Migani 31
31
VIII. Ebinwa bya Lemuweli
1Ebinwa bya Lemuweli mwâmi w’e Masa, nnina wamubwîrizagyabyo.
2Mâshi mwâna wâni, mâshi k’omu nda! Mâshi busîngo busînga omuliro!
3Irhondo orhahîraga okarhega abakazi emisî yâwe, orhahîraga okacirhega ba-kaheza-k’abâmi.
4Kurhahimwa kushuha abâmi, Lemuweli, kurhahimwa okushuha abâmi okucirhega amamvu, ciru n’oku baluzi okurhonya enzoga kurhabâ kwo!
5Kuderha mpu okunywa kwankanabayibagiza olushika bàtwaga bône, obone bamâlenganya abarhindibuzîbwe.
6Amamvu makali onagahe omuhera, idivayi onalihè ogwêrhwe n’omutula,
7anywe, ayibagire obuhanya bumulikwo; anywe arhacikengêraga bulya bulagîrire bwâge.
8Okazibumbûla akanwa oderhere akaduma, oderhere n’enfûzi;
9Okazibumbûla akanwa otwe olubanja bwinjà;
omukenyi n’àbarhindibuzîbwe, okazibatwira olubanja.
IX. Irenge ly’omukazi nkana
10Omukazi nkana ndi wankamubona? Agwêrhe ecitwîro cilushire ec’amagerha#31, 10 Er’irenge ly’omukazi nkana (murhim’ali ekà) luli lwîganyo lw’oburhimanya bw’omuntu.
11Omurhima gw’ibà ye gubà gucîkubagire, na ntâkwo abule buyunguka omugwêrhe.
12Ensiku zoshi z’obuzîne bwâge, kuciza amuciza, ci arhamulibuza.
13Anajè aho alonze obwôya bw’ecibuzi n’ecitâni, ahirekwo n’obulenga bw’amaboko gâge.
14Kw’abâ nka bwârho bwa murhunzi, bwo buged’ishundira kuli
15Azuka buciri budufu, ayîkuze ab’aha kâ, agabire n’abambalikazi omukolo.
16Akalonza ishwa analibone; bunguke bw’omu maboko gâge arhwêresamwo emizâbîbu.
17Omushângi buzibu agukobeka, n’emisî ya amaboko gâge kukolêsa ayikolêsa.
18Anakaziba ayumvîrhe oku obushanja bwâge buli bwinjà, na budufu akamole kâge karhazima#31, 18 Anayumve asîmire omukolo gwâge bulya gumubêrîre. Okuderha; mpu: «itara lyâge lirhazima budufu, arhali mpu oku cîko alâla, nanga, ci mpu enyumpa yâge ecîkenzire, bulya mîra emwa Abayahudi, enyumpa ecikenzire erhazimagamwo muliro, muliro gw’oku itara, n’okuzima kwâgo erhi mishîbo, kandi erhi bundi buhanya» (sinza Ayu 18, 6)..
19Okuboko anakulîkire oku bushanja, n’eminwe yâge ebungûle omugozi.
20Anabumbûlire omukenyi enfune, alambûlire n’omuganda okuboko.
21Arhayôbohera enyumpa yâge oku nkuba y’olubula, bulyâla ab’omu mwâge boshi, ntà wa mushângi muguma.
22Amalengeti gâge yêne ogaluka, omushângi gwâge gw’akaduku n’ecitâni.
23Aha ngombe ibà agwerheho olukengwa, ho atamala aha karhî k’abagula b’ecihugo.
24Nyâmà wâni anakaziluka emishângi y’ecitâni aguza, n’omukaba agugulize omurhunzi.
25Obuzibu n’olukengwa gwo mwambalo gwâge#31, 25 Arhaganya buligo, arhanabulânga., âsheka ene, asheke n’irhondo.
26Anakazibumbûla akanwa n’oburhimanya, n’oku lulimi lwâge kanwa ka butûdu kakubâ.
27Arhahabiri enjira zirhenga omu mwâge n’ezimuja#31, 27 Ayôsire ali masù ali na mushîbirizi, bakayigula olumvi aha mwâge arhahaba!, arhanalya mugati gwa bwôlo.
28Abagala bayimanzire, mpu baderhe oku ali muny’iragi, ibà naye anakazimukunga.
29Abakazi bàkozire ebinja bali banji, ci kwône w’oyo ocibalushire boshi.
30Iranga kurhebana lirhebana, n’obwinjà bubà bwa busha,
omukazi orhînya Nyakasane ye kwânîne okukengwa#31, 30 Ahâla «Septante», erhi LXX, kandi erhi Ebibliya y’omu cigereki, ko ahahindwîre, mpu: «omukazi murhimanya» ye wajà irenge; okurhînya Nyamuzinda ko kwankakakûngwa. «Ye murhimanya». Lolà Mig 8, 22; Burh 8, 2..
31Mumuhè oku binjà by’omu mukolo gwâge
n’aha ngombe, emirimo yâge ederhe irenge lyâge.
Mashi Bible © BUKAVU Archdiocese of Bukavu, 2024.