Roma 14
14
Bholi Uhaakimu Witinaimiu
14:1-12
1 #
Kol. 2:16. Tarimaia o mia mokurana iimanina#14:1 mia mokurana iimanina: Maʼanana apatujuakea to manga mia moparacaeana tee Isa Al Masi, maka manga incia dhaangiapo aabhi tutura momangenge abanara, siitumo dhaangiapo ahususuaka saangu giumea to ikandena tee isumpuna atawa alabhiaka saangu eo minaaka i eo mosagaanana. tee bholimo tapotagaliaka opea modhaangiana i fikirina. 2Dhaangia o mia moparacaeana ande manga incia amembali akande bhari-bharia giuna ikande, maka dhaangia uka o mia mokurana iimanina; manga incia tangkanamo soo akande tawana kaumea. 3Moomini mboo sumai, mia mokandena bhari-bharia giuna ikande bholi apandaʼente mia mokandena soo tawana kaumea, tee o mia soo mokandena tawana kau bholi ahaakimu mia mokandena bhari-bharia giuna ikande, roonamo manga incia padhamo atarimaia Aulataʼala. 4Incema buaka ingkomiu mbakana ubarani uhaakimu bhatuana mia mosagaanana? Tangkanamo opuna mokohakuna to momambotuakana bhatua sumai asala atawa abanara, tee o bhatua sumai bheasadhaadhaa akakaro pekakate, roonamo Kawasana Opu mopakakaroa.
5Mencuana soo incia sumai, dhaangia uka o mia molabhiakana saangu eo minaaka i eo mosagaanana,#14:5 mia molabhiakana saangu eo minaaka i eo mosagaanana: Maʼanana saangu eona ibaadati atawa o eo ihususuaka. maka dhaangia uka o mia mosagaanana moabhina bhari-bharia eo soo apokanakanamo. Jadi taroakamo bhari-bharia mia atotuu-totuuaka aparacaea tee kambotuna karona mopokanana mboomo antona ngangarandana. 6Mia molabhiakana saangu eo, apewau giu incia sumai to ahoromatiaka Kawasana Opu; mia mokandena bhari-bharia giuna ikande, apewau giu incia sumai to ahoromatiaka Kawasana Opu roonamo incia aemani sukuru i Aulataʼala; tee o mia inda mokandena dagi, apewau giu incia sumai to ahoromatiaka Kawasana Opu tee uka aemani sukuru i Aulataʼala. 7Inda samia uka minaaka i tanga-tangata sii modhadhina tangkanamo to karona samia, tee inda dhaangia minaaka i tanga-tangata sii momatena tangkanamo to karona samia uka. 8Roonamo ande tadhadhi, ingkita tadhadhi to tamuliangi Isa Al Masi Oputa Momalanga, tee ande tamate, ingkita tamate to tamuliangi Isa Al Masi Oputa Momalanga. Jadi o dhadhi tee mateta sii o pewauana Isa Al Masi Oputa Momalanga. 9Rampaakanamo sumai Al Masi amate tee adhadhi pendua, mamudhaakana Incia amembali Oputa Momalanga, malape to manga mia momate atawa to manga mia modhadhi.
10 #
2Kor. 5:10. Jadi apokia ingkomiu uhaakimu witinaimiu? Atawa apokia ingkomiu upandaʼente witinaimiu? Roonamo bhari-bharikita bhetapoaro tee tatoʼadili i aroana pangadilana Aulataʼala. 11#Yes. 45:23.Mboomo mopadhana motoburi i nuncana Kitabi Momangkilo,
"Mboo siimo firimanina Kawasana Opu, 'To karoku mototuu-totuuna modhadhi Iaku kuposumpa,
bhari-bharia mia bheasuju i aroaku,
tee bhari-bharia mia bheapuji Aulataʼala.' "
12Jadi bhari-bharikita bhetapotanggojawapuaka bhari-bharia ipewauta i aroana Aulataʼala.
Bholi Udhika Bhatu Bheitosunuaka
14:13-23
13Rampaakanamo sumai tauntomo tapohaahaakimu podho-podho ingkita. Tee salabhina taʼusaha indaaka tadhika bhatu itosunuaka#14:13 bhatu itosunuaka: Maʼanana o giu ikuraakana iimanina mia atawa o giu imandawuakana mia i nuncana dosa. atawa tadhika bhatu ikotibuakana witinaita. 14Roonamo iaku kuposaangu tee Isa Al Masi Oputa Momalanga, iaku kumataua tee kuyaakini ande inda dhaangia saangu giu uka monaajisina. Maka saangu giu amembali anaajisi#14:14 anaajisi: Maʼanana o kinande iharamuaka tee motolarangina ikande i nuncana Hukumuna Taurati. ande ingkita taabhia anaajisi. 15Ande dhaangia o witinaimiu moparacaeana tee saangu giuna ikande iharamuakana manga incia, kasiimpo ingkomiu uporadhaamiia to ukande kinande incia sumai i aroana manga incia, sumaimo ingkomiu soo apokanamo tee udhaki-dhaki kaparacaeana manga incia tee inda uose kaadharina kaasi. Udhania ande o Isa Al Masi padhamo amateaka witinaimiu sumai. Jadi bholi upahancuru kayaakinina witinaimiu saʼagama rampaakanamo kinande incia sumai. 16Ancosala opea iabhimiu momalapena to karomiu amembali saangu giu moumbaakana fitanaa. 17Roonamo Pamarintana Aulataʼala inda aʼurusu kinande tee giu isumpu, maka aʼurusu kabanara, giu moumbaakana dhadhi malape, tee kaunde-unde i nuncana Rohina Aulataʼala. 18Mia molaianina Isa Al Masi tee cara mboo sumai (siitumo mia mofadulina tee mia mokurana iimanina) apasanaa ngangarandana Aulataʼala, tee bheaharagaangia maanusia rangana.
19Rampaakanamo sumai, maimo taoseaka manga giu moumbaakana dhadhi malape tee tapopekatangkaaka iimanita podho-podho ingkita. 20Bholi udhaki-dhaki opea mopadhana ikarajaana Aulataʼala rampaakanamo kinande! Bhari-bharia kinande inciamo amangkilo, maka o mia bheatoabhi apewau kasalaha ande roonamo opea ikandena sumai amembali bhatu itosunuakana mia mosagaanana. 21Salabhina bholi ukande dagi atawa usumpu angguru, atawa upewau opeapo uka itosunuakana witinaimiu.
22Taroakamo kaparacaeamiu mopokaina tee soʼalina giu kinande, giu isumpu tee eo mohususu tangkanamo karomiu mokeniakea tee tangkanamo ingkomiu tee Aulataʼala momataua. Amasanaamo mia inda mopasalana karona roonamo apewau giu iabhina abanara. 23Maka ande ingkomiu ukande saangu giuna ikande, tee o giuna ikande incia sumai umeriakea inda ahalala, sumaimo ingkomiu bheutohaakimu, kaapaaka ingkomiu inda uose opea iyaakinimiu. Roonamo ande tapewau giu moposalana tee kayaakinita i aroana Aulataʼala, maʼanana ingkita padhamo tapewau dosa.
Currently Selected:
Roma 14: KMW
Highlight
Copy
Compare
Share
Want to have your highlights saved across all your devices? Sign up or sign in
Ongoing © Wycliffe Bible Translators, Inc
Roma 14
14
Bholi Uhaakimu Witinaimiu
14:1-12
1 #
Kol. 2:16. Tarimaia o mia mokurana iimanina#14:1 mia mokurana iimanina: Maʼanana apatujuakea to manga mia moparacaeana tee Isa Al Masi, maka manga incia dhaangiapo aabhi tutura momangenge abanara, siitumo dhaangiapo ahususuaka saangu giumea to ikandena tee isumpuna atawa alabhiaka saangu eo minaaka i eo mosagaanana. tee bholimo tapotagaliaka opea modhaangiana i fikirina. 2Dhaangia o mia moparacaeana ande manga incia amembali akande bhari-bharia giuna ikande, maka dhaangia uka o mia mokurana iimanina; manga incia tangkanamo soo akande tawana kaumea. 3Moomini mboo sumai, mia mokandena bhari-bharia giuna ikande bholi apandaʼente mia mokandena soo tawana kaumea, tee o mia soo mokandena tawana kau bholi ahaakimu mia mokandena bhari-bharia giuna ikande, roonamo manga incia padhamo atarimaia Aulataʼala. 4Incema buaka ingkomiu mbakana ubarani uhaakimu bhatuana mia mosagaanana? Tangkanamo opuna mokohakuna to momambotuakana bhatua sumai asala atawa abanara, tee o bhatua sumai bheasadhaadhaa akakaro pekakate, roonamo Kawasana Opu mopakakaroa.
5Mencuana soo incia sumai, dhaangia uka o mia molabhiakana saangu eo minaaka i eo mosagaanana,#14:5 mia molabhiakana saangu eo minaaka i eo mosagaanana: Maʼanana saangu eona ibaadati atawa o eo ihususuaka. maka dhaangia uka o mia mosagaanana moabhina bhari-bharia eo soo apokanakanamo. Jadi taroakamo bhari-bharia mia atotuu-totuuaka aparacaea tee kambotuna karona mopokanana mboomo antona ngangarandana. 6Mia molabhiakana saangu eo, apewau giu incia sumai to ahoromatiaka Kawasana Opu; mia mokandena bhari-bharia giuna ikande, apewau giu incia sumai to ahoromatiaka Kawasana Opu roonamo incia aemani sukuru i Aulataʼala; tee o mia inda mokandena dagi, apewau giu incia sumai to ahoromatiaka Kawasana Opu tee uka aemani sukuru i Aulataʼala. 7Inda samia uka minaaka i tanga-tangata sii modhadhina tangkanamo to karona samia, tee inda dhaangia minaaka i tanga-tangata sii momatena tangkanamo to karona samia uka. 8Roonamo ande tadhadhi, ingkita tadhadhi to tamuliangi Isa Al Masi Oputa Momalanga, tee ande tamate, ingkita tamate to tamuliangi Isa Al Masi Oputa Momalanga. Jadi o dhadhi tee mateta sii o pewauana Isa Al Masi Oputa Momalanga. 9Rampaakanamo sumai Al Masi amate tee adhadhi pendua, mamudhaakana Incia amembali Oputa Momalanga, malape to manga mia momate atawa to manga mia modhadhi.
10 #
2Kor. 5:10. Jadi apokia ingkomiu uhaakimu witinaimiu? Atawa apokia ingkomiu upandaʼente witinaimiu? Roonamo bhari-bharikita bhetapoaro tee tatoʼadili i aroana pangadilana Aulataʼala. 11#Yes. 45:23.Mboomo mopadhana motoburi i nuncana Kitabi Momangkilo,
"Mboo siimo firimanina Kawasana Opu, 'To karoku mototuu-totuuna modhadhi Iaku kuposumpa,
bhari-bharia mia bheasuju i aroaku,
tee bhari-bharia mia bheapuji Aulataʼala.' "
12Jadi bhari-bharikita bhetapotanggojawapuaka bhari-bharia ipewauta i aroana Aulataʼala.
Bholi Udhika Bhatu Bheitosunuaka
14:13-23
13Rampaakanamo sumai tauntomo tapohaahaakimu podho-podho ingkita. Tee salabhina taʼusaha indaaka tadhika bhatu itosunuaka#14:13 bhatu itosunuaka: Maʼanana o giu ikuraakana iimanina mia atawa o giu imandawuakana mia i nuncana dosa. atawa tadhika bhatu ikotibuakana witinaita. 14Roonamo iaku kuposaangu tee Isa Al Masi Oputa Momalanga, iaku kumataua tee kuyaakini ande inda dhaangia saangu giu uka monaajisina. Maka saangu giu amembali anaajisi#14:14 anaajisi: Maʼanana o kinande iharamuaka tee motolarangina ikande i nuncana Hukumuna Taurati. ande ingkita taabhia anaajisi. 15Ande dhaangia o witinaimiu moparacaeana tee saangu giuna ikande iharamuakana manga incia, kasiimpo ingkomiu uporadhaamiia to ukande kinande incia sumai i aroana manga incia, sumaimo ingkomiu soo apokanamo tee udhaki-dhaki kaparacaeana manga incia tee inda uose kaadharina kaasi. Udhania ande o Isa Al Masi padhamo amateaka witinaimiu sumai. Jadi bholi upahancuru kayaakinina witinaimiu saʼagama rampaakanamo kinande incia sumai. 16Ancosala opea iabhimiu momalapena to karomiu amembali saangu giu moumbaakana fitanaa. 17Roonamo Pamarintana Aulataʼala inda aʼurusu kinande tee giu isumpu, maka aʼurusu kabanara, giu moumbaakana dhadhi malape, tee kaunde-unde i nuncana Rohina Aulataʼala. 18Mia molaianina Isa Al Masi tee cara mboo sumai (siitumo mia mofadulina tee mia mokurana iimanina) apasanaa ngangarandana Aulataʼala, tee bheaharagaangia maanusia rangana.
19Rampaakanamo sumai, maimo taoseaka manga giu moumbaakana dhadhi malape tee tapopekatangkaaka iimanita podho-podho ingkita. 20Bholi udhaki-dhaki opea mopadhana ikarajaana Aulataʼala rampaakanamo kinande! Bhari-bharia kinande inciamo amangkilo, maka o mia bheatoabhi apewau kasalaha ande roonamo opea ikandena sumai amembali bhatu itosunuakana mia mosagaanana. 21Salabhina bholi ukande dagi atawa usumpu angguru, atawa upewau opeapo uka itosunuakana witinaimiu.
22Taroakamo kaparacaeamiu mopokaina tee soʼalina giu kinande, giu isumpu tee eo mohususu tangkanamo karomiu mokeniakea tee tangkanamo ingkomiu tee Aulataʼala momataua. Amasanaamo mia inda mopasalana karona roonamo apewau giu iabhina abanara. 23Maka ande ingkomiu ukande saangu giuna ikande, tee o giuna ikande incia sumai umeriakea inda ahalala, sumaimo ingkomiu bheutohaakimu, kaapaaka ingkomiu inda uose opea iyaakinimiu. Roonamo ande tapewau giu moposalana tee kayaakinita i aroana Aulataʼala, maʼanana ingkita padhamo tapewau dosa.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Ongoing © Wycliffe Bible Translators, Inc