hisy hahafantatra ny heviny ka mbola hanao ratsy ihany, fa ny hendry no hahafantatra. 11Ary manomboka amin’ny fotoana hampitsaharana ny sorona fanao isan’andro ka hampidirana ilay fanimbazimbana mahatsiravina dia hisy 1 290 andro#12.11 Jereo 11.31 sy nta.. 12Sambatra izay hiandry ka hahatratra ny 1 335 andro. 13Fa ianao, ry Daniela, mizora hatramin’ny farany; dia hiala sasatra ianao ka hitsangana handray ny valisoanao amin’ny andro farany.› »
Currently Selected:
:
Highlight
Share
Copy
Want to have your highlights saved across all your devices? Sign up or sign in
Dikanteny Iombonana Eto Madagasikara © Malagasy Bible Society, 2004.