Migani 27
27
1Orhacîkubagiraga omulegerege gw’irhôndo, bulya orhamanyiri bici byarhenga mw’ogu gw’ene.
2Wundi wâkukûnga ci arhali kanwa kâwe wêne, muntu wârhenga kuli ci arhali wêne.
3ibuye lizidoha n’omushenyi kwo na kwo, ci omungo omusirhe alêrhera omuntu gucilushire.
4Omutula gubâ mumînya, n’obukali gubâ muhûsi, omungo gw’owamânyagwa gwohe ndi wankagulîndira?
5Aha wankasîmwa n’orhaderha, wankakalihirwa n’owakubwîririra.
6Omwîra anakulubira obone n’oku alubire, ci omwanzi anakuhôbera erhi anakuhigîre.
7Mumiro guyigusire anagalule obûci, mumiro gushalisire ananunirwe n’ebilulu.
8Omuntu ogenda-genda ahike kulî n’ecihugo aburhagwamwo, kwo ali nka akanyunyi kayâbukira kuli n’olwôgo lwâko.
9Amavurha gabaya bwinjà kushagalusa gashagalusa omurhima, nakwo okujira omwîra nkana kunabombêze omurhima.
10Orhahîra okalekêrera omwîra wâwe nîsi erhi omwîra wa sho, orhahîra okajà aha mwa bene winyu olusiku oli burhè. Mwîra oli hôfi, ye mukulu hali muci wa muntu oli kuli.
11Mwâna wâni, hinduka murhimanya lyo oshagalusa omurhima gwâni, lyo mmanya oku nâshuza ngasi abangayisize.
12Omwenge akabona obuhanya anacîfulike, omuhwinja yêhe mpu abugeraho acîyandûlire!
13Omunyâge ecirondo, bulyâla acîhânyire ncungulà oku w’ihanga, na kuli oyu orhamanyiri omuhûnekwoye ecikinja.
14Omuntu wagisha owâbo n’izù linene sêzi-sêzi#27, 14 Abayahudi bâli hanzibwe okulamusanya n’omuntu arhacijira omusengero gw’esêzi: sinza Ebibliya y’e Yeruzalemu., abandi banamugânjire omu balozi!
15Omukazi w’embaka ye muguma na kula obona emirhônyi, era mirhônyi ehona oku nyumpa burhahusa olusiku lw’omudûmbi.
16Ogwêrhe owa bene oyo erhi mpûsi agwêrhe, n’okuboko kwâge kulyo mavurha kufumbasire.
17Cûma cirhyaza ecûma, muntu oyengehya owâbo.
18Olanga emizêti ye nayirya amalehe. olanga nnawâbo ye najà irenge.
19Kulîra obusù burhashusha bwâbo, kwo n’emirhima y’abantu erhashushana.
20Wa-nyênga na Wa-kuzimu, abo bombi barhîgurha. kwo n’amasù gw’omuntu garhîgurha.
21Hali ecibeye c’amarhale hali n’eca amasholo: Omuntu yêne okwânîne ayirukire ayumva ebinwa by’okulimîrhiza.
22Omusirhe ciru wankamushakulira omu cishakulo; isirhe lyâge lirhankamurhengakwo.
23Omanye ebintu byâwe bwinjà, obusò bwâwe obushîbirire;
24bulyâla obugale burhabâ bw’ensiku n’amango, obuhirhi burhasigirwa iburha n’erindi.
25Ôbà wamâkolôla, n’oburheme bwamâvunda. wamânasingula ebyâsi by’oku ntondo,
26obè n’abâna-buzi ly’obona eci wâyambala, obè na bihebe nka binga wakatwamwo olubanja lwamashwa gâwe;
27obè na marhà manji ga mpene, bibè bijumbu kuli we, oku ba aha mwâwe na kuli bambali-kazi bâwe.
Mashi Bible © BUKAVU Archdiocese of Bukavu, 2024.