Roma 7
7
Tabebasi minaaka i Hukumuna Taurati Mamudhaakana Talaiani Aulataʼala tee Cara Mobhaau Mopadhana Ipatotapuakana Rohina Aulataʼala
7:1-12
1E manga witinaiku, ingkomiu momatauna Hukumuna Taurati; atantumo ingkomiu umataua ande o kuasana hukumu akuasai samia maanusia tangkanamo kangengena maanusia incia sumai dhaangiapo adhadhi. 2Polanciringana mboomo samia bhawine mokoumane, incia dhaangiapo atobhoke tee hukumu wakutuuna o umanena sumai dhaangiapo adhadhi. Maka ande o umanena sumai amatemo, bhawinena sumai alapamo minaaka i hukumu mobhokea. 3Jadi ande o umanena dhaangiapo adhadhi, tee o bhawine incia sumai akawimo tee umane mosagaanana, incia bheatoabhi apewau zina. Maka ande o umanena mobhaa-bhaana amatemo, sumaimo incia abebasimo minaaka i hukumu, sabutuna ande akawi tee umane mosagaanana, sumaimo incia indamo atoabhi apewau zina.
4E manga witinaiku, mboomo sumai uka tee ingkomiu; ingkomiu umate to Hukumuna Taurati alaloi badana Al Masi, sabutuna ingkomiu umembalimo pewauana "mia mosagaanana," siitumo Incia mopadhana motopadhadhina pendua minaaka i tanga-tangana mia mate. Tee mboo sumai, ingkita tamembali talaiani Aulataʼala. 5Wakutuuna dhaangiapo taose kapeeluata to tapewau dosa mboomo biasana ipewauna maanusia, sumaimo Hukumuna Taurati mangapatiumbaaka kapeelu i nuncana karota mamudhaakana tapewau dosa. Manga kapeelu incia sumai mangabhawa to tapewauaka giu imateaka. 6I piamo itu ingkita tatobhoke tee Hukumuna Taurati, maka sii-sii ingkita tatopabebasimo minaaka i hukumu incia sumai, roonamo ingkita tamate to Hukumuna Taurati, tee mboo sumai ingkita tamembalimo talaiani Aulataʼala tee cara mobhaau mboomo mopadhana ipatotapuakana Rohina Aulataʼala, tee indamo taose hukumu momangenge mopadhana motoburi.
7 #
Limb. 20:17; Kap. 5:21. Ande mboo sumai opea momembalina bheipogauakata? Buaka o Hukumuna Taurati sumai o dosa? Atantumo inda! Maka rampaakanamo Hukumuna Taurati iaku kumataua opea o dosa sumai. Roonamo ande o Hukumuna Taurati inda apogauaka, "Bholi umasibuaka pewauana mia mosagaanana," iaku inda bhekumataua ande o kasibu sumai o dosa. 8Tee o dosa apotibhaaka kalalesa alaloi Hukumuna Taurati to apamembaliaku kumasibuaka pegiu-giuna kapeelu inda momalape. Jadi ande o Hukumuna Taurati sumai inda dhaangia, sumaimo dosa uka amate. 9I piamo itu iaku kudhadhi indapo kumatau Hukumuna Taurati, maka sarangoku manga parinta incia sumai, apepuumo o dosa akuasai karoku 10tee iaku kumate. Parinta incia sumai tabeana aumbaaka dhadhi, maka garaaka soo aumbaaka mate to karoku. 11#Bhaa. 3:13.Roonamo alaloi parinta incia sumai o dosa apotibhaaka kalalesa to atipuaku, sabutuna alaloi parinta incia sumai uka o dosa apekamateaku. 12Jadi o Hukumuna Taurati sumai amangkilo, tee manga parintana uka amangkilo, abanara tee amalape.
Potagalia Modhaangiana i Nuncana Karona Maanusia
7:13-25
13Ande mboo sumai, buaka o Hukumuna Taurati momalape mopekamateaku? Atantumo inda! Maka o dosamo sumai mopekamateaku alaloi giu momalape mamudhaakana kumataua tuaapa o sifatuna dosa i nuncana karoku, tee aincana uka ande o dosa sumai apake parinta momalape to apamembaliaku kupewau dosa molabhina kabharina. 14Ingkita tamataua ande o Hukumuna Taurati aminaaka i rohi, sainamo iaku o maanusia biasa mominaakana i dagi, tee iaku kumembalimo bhatuana dosa. 15#Gal. 5:17.Sampe opea ipewauku uka sii iaku inda kumataua, roonamo iaku inda kupewau giu ipeeluku karoku, maka kupewau giu ibanciku. 16Ande kupewau giu inda ipeeluku karoku, maʼanana iaku kuʼakuia ande o Hukumuna Taurati sumai abanara. 17Jadi mencuanamo iaku mopewauna manga giu momadhaki sumai, maka o dosa modhaangiana i nuncana karoku mopewaua. 18Roonamo kumataua ande i nuncana karoku modhadhina moosena kapeeluana dunia sii, inda dhaangia momalapena. Sababuna dhaangia tee kapeeluku to kupewau giu momalape, maka o giu incia sumai inda amembali kupewaua. 19Roonamo iaku inda kupewau giu momalape mboomo kapeeluaku, maka kupewau giu momadhaki inda ipeeluku karoku. 20Sabutuna ande kupewau opea inda ipeeluku, sumaimo mencuana iaku mopewaua, maka o dosa modhaangiana i nuncana karoku mopewaua.
21Jadi mboomo sii o kaadharina hukumu ipotibhaakaku: Moomini gauku kupewau giu momalape, maka modhaangiana i karoku tangkanamo giu momadhaki! 22Roonamo baatiniku amaasiaka hukumuna Aulataʼala, 23maka kusadaria, ande i nuncana parewana badaku dhaangia tee hukumu mosagaanana mopoewangina tee akalana budiku, sabutuna kutobhoke i nuncana hukumuna dosa modhaangiana i nuncana parewana badaku karoku. 24Iaku satotuuna o maanusia mocilaka! Incema buaka bhemopasalaamatiaku minaaka i badaku moumbaakana mate sii? 25Iaku kusukuru i Aulataʼala alaloi Isa Al Masi Oputa Momalanga! Jadi iaku kulaiani hukumuna Aulataʼala tangkanamo tee akalana budiku, sainamo kamaanusiaku alaiani kapeeluna hukumuna dosa.
Currently Selected:
Roma 7: KMW
Highlight
Copy
Compare
Share
Want to have your highlights saved across all your devices? Sign up or sign in
Ongoing © Wycliffe Bible Translators, Inc
Roma 7
7
Tabebasi minaaka i Hukumuna Taurati Mamudhaakana Talaiani Aulataʼala tee Cara Mobhaau Mopadhana Ipatotapuakana Rohina Aulataʼala
7:1-12
1E manga witinaiku, ingkomiu momatauna Hukumuna Taurati; atantumo ingkomiu umataua ande o kuasana hukumu akuasai samia maanusia tangkanamo kangengena maanusia incia sumai dhaangiapo adhadhi. 2Polanciringana mboomo samia bhawine mokoumane, incia dhaangiapo atobhoke tee hukumu wakutuuna o umanena sumai dhaangiapo adhadhi. Maka ande o umanena sumai amatemo, bhawinena sumai alapamo minaaka i hukumu mobhokea. 3Jadi ande o umanena dhaangiapo adhadhi, tee o bhawine incia sumai akawimo tee umane mosagaanana, incia bheatoabhi apewau zina. Maka ande o umanena mobhaa-bhaana amatemo, sumaimo incia abebasimo minaaka i hukumu, sabutuna ande akawi tee umane mosagaanana, sumaimo incia indamo atoabhi apewau zina.
4E manga witinaiku, mboomo sumai uka tee ingkomiu; ingkomiu umate to Hukumuna Taurati alaloi badana Al Masi, sabutuna ingkomiu umembalimo pewauana "mia mosagaanana," siitumo Incia mopadhana motopadhadhina pendua minaaka i tanga-tangana mia mate. Tee mboo sumai, ingkita tamembali talaiani Aulataʼala. 5Wakutuuna dhaangiapo taose kapeeluata to tapewau dosa mboomo biasana ipewauna maanusia, sumaimo Hukumuna Taurati mangapatiumbaaka kapeelu i nuncana karota mamudhaakana tapewau dosa. Manga kapeelu incia sumai mangabhawa to tapewauaka giu imateaka. 6I piamo itu ingkita tatobhoke tee Hukumuna Taurati, maka sii-sii ingkita tatopabebasimo minaaka i hukumu incia sumai, roonamo ingkita tamate to Hukumuna Taurati, tee mboo sumai ingkita tamembalimo talaiani Aulataʼala tee cara mobhaau mboomo mopadhana ipatotapuakana Rohina Aulataʼala, tee indamo taose hukumu momangenge mopadhana motoburi.
7 #
Limb. 20:17; Kap. 5:21. Ande mboo sumai opea momembalina bheipogauakata? Buaka o Hukumuna Taurati sumai o dosa? Atantumo inda! Maka rampaakanamo Hukumuna Taurati iaku kumataua opea o dosa sumai. Roonamo ande o Hukumuna Taurati inda apogauaka, "Bholi umasibuaka pewauana mia mosagaanana," iaku inda bhekumataua ande o kasibu sumai o dosa. 8Tee o dosa apotibhaaka kalalesa alaloi Hukumuna Taurati to apamembaliaku kumasibuaka pegiu-giuna kapeelu inda momalape. Jadi ande o Hukumuna Taurati sumai inda dhaangia, sumaimo dosa uka amate. 9I piamo itu iaku kudhadhi indapo kumatau Hukumuna Taurati, maka sarangoku manga parinta incia sumai, apepuumo o dosa akuasai karoku 10tee iaku kumate. Parinta incia sumai tabeana aumbaaka dhadhi, maka garaaka soo aumbaaka mate to karoku. 11#Bhaa. 3:13.Roonamo alaloi parinta incia sumai o dosa apotibhaaka kalalesa to atipuaku, sabutuna alaloi parinta incia sumai uka o dosa apekamateaku. 12Jadi o Hukumuna Taurati sumai amangkilo, tee manga parintana uka amangkilo, abanara tee amalape.
Potagalia Modhaangiana i Nuncana Karona Maanusia
7:13-25
13Ande mboo sumai, buaka o Hukumuna Taurati momalape mopekamateaku? Atantumo inda! Maka o dosamo sumai mopekamateaku alaloi giu momalape mamudhaakana kumataua tuaapa o sifatuna dosa i nuncana karoku, tee aincana uka ande o dosa sumai apake parinta momalape to apamembaliaku kupewau dosa molabhina kabharina. 14Ingkita tamataua ande o Hukumuna Taurati aminaaka i rohi, sainamo iaku o maanusia biasa mominaakana i dagi, tee iaku kumembalimo bhatuana dosa. 15#Gal. 5:17.Sampe opea ipewauku uka sii iaku inda kumataua, roonamo iaku inda kupewau giu ipeeluku karoku, maka kupewau giu ibanciku. 16Ande kupewau giu inda ipeeluku karoku, maʼanana iaku kuʼakuia ande o Hukumuna Taurati sumai abanara. 17Jadi mencuanamo iaku mopewauna manga giu momadhaki sumai, maka o dosa modhaangiana i nuncana karoku mopewaua. 18Roonamo kumataua ande i nuncana karoku modhadhina moosena kapeeluana dunia sii, inda dhaangia momalapena. Sababuna dhaangia tee kapeeluku to kupewau giu momalape, maka o giu incia sumai inda amembali kupewaua. 19Roonamo iaku inda kupewau giu momalape mboomo kapeeluaku, maka kupewau giu momadhaki inda ipeeluku karoku. 20Sabutuna ande kupewau opea inda ipeeluku, sumaimo mencuana iaku mopewaua, maka o dosa modhaangiana i nuncana karoku mopewaua.
21Jadi mboomo sii o kaadharina hukumu ipotibhaakaku: Moomini gauku kupewau giu momalape, maka modhaangiana i karoku tangkanamo giu momadhaki! 22Roonamo baatiniku amaasiaka hukumuna Aulataʼala, 23maka kusadaria, ande i nuncana parewana badaku dhaangia tee hukumu mosagaanana mopoewangina tee akalana budiku, sabutuna kutobhoke i nuncana hukumuna dosa modhaangiana i nuncana parewana badaku karoku. 24Iaku satotuuna o maanusia mocilaka! Incema buaka bhemopasalaamatiaku minaaka i badaku moumbaakana mate sii? 25Iaku kusukuru i Aulataʼala alaloi Isa Al Masi Oputa Momalanga! Jadi iaku kulaiani hukumuna Aulataʼala tangkanamo tee akalana budiku, sainamo kamaanusiaku alaiani kapeeluna hukumuna dosa.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Ongoing © Wycliffe Bible Translators, Inc